Tag: تیسرا ون ڈے

میرپور: پاکستان کرکٹ ٹیم نے رسوائیوں کی نئی دستان رقم کردی، تاریخ میں پہلی بار بنگلہ دیش سے ون ڈے سیریز میں کلین سوئپ کا سامنا کرنا پڑا، تیسرے ون ڈے میں بنگال ٹائیگرز نے آٹھ وکٹوں سے کامیابی حاصل کرلی۔

میرپور کے شیر بنگلہ اسٹیڈیم میں قومی ٹیم ناکامیوں کے گھری کھائی میں جا گری، بنگلہ دیش کے خلاف ون ڈے سیریز میں گرین شرٹس ایک کامیابی بھی حاصل نہ کرسکے، تیسرے ون ڈے میں بھی قومی کھلاڑیوں نے پرانی ہی غلطیاں دھرائی۔

کپتان نے ٹاس جیت کر پہلے بیٹنگ کرتے ہوئے عمدہ آغاز فراہم کیا لیکن ان کے بعد والے بیٹسمین تو چل میں آیا کی پالیسی پر ہی گامزن رہے،اظہر علی کیرئیر کی پہلی سینچری اسکور کرکے آوٹ ہوئے تو بقیہ سات بیٹسمین صرف سنتالیس رنز کے اضافے کے بعد پویلین لوٹ گئے۔

فواد عالم اور محمد حفیظ مسلسل تیسرے ون ڈے میں ناکام رہے،قومی ٹیم پورے اوور بھی نہ کھیل سکی اور اننچاسویں اوور میں دو سو پچاس رنز بناکر آوٹ ہوگئی۔

ہدف کے تعاقب میں بنگلہ دیش کے اوپنر تمیم اقبال اور سومیا سرکار نےجارحانہ بیٹنگ کرتے ہوئے ٹیم کو ایک سو پنتالیس رنز کا آغاز فراہم کیا، تمیم چونسٹھ رنز بناکر آوٹ ہوئے۔

بنگلہ دیش نے مطلوبہ ہدف سومیا سرکار کی دھواں دار سینچری کی بدولت انتالیسویں اوور میں دو وکٹوں کے نقصان پر حاصل کرلیا، سومیا سرکار ایک سو ستائیس رنز کے ساتھ ناقابل شکست رہے۔

ڈھاکا: پاکستان اور بنگلہ دیش کی ٹیمیں کل تیسرے ون ڈے میں مدمقابل ہونگی۔ گرین شرٹس پر سیریز میں کلین سوئپ کی تلوار لٹکنے لگی۔ بنگلہ دیشی ٹائیگرز نے اپنی نظریں کلین سوئپ پر جمالیں ہیں۔

تفصیلات کے مطابق پاکستان اور بنگلہ دیش کے درمیان سیریز کا تیسرا اور آخری ون ڈے کل میرپور ڈھاکا میں کھیلا جائے گا۔ گرین شرٹس پر سیریز میں کلین سوئپ کی تلوار لٹک رہی ہے۔

پاکستان مسلسل پانچویں سیریز بھی ہار گیا، شائقین کا بھروسہ بھی ٹوٹ گیا۔ اب بنگلہ دیش کے خلاف آخری ون ڈے میں شاہین  قومی ٹیم کی بقاء  کی جنگ لڑیں گے۔

بنگلہ دیش نے سولہ سال بعد پہلا ون ڈے جیتا۔ پھر تاریخ میں پہلی مرتبہ پاکستان کے خلاف ون ڈے سیریز بھی اپنے نام کرلی اور اب میزبان ٹیم نے نظریں کلین سوئپ پر جمالی ہیں۔

انتظامیہ سرجوڑ کر بیٹھ گئی۔ ہے کہ وائٹ واش سے کیسا بچاجائے، بیٹنگ، بولنگ اور فیلڈنگ تینوں شعبوں میں کھلاڑی ناکام ہورہے ہیں۔

انجریز نے ٹیم کی مشکلات اور بھی بڑھادی ہیں۔پاکستان آخری ون ڈے بھی ہارگیا تو آئی سی سی رینکنگ میں ساتویں پوزیشن بھی کھودے گا۔