Tag: تہمینہ جنجوعہ

اسلام آباد: انسداد دہشت گردی کے لیے پاکستان نے ایک اور بڑا قدم اٹھاتے ہوئے اقوام متحدہ کی سلامتی کونسل کی پابندیوں سے متعلق قرارداد پر پالیسی گائیڈ لائنز جاری کردیں۔

سیکریٹری خارجہ تہمینہ جنجوعہ نے گائیڈ لائنز جاری کرتے ہوئے کہا کہ بےمثال قومی عزم،اجتماعی دانش و قربانی سے ہم نے دہشت گردی کے خلاف جنگ لڑی اور اس میں فتح حاصل بھی کیا، سیکیورٹی فورسز اور دیگر اداروں کی مؤثرحکمت عملی کارگرثابت ہوئی۔ اُن کا کہنا تھا کہ پالیسی گائیڈلائنز سے تمام فریقین کو قرارداد کو سمجھنے میں مددملےگی۔

FS Tehmina Janjua addressing the launch ceremony of Guidelines for Implementation of #UNSC 1267 Sanctions.

These guidelines have been formulated in consultation with stakeholders and in compliance with International standards.@UN_OCT @UN_CTED @FATFNews @UN 

(1/2) pic.twitter.com/bc0ELfsJlq

— Dr Mohammad Faisal (@ForeignOfficePk) April 12, 2019

یاد رہے کہ تین اپریل کو اقوام متحدہ میں پاکستان کی حمایت سے ترکی کی دہشت گردی کے خلاف پیش کی گئی قرار داد منظور کی گئی تھی، اس موقع پر پاکستانی مندوب ملیحہ لودھی کا کہنا تھا کہ دیواریں کھڑی کرنے کے بجائے امن پسندی کا پل تعمیر کرنا چاہیے۔

اقوام متحدہ میں منظور ہونے والی قرارداد مذہب، تعصب کی بنیاد پر دہشت گردی کے خلاف تھی، متذکرہ قرارداد نیوزی لینڈ حملے اور اسلام دشمن رویوں کے تناظر میں پاکستان کی حمایت سے ترکی کی جانب سے پیش کی گئی تھی۔

یہ بھی پڑھیں: تہمینہ جنجوعہ خواتین کے لئے رول ماڈل ہیں: وزیر خارجہ شاہ محمود قریشی

ملیحہ لودھی کا اقوام متحدہ کی جنرل اسمبلی میں خطاب کرتے ہوئے کہنا تھا کہ ’یہ قرارداد اسلام دشمن رویوں پر مبنی انتہا پسندی اور تنگ نظری کی مخالفت کرتی ہے، پاکستان نے ہمیشہ اقوام اور مذاہب کو قریب لانے کی کوششوں کی حمایت کی‘۔

اُن کا کہنا تھا کہ مغرب میں نسل پرستوں میں انتہاء پسندانہ سوچ پروان چڑھ رہی ہے، ایسا نظریہ یا سوچ عالمی بھائی چارے کی راہ میں سب سے بڑی رکاوٹ ہے، ہم مذہب، رنگ و نسل کی بنیاد پر نفرت، استحصال کا نشانہ بننے نہیں دے سکتے۔ ملیحہ لودھی کا مزید کہنا تھا کہ ہمارے خطے میں بھی انتہا پسند گروہ مذہب کی بنیاد پر انتشار اور امن دشمنی کو فروغ دے رہے ہیں۔

اسلام آباد: کینیڈین ڈپٹی وزیرِ خارجہ نے سیکریٹری خارجہ تہمینہ جنجوعہ سے ٹیلی فونک رابطہ کیا، رابطے میں دو طرفہ امور پر تفصیلی گفتگو کی گئی۔

تفصیلات کے مطابق کینیڈا کے ڈپٹی وزیر خارجہ ایان شوگرٹ نے پاکستانی سیکریٹری خارجہ کو فون کر کے دو طرفہ امور پر تفصیل کے ساتھ گفتگو کی۔

[bs-quote quote=”تہمینہ جنجوعہ نے کینیڈا کے ڈپٹی وزیر خارجہ کو پاکستانی شہریوں کو کینیڈین ویزے کے حصول میں درپیش مشکلات سے آگاہ کیا۔” style=”style-8″ align=”left”][/bs-quote]

ترجمان دفترِ خارجہ کا کہنا ہے کہ تہمینہ جنجوعہ اور ایان شوگرٹ کے درمیان ایک گھنٹے تک گفتگو ہوئی۔

ٹیلی فونک رابطے کے دوران دو طرفہ امور کے علاوہ علاقائی صورت حال پر بھی تبادلہ خیال کیا گیا، ایان شوگرٹ نے پاکستان کے کشیدگی کم کرنے کے خیر سگالی جذبے کو سراہا۔

دفتر خارجہ کے ترجمان نے کہا کہ تہمینہ جنجوعہ نے کینیڈا کے ڈپٹی وزیر خارجہ کو پاکستانی شہریوں کو کینیڈین ویزے کے حصول میں درپیش مشکلات سے آگاہ کیا۔

اس موقع پر ایان شوگر نے کہا کہ کینیڈا پاکستان اور بھارت کے درمیان سفارتی طریقے سے مسائل کے حل کا حامی ہے۔

یہ بھی پڑھیں:  پاک اوربھارت کے درمیان امن کے لیے مذاکرات ہی واحد راستہ ہیں، کینیڈا

یاد رہے کہ سیکریٹری خارجہ تہمینہ جنجوعہ نے 7 مارچ کو اوٹاوا کا دورہ کرنا تھا، تاہم یہ دورہ موجودہ سیکورٹی صورت حال کے پیش نظر منسوخ کیا گیا۔

واضح رہے کہ کینیڈین وزارت خارجہ نے پاک بھارت کشیدگی پر اظہار تشویش کرتے ہوئے کہا تھا کہ خطے میں امن و سلامتی کے لیے مذاکرات ہی واحد حل ہیں۔