اسلام آباد : پولیس نے پاکستان تحریک انصاف کی مرکزی قیادت کیخلاف تھانہ سنگجانی میں تین مزید مقدمات کرلئے، جن میں علی امین گنڈا پور بھی شامل ہیں۔
تفصیلات کے مطابق پی ٹی آئی کی مرکزی قیادت کیخلاف تھانہ سنگجانی میں تین مزید مقدمات درج کرلیے گئے۔
ایک مقدمہ جلسے کیلئے جاری این او سی کی خلاف ورزی پر درج کیا گیا، مقدمے میں پی ٹی آئی کی جلسے میں موجود تمام قیادت کو نامزد کیا گیا ہے، جن میں علی امین گنڈا پور بھی شامل ہیں۔
علی امین گنڈاپور کے خلاف سنگجانی تھانے میں ایک اور مقدمہ بھی ہے، ایف آئی آر میں ضلعی انتظامیہ کے افسر کو حبس بےجا میں رکھنے کی دفعات شامل ہیں۔
ذرائع کے مطابق پاکستان تحریک انصاف کے جلسے کا وقت ختم ہونے کا نوٹس دینے والے افسر کو روکنے کا الزام ہے۔
