Tag: تنقید

مشہور بھارتی اداکار جان ابراہم نے کہا ہے کہ بھارت میں خواتین، بچے یہاں تک کے جانور بھی محفوظ نہیں ہیں۔

بالی ووڈ فلم انڈسٹری کے معروف اداکار جان ابراہم نے حال ہی میں ایک پوڈ کاسٹ میں شرکت کی جہاں انہوں نے بھارتی مردوں کو مخاطب کرتے ہوئے کہا کہ انہیں سمجھنا ہوگا کہ خواتین کے ساتھ کیسا سلوک کیا جائے، وہ اُن کے محافظ بنیں۔

اداکار جان ابراہم نے کہا کہ ملک سے محبت کرنے والوں کو لازماً کوتاہیوں پر تنقید کرنی چاہیے نہ کہ اس جہالت کا حصہ بن جائیں، بطور اداکار سمجھتا ہوں بھارت میں خواتین، بچے اور جانور بھی محفوط نہیں ہیں۔

اداکار نے کہا کہ مرد کو ہر عورت کے لیے محافظ ہونا چاہیے، میں بھارت سے پیار کرتا ہوں، اس لیے بہت ضروری ہے کہ میں تنقید کروں، سمجھنا ہوگا کہ حب الوطنی اور نسل پرستی میں فرق ہوتا ہے۔

 

View this post on Instagram

 

A post shared by The Ranveer Show (@theranveershowpodcast)

ان کا کہنا تھا کہ صرف بھارت مہان کہنے سے، وطن کے محب نہیں بنیں گے، ایسا تب ہی ہوگا جب آپ سماجی تبدیلی کا حصہ بنو گے، میری زندگی کا ایک ہی مقصد ہے کہ اپنی چھوٹی سی دنیا میں سماجی تبدیلی لاؤں، ملک میں جانوروں کی جو حالت ہے، میں اسے تبدیل کرنا چاہتا ہوں کہ میں چاہتا ہوں انہیں بھی ایک حیثیت ملے۔

واضح رہے کہ جان ابرہم کا یہ بیان کولکتہ ریپ کیس کے بعد سامنے آیا ہے، بھارت کی ریاست مغربی بنگال کے شہر کولکتہ میں گزشتہ ہفتے خاتون ڈاکٹر کو میڈیکل کالج میں خون میں لت پت مردہ حالت میں پایا گیا تھا۔

آر جی کار میڈیکل کالج کے اسٹاف نے بتایا کہ ڈاکٹر 36 گھنٹوں پر شفٹ کے تقریباً 20 گھنٹے کام کرنے کے بعد کالج کے سیمینار ہال میں کچھ دیر آرام کے لیے چلی گئی تھیں۔

تاہم، اگلے روز سیمینار ہال سے خاتون ڈاکٹر کی نیم برہنہ حالت میں لاش ملی، پوسٹ مارٹم رپورٹ کے مطابق خاتون ڈاکٹر کو ایک سے زائد مردوں نے انتہائی بے دردی سے جنسی زیادتی کا نشانہ بنایا اور پھر قتل کردیا۔

سنجے لیلا بھنسالی کی ویب سیریز ’ ہیرامنڈی میں تنقید کا نشانہ بننے والی اداکارہ شرمین سیگل عرف عالم زیب کے حق میں بالآخر تاجدار بھی بول پڑے۔

ہیرا منڈی کے تاجدار اداکار طحٰہ شاہ نے ساتھی اداکارہ شرمین سیگل کے حق میں بیان دیتے ہوئے کہا کہ مداحوں سے کہوں گا کہ شرمین کو ٹرول نہیں کریں ہوسکتا ہے کہ وہ اپنی اگلی فلم میں  اچھی ایکٹنگ کرکے سب کو غلط ثابت کردیں۔

اداکار طحٰہ شاہ نے بھارتی میڈیا کو انٹرویو میں کہا کہ بھنسالی اپنی فلموں میں ایسے کسی کو بنا ٹیلنٹ کے کاسٹ نہیں کرتے، اگر انہوں نے شرمین کو عالم زیب کے کردار کیلئے سلیکٹ کیاہے تو انہوں نے شرمین میں کچھ اسپارک دیکھا ہوگا۔

 

View this post on Instagram

 

A post shared by Galatta Media (@galattadotcom)

اداکار نے کہا کہ میں سنجے بھنسالی کے فیصلے پر یقین رکھتا ہوں اور مجھے  لگتا ہے کہ اگرچہ ہیرا منڈی میں شرمین کوئی جادو نہ چلا سکیں لیکن اپنے آنے والے پروجیکٹس میں ایسا ضرور کریں گی۔

یاد رہے اداکارہ شرمین سیگل کو سیریز ہیرا منڈی میں اپنی پرفارمنس پر اس حد تک تنقید کا سامنا کرنا پڑا تھا کہ وہ اپنے انسٹاگرام اکاؤنٹ کا کمنٹ سیکشن بند کرنے پر مجبور ہوگئی تھیں۔

واضح رہے کہ شرمین سیگل ہدایت کار سنجے لیلا بھنسالی کی بھانجی ہیں جن پر نیپوٹزم کے الزام بھی عائد ہونے لگے تھے لیکن پھر اداکارہ نے یہ بیان دیا کہ انہوں نے اس سیریز میں کاسٹ ہونے کے لیے تقریباً ایک سال آڈیشن دیے۔