راولپنڈی : نیب ترامیم کی بحالی کے بعد بانی پی ٹی آئی اور اہلیہ بشریٰ بی بی کیخلاف توشہ خانہ 2 ریفرنس نیب کے دائرہ اختیار سے نکل گیا اور ایف آئی اے کو منتقل کردیا گیا۔
تفصیلات کے مطابق نیب ترامیم کی بحالی سے بانی پی ٹی آئی اور بشریٰ بی بی کیخلاف توشہ خانہ 2 ریفرنس ایف آئی اے کو منتقل کردیا گیا۔
بانی پی ٹی آئی اوربشریٰ بی بی کا کیس اسپیشل جج سینٹرل امجدرانجھا کو منتقل کیا گیا اور عدالتی فیصلے کی کاپی چیئرمین نیب اورڈی جی ایف آئی اے کو بھجوانے کی ہدایت کردی۔
احتساب عدالت کےجج محمدعلی وڑائچ نےتحریری فیصلہ جاری کیا ، جس میں کہا کہ ترامیم کے تحت 500ملین سےکم کےمقدمات نیب کےدائرہ اختیار میں نہیں آتے، توشہ خانہ ٹوریفرنس میں مال مقدمہ کی قیمت 500ملین سےکم ہے۔
تحریری فیصلے میں کہا گیا کہ توشہ خانہ ٹو ریفرنس احتساب عدالت کے دائرہ اختیار میں نہیں آتا، مقدمہ اسپیشل جج سینٹرل کی عدالت کو منتقل کیا جاتا ہے، بانی پی ٹی آئی، بشریٰ بی بی کی ضمانت کی درخواستیں اسپیشل جج سینٹرل کوبھجوائیں، فیصلہ
فیصلے کے مطابق ریفرنس کی فائل اسپیشل جج سینٹرل کو بھجوائی جائیں، فریقین کے وکلا 10 ستمبر کو اسپیشل جج سینٹرل کی عدالت میں پیش ہوسکتےہیں۔