Tag: تھرپارکر

اسلام ٓباد : تھرپارکر میں بارش کے دوران آسمانی بجلی گرنے سے آٹھ افراد جان سے گئے، سب سے زیادہ چھ اموات ننگرپار کرکے گاؤں اکراڑوبھیل میں ہوئی۔

تفصیلات کے مطابق ملک بھرمیں جاری مون سون بارشوں کے دوران آسمانی بجلی گرنے سے سمیت مختلف حادثات پیش آئے،

جس میں 2 بچوں سمیت 16 افراد جاں بحق جبکہ درجنوں زخمی ہوئے، سب سے زیادہ چھ اموات ننگرپار کرکے گاؤں اکراڑوبھیل میں ہوئیں

ننگرپارکر کے نواحی گاؤں میں بجلی گرنے سے آٹھ افراد لقمہ اجل بنے پولیس نے بتایا کہ ایک ہی خاندان کے 6 افراد کھیت میں موجود تھے کہ بجلی گرگئی، جس سے دو 8 سالہ بچیاں، ایک 10سالہ بچہ ، 2 نوجوان اور ایک بزرگ جاں بحق ہوگئے جبکہ سات مویشی بھی ہلاک ہوئے۔

اس کے علاوہ  راہ گیر 40سالہ شخص جاں بحق ہوگیا جبکہ چھاچھرو کے گاؤں خمیسو منگریو میں بھی 11سال کی بچی جاں بحق ہو گئی۔

صوابی میں چار افراد سیلابی ریلے میں ڈوب کر جاں بحق ہوئے، راولپنڈی میں دو افراد جان سے گئے جبکہ پشاور روڈ پرکرنٹ لگنے سے بچہ زندگی گنوا بیٹھا اور میرپور میں مکان کی چھت گرنےسے بچہ جاں بحق ہوا۔

خیال رہے کراچی سے کشمیراور بلوچستان سے گلگت بلتستان تک بادل برس رہےہیں، آزاد کشمیر، پنجاب اور خیبرپختو نخوا میں دھواں دھاراسپیل کے بعد ندی نالوں میں طغیانی آگئی ہے اور کئی مقامات پر لینڈ سلا ئیڈنگ کی اطلاعات ہیں جبکہ جبکہ نشیبی علاقے زیرآب آچکے ہیں۔

راولاکوٹ میں بھی سیلابی صورتحال ہے،مانسہرہ بائی پاس کےقریب برساتی نالےمیں طغیانی سےایک خاندان ریلے کی زدمیں آگیا، جنھیں مقامی افراد نے اپنی مدد آپ کے تحت ریسکیو کیا گیا۔

تھرپارکر : مور رانی کھیت بیماری سے مرنے لگے، بیمارمور پہلے بینائی سے محروم پھر کھانا پینا چھوڑ دیتے ہیں۔

تفصیلات کے مطابق شدید گرمی اور حبس سے موروں کی اموات تھرپارکر کے مختلف علاقوں میں شدید گرمی اور حبس نے نہ صرف انسانوں بلکہ چرند پرند کے لیے بھی مشکلات پیدا کر دی ہیں۔

علاقے کے مکینوں نے بتایا کہ شدید گرمی کی وجہ سے رانی کھیت بیماری بھی پھیل گئی ہے، ضلع کے مختلف علاقوں میں پانی اور خوراک کی قلت کی وجہ سے مور شدید متاثر ہو رہے ہیں، جس کے نتیجے میں پندرہ مور مر چکے ہیں اور کئی بے حال ہیں۔

اس بیماری کے پہلے مرحلے میں مور اندھے ہو جاتے ہیں اور کھانا پینا چھوڑ دیتے ہیں، موروں کو گھروں میں بٹھا کر زیادہ پانی چھڑکنے سے ان کی حالت کچھ بہتر ہو جاتی ہے اور وہ نرم غذا بھی کھا لیتے ہیں۔

مقامی لوگوں کا مطالبہ ہے کہ محکمہ جنگلی حیات گاؤں کی سطح پر کیمپس لگا کر انہیں فوری طبی امداد فراہم کرے۔

وائلڈ لائف کے ڈپٹی ڈائریکٹر میر اعجاز تالپور کا کہنا تھا کہ تھر میں حالیہ شدید گرمی اور حبس کے باعث موروں کی حالت خراب ہو رہی ہے، ضلع کے مختلف 2300 دیہات میں مور موجود ہیں جہاں پانی اور خوراک کی قلت پیدا ہو چکی ہے اور کچھ مور رانی کھیت بیماری کا شکار ہوئے ہیں۔

گزشتہ دو ماہ میں 11 موروں کی ہلاکت ہوئی ہے، ڈپٹی ڈائریکٹر کا کہنا ہے کہ ان کی ٹیمیں اس وقت تھرپارکر کے مختلف علاقوں میں مقامی رہائشیوں کی مدد سے موروں کو بچانے کے لیے کام کر رہی ہیں۔ "الحمداللہ اب بارشیں شروع ہوئی ہیں تو اب گرمی کا زور ٹوٹ جائے گا اور موروں کی زندگیوں کو درپیش خطرات سے بچایا جا سکے گا۔

سیزن وائز ہر سال جون اور جولائی میں ایسی گرمی کی وجہ سے موروں کی ہلاکتیں ہوتی ہیں جو آہستہ آہستہ بارشیں ہونے سے کنٹرول ہو جاتی ہیں۔

میر اعجاز تالپور نے مزید کہا کے تھرپارکر کے باشندے اور محکمہ جنگلی حیات کے اہلکار مشترکہ کوششیں کر رہے ہیں تاکہ موروں کو شدید گرمی اور رانی کھیت بیماری سے بچایا جا سکے، امید ہے کہ بارشوں کے آغاز سے حالات بہتر ہو جائیں گے اور موروں کی اموات میں کمی آئے گی۔

تھرپارکر: پسند کی شادی نہ ہونے پر پریمی جوڑے نے اجتماعی خودکشی کرلی، تھر میں رواں سال 55 خودکشیاں رپورٹ ہوچکی ہیں۔

تفصیلات کے مطابق تھر پارکر میں ایک اور پریمی جوڑے نے اجتماعی خود کشی کرلی، خود کشی پسند کی شادی نہ ہونے پر کی گئی۔

اسلام کوٹ کے نواحی گاؤں میں نوجوان لڑکے لڑکی کی درخت سے جھولتی لاشیں ملیں، لاشیں لجپت اور پشپا کی تھیں، لاشیں درخت سے اتار کر اسپتال منتقل کی گئیں تاہم اہلخانہ کے پوسٹ مارٹم سے انکار کے بعد میتیں بِنا کارروائی حوالے کردی گئیں۔

پولیس کاکہناہے کہ معاملہ پسند کی شادی نہ ہونے کا تھا جبکہ گاؤں والے بتاتے ہیں کہ لڑکی کی دس دن پہلے کہیں اورشادی ہوئی تھی اور ایک دن پہلےہی سسرال سےمیکےآئی تھی۔

تھرپارکر میں رواں سال جوڑوں کی ایک ساتھ خودکشی کا چوتھا واقعہ ہے، تھرمیں رواں سال خودکشی کے پچپن واقعات میں انتیس مرد اور چھبیس خواتین نے زندگیوں کا خاتمہ کیا۔

تھر میں ہونیوالی لاتعداد خودکشیوں میں سے کسی ایک میں بھی پولیس مکمل تفشیش اور واقعے کے حقیقی نتائج تک پہنچنےمیں ناکام رہی ہے۔

اسلام آباد: وزیراعظم شہباز شریف آج تھرپارکر کے مختصر دورے پر اسلام کوٹ پہنچ رہے ہیں جہاں وہ سی پیک منصوبے کے تحت بجلی پیدا کرنے والے پاور پروجیکٹ کا افتتاح کریں گے۔

تفصیلات کے مطابق شہباز شریف تھرپارکر میں تاریخی منصوبوں کا افتتاح کریں گے، جس میں 1320 میگاواٹ شنگھائی الیکٹرک تھر اور 330 میگاواٹ تھل نواتھرکا پروجیکٹ شامل ہے۔

وزیراعظم ہاؤس کے جاری کردہ شیڈول کے مطابق وزیراعظم آج صبح ساڑھے 10 بجے اسلام کوٹ ایئرپورٹ پہنچیں گے۔

رپورٹ کے مطابق تھرکےکوئلے سے چلنے والے منصوبوں سے سالانہ 11.24 ارب کم لاگت بجلی کے یونٹ پیدا ہونگے، منصوبوں سے تھر کے کوئلے سے بجلی کی موجودہ پیداوار بڑھ کر 3300 میگاواٹ ہو جائے گی۔

گزشتہ چار سال میں ان منصوبوں کو تعطل کا شکار رکھا گیا، وزیر اعظم کی ہدایت پر ان منصوبوں کی تکمیل کو اولین ترجیح بنایا گیا، افتتاحی موقع پر وزیر اعظم خطاب بھی کریں گے۔