لاہور میں ایک افسوسناک واقعہ پیش آیا جہاں سوتیلے باپ نے بیٹی کو ہوس کا نشانہ بنایا ہے۔
تفصیلات کے مطابق لاہور کے تھانہ چوہنگ کی حدود میں ایک شخص کو اپنی 14 سالہ سوتیلی بیٹی کے ساتھ زیادتی کے الزام میں گرفتار کر لیا گیا۔
پولیس کے مطابق ملزم شاہد متاثرہ لڑکی کا سوتیلا باپ ہے اور گزشتہ ایک سال سے اسے جنسی زیادتی کا نشانہ بنا رہا تھا، متاثرہ لڑکی ہنجروال کے علاقے میں ایک گھر میں ملازمہ ہے۔
پولیس کا کہنا ہے کہ جب متاثرہ لڑکی کی والدہ نے اسے اپنے ساتھ گھر جانے کو کہا تو لڑکی نے اصل صورتحال بتائی جس کے بعد والدہ نے زیادتی کا مقدمہ درج کروایا۔
پولیس کا کہنا ہے کہ جدید ٹیکنالوجی کی مدد سے ملزم کو ٹریس کرکے گرفتار کرلیا گیا ہے، مزید تفتیش جاری ہے۔