تھائی لینڈ کے ایک نیٹ کیفے میں اس وقت بھونچال آگیا جب اچانک دروازے سے ایک سانپ اڑتا ہوا اندر داخل ہوا اور اس نے وہاں بیٹھے افراد پر حملہ کردیا۔
انٹرنیٹ پر موجود اس سی سی ٹی وی فوٹیج میں دیکھا جاسکتا ہے کہ دروازے کے قریب کھڑا شخص اچانک اچھلتا ہے کیونکہ اس کے قریب موجود سانپ بظاہر اڑتا ہوا اس کی ٹانگوں سے چمٹتا ہے۔
سانپ کو دیکھتے ہی وہاں موجود تمام افراد خوف کے مارے اپنی کرسیوں سے اچھل کر کھڑے ہوجاتے ہیں۔ اس دوران سانپ رینگتا ہوا میزوں کے اندر جا کر چھپ جاتا ہے۔
مقامی حکام کے مطابق مذکورہ سانپ ریٹ اسنیک تھا۔ یہ زہریلا تو نہیں ہوتا تاہم یہ انسانوں کے لیے جان لیوا ضرور ثابت ہوسکتا ہے۔
وہاں موجود افراد کا کہنا ہے کہ اس قسم کے سانپ میں ایسی کوئی صلاحیت نہیں ہوتی کہ وہ اڑ سکے، سانپ ممکنہ طور پر ہوا کے زور سے دروازے سے ٹکرایا ہوگا اور پھر اسی طرح اڑتے ہوئے اندر داخل ہوا ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
سوئمنگ پول انسانی ہاتھوں سے تخلیق کردہ ایک ایسی شے ہے جو بہت عام سی بھی ہوسکتی ہے اور بہت خوبصورت اور خاص بھی۔
خاص طور پر کسی قدرتی مقام کے قریب انسانی ہاتھوں سے بنائے گئے انوکھے اور خوبصورت سوئمنگ پول میں تیراکی نہایت ہی دلفریب تجربہ ہوگا۔
آج ہم نے دنیا بھر سے خوبصورت سوئمنگ پولز کی تصاویر جمع کی ہیں۔ یہ سوئمنگ پولز پہاڑوں، جنگلوں حتیٰ کہ دریاؤں اور سمندروں تک کے قریب واقع ہیں اور اگر خوش قسمتی سے آپ کو ان میں تیراکی کرنے کا موقع ملے تو بعض دفعہ افق اور اس پر پھیلے بادل بھی آپ کے ہم رکاب ہوں گے۔
اسلام آباد: تھائی لینڈ میں خواتین کو ہراساں کرنے والے خیبر پختونخوا کے تین پراسیکیوشن افسران کے خلاف تحقیقات کے بعد سخت ترین قدم اُٹھانے کا فیصلہ کیا گیا ہے۔
تفصیلات کے مطابق خیبر پختونخوا سے تعلق رکھنے والے یہ تینوں افسران امریکی پروگرام کے تحت ہونے والے تربیتی پروگرام میں شرکت کے لیے سرکاری خرچ پر تھائی لینڈ گئے تھے جہاں خواتین کو ہراساں کرنے کے الزام میں تھائی لینڈ پولیس نے انہیں گرفتار کرکے ملک بدر کردیا۔
ذرائع کے مطابق تینوں اہم سرکاری افسران کو تھائی لینڈ کے ایک ہوٹل کے سوئمنگ پول میں موجود خواتین کی تصاویر لینے کی شکایت پر تھائی انتظامیہ نے مقامی سطح پر کارروائی کرنے کے بجائے الزام ثابت ہونے پر ملک بدر کرتے ہوئے پاکستان واپس بھیج دیا۔
دوسری جانب اعلیٰ حکام کا کہنا ہے کہ تھائی لینڈ بدر سے نکالے جانے والے تینوں پاکستانی افسران کو سخت تحقیقات سے گزرنا ہوگا اور غالب امکان ہے ملک کی بدنامی کا باعث بننے والے ان افسران کو اپنی ملازمتوں سے ہاتھ بھی دھونا پڑسکتا ہے کیوں کہ تینوں افسران ابھی مستقل نہیں ہوئے تھے بلکہ اپنی ملازمتوں کی عارضی مدت پر تھے۔
خیال رہے کہ خیبر پختونخوا حکومت نے اب تک اپنے 25 افسران کو مختلف گروہ کی صورت میں تربیت کے لیے بینکاک بھیجا تھا جب کہ ڈائریکٹر محکمہ پراسیکیوشن بھی ایک گروپ کے ہمراہ تھائی لینڈ گئے تھے۔
بنکاک : نیشنل ڈیزاسٹر وارننگ ڈپارٹمنٹ کاکہنا ہے تھائی لینڈ کے جنوبی علاقوں میں شدید سیلاب کے نتیجے میں14افراد ہلاک ہوگئے ہیں جبکہ ہلاکتوں میں مزید اضافے کا خدشہ ظاہر کیا گیا۔
تفصیلات کےمطاب تھائی لینڈکےجنوبی علاقوں میں شدید سیلاب کے باعث نظام زندگی درہم برہم ہوگیا ہے۔سیلاب کےنتیجے میں 14 افرادجان کی بازی ہارچکے ہیں۔
تھائی لینڈ کے وزارت داخلہ کا کہنا ہے کہ چھ روز سےجاری سیلاب سے تقریباًپانچ لاکھ سے زائد افرادمتاثرہوئے ہیں جبکہ ملک کے جنوبی علاقوں کوجانے والی مرکزی ریلوے لائن بھی منقطع ہوگئی ہے۔
غیرمتوقع بارشوں اورسیلاب کےباعث تھائی لینڈ میں سیاحتی سیزن کےمتاثرہونےکابھی خدشہ ہے۔سیلاب سے میانمار کے جنوب اور ملائشیاکےشمالی علاقے بھی متاثرہوئےہیں۔
یاد رہے کہ رواں سال ستمبر میں شمالی کوریا کے جنوب مشرقی سرحدی علاقےمیں سیلاب سے 133 سے افراد ہلاک جبکہ سینکڑوں افراد لاپتہ ہوگئےتھے۔
واضح رہے کہ سیلاب کے نتیجے میں 35 ہزار کے قریب گھروں کو نقصان پہنچا تھاجس میں سے بیشتر مکمل طور پر تباہ ہوگئے تھےجبکہ 8 ہزار سے زائد عمارتیں شدید متاثر ہوئی تھیں۔
کیا آپ جانتے ہیں پاکستان اور بھارت سمیت دنیا کے کئی ممالک میں حشیش اگائی جاتی ہے اور یہ ہزاروں لوگوں کا ذریعہ معاش ہے؟
حشیش یا افیون کی فصل اگانے کے لیے کھلی جگہ چاہیئے اور اس کے لیے شہروں سے دور واقع جنگلات کو عموماً کاٹ دیا جاتا ہے۔
تھائی لینڈ بھی ان ممالک میں سے ایک ہے جہاں حشیش اگائی جاتی ہے۔
لیکن تھائی لینڈ کے ایک شہری سومسک سرپم تھونگ نے اپنے گاؤں میں واقع جنگلات کی بحالی کے لیے حشیش کی فصل کو ختم کردیا اور اس کی جگہ کافیاگانی شروع کردی۔
تھائی صوبے چانگ مائی کا رہائشی سومسک ایک غریب خاندان سے تعلق رکھتا ہے اور وہ صرف 13 سال کی عمر میں کمانے کے لیے شہر چلا گیا۔ کافی عرصہ بعد جب وہ اپنے آبائی علاقہ میں واپس آیا تو اس کے گاؤں سے جنگلات تقریباً ختم ہوچکے تھے۔
جنگلات ختم ہونے کے باعث زمینی کٹاؤ کا عمل جاری تھا اور بارش کے موسم میں مٹی پانی کو جذب نہیں کرسکتی تھی جس کے باعث پانی جمع ہو کر سیلاب کی شکل اختیار کرلیتا تھا۔
یہ صورتحال ہر سال پیش آتی تھی اور گاؤں والوں کو سیلاب کے ہاتھوں شدید مالی نقصانات اٹھانے پڑتے تھے۔
سومسک نے اپنے گاؤں کے جنگلات کی بحالی کا بیڑا ٹھایا اور اس کے لیے سب سے پہلے حشیش کی فصل کو ختم کیا۔ اس کے بعد اس نے نامیاتی کافی اگانی شروع کردی۔
واضح رہے کہ آرگینک یا نامیاتی فصل وہ ہوتی ہے جو مصنوعی کھاد اور کیمیائی مواد کے بغیر اگائی جاتی ہے۔
کافی کے ساتھ سومسک نے دیگر پودے بھی اگانے شروع کر دیے اور آہستہ آہستہ گاؤں میں پھر سے جنگلات کا رقبہ بڑھنے لگا۔ چونکہ کافی کی فصل درختوں کے ساتھ بھی اگ سکتی ہے لہٰذا اس نے باآسانی کافی کے ساتھ دیگر درخت اگانا شروع کردیے۔
سومسک نے بتایا کہ اس کی کافی خالص نامیاتی ہے اور اس کی پیداوار کے لیے وہ مصنوعی کھاد یا کیڑے مار ادویات کا استعمال نہیں کرتا۔
اس کے مطابق فصل سے کیڑے ختم کرنے کے لیے وہ مخصوص طریقہ سے تربیت دیے گئے پرندوں کو فصل میں چھوڑ دیتا ہے جس کے بعد وہ پرندے صرف کیڑوں کو کھاتے ہیں اور کافی کے پتوں کو چھوتے بھی نہیں۔
سومسک کا یہ قدم اس کے گاؤں کے لیے خوشحالی لایا ہے اور گاؤں کے کئی خاندان اب اس روزگار سے وابستہ ہوچکے ہیں۔ یہی نہیں وہ آس پاس کے دیگر گاؤں دیہاتوں کو بھی اس سلسلے میں معاونت دے رہے ہیں جس کے باعث اس علاقہ کی سیاحت میں اضافہ ہو رہا ہے۔
یاد رہے کہ اقوام متحدہ کے ادارہ برائے خوارک و زراعت ایف اے او کے مطابق مختلف کاموں میں استعمال اور مختلف تعمیرات کے لیے جنگلات کی بے دریغ کٹائی کے باعث 1990 سے 2010 کے درمیان تھائی لینڈ کے جنگلات کے کل رقبہ میں 3 فیصد کمی ہوچکی ہے۔
بنکاک : تھائی لینڈ میں آٹھ بم دھماکوں میں 4 افراد ہلاک اور بیس سے زائدافراد زخمی ہوگئے،دھماکوں میں تھائی لینڈ کے ثقافتی سیاحتی مقامات کو نشانہ بنایا گیا.
تفصیلات کےمطابق تھائی لینڈ میں آٹھ بم دھماکوں میں 4افراد جان کی بازی ہارگئے جبکہ بیس سے زائد افراد زخمی ہوئے.دھماکے تقافتی سیاحتی مقامات پر کیے گئے.
حکام کی جانب سے دھماکوں کی وجوہات فوری طور پر بیان نہیں کی گئیں جبکہ یہ بھی نہیں بتایا گیا کہ ان دھماکوں میں کون ملوث ہے.
یاد رہے کہ گزشتہ شب تھائی لینڈ کے سیاحتی مقام ہوا ہن میں ہونے والے دھماکے میں ایک خاتون ہلاک اور دس سے زائد افراد زخمی ہوگئے.دھماکوں کے زخمیوں میں غیر ملکی سیاح بھی شامل تھے
واضح رہے کہ ہوا ہن کا علاقہ تھائی لینڈ کے خلیج میں ساحلی پٹی ہے،جو تھائی شہریوں اور غیر ملکی سیاحوں میں مقبول ہے. یہ علاقہ تھائی لینڈ کے بادشاہ بھومیبول ایدلیا ویج کا آبائی علاقہ ہونے کی وجہ سے بھی معروف ہے.
دنیا بھر میں فوجی بغاوتیں تاریخ کا حصہ ہیں۔ یہ اس وقت پیش آتی ہیں جب مسلح افواج اپنے اختیارات سے تجاوز کرکے اقتدار کے لیے کچھ بھی کر گزرنے کو تیار ہوتی ہیں۔ ان بغاوتوں کو بعض دفعہ عوام کی حمایت بھی حاصل ہوتی ہے۔
گزشتہ شب ترکی میں بھی فوج کے ایک ٹولے نے بغاوت کر کے اقتدار پر قبضہ کی کوشش کی لیکن عوام نے اسے ناکام بنادیا جس کے بعد اس ٹولے کو پسپا ہونا پڑا۔
یہاں ہم مختلف ممالک میں ہونے والی فوجی بغاوتوں پر ایک نظر ڈالتے ہیں۔
:پاکستان
جنرل پرویز مشرف 13 اکتوبر 1999 کو قوم سے خطاب کرتے ہوئے
پاکستان میں 12 اکتوبر 1999 کو جنرل پرویز مشرف نے ملک میں فوجی قانون نافذ کرنے کے بعد وزیر اعظم نواز شریف کو جبراً معزول کر دیا اور 20 جون 2001 کو ایک ریفرنڈم کے ذریعے صدر کا عہدہ اختیار کیا۔ پرویز مشرف نے 2008 میں مستعفیٰ ہونے کا اعلان کرتے ہوئے اقتدار چھوڑ دیا۔
پاکستان میں اس سے قبل بھی 3 فوجی آمر ایوب خان، یحییٰ خان اور ضیاالحق حکومت کرچکے ہیں۔
:بنگلہ دیش
بنگلہ دیش میں 2007 میں اپوزیشن جماعتیں صدر ایاج الدین احمد کے خلاف متحد ہوگئیں اور ان سے استعفیٰ کا مطالبہ کرنے لگیں۔ 22 جنوری 2007 کو بنگلہ دیش میں انتخابات منعقد ہونے تھے لیکن عین موقع پر شیخ حسینہ واجد کی عوامی لیگ اپنے اتحادیوں سمیت انتخابات سے پیچھے ہٹ گئی جس کے بعد ملک میں شفاف انتخابات کا انعقاد ناممکن ہوگیا۔
آرمی چیف معین احمد اور صدر ایاج الدین احمد
اس موقع پر آرمی چیف معین احمد نے مداخلت کرتے ہوئے 11 جنوری 2007 صدر ایاج الدین احمد پر زور دیا کہ وہ ملک میں ایمرجنسی کا نفاذ کریں، انتخابات ملتوی کریں اور نگران حکومت تشکیل دے کر اس کا سربراہ نامزد کریں۔
ایاج الدین نے فوج کی مشاورت سے پہلے سابق چیف جسٹس فضل الحق اور اس کے بعد ایک بینکار فخر الدین احمد کو مشیر اعلیٰ مقرر کردیا جس کے بعد ملک میں انتخابات ہوئے اور شیخ حسینہ واجد کی عوامی لیگ نے ایک تہائی اکثریت حاصل کرلی۔
بنگلہ دیش میں اس سے قبل بھی 1975 میں عوام کی منتخب کردہ حکومت کو فوج کی جانب سے بغاوت کے بعد ختم کردیا گیا اور اسی دوران مجیب الرحمٰن کو قتل کیا گیا۔ اس کے بعد 1975 لے کر اگلے 15 برس تک ملک فوجی آمروں کے ہاتھ میں رہا۔
:انڈونیشیا
جنرل سہارتو صدارت کے عہدے کا حلف اٹھاتے ہوئے
انڈونیشیا میں جنرل سہارتو نے جب اقتدار پر قبضہ کیا اس وقت انڈونیشیا کو آزاد ہوئے زیادہ عرصہ نہیں گزرا تھا۔ سہارتو نے انڈونیشیا کی آزادی کے لیے بننے والی فوج میں بطور کمانڈر حصہ لیا تھا۔
سہارتو نے 1965 میں انڈونیشیا کے پہلے صدر سوکارنو کو معطل کردیا اور خود صدر کے عہدے پر فائز ہوگئے۔ انہوں نے ایک مضبوط مرکزی فوجی حکومت بنائی جس کے بل پر وہ 24 سال تک حکمرانی کرتے رہے۔
:تھائی لینڈ
پرایت چانوچا
تھائی لینڈ میں ستمبر 2006 میں تھائی شاہی مسلح افواج کے سربراہ سونتھی بونیارتگلین نے وزیر اعظم کو معطل کر کے اقتدار پر قبضہ کیا۔
مئی 2014 میں دوبارہ ایک سابق فوجی افسر پرایت چانو چا کی سربراہی میں قائم مقام وزیر اعظم کو معطل کر کے اقتدار پر قبضہ کرلیا گیا۔ چانوچاتا حال ملک کی وزارت عظمیٰ کے منصب پر فائز ہیں۔
:ایران
جنرل فیض اللہ زاہدی اور رضا شاہ پہلوی ۔ 1955
ایران میں 1953 میں منتخب وزیر اعظم محمد مصدق کے خلاف بغاوت کی گئی جس میں جنرل فیض اللہ زاہدی کا بڑا ہاتھ تھا۔ اس بغاوت کے بعد ایران میں شہنشاہیت قائم ہوگئی اور ملک کی عنان رضا شاہ پہلوی نے سنبھال لی۔
سال 1980 میں چند فوجیوں کے ایک گروہ نے نوتشکیل شدہ اسلامی حکومت کے خلاف بغاوت کی کوشش کی جسے بروقت ناکام بنادیا گیا۔
:عراق
عراق کے شاہ فیصل دوئم
جولائی 1958 میں عراقی فوج کے ایک بریگیڈیئر جنرل عبد الکریم قاسم اور کرنل عبدالسلام عارف کی قیادت میں عراقی فوج نے انقلاب برپا کیا اور عراقی بادشاہت کا خاتمہ کر دیا۔ انہوں نے عراق کو جمہوریہ قرار دیا۔
انقلاب کے دوران عراق کے حکمران شاہ فیصل دوئم کو ان کے خاندان کے کئی افراد کے ساتھ قتل کردیا گیا جس کے بعد عراق پر قائم ہاشمی خاندان کی شہنشاہیت کا خاتمہ ہوگیا۔
:مصر
فروری 2011 میں مصری صدر حسنی مبارک کی بدعنوان حکومت کے خلاف عوام سڑکوں پر آگئی جس کے بعد مصر کی فوج کے کمانڈر انچیف حسین تانتوی نے اقتدار ان سے لے کر مصر کی مسلح افواج کی سپریم کونسل کے حوالے کردیا۔
عبدالفتاح السیسی
جون 2013 میں ملک میں دوبارہ مظاہرے شروع ہوگئے جس کے بعد مصر کے آرمی چیف عبدالفتاح سیسی نے صدر محمد مرسی کو معطل کرکے خود اقتدار پر قبضہ کرلیا۔
:برکینا فاسو
بغاوت کے سربراہ جنرل گلبرٹ ڈینڈر عوام سے معافی مانگتے ہوئے
افریقی ملک برکینا فوسو میں 17 ستمبر 2015 کو صدر مائیکل کفاندو کی حفاظت پر معمور فوجی دستے نے صدر کو یرغمال بنالیا۔ یہ واقعہ ملک میں عام انتخابات سے ایک ماہ قبل پیش آیا۔ بعد ازاں صدارتی محل کو باغی ٹولے کے قبضہ سے چھڑا لیا گیا۔
:چاڈ
صدر ادریس ڈیبی
افریقی ملک چاڈ میں مارچ 2004 اور مارچ 2006 میں صدر ادریس ڈیبی کی خلاف بغاوت کی کوشش کی گئی لیکن دونوں مرتبہ اس بغاوت کو ناکام بنادیا گیا۔
:فجی
فرینک بینی ماراما
فجی میں دسمبر 2005 میں نیول چیف فرینک بینی ماراما نے وزیر اعظم کو معطل کرکے خود اقتدار پر قبضہ کرلیا۔ وہ تاحال فجی کے وزیر اعظم ہیں۔
بنکاک : سڑک حادثے میں اگیارہ افراد جان کی بازی ہار گئے،حادثہ بس کا ٹائر پھٹنے کے باعث پیش آیا.
تفصیلات کے مطابق اساتذہ کی بس کو جمعے کی شام صوبہ چونبوری میں موٹروے پر حادثہ پیش آیا جب ٹیچرز کی بس تھالی لینڈ کے صوبہ رایونگ میں سیمینار سےبنکاک جارہے تھے.
تھائی لینڈ کےڈیزاسٹر ڈپارٹمنٹ کے اہلکار کے مطابق حادثہ بس کا ٹائر پھٹنے کے سبب پیش آیا جس میں ڈرائیوار توازن برقرار نہ رکھ سکا.
ڈیزاسٹر ڈپارٹمنٹ کے مطابق بس حادثے میں چار افراد شدید زخمی ہوئے جنہیں طبی امداد کے لیے اسپتال منتقل کردیا گیا.
اسکول کےملازم نے بتایا کہ گاڑی اسکول کے ڈائریکٹر چلارہے تھے،حادثے میں وہ بھی شدید زخمی ہوئے ہیں.
یاد رہے عالمی ادراہ صحت کے مطابق تھائی لینڈ کا شمار دنیا میں دوسرے نمبر پر ہوتا ہے جہاں سڑک حادثات میں لوگ جان کی بازی ہار جاتے ہیں.
عالمی ادارہ صحت کے مطابق تھائی لینڈٹریفک حادثات میں ہرسال چوبیس بزار لوگ جان کی بازی ہار جاتے ہیں.
بنکاک: تھائی لینڈ کے دار الحکومت بنکاک میں بم دھماکے سے مرنے والوں کی تعداد ستائیس ہوگئی ہے، دھماکے کے نتجے میں متعدد افراد زخمی بھی ہوئے ہیں۔
تھائی لینڈ کا دارالحکومت بنکاک دہشت گردوں کے حملے کا نشانہ بنا ، تھائی پولیس کے مطابق بنکاک میں ایروان مندر کے قریب زور دار دھماکا ہوا،جس میں متعدد افراد ہلاک اور درجن سے زائد زخمی ہوگئے ۔
دھماکے بعد جائے وقوعہ پر ہرجانب تباہی کے مناظر تھے، لوگ مدد کے لیے پکار رہے تھے، ریسکیو اہلکاروں نے لاشوں اور زخمیوں کو اسپتال منتقل کیا ۔
پولیس کے مطابق جائے وقوعہ کے قریب سے ایک اور بم بر آمد ہوا جس کو ناکارہ بنادیا گیا ہے، غیر ملکی خبر رساں ادارے کے مطابق ہلاک ہونے والوں میں سیاح بھی ہوسکتے ہیں، دھماکے کے بعد ہجوم میں بھگدڑ مچ گئی ، جس سے مزید افراد زخمی ہوئے۔
تھائی لینڈ : ایشین بیچ کبڈی گیمز میں پاکستان نے چاندی کا تمغہ جیت لیا۔ فائنل میں ایران نے پاکستان کو ہرا دیا۔ تھائی لینڈ کے شہر پکھٹ میں ایشین بیچ کبڈی گیمز کا فائنل پاکستان اور ایران کے درمیان کھیلا گیا۔
دونوں ٹیموں کے درمیان ابتدا سے ہی کانٹے دار مقابلہ رہا۔ ایران نے جارحانہ کھیل کا مظاہرہ کرتے ہوئے پاکستان کو ستائیس کے مقابلے چالیس پوائنٹس سے ہرا کر بیچ کبڈی گیمز میں طلائی تمغہ جیتا۔
شکست کے بعد پاکستان کے حصے میں چاندی کا میڈل آیا۔ پاکستان نے ایشین بیچ گیمز میں دو سونے اور چار، چارچاندی اور کانسی کے تمغے سینے پر سجائے۔ دس میڈلز کے ساتھ پاکستان سولہویں نمبرپررہا۔
