Tag: تیاریاں مکمل

این اے 205 گھوٹکی : ضمنی الیکشن آج ہوگا، الیکشن کمیشن کی تیاریاں مکمل

گھوٹکی : قومی اسمبلی کے حلقہ این اے 205 گھوٹکی پر ہونے والے ضمنی الیکشن کے لیے انتظامات مکمل کرلیے گئے، عملہ سامان سمیت پولنگ اسٹیشنوں پر پہنچ گیا۔

تفصیلات کے مطابق این اے دو سو پانچ گھوٹکی ٹو میں آج ہونے والے ضمنی انتخاب سے متعلق الیکشن کمیشن کی جانب سے تمام تیاریاں مکمل کرلی گئی ہیں، ضمنی انتخاب کیلئے پولنگ عملے کو سامان کی ترسیل شروع کردی گئی۔

حلقے کے تین لاکھ ساٹھ ہزار سے زائد رجسٹرڈ ووٹرز کیلئے دو سو نوے پولنگ اسٹیشنز قائم کئے گئے ہیں۔ اس کے علاوہ پولنگ کے دوران شکایات کے اندراج اور ازالے کیلئے الیکشن کمیشن سیکرٹریٹ میں کنٹرول روم قائم کیا گیا ہے، جہاں عملہ دو شفٹوں میں انتخابی نتائج مرتب ہونے تک کام کرے گا۔

الیکشن کمیشن کے مطابق مرد ووٹرز کی تعداد دو لاکھ چار ہزار نو سو اسی اور خواتین ووٹرز کی تعداد ایک لاکھ پچپن ہزار آٹھ سو پچانوے ہے۔

مزید پڑھیں: وفاقی وزیر سردارعلی محمدمہر حرکت قلب بند ہونے پر انتقال کرگئے

پیپلزپارٹی کے امیدوار سردار محمد بخش مہر کا اپنے بھانجے احمد علی مہر سے کانٹے کا مقابلہ ہوگا۔ قومی اسمبلی کی یہ نشست تحریک انصاف کے ایم این اے سردار علی محمد مہر کے انتقال کے بعد خالی ہوئی تھی۔

جولائی 23, 2019
قومی ا یئرلائن نے حج آپریشن 2019 کی تیاریاں مکمل کرلیں

کراچی : قومی ا یئرلائن نے رواں سال حج آپریشن میں 318 پروازوں سے 84 ہزار عازمین حج کو حجاز مقدس پہنچائے گی، قبل ازحج آپریشن 4 جولائی سے شروع ہوگا اور 5 اگست تک آپریشن جاری رہے گا۔

تفصیلات کے مطابق لاکھوں فرزندان توحید رب العزت کی عبودیت کا اعتراف کرتے ہوئے فریضہ حج کی سعادت حاصل کرتے ہیں، قومی ایئرلائن نے حج آپریشن 2019 کی تیاریاں مکمل کرلیں، اس سال پی آئی اے 318 پروازوں سے 84 ہزار عازمین حج کوحجازمقدس پہنچائے گی۔

پی آئی اے قبل ازحج آپریشن 4جولائی سے شروع کرے گی، یہ آپریشن 5اگست تک آپریشن جاری رہے گا جبکہ حجاج کرام کی وطن واپسی 17اگست سے شروع ہوگی اور 14ستمبر تک حاجیوں کی وطن واپسی کا آپریشن جاری رہے گا۔

پہلی حج پرواز اسلام آباد سے 300 سے زائدعازمین کولیکر جدہ روانہ ہوگی، پی آئی اے اپنے حج آپریشن میں بوئنگ777طیارہ آپریٹ کرے گی۔

اسلام آباد سے 14 ہزار 40 عازمین ، کراچی سے15ہزار125عازمین ، لاہور سے14ہزار922عازمین ، پشاور سے 8 ہزار 750عازمین کو سعودی عرب پہنچایاجائےگا۔

پی آئی اے سیالکوٹ سے 4300، ملتان سے 5300 ،فیصل آباد سے1700، کوئٹہ سے 8794 جبکہ سکھر سے 639 عازمین کوحجازمقدس پہنچائے گی۔

پی آئی اے جدہ اور مدینہ کیلئے اپنا حج پرواز آپریٹ کرے گی، حج پروازوں کا شیڈول وزارت مذہبی اموراور سعودی عرب کی جنرل سول ایوی اتھارٹی کو شیڈول روانہ کردیا ہے۔

جون 12, 2019
خیبرپختونخوا میں شیلٹرہومز کے لیے تیاریاں مکمل، وزیراعظم عمران خان افتتاح کریں گے

پشاور : خیبرپختونخوا حکومت نے شیلٹرہومز کے لیے تیاریاں مکمل کرلیں، وزیراعظم عمران خان شیلٹرہوم کا افتتاح کریں گے ، 150سے 200 مسافر رات گزار سکیں گے۔

تفصیلات کے مطابق وزیراعظم عمران خان کی ہدایت پر خیبرپختونخوا حکومت کی جانب سے شیلٹرہومز کے لیے تیاریاں مکمل کرلیں گئیں ہیں، وزیراعظم عمران خان اگلے ہفتے پشاور کا دورہ کررہے ہیں، جہاں وہ شیلٹرہوم کا افتتاح کریں گے۔

سرکاری حکام کا کہنا ہے کہ پجگی روڈ پر اعلیٰ معیار کا شیلٹرہوم کا منصوبہ مکمل ہے ، 150 سے 200 مسافر رات گزار سکیں گے۔

حکام کے مطابق بس اڈوں کےقریب بھی شیلٹرہوم قائم کیےجارہےہیں جبکہ چارسدہ،کوہاٹ ،حاجی کیمپ اڈوں میں بھی شیلٹرہوم تعمیرہوں گے۔

مزید پڑھیں : وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھ دیا

یاد رہے 10 دسمبر کو وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھا تھا ، شیلٹرہومز بے سہارا اور غریب عوام کے لیے بنائے جائیں گے۔

پہلے مرحلےمیں لاہور میں 5 شیلٹر ہوم قائم ہوں گے، ریلوے اسٹیشن کے سامنے بنایا گیا شیلٹرہوم ایک کنال اراضی پر محیط ہے ، شیلٹر ہوم کی جگہ صوبائی حکومت اور ٹرانسپورٹ ڈیپارٹمنٹ کی ملکیت ہے،اس میں 93 مرد اور 27 خواتین قیام کرسکیں گی۔

بعد ازاں وزیراعظم عمران خان کی ہدایت پر بے گھرافراد کے لیے لاہور میں فٹ پاتھوں پرعارضی خیمےلگا دیئے گئے تھے۔

دسمبر 10, 2018
پیپلزپارٹی کا 51واں یوم تاسیس، تیاریاں مکمل، بلاول بھٹو خطاب کریں گے

سکھر: پیپلزپارٹی کے 51ویں یوم تاسیس پر سکھر میں تاریخی پاور شو کی تیاریاں مکمل کرلی گئی ہیں، بلاول بھٹو یوم تاسیس پر جلسے سے خطاب کریں گے، آصف زرداری کا بھی خطاب متوقع ہے۔

تفصیلات کے مطابق پیپلزپارٹی کے آج ہونے والے 51 ویں یوم تاسیس کی تیاریاں مکمل کرلی گئی ہیں، جلسے کے انتظامات سکھر اسپورٹس کمپلیکس کے سامنے کیے گئے ہیں، رہنما پیپلزپارٹی خورشید شاہ نے جلسہ گاہ کا دورہ کیا اور انتظامات کا جائزہ لیا۔

پیپلزپارٹی کے یوم تاسیس پر سکھر شہر کو برقی قمقموں سے سجایا گیا ہے، ملک بھر سے پیپلزپارٹی کی قیادت، تنظیمی عہدیدار اور ورکرز شریک ہوں گے۔

یوم تاسیس کا دن صرف پیپلزپارٹی کا نہیں، خورشید شاہ

پیپلزپارٹی کے رہنما سید خورشید شاہ نے کہا ہے کہ یوم تاسیس کا دن صرف پیپلزپارٹی کا نہیں ہے، ہم نے جمہوریت کو تصور و نظریہ دیا، قائد اعظم نے کہا تھا پاکستان میں پارلیمانی جمہوریت ہوگی، آمریت نے پارلیمانی جمہوریت کو سبوتاژ کیا۔

انہوں نے کہا کہ جمہوریت کی حفاظت کے لیے ہم نے بہت کچھ کھویا ہے، جمہوریت کے لیے قربانیاں دیں، پھندے پر چڑھے، کوڑے کھائے، جیل گئے، بھٹو خاندان کو شہید کیا گیا لیکن اس شمع کو ختم نہ کرسکے۔

ایس ایس پی سکھر نے سیکیورٹی پلان جاری کردیا

یوم تاسیس کے سلسلے میں ایس ایس پی سکھر نے سیکیورٹی پلان جاری کردیا، جلسے میں 2 ہزار 350 افسران و پولیس کے جوان تعینات کیے جائیں گے، جلسے کی سیکیورٹی کے لیے ایس ایس پی سکھر، ایس ایس پی سی ٹی ڈی تعینات ہوں گے، ایس ایس پی ایس آر پی سمیت 6 ایس ایس پیز تعینات کیے جائیں‌ گے۔

ایس ایس پی سکھر کے مطابق 24 ڈی ایس پیز، 202 انسپکٹرز اور سب انسپکٹرز تعینات ہوں گے، 2120 پولیس اہلکاروں سمیت 100 لیڈیز پولیس اہلکار بھی تعینات ہوں گے، جلسہ گاہ کے شرکا کی تین جگہوں پر جامہ تلاشی لی جائے گی۔

جلسے کے لیے ایک گیٹ وی آئی پیز، 2 گیٹ جیالوں اور ایک گیٹ خواتین کے لیے مختص کیا گیا ہے، پولیس اسپیشل کمانڈوز بھی جلسے کے دوران پیٹرولنگ کے فرائض انجام دیں گے۔

نومبر 30, 2018
صدراور دو گورنرز کی نشستوں پر ضمنی الیکشن آج ہوگا، تمام تیاریاں مکمل

کراچی/ پشاور : صدرمملکت، گورنر سندھ اور خیبر پختونخوا کے گورنر کی چھوڑی نشستوں پر ضمنی الیکشن کا میدان آج سجے گا۔ این اے247اور پی ایس111کراچی میں پی ٹی آئی کا مقابلہ ایک کیو ایم سے ہوگا۔

تفصیلات کے مطابق شہر قائد کی دو نشستوں پر ضمنی انتخاب کا معرکہ آج ہوگا ، دونوں حلقوں میں تحریک انصاف، ایم کیوایم اور پیپلزپارٹی میں کانٹے کا مقابلہ متوقع ہے، انتخابی سامان کی ترسیل کا کام مکمل کرلیا گیا۔

قانون نافذ کرنے والے اداروں نے سیکیورٹی پلان فائنل کرلیا، حساس پولنگ اسٹیشنز پر سی سی ٹی وی کیمرے نصب کیے جائیں اور کسی بھی ناخوشگوار واقعے سے نمٹنے کیلئے چار ہزار پولیس اہلکار اپنے فرائض انجام دیں گے۔

اس کے علاوہ پشاور کے حلقہ پی کے71میں بھی ضمنی انتخاب کی تیاریاں مکمل کرلی گئی ہیں، کراچی میں صدرمملکت عارف علوی اورگورنرعمران اسماعیل کی چھوڑی نشستوں پرضمنی الیکشن کا دنگل آج ہوگا، این اے247 اور سندھ اسمبلی کے حلقے پی ایس111میں پولنگ ہوگی۔

قومی اسمبلی کی نشست این اے247 پر آفتاب حسین صدیقی کپتان کے کھلاڑی ہیں، پیپلزپارٹی نے معروف اداکار قیصر نظامانی کو میدان میں اتارا ہے جبکہ صادق افتخارایم کیوایم کے امیدوار ہیں۔ پی ایس پی بھی قسمت آزمائے گی، ڈپٹی مئیر کراچی ارشد وہرہ مصطفی کمال کے امیدوار ہیں۔

پی ایس ایک سوگیارہ میں پندرہ امیدوارآمنے سامنے ہیں، پی ٹی آئی کے شہزاد قریشی، پیپلزپارٹی کے فیاض پیرزادہ اورایم کیوایم کے جہانزیب مغل میں کانٹے کا مقابلہ متوقع ہے، دونوں حلقوں میں سات لاکھ بائیس ہزار سے زائد ووٹرز کے لئے تین سوبیس پولنگ اسٹیشنز بنائے گئے ہیں۔

دوسری جانب الیکشن کمیشن نے21اکتوبر کو ضمنی انتخابات کے لیے سہولت سینٹر قائم کردیا ہے، سہولت سینٹر21اکتوبر کو صبح آٹھ سے شام 6بجے تک کام کرے گا اور متعلقہ حلقوں کے شہری تفصیلات حاصل کرسکیں گے۔

مزید پڑھیں: ضمنی الیکشن این اے 247: صدر پاکستان کی چھوڑی ہوئی نشست کی دل چسپ تاریخ

خیال رہے کہ دو ہزار تیرہ کے انتخابات سے قبل ہی این اے247تحریک انصاف کا مضبوط حلقہ بن چکا ہے، ڈاکٹر عارف علوی اس حلقے سے دوبار کامیاب قرار پائے ہیں صدر مملکت بننے کے بعد انہوں نے یہ نشست خالی کی۔

گورنر سندھ عمران اسماعیل صوبائی نشست پی ایس ایک سو گیارہ سےمنتخب ہوئے تھے تاہم گورنر سندھ بننے کے بعد انہوں یہ نشست خالی کی تھی۔

اکتوبر 21, 2018
ملک بھرمیں مردم شماری کا اغاز بدھ سے ہوگا، تیاریاں مکمل

اسلام آباد : ملک بھر میں مردم شماری کا آغاز پندرہ مارچ سے ہورہا ہے۔ مردم شماری دو مرحلوں میں ہوگی۔ جسے دو ماہ میںمکمل کیا جائے گا۔ پاک فوج اور مقامی پولیس عملے کو سیکیورٹی فراہم کریگی۔

تفصیلات کے مطابق ملک بھرمیں انیس سال بعد مردم شماری پندرہ مارچ سے شروع ہوگی، مردم شماری دو مرحلوں میں ہوگی اور دوماہ میں یہ عمل مکمل کیا جا ئے گا مردم شماری کے پہلے فیز کا آغاز پندرہ مارچ سے ہوگا۔

ذرائع کے مطابق مردم شماری پرتقریباً اٹھارہ ارب روپے کے اخراجات آئیں گے۔ مردم شماری کیلئےایک لاکھ ساٹھ ہزار سے زائد بلاکس بنائے گئے ہیں۔

ذرائع کے مطابق مردم شماری کے حوالے سے اقوام متحدہ کی سفارشات پر عمل کیا جائیگا اور سکیورٹی پاک فوج اور مقامی پولیس فراہم کریگی۔ مانیٹرنگ کیلئے یو این ایف پی اے کو دعوت دی گئی ہے،اگر کسی علاقہ میں حالات خراب ہوں تو وہاں مردم شماری دوسرے فیز میں کرانے کا آپشن موجودہے۔

ساٹھ دن میں کل آبادی، مرد، خواتین اور خواجہ سراؤں کے اعداد و شمار پر مشتمل ابتدائی رپورٹ مکمل کی جائیگی۔

مارچ 12, 2017
بے نظیربھٹو کی نویں برسی، تیاریاں مکمل، جیالوں کی آمد جاری

لاڑکانہ : بے نظیر بھٹو کی نویں برسی کی تقریب گڑھی خدا بخش میں ہوگی۔ تقریب کی تمام تیاریاں مکمل کرلی گئی ہیں ملک بھر سے قافلوں کی لاڑکانہ آمد کا سلسلہ بھی جاری ہے۔

تفصیلات کے مطابق محترمہ بے نظیر بھٹو شہید کے دسواں یوم شہادت کے موقع پر گڑھی خدا بخش لاڑکانہ میں برسی کی تقریب کیلیے پنڈال سج گیا۔

ستائیس دسمبر کی شام اس جگہ پیپلز پارٹی کی قیادت اور کارکن جمع ہوکراپنی شہید لیڈرکو خراج عقیدت پیش کریں گے۔ تقریب کیلیے بم پروف اسٹیج تیار کر لیا گیا۔ اس حوالے سے سیکیورٹی کے فول پروف انتظامات کیے گئے ہیں، برسی میں شرکت کیلیے پارٹی رہنما گڑھی خدا بخش پہنچنا شروع ہوگئے ہیں۔

وزیر اعلیٰ سندھ مراد علی شاہ نے مزار پر حاضری دی، بے نظیر کی قریبی ساتھی ناہید خان بھی مزار پر فاتحہ خوانی کیلیے پہنچیں، جیالوں کی بڑی تعداد بھی برسی میں شرکت کیلیے گڑھی خدا بخش آرہی ہے۔

کارکنان بڑی تعداد میں بے نظیر بھٹو کے مزار پر حاضری دے کر قرآن خوانی بھی کررہے ہیں۔ ملک کے مختلف علاقوں سے جیالے قافلوں کی صورت میں لاڑکانہ کی جانب رواں دواں ہیں۔

دسمبر 26, 2016
پشاور : پی ٹی آئی کا جلسہ کل ہوگا، خواتین کی شرکت ممنوع

پشاور : پاکستان تحریک انصاف کل پشاورمیں عوامی طاقت کا مظاہرہ کرے گی جس میں ساؤنڈ سسٹم کی ذمہ داری ڈی جے ول سن کے حوالے کردی گئی، خواتین کو جلسے میں نہ آنے کی ہدایت کی گئی ہے۔

تفصیلات کے مطابق تحریک انصاف کا سونامی کل پشاور میں نکلے گا، اس سلسلے میں پنڈال سجا دیا گیا، جلسہ گاہ میں اسٹیج کی تیاری کیلئے کنٹینر لگا دیئے گئے۔

جلسہ گاہ کو سبز ہلالی پرچموں اور پی ٹی آئی کے جھنڈوں سے سجایا جارہا ہے۔ جبکہ جلسے میں پارٹی ترانے اور ملی نغمے چلانے کا خصوصی طور پر اہتمام کیا گیا ہے۔

جلسے کے شرکاء کو پرجوش کرنے کے لئے نغموں اور پارٹی ترانوں کی نئی دھنیں ترتیب دے دی گئیں، پی ٹی آئی کے لاہور کے جلسے میں خواتین کے ساتھ بد تمیزی کے واقعے کے پیش نظر پی ٹی آئی رہنماؤں نے اس جلسے میں عام خواتین اور لیڈیز ونگ کو جلسے میں شرکت نہ کرنے کی ہدایت کی ہے تاکہ اس طرح کا کوئی مذید واقعہ پیش نہ آئے۔

پی ٹی آئی کے جلسہ میں ساؤنڈ سسٹم کی ذمہ داری ڈی جی ولی سن کے حوالے کی گئی ہے، ڈی جے ولی سن کے ساتھی نے میڈیا کو بتایا کہ جلسے میں نئے پشتو اور پنجابی گیت پیش کریں گے۔

ڈی جے ولی سن کے ساتھی کا کہنا تھا کہ دو سو سے زائد اسپیکر جلسہ گاہ میں لگائے جائیں گے، ڈی جے ولی سن پشاور میں پہلی دفعہ اپنے فن کا مظاہرہ کرے گا۔

تحریک انصاف کا جلسہ کے حوالے سے پشاور انتظامیہ نےسکیورٹی کے انتظامات مکمل کر لئے۔ جلسے کی مانیٹرنگ کیلئے کنٹرول روم بھی بنایا گیا ہے۔

واضح رہے کہ اس سے قبل پاکستان تحریک انصاف کا فیصل آباد کا جلسہ چند ناگزیر وجوہات کی بنا پر ملتوی کردیا گیا تھا۔

مئی 8, 2016
این اے 246: الیکشن کمیشن کی ضمنی الیکشن کیلئے تیاریاں مکمل

کراچی : الیکشن کمیشن نے کراچی کے حلقہ این اے دوسوچھیالیس میں ضمنی معرکےکیلئے تیاریاں مکمل کرلیں۔حلقےمیں رجسٹرڈ ووٹرزکی تعدادتین لاکھ ستاون ہزار آٹھ سو ایک ہے۔

بیلٹ پیپر چھپ گئے۔ضابطہ اخلاق جاری ہوگیا۔ تفصیلات کے مطابق الیکشن کمیشن نے این اے دوسوچھیالیس میں ضمنی انتخاب کیلئےانتظامی تیاریاں مکمل کرلیں۔

پولنگ صبح آٹھ بجے سےشام پانچ بجےتک بغیر کسی وقفےکے جاری رہےگی۔الیکشن کمیشن کے مطابق حلقےمیں رجسٹرڈ ووٹرزکی تعداد تین لاکھ ستاون ہزارآٹھ سو ایک ہے۔

تیئس اپریل کوہونے والی پولنگ میں پریذائیڈنگ افسران اور اسسٹنٹ پریذائیڈنگ افسران کو مجسٹریٹ درجہ اول کے اختیارات حاصل ہوں گے۔

ضابطہاخلاق کے مطابق امیدواروں کوانتخابی مہم اکیس اپریل رات بارہ بجےختم کرناہوگی۔

اپریل 18, 2015
اسلام آباد: یومِ پاکستان کی پریڈ کے لئے تیاریاں مکمل

اسلام آباد: یومِ پاکستان کی پریڈ کے لئے تیاریاں مکمل کرلی گئیں ہیں، پریڈ ایونیو کے اطراف میں موبائل سروس معطل ہے، شہریوں کو مشکلات سے بچانے کے لئے ٹریفک پلان جاری کردیا گیا ہے۔

شہرِ اقتدار میں یومِ پاکستان پریڈ کے تمام انتظامات مکمل کرلئے گئے ہیں، جڑواں شہروں کے لئے نیا ٹریفک پلان جاری کردیا گیا ہے، بائیس اور تئیس مارچ کی درمیانی شب سے دن ایک بجے تک فیض آباد ،اسلام آباد ایکسپریس وے اور کھنہ پل ہر قسم کی ٹریفک کےلئے بند ہوگا۔

ٹی چوک اور چھبیس نمبر چنگی کی جانب سے بڑی گاڑیوں کے داخلے پر پابندی ہے ۔

راولپنڈی اور اسلام آباد آنے والے مسافر شمس آباد روڈ، آئی جے پرنسپل روڈ اور نائنتھ ایونیو کا راستہ استعمال کرسکتے ہیں، دہشتگردی کے خطرات کے پیشِ نظر سیکیورٹی کے سخت انتظامات کئے گئے ہیں۔

پریڈ ایونیو کے اطراف میں موبائل فون سروس بند کردی گئی ہے جبکہ شہر کے داخلی اور خارجی راستوں پر سیکیورٹی اہلکاروں کا سخت پہرہ ہے۔

مارچ 21, 2015