Tag: تنقید

واشنگٹن : امریکی صدر ڈونلڈ ٹرمپ نے سات ممالک پر سفری پابندی کے حکم نامے کےخلاف عدالتی فیصلے پرتنقید کرتے ہوئے کہاہےکہ عدالتیں ہمارا کام مشکل کررہی ہیں۔

تفصیلات کےمطابق امریکہ کےصدر ڈونلڈ ٹرمپ نےسات مسلم ممالک کےشہریوں پرسفری پابندی کی معطلی کےعدالتی حکم کے بعد عدلیہ کو شدید تنقید کا نشانہ بنایاہےاورسرحدی حکام کو کہاہےکہ وہ امریکہ آنے والے لوگوں کی محتاط جانچ پڑتال کریں۔

امریکی صدر نے سماجی رابطے کی ویب سائٹ ٹویٹر پراپنے پیغام میں کہا کہ ’یقین نہیں آتا کہ ایک جج نے ملک کو خطرے میں ڈالا ہے۔ اگر کچھ ہوا تو انہیں اور عدالت کو ذمہ دار ٹھہرائیں۔لوگ ملک میں آ رہے ہیں۔یہ برا ہے۔‘

Just cannot believe a judge would put our country in such peril. If something happens blame him and court system. People pouring in. Bad!

— Donald J. Trump (@realDonaldTrump) February 5, 2017

ڈونلڈ ٹرمپ نے ٹویٹر پر ایک اور ٹویٹ میں کہاکہ میں نے سرحدی حکام کو کہاہےکہ وہ امریکہ آنے والے لوگوں کی سخت جانچ پڑتال کریں،انہوں نے کہا کہ’عدالتیں ہمارا کام مشکل کر رہی ہیں‘۔

I have instructed Homeland Security to check people coming into our country VERY CAREFULLY. The courts are making the job very difficult!

— Donald J. Trump (@realDonaldTrump) February 5, 2017

مزید پڑھیں:حکومتی اپیل مسترد، سفری پابندیوں کی معطلی برقرار

یاد رہےکہ گزشتہ روزامریکی اپیل کورٹ نے ٹرمپ انتظامیہ کی جانب سے سات اسلامی ملکوں کے شہریوں پر عائد سفری پابندیاں بحال کرنے کی اپیل مسترد کر دی۔

محکمہ انصاف نےاپنی اپیل میں کہا تھا کہ کسی بیرونی شخص یا گروہ کو ملک میں داخل ہونے سے روکنے کا صدر کے پاس ایسا اختیار ہے جسے نظر ثانی کی ضرورت نہیں اور یہ کہ جمعے کو جج جیمز رابرٹ نے سیٹل میں جو فیصلہ سنایا تھا وہ بہت عمومی تھا۔

واضح رہےکہ سفری پابندیوں کو چیلینج کرنے والی دو ریاستوں واشنگٹن اور مینیسوٹا کا کہنا ہے کہ یہ پابندی غیر آئینی ہے اور اس میں کاغذات رکھنے والے افراد کو بھی سفر سے روکاگیا۔

کلکتہ: بھارتی ریاست بنگال کی وزیراعلیٰ ممتا بینرجی نے بھارتی صدر سے مطالبہ کیا ہےکہ وہ مودی کی حکومت کو ختم کرکے قومی حکومت قائم کرے۔

تفصیلات کےمطابق وزیراعلیٰ بنگال ممتابینرجی نے صدر پرناب مکھرجی سے کہا کہ اگر ریاست اور ملک کو بچانا ہے تو مودی سرکار کو گھر بھیج کر قومی حکومت قائم کر دی جائے۔

ممتا بینرجی کا کہناہےکہ مودی حکومت نااہل ہے اور ہم سمجھتے ہیں کہ صدر ہی واحد شخص ہیں جو ان حالات میں ریاست کو بچا سکتے ہیں۔

وزیراعلیٰ بنگال ممتا بینرجی کا کہناتھا کہ مودی جس تھالی میں کھاتا ہے اُسی میں چھید کرتا ہے۔

انہوں نے کہا کہ مجھے کوئی اعتراض نہیں ہے اگر مودی کی جگہ ایل کے ایڈوانی، راجناتھ سنگھ یا ارون جیٹلے حکومت چلائیں اورمخصوص حالات میں بھارت میں 2 سال کے لئے صدارتی حکومت قائم کرنے کے بھی حق میں ہوں۔

ممتابینرجی نے نریندر مودی کو تنقید کا نشانہ بناتے ہوئے کہا کہ نوٹوں کی تبدیلی کی وجہ سے ان کے صوبے کے ایک کروڑ 70 لاکھ افراد براہ راست متاثر ہوئے۔

وزیراعلیٰ بنگال نے کہا کہ پرانے نوٹوں پر پابندی کے باعث کسان طبقہ بھی بری طرح متاثر ہوا جب کہ اشیائے ضرورت کی قیمتیں بھی بڑھ گئیں اور ہم قحط سالی کی جانب بڑھ رہے ہیں۔

مزید پڑھیں:مغربی بنگال میں فوج کی تعیناتی پرممتابینرجی کاشدیداحتجاج

واضح رہے کہ گزشتہ ماہ وزیراعلیٰ ممتا بینرجی نے بھارتی ریاست مغربی بنگال میں ٹول بوتھس پرفوجی اہلکاروں کی تعیناتی پرشدید احتجاج کیا تھا۔

واشنگٹن: امریکی نائب صدر جو بائڈن نے نومنتخب امریکی صدر کو تنقید کا نشانہ بناتے ہوئے کہا ہے کہ وہ سمجھداری کا ثبوت دیں۔

تفصیلات کےامریکہ کےنائب صدر جو بائڈن نےنومنتخب امریکی صدر ڈونلڈ ٹرمپ کی جانب سے ملک کی خفیہ ایجنسیوں کو نشانہ بنانے پر کہا ہےکہ انٹیلی جنس ایجنسیوں پر یقین نہ کرنا سراسر بیوقوفی ہے۔

امریکی نائب صدر جو بائڈن کا کہناہےکہ ’نومنتخب امریکی صدر کے لیے دفاعی انٹیلی جنس سے لے کر سی آئی اے تک کی اتنی بڑی تعداد میں خفیہ ایجنسیوں پر اعمتاد نہ کرنا اور ان کی باتوں پر توجہ نہ دینا قطعی طور پر بلاجواز ہے۔‘

انہوں نے انٹرویوکے دوران کہاکہ’یہ خیال کہ آپ خفیہ اداروں سے بھی زیادہ جانتے ہیں، یوں کہنا ہے کہ مجھے اپنے پروفیسر سے زیادہ فزکس کا علم ہے،میں نے کتاب نہیں پڑھی ہے بس میں جانتا ہوں، زیادہ جانتا ہوں۔‘

امریکی نائب صدر کا کہناتھاکہ انہوں نےخفیہ ایجنسیوں کی رپورٹ پڑھی ہے اور اس سے واضح ہوتا ہے کہ ’روس نے باضابطہ پالیسی کے طور پر امریکی انتخابی عمل کو متاثر کرنے اور اسے بدنام کرنے کی کوششیں کی۔‘

جو بائڈن نے کہا کہ ہیکنگ ہلیری کلنٹن کو کمزور کرنے کے لیے روس کی جانب سے ہونے والی ایک مستقل مہم کا حصہ تھی اور جس سطح پر سمجھا گیا، اس سے کہیں بڑے پیمانے پر ہیکنگ کی گئی۔

مزید پڑھیں:پینتیس روسی سفارتکاروں نے امریکہ چھوڑ دیا
یاد رہےگزشتہ ہفتے صدر براک اوباما نے ان 35 روسی سفارتکاروں کو امریکہ سے نکل جانے کا حکم دیا تھا جن پر شک تھاکہ وہ امریکہ میں روس کے لیے جاسوسی کر رہے تھے۔

مزید پڑھیں:ہیکنگ سے متعلق معلومات جلد منظرعام پر لاؤں گا‘ڈونلڈ ٹرمپ

واضح رہے کہ چار روز قبل نو منتخب امریکی صدر ڈونلڈ ٹرمپ کا کہناتھاکہ امریکی صدارتی انتخابات میں مبینہ مداخلت کے حوالے سے جلدحقائق سامنےلاؤں گا۔

واشنگٹن :امریکہ کامغربی کنارے میں اسرائیل کی جانب سےنئی یہودی بستیوں کی تعمیر پرتحفظات کااظہار کرتے ہوئے کہناتھا کہ یہ عمل مشرق وسطیٰ میں امن کے لیے نقصان دہ ہے۔

تفصیلات کےمطابق وائٹ ہاؤس کے ترجمان جوش ارنسٹ نے اسرائیل کو کڑی تنقید کا نشانہ بناتے ہوئے کہا کہ نئی یہودی بستیوں کی تعمیر خود اسرائیل کے اپنے وعدوں کی خلاف ورزی ہے۔

وائٹ ہاؤس کے ترجمان کا کہنا تھا کہ ہم اچھے دوستوں کی طرح بات کر رہے ہیں مگر اس کے ساتھ ساتھ یہ ایک سنجیدہ مسئلہ بھی ہے۔

ادھر اسرائیل کی بحریہ نے غزہ کے لوگوں کی حمایت کے لیے آنے والی نیدرلینڈز کی ایک کشتی کو روک کر اس کے مسافروں کو نامعلوم مقام پر منتقل کردیا ہے۔

غزہ کے ایک سرگرم رہنما ادھم ابو سلمیہ نے بتایا کہ کشتی پر غزہ کی حامی 13 خواتین سوار تھیں،جبکہ کشتی کا مقصد غزہ کے لوگوں کی انسانی امداد کرنا تھامگر اسرائیل کی جانب سے نہ صرف دہشت گردی کی گئی ہے بلکہ یہ تمام بین الاقوامی قوانین کی بھی خلاف ورزی ہے۔

یاد رہے کہ رواں سال ستمبر میں امریکہ اور اسرائیل کے مابین ریکارڈ سطح کا دفاعی معاہدہ طے پایاتھا جس کے تحت امریکہ آئندہ10 برسوں میں اسرائیل کو 38 ارب ڈالر کی دفاعی امداد فراہم کرے گا۔

واضح رہے کہ معاہدے کے تحت جو امداد اسرائیل کو فراہم کی جائے گی وہ اب تک امریکہ کی جانب سے کسی بھی ملک کو دی جانے والی دفاعی امداد سے زیادہ ہے۔