فلم تھری ایڈیٹس میں اہم کردار ادا کرنے والی بالی وڈ اداکار علی فضل نے انکشاف کیا ہے کہ بلاک بسٹر فلم کے بعد ان کے دوست انھیں گالیاں بکا کرتے تھے۔

ایک پوڈ کاسٹ کے دوران گفتگو کرتے ہوئے اداکار علی فضل نے بتایا کیا کہ فلمساز راج کمار ہیرانی نے انھیں تھیٹر پرفارمنس کے دوران دیکھا تھا اور فلم کے لیے بلایا تھا۔

انھوں نے کہا کہ مجھے یاد ہے کہ مجھے آڈیشن کے لیے کال موصول ہوئی۔ میں وہ شرٹ پہن کر گیا تھا جسے میں ہفتے کے 4 دن پہنا کرتا تھا۔ جب مجھے فلم کے لیے کاسٹ کرلیا گیا تو بتایا گیا کہ ہمیں وہی شرٹ چاہیے جس میں آپ نے آڈیشن دیا تھا، لہٰذا اسے ساتھ لے کر آئیں۔

تھری ایڈیٹس کے گانے کے سین کو یاد کرتے ہوئے علی فضل نے کہا کہ مجھے اپنے کردار میں گانے ’گیو می سم سنشائن‘ کے لیے گٹار بجانا پڑا۔ میں نے فلم کے لیے گٹار بجانا سیکھا تھا اور میں کافی اچھا گٹار بجالیتا تھا۔

علی فضل کے مبطابق ان کے تمام موسیقار دوستوں نے اس کے بعد سالوں تک انھیں گالیاں دیں کیونکہ سیٹ پر میں کافی خوبصورتی سے گٹار بجا رہا تھا۔

انھوں نے کہا کہ گانے کی شوٹنگ کے دوران راجو سر آئے اور مجھے کہا کہ ’بیٹا گٹار کو مت دیکھو‘، اس کے بعد عامر خان آئے اور انھوں نے کہا کہ کامن کوڈز بجاؤ۔

فلم ’فکرے‘ کے اسٹار نے اعتراف کیا کہ وہ اس دوران صحیح کورڈز پر توجہ دیے بغیر گٹار بجارہے تھے، جس کی وجہ سےان کے موسیقار دوست ناراض ہوگئے تھے۔

فضل نے یہ بھی بتایا کہ انھوں نے آڈیشن میں پہنی گئی شرٹ 40 روپے میں خریدی تھی، وہ بھی خودکشی کے سین کے دوران پھٹ گئی تھی۔

اداکار نے کہا کہ پروڈکشن ٹیم نے بعد میں ان کی شرٹ کو اچھی طرح سلائی کر کے انھیں واپس کر دیا تھا جبکہ ڈائریکٹر نے انھیں ایک جیکٹ بھی تحفے میں دی تھی۔

کیارا ایڈوانی کو ان کے والد نے صرف عامر خان کی مشہور زمانہ فلم تھری ایڈیٹس کی وجہ سے ایکٹنگ کیریئر اپنانے کی اجازت دی، اس بات کا انکشاف اداکارہ نے اپنے ایک انٹرویو میں کیا۔

بالی وڈ اداکارہ نے بتایا کہ فلم تھری ایڈیٹس نے ان کی فیملی پر گہر اثر ڈالا، فلم دیکھنے کے بعد ان کے والد اس بات پر راضی ہوگئے کہ انھیں ایکٹنگ میں اپنا کیریئر بنانے کی اجازت دی جائے جب کہ انھیں بھی اداکاری کی طرف آنے کے لیے مزید تقویت ملی۔

کیارا نے بتایا کہ تھری ایڈیٹس دیکھنے سے قبل ان کے والد ہمشہ چاہتے تھے کہ میں پڑھائی کی طرف توجہ دوں لیکن میں ہمیشہ سے اس شعبے میں قسمت آزمانا چاہتی تھی۔

دوسرے فکرمند والدین کی طرح میرے والد بھی مجھے اداکاری کا شعبہ اپنانے سے منع کرتے تھے کیوں کہ وہ انڈسٹری سے تعلق نہیں رکھتے تھے، مگر میں ان سے یہ ہی کہتی تھی کہ نہیں ڈیڈ میں یہی کام کرنا چاہتی ہوں۔

تاہم تھری ایڈیٹس جیسی فیملی فلم دیکھے کے بعد والد کو احساس ہوا کہ بچوں کو وہی کرنے دینا چاہیے جو وہ کرنا چاہتے ہیں تاکہ انھیں اپنے ماضی کو دیکھ کر کسی قسم کا پچھتاوا نہ ہو کہ من چاہے کام کے لیے کوشش بھی نہ کرسکے۔

کیارا ایڈوانی کی حال ہی میں ستیا پریم کی کتھا ریلیز ہوئی ہے جس میں وہ کارتک آریان کے مدمقابل نظر آرہی ہیں۔

بالی وڈ کی بیبو کرینہ کپور نے 2009 کی مقبول فلم تھری ایڈیٹس کے سیکوئل کی منصوبہ بندی کے حوالے سے ایک دلچسپ  ویڈیو شیئر کی ہے۔

اداکارہ کرینہ کپور نے ویڈیو اینڈ شیئرنگ ایپ انسٹاگرام پر اپنی ویڈیو میں ایڈیٹس کے ایک مٹنگ کی تصویر شیئر کی ہے، جس میں انہوں نے تھری ایڈیٹس کے سیکوئل بنائے جانے پر اپنے شک کا اظہار کیا ہے تاہم انہیں بھی نہیں علم کہ سیکوئل بنا رہے ہیں یا نہیں۔

اداکارہ نے اپنی ویڈیو میں ایک پریس کانفرنس سے عامر خان، شرمن جوشی اور ارمان دھون کی تصویر سامنے آنے کے بعد اپنے خدشات کا اظہار کرتے ہوئے کہا کہ ’ میرے علم میں لائے بغیر فلم کا سیکوئل کا منصوبہ بندی کی جارہی ہے۔

 

View this post on Instagram

 

A post shared by Kareena Kapoor Khan (@kareenakapoorkhan)

کرینہ کپور نے کہا کہ جب میں چھٹیوں پر تھیتب لگتا ہے انہوں نے تھری ایڈیٹس کے سیکوئل کے لیے حامی بھردی، مجھے پتا چلا ہے جب میں چھٹیوں پر تھی تو یہ تینوں کچھ کررہے تھے۔

انہوں نے کہا کہ مجھے لگتا ہے یہ سیکوئل بنانے والے ہیں لیکن میرے بغیر یہ کیسے ممکن ہے، میں یقین نہیں کرسکتی یہ میرے بغیر کیسے کرسکتے ہیں؟ اداکارہ نے اپنی پوسٹ پر وائرس(نومن ایرانی) کو بھی ٹیگ کیا اور پوچھا کہ یہ بات آپ سے بھی خفیہ رکھی گئی ہے؟۔

واضح رہے کہ 2009 میں ریلیز ہوئی فلم ’تھری ایڈیٹس‘ میں عامر خان کے ساتھ آر مادھون اور شرمن جوشی نے اہم کردار ادا کیا تھا۔

راج کمار ہیرانی کی ہدایات میں بنی اس فلم کی کہانی تین دوستوں کی کالج لائف کے گرد گھومتی ہے جس نے شائقین کے ساتھ ساتھ ناقدین سے بھی خوب داد وصول کی تھی۔