Tag: تھوکنا

  • پارکنگ سے روکے جانے پر خاتون کی عجیب حرکت کیمرے میں ریکارڈ

    پارکنگ سے روکے جانے پر خاتون کی عجیب حرکت کیمرے میں ریکارڈ

    امریکا میں ایک خاتون نے غلط جگہ پارکنگ سے روکنے پر دوسری خاتون پر تھوک دیا، تھوکنے والی خاتون کے ساتھ 3 بچے بھی موجود تھے جو دوسری خاتون کو مغلظات بکتے رہے۔

    سوشل میڈیا پر یہ ویڈیو اس خاتون نے پوسٹ کی جو اس واقعے کا نشانہ بنی، ان کے مطابق انہوں نے 3 بچوں کے ساتھ کار میں موجود ایک خاتون کو غلط جگہ پر گاڑی پارک کرنے پر ٹوکا اور کہا کہ ان کی گاڑی کی وجہ سے دوسری گاڑیوں کا راستہ بلاک ہورہا ہے۔

    ٹوکے جانے پر دوسری خاتون نے ان کی بات نظر انداز کردی، مذکورہ خاتون موبائل نکال کر ان کی ویڈیو بنانے لگیں جس پر بچوں کی ماں خطرناک انداز میں گاڑی سے نکل کر ان تک پہنچی۔

    اس دوران ویڈیو بناتے ہوئے وہ خاتون کہتی رہیں کہ ماسک پہنو، ماسک پہنو، تاہم دوسری خاتون نے ان سے بحث جاری رکھی اور جانے سے قبل ادھ کھلی کھڑکی سے اندر تھوک دیا۔

    جب وہ اپنی گاڑی میں بیٹھ کر جانے لگیں تو ان کے بچے بھی دوسری خاتون کو مغلظات بکتے رہے۔

    سوشل میڈیا پر ویڈیو پوسٹ کیے جانے کے بعد صارفین نے اس پر سخت افسوس اور غم و غصے کا اظہار کیا، ایک صارف کا کہنا تھا کہ دوسری خاتون اپنے بچوں کے لیے بہت اچھی رول ماڈل ثابت ہورہی ہیں۔

  • غیر ضروری طور پر سفر کرنے والی خاتون ٹرانسپورٹ اہلکاروں پر تھوک کر فرار

    غیر ضروری طور پر سفر کرنے والی خاتون ٹرانسپورٹ اہلکاروں پر تھوک کر فرار

    نیوزی لینڈ میں ایک جوڑے کو بس میں سفر کرنے سے منع کیا گیا تو انہوں نے ٹرانسپورٹ سروس کے 3 اہلکاروں پر تھوک دیا، پولیس نے جوڑے کی تلاش شروع کردی ہے۔

    مذکورہ واقعہ نیوزی لینڈ کے شہر آکلینڈ میں گزشتہ روز پیش آیا، پولیس کا کہنا ہے کہ مذکورہ جوڑا ایک بس میں سفر کر رہا تھا تاہم ان کے سفر کی نوعیت جاننے کے بعد علم ہوا کہ وہ غیر ضروری طور پر سفر کر رہے تھے۔

    بس سے اترنے کا کہنے پر جوڑا آپے سے باہر ہوگیا اور خاتون نے ٹرانسپورٹ سروس کے 3 اہلکاروں پر تھوک دیا جس کے بعد دونوں فرار ہوگئے۔

    واقعے کا شکار افراد کو کرونا وائرس کے خدشے کے تحت فوری طور پر قرنطینہ منتقل کردیا گیا ہے۔

    پولیس کا کہنا ہے کہ آج کل کے حالات کو دیکھتے ہوئے اس طرح کی حرکت پر وہ حیران ہیں اور وہ اسے بالکل برداشت نہیں کریں گے۔

    حکام کے مطابق ٹرانسپورٹ سروس کا عملہ لوگوں کو سفری سہولیات مہیا کرنے کے لیے دن رات کام کر رہا ہے، ان کے ساتھ اس طرح کا سلوک بالکل برداشت نہیں کیا جائے گا۔

    پولیس نے جوڑے کی تصویر جاری کر کے لوگوں سے ان کی معلومات فراہم کرنے کی اپیل کی ہے۔