خیرپور : تیرہ سالہ بچی کو اغوا کے بعد بے دردی سے قتل کردیا گیا، ملزم نے خود لاش کو گھر والوں کے حوالے کیا، سوشل میڈیا پر نشاندہی کے بعد پولیس نے آٹھ افراد کو حراست میں لے لیا۔
تفصیلات کے مطابق سندھ حکومت کے اہم رہنما کے شہر خیرپور میں تیرہ سال کی بچی بے دردی سے قتل کردی گئی، کچھ روز قبل ملزم ذوالفقار وسان نے مسلح ساتھیوں کے ساتھ گھر پر دھاوا بول کر رمشا وسان کو اغوا کیا۔
کئی روز اپنے پاس رکھا اور پھر لاش گھر والوں کے حوالے کردی، سوشل میڈیا پر ہلچل مچی تو آٹھ افراد کو حراست میں لے لیا لیکن ذوالفقار وسان ہاتھ نہیں آیا۔
پولیس نے مقدمے میں ذوالفقار وسان کو نامزد کرکے واقعہ غیرت کے نام پر قتل قرار دے دیا۔ سوشل میڈیا پر لوگوں کا کہنا ہے کہ ملزم ذوالفقار وسان مبینہ طور پر پی پی رہنما منظور وسان کا رشتے دار ہے۔
