سرائےعالمگیر : سرائے عالمگیر میں تیزرفتارگاڑی نہر میں گرنے سے ایک ہی خاندان کے پانچ افراد جاں بحق ہوگئے، جس میں چھ ماہ کی بچی بھی شامل ہیں۔
تفصیلات کے مطابق سرائےعالمگیر میں تیزرفتارگاڑی نہر میں جا گری ، جس کے نتیجے میں کار میں سوار پانچ افراد جاں بحق ہوگئے، جس میں چھ ماہ کی بچی بھی شامل ہیں۔
حادثہ منڈی بہاالدین روڈ پر پیش آیا، جہاں تیز رفتار گاڑی خاتون ڈرائیور سے بے قابو ہو کر نہر اپرجہلم میں گری، ایک خاتون کو ریسکیواہلکاروں نے بچالیا تاہم چھ ماہ کی نائبہ خالد کی تلاش جاری ہے۔
گاڑی میں سوار خواتین جہلم سے منڈی بہا الدین رشتہ داروں کےگھرجارہی تھیں، پانچوں کا تعلق ایک ہی خاندان سے ہے۔
یاد رہے گھوٹکی میں خانپور مہر کے قریب تیز رفتار کار نہر میں جاگری تھی اور حادثے میں تین افرادجاں بحق جبکہ دو کو زندہ بچالیا گیا تھا۔
پولیس حکام کے مطابق کار میں پانچ افراد سوار تھے، حادثے کا شکار تینوں افراد کی لاشیں نہر سے نکالی گئیں، دوسری جانب ریسکیو حکام کا کہنا تھا کہ پانی کا بہاؤ تیز ہونے کے باعث ریسکیو آپریشن میں مشکلات کا سامنا کرنا پڑا۔
