Tag: تولیہ

میلبورن: کرونا وائرس کے خوف سے بچوں کی صفائی کے چھوٹے تولیے بھی دکانوں سے غائب ہو گئے، جس پر آسٹریلوی ماں نے نئی ترکیب نکال لی۔

تفصیلات کے مطابق ایک آسٹریلوی ماں نے بچوں کی صفائی کے چھوٹے تولیے دکانوں میں ختم ہونے پر ویسے ہی تولیے خود ہی بنانا شروع کر دیا، بچوں کی صفائی کے تولیے کرونا وائرس کی دہشت پھیلتے ہی دکانوں سے ختم ہو گئے تھے۔

ماں نے جب دیکھا کہ وبائی صورت حال میں چھوٹے تولیے ختم ہو گئے اور تلاش کرنے پر بھی نہیں مل رہے، تو انھوں نے خود ویسے تولیے بنانے کا فیصلہ کیا، اور ان کا یہ آئیڈیا دیگر خواتین کو بھی ‘پائیدار’ لگا، کیوں اس طریقے سے پیسے بھی بچائے جا سکتے تھے۔

شیرخوار کو کرونا وائرس سے بچانے کیلئے باپ کا کارنامہ

بچوں کی ماں نے اپنا آئیڈیا فیس بک پر دیگر خواتین کے ساتھ شیئر کیا اور بنائے ہوئے تولیے بھی دکھائے، ان کا کہنا تھا کہ اس سے دیگر ماؤں کو بھی مشکل وقت میں ضرورت پوری کرنے کا راستہ ملے گا۔ اس سلسلے میں انھوں نے بتایا کہ سب سے پہلے انھوں نے مقامی اسٹور سے بڑے سائز کا تولیہ صرف تین پاؤنڈ میں خریدا، اور پھر اسے 32 چوکور ٹکڑوں میں کاٹا اور اسے ‘بے بی وائپس’ کی شکل دے دی۔

مذکورہ ماں کا کہنا تھا کہ وہ اس بے بی وائپس سے نیپی تبدیل کرتے وقت صفائی کا کام لیتی ہیں اور پھر اسے دھو کر پھر استعمال کر لیتی ہیں، اور اس کے بنانے میں صرف 20 منٹ لگتے ہیں۔ انھوں نے بتایا کہ بے وائپس کی تلاش میں پھرنے کی تکلیف سے بھی جان چھوٹ گئی ہے۔