ARYNews.tv | Urdu – Har Lamha Bakhabar

Tag: توہین آمیز پروگرام

  • جنگ گروپ کے مالک میرشکیل، شائستہ لودھی، وینا ملک کے گرفتاری وارنٹ جاری

    جنگ گروپ کے مالک میرشکیل، شائستہ لودھی، وینا ملک کے گرفتاری وارنٹ جاری

    اوباڑو: سکینڈ سول جج نے عدالت میں جنگ گروپ کے مالک میر شکیل الرحمان، اینکر شائستہ لودھی ، اداکارہ  وینا ملک اور انکے شوہر اسد کیخلاف گرفتاری کے وارنٹ جاری کردئیے ہیں۔

    جیو ٹی وی پر توہین آمیز پروگرام پیش کرنے کے الزام میں جنگ گروپ کے مالک میر شکیل الرحمان، اینکر شائستہ لودھی، اداکارہ وینا ملک اور ان کے شوہر اسد بشیر خٹک کیخلاف اوباڑو کے شہری محمد کریم بخش کی جانب سے درج کئے گئے مقدمے کا فیصلہ سنا دیا گیا ہے۔

    اوباڑو کے سکینڈ سول جج نے عدالت میں میر شکیل الرحمان، شائستہ لودھی ، وینا ملک اور اسد کیخلاف گرفتاری وارنٹ جاری کردئیے ہیں۔

    گزشتہ روز لاہور کی سیشن عدالت نے جیو جنگ کے مالک میر شکیل، میر ابراہیم اور حامد میر کے ناقابلِ ضمانت وارنٹ گرفتاری جاری کئے تھے۔

  • توہین آمیزپروگرام پرمیرشکیل ودیگر پرایک اورمقدمہ درج

    توہین آمیزپروگرام پرمیرشکیل ودیگر پرایک اورمقدمہ درج

    ڈی جی خان : تو ہین آمیز پروگرام نشر کرنے پر جیو نیوز کے خلاف ایک اور مقدمہ درج کرلیا گیا ہے،  مقدمہ ڈیرہ غازی خان کے تھانہ سول لائن میں درج کیا گیا ہے۔

    میر شکیل الرحمان، شائستہ لودھی، وینا ملک، اسد خٹک، مارننگ شو کے پروڈیوسر اور جیو انتظامیہ کے خلاف ایف آئی آر دفعہ دو سو پچانوے اے کے تحت کاٹی گئی،  مقامی وکیل طاہر ایوب کی جانب سے درج کرائے گئے مقدمے کا نمبر تین سو پندرہ ہے۔

    اس سے پہلے بھی میرشکیل سمیت جیو کے دیگر ارکان پر مختلف شہروں کے تھانوں میں اسی نوعیت کے متعدد مقدمات درج ہیں۔