چکوال: کار بے قابو ہو کر درخت سے ٹکرا گئی ، جس کے نتیجے میں چار افراد جاں بحق اور دو زخمی ہوئے ، کار سوار راولپنڈی سے لاہور جا رہے تھے۔
تفصیلات کے مطابق چکوال میں موٹر وے ایم ٹو دھراب پل کے قریب کار بے قابو ہوکر درخت سے ٹکرا گئی۔
حادثے میں چار افراد جاں بحق اور دو زخمی ہوئے تاہم لاشوں اور زخمیوں کو اسپتال منتقل کر دیا گیا ہے۔
کار سوار راولپنڈی سے لاہور جا رہے تھے، جاں بحق افراد کی شناخت رضا علی، عاطف،صفت اللہ اور رمضان بلوچ کے نام سے ہوئی جبکہ زخمیوں میں فہیم اور عرفان شامل ہیں۔
مزید پڑھیں : تیز رفتار کار بے قابو ہو کر الٹ گئی، خاتون سمیت 2 افراد جاں بحق
یاد رہے گذشتہ ماہ پنجاب کے شہر چنیوٹ میں تیز رفتار کار بے قابو ہو کر الٹ گئی تھی ، جس کے نتیجے میں خاتون سمیت 2 افراد جاں بحق ہوگئے تھے۔
اس سے قبل 20 مارچ 2025 کو چنیوٹ میں بس اور مسافر ویگن میں ہولناک تصادم کے نتیجے میں 7 افراد جاں بحق اور 10 زخمی ہوگئے تھے، مسافر وین سرگودھا سے فیصل آباد جا رہی تھی۔
