Tag: تھپڑ

بالی ووڈ میں نئی نئی قدم رکھنے والی اداکارہ راشا تھاڈانی نے انکشاف کیا ہے کہ انھیں بچپن میں کئی بار تھپڑوں سے مارا گیا ہے۔

اس سال کے آغاز میں بالی ووڈ میں کئی نئے چہروں نے قدم رکھا ہے جس میں سے ایک ماضی کی سپراسٹار روینہ ٹنڈن کی بیٹی راشا تھاڈانی بھی ہیں جنھوں نے فلم ’آزاد‘ سے ڈیبیو کیا، یہ فلم کوئی خاص توجہ حاصل کرنے میں ناکام رہی تاہم راشا کی اداکاری اور ان کے رقص نے ناظرین کی توجہ حاصل کی۔

بھارتی فلم انڈسٹری میں پہلی فلم ریلیز ہونے کے بعد انٹرویو دیتے ہوئے راشا نے اپنی اور ماں روینہ ٹنڈن کے بہترین تعلقات کے حوالے سے بات کی اور کہا کہ وہ میری بہترین دوست ہیں اور بہت ہی ’کول‘ ماں ہیں۔

View this post on Instagram

A post shared by Rasha Thadani (@rashathadani)

19 سالہ اداکارہ نے بتایا کہ جب میں بچی تھی تو مجھے کئی بار تھپڑ بھی پڑجایا کرتے تھے، میں بچپن میں اپنے ناخن کترا کرتی تھی تو والدہ ان پر ٹیپ لگادیا کرتی تھیں کہ میں ایسا نہ کرسکوں۔

راشا تھاڈانی نے کہا کہ میں بہت شیطان تھی، میں بہت زیادہ مستی کرتی تھی، ممی پاپا حیران ہوجاتے تھے، اگر روینہ کہتی تھیں کہ یہ نہیں کرنا تو میں کہتی تھی اوکے ماما مگر ٹھیک ایک منٹ بعد میں وہی کام کرتی تھی۔

بالی ووڈ اداکارہ نے بتایا کہ دوسری ماؤں کی طرح روینہ ٹنڈن بھی مجھے میری غلطیوں پر ٹوکتی ہیں، وہ میرے لیے ریڑھ کی ہڈی کی طرح ہیں۔

بالی ووڈ اداکار سدرھارتھ نے فلم میں عورت کو تھپڑ جڑنے کے حوالے سے بڑا انکشاف کرتے ہوئے اپنے کیریئر سے متعلق حقیقت بیان کی ہے۔

اداکار سدھارتھ حال ہی میں منعقدہ حیدرآباد لٹریری فیسٹیول میں بطور مہمانوں شریک ہوئے، جہاں انھوں نے فلموں، کتابوں سے اپنی محبت اور دیگر چیزوں کے بارے میں بات کی، انھوں نے کہ بھی بتایا کہ وہ فلموں میں زہریلے مرد کا کردار ادا کرنے سے اجتناب برتتے آئے ہیں۔

تقریب میں اپنی اہلیہ، اداکار ادیتی راؤ حیدری کی والدہ، ودیا راؤ سے بات کرتے ہوئے انھوں نے بتایا کہ وہ اپنے کیریئر کے دوران ٹاکسک مردوں کا کریکٹر ادا کرنے سے دور رہے۔

سدھارتھ نے ’ماچو‘ کردار ادا نہ کرنے کے حوالے سے گفتگو کرتے ہوئے انکشاف کیا کہ اگر وہ کچھ پراجیکٹس کے لیے ہاں کہتے تو وہ ایک بڑے فلم اسٹار ہوتے۔

انھوں نے کہا کہ مجھے اسکرپٹس ملتے تھے کہ جس میں میں خواتین کو تھپڑ مارتا ہوں، آئٹم سانگ کررہا ہوں، کسی کی ناف پر چٹکی کاٹ رہا ہوں، عورت کو بتارہا ہوں کہ اسے کیا کرنا چاہیے، کہاں جانا چاہیے۔

بالی ووڈ اداکار نے کہا کہ اگر ان فلموں کی زبردست اسکرپٹ ہوتی تو وہ بہت اچھی اور کامیاب فلمیں بنتیں، تاہم میں نے ان فلموں کو رد کر دیا۔

سدرھارتھ کا کہنا تھا کہ اگر میں مختلف طریقے سے کردار ادا کرتا تو میں آج ایک بہت بڑا فلمی ستارہ بن سکتا تھا لیکن میں نے فطری طور پر وہی کیا جو مجھے پسند تھا۔

ڈرامہ سیریل عشقِ جنون میں بزنس مین علی نواز کے بیٹے شہروز علی نواز کو پڑنے والا تھپڑ ڈرامے کے مداحوں کو بھا گیا۔

اے آر وائی کے ڈرامہ سیریل عشقِ جنون آج کل ناظرین کا پسندیدہ ڈرامہ بنا ہوا ہے، اس میں شائقین شہروز (شجاع اسد) کی منفی اداکاری کو کافی پسند کررہے ہیں، ڈرامے کی ساتویں قسط میں شہروز کی والدہ اسے پولیس کے چنگ سے بچانے کے لیے اس کے وکیل ماموں کے پاس لے کرجاتی ہے۔

قتل کی کوشش کرنے کے باوجود وہاں بی شہروز کا رویہ بہت لاپروائی والا ہوتا ہے، ایک موقع پر وہ اپنی ماں سے پوچھتا ہے کہ ایمن (ہیروئن) مر گئی؟

تاہم جب شہروز کو پتا لگتا ہے کہ ایمن (اشنا شاہ) کو ہوش آگیا ہے تو وہ اپنی ماں سے کہتا ہے کہ مجھے اسپتال کا پتا بتائیں تاکہ میں جاکر اس کا کام تمام کروں۔

View this post on Instagram

A post shared by ARY Digital (@arydigital.tv)

یہ بات سن کر شہروز کا وکیل ماموں غصے میں آجاتا ہے اور کوئی موقع ضائع کیے بغیر شہروز کے منہ پر ایک زناٹے دار تھپڑ رسید کردیتا ہے، اس تھپڑ کی شہروز کو امید نہیں ہوتی اور وہ کافی حیران ہوجاتا ہے۔

اس دوران شہروز کا ماموں اسے اور اپنی بہن کو اپنے افس سے چلے جانے کا کہتا ہے اور ساتھ ہی یہ بھی کہتا ہے کہ میں تمہاری اور تمہارے کرمنل بیٹے کی کوئی مدد نہیں کرسکتا۔

اے آر وائی کی اس نئی ڈرامہ سیریل میں شہریار منور، اشنا شاہ، شجاع اسد اور ماہ نور حیدر نے مرکزی کردار ادا کیا ہے جبکہ مداح ان کی اداکاری کو کافی پسند کررہے ہیں۔