شوبز انڈسٹری کی معروف اداکارہ عائزہ اعوان نے اپنی محبت سے متعلق لب کشائی کردی۔
فوٹو اور ویڈیو شیئرنگ ایپ انسٹاگرام پر اداکارہ عائزہ اعوان نے نئی تصاویر شیئر کیں جس میں انہیں بلیو جینز اور گلابی ٹی شرٹ میں خوشگوار موڈ میں دیکھا جاسکتا ہے۔
عائزہ اعوان نے تصاویر شیئر کرتے ہوئے کیپشن میں لکھا کہ ’خود سے زیادہ پیار کرنے کے دور میں، اور ساتھ ہی کپ کیک کی ایموجی بھی بنائی۔‘
اداکارہ نے گزشتہ روز یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
عائزہ اعوان سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ عائزہ اعوان اے آر وائی ڈیجیٹل کے ڈرامہ سیریل ’تیرے بنا میں نہیں‘ میں ’تہنیت‘ کا مرکزی کردار نبھا رہی ہیں، ڈرامے دیگر کاسٹ میں بشریٰ انصاری، شہزاد شیخ، سونیا حسین ودیگر شامل ہیں۔
’تیرے بنا میں نہیں‘ کی ہدایت کاری کے فرائض علی مسعود نے انجام دیے ہیں جبکہ اس کی کہانی ماہا ملک نے لکھی ہے۔
