ممبئی: بالی ووڈ کے میگا اسٹار عامر خان نے تیسری شادی سے متعلق ردعمل دے دیا۔
بالی ووڈ کے معروف اداکارہ عامر خان نے حال ہی میں ریا چکرورتی کے پوڈ کاسٹ میں شرکت کی جہاں انہوں نے اپنی ذاتی زندگی سے متعلق گفتگو کی، ساتھ اداکار نے کرن راؤ سے طلاق کے بعد دوبارہ شادی کرنے کے امکان پر تبادلہ خیال کیا۔
ریا چکرورتی نے پوچھا کہ کیا آپ کا تیسری بار شادی کرنے والے ہیں جس پر عامر خان کا کہنا تھا کہ میں 59 سال کا ہوگیا ہوں، تیسری شادی کرنا اب مشکل لگ رہا ہے۔
عامر خان کا کہنا تھا کہ مجھے تنہا رہنا پسند نہیں ہے، مجھے ایک پارٹنر کی ضرورت ہے، میں اپنی دونوں سابقہ بیویوں رینا اور کرن سے بہت قریب ہوں، اور ہم ایک خاندان کی طرح ہیں
اداکار کا کہنا تھا کہ زندگی بہت ناقابل بھروسہ ہے تو ہم اس پر کیسے اعتبار کرسکتے ہیں، شادی کا چلنا یا نہ چلنا ہر کسی کے لیے مختلف ہوتا ہے اور اس وقت میری زندگی میں بہت سے رشتے ہیں، میں اپنی فیملی اوربچوں سے دوبارہ جڑا ہوں، میں بہت خوش ہوں۔
عامرخان کا کہنا تھا کہ میری دونوں فیملی میرے بہت قریب ہیں، میں آج کل خود کو بہتر انسان بنانے پر کام کررہا ہوں۔
پاکستان کی معروف اداکارہ فضا علی نے تیسری شادی نہ کرنے کی بڑی وجہ بتادی ہے۔
پاکستان کی معروف اداکارہ فضا علی کے انٹرویو کی ایک کلپ سوشل میڈیا پر خوب وائرل ہے جس میں انہوں نے اپنی تیسری شادی اور سابقی سسرالیوں سے متعلق گفتگو کی ہے۔
اداکارہ نے کہا کہ سابق شوہر فواد سے میری کبھی کوئی لڑائی نہیں ہوئی نہ ہی ہمارے درمیان کبھی بحث ہوئی، بس وہ رشتہ اس لیے نہیں چل سکا کیونکہ فواد چاہتے تھے کہ میں سوشلائزنگ زیادہ کیا کروں۔
اداکارہ فضا علی نے کہا کہ سابق شوہر کی نظر میں اداکارہ ایک بہت چھوٹی چیز تھی وہ میرے کام کو نہیں سمجھتے تھے بس وہ چاہتے تھے لاہور میں منعقد ہونے والی تمام پارٹیز میں شرکت کیا کروں لیکن میری ذہنیت ایسی نہیں تھی، جس پر میرے گھر والوں نے سوچا کہ ایسا تو نہیں ہو سکتا، جس کے بعد ہم نے الگ ہونے کا فیصلہ کیا۔
فضا نے بتایا کہ میری آج تک اپنے سابقہ سسرال والوں سے اچھی بونڈنگ ہے، میں جب بھی زیادہ مصروف ہوتی ہوں تو سابقہ ساس سے خود کہتی ہوں کہ جو بھی گھر پر بنا ہے مجھے کھانے کیلئے دے دیں تاکہ شوٹنگ پر وقت پر پہنچ سکوں، میں آج تک فواد کے والدین کو امی، ابو ہی کہتی ہوں۔
انٹرویو کے آخر میں اداکارہ نے کہا کہ اس رشتے کے بعد کچھ جگہ میری بات پکی بھی ہوگئی تھی، لیکن تیسری شادی سے قبل لڑکے کے گھر والوں نے کہا کہ ہمارا بچہ آپکی بیٹی کو بھی اپنانے کیلئے تیار ہے لیکن شرط یہ ہے کہ آپکی بیٹی اپنے حقیقی والد سے نہیں ملے گی، بس اس ہی طرح کی شرائط کی وجہ سے میرا رشتہ رہ گیا۔
واضح رہے کہ فضا علی نے سال 2007 میں فواد فاروق سے شادی کی تھی، جن سے انہیں ایک بیٹی فرال بھی ہے اور شادی کے تین سال بعد ہی اُن کی طلاق ہوگئی تھی۔
پہلی شادی میں ناکامی کے بعد فضا علی نے 2018 میں ایاز ملک نامی کاروباری شخص سے شادی کی تھی، اُن کی یہ شادی بھی کامیاب نہ ہوسکی اور طلاق پر ختم ہوگئی۔
پاکستان شوبز کو خیرباد کہنے والی اداکارہ و اینکر عروج ناصر کا کہنا ہے کہ ضروری نہیں کہ دو اچھے لوگ ایک ساتھ بھی رہ سکیں۔
اے آر وائی ڈیجیٹل کے پروگرام شان سحور میں سابقہ اداکارہ و اینکر عروج ناصر نے شرکت کی اور اپنی زندگی میں آنے والے نشیب و فراز سے متعلق ناظرین کو آگاہ کیا۔
انہوں نے بتایا کہ میری پہلی شادی نعمان مسعود سے ہوئی جو ایک سال رہی اس کے بعد میری دوسری شادی ہوئی جن سے میری ایک بیٹی ہے جس کا نام آیت ہے۔
انہوں نے بتایا کہ ہماری علیحدگی کو 8 سال ہوگئے لیکن بیٹی آیت کی وجہ سے سابقہ شوہر سے رابطہ ہے اور مجھے یہ بات کہنے میں کوئی عار نہیں کہ وہ بھی ایک اچھے انسان ہیں، اسی لیے میں کہتی ہوں کہ ضروری نہیں کہ دو اچھے لوگ ایک ساتھ بھی رہ سکیں۔
ہمارے اور سابقہ شوہر کے تعلقات کے حوالے سے لوگ سوشل میڈیا پر طرح طرح کی باتیں بناتے ہیں تو میں ان سے یہی کہوں گی کہ وہ جو بھی ہیں جیسے بھی ہیں میری بیٹی کے باپ ہیں۔
اپنی تیسری شادی سے متعلق انہوں نے بتایا کہ میرے شوہر شیراز چوہدری میرے کلاس فیلو تھے، اسکول ختم ہونے کے بعد دونوں اپنی اپنی زندگیوں میں مصروف ہوگئے جبکہ شیراز چوہدری شادی کے بعد بچوں اور بیوی کے ساتھ برطانیہ میں زندگی کے دن گزارنے لگے لیکن کورونا وائرس کے بعد لگنے والے لاک ڈاؤن میں کچھ پرانے دوستوں نے ہماری ملاقات کروائی۔
30سال بعد ایک دوسرے سے دوبارہ ملے جب مجھے ان کی طرف سے شادی کی آفر ہوئی تو اس وقت میں بھی طلاق یافتہ تھی اور بیٹی آیت فاطمہ کیلئے فکر مند تھی اور پھر ایک دوسرے کو جاننے کے بعد جلد ہی شادی کے بندھن میں بندھ گئے۔
عروج نے بتایا کہ شادی سے قبل ہی شیراز نے مجھے اپنی سابقہ بیوی اور بچوں کے بارے میں سب کچھ بتا دیا تھا کہ ان کی اولاد برطانیہ میں ہی مقیم ہے اور اہلیہ کے ساتھ تعلقات اچھے نہیں رہتے۔
معروف پاکستانی اداکار شمعون عباسی نے اپنی سابقہ شادیوں اور حال ہی میں کی جانے والی تیسری شادی سے متعلق گفتگو کی اور تنقید کرنے والوں کو جواب دیا۔
پاکستانی اداکار، ہدایت کار اور اسکرین رائٹر شمعون عباسی نے حال ہی میں ایک انٹرویو کے دوران اپنی 3 شادیوں پر تنقید کرنے والوں کو آڑے ہاتھوں لیتے ہوئے کہا ہے کہ طلاق لینے کے بعد ان کی دونوں سابقہ بیگمات بہتر زندگی گزار رہی ہیں۔
شمعون نے اپنی سابقہ بیگمات حمائمہ ملک اور جویریہ عباسی کا ذکر کرتے ہوئے اپنی تیسری شادی پر بھی بات کی۔
شمعون عباسی کا کہنا تھا کہ لوگ اکثر مجھ سے سوال کرتے ہیں کہ میں نے تیسری شادی کیوں کی؟ جس پر میرا جواب ہوتا ہے کہ مجھے بیوی کی ضرورت تھی اس لیے شادی کی، مجھے گرل فرینڈ نہیں رکھنی تھی۔
انہوں نے کہا کہ انہیں ان کے والد نے سکھایا تھا کہ ہمارے معاشرے میں گرل فرینڈ کا کوئی رواج نہیں ہے اسی لیے انہوں نے شادیاں کی، لوگ اس بات کو نہیں سمجھ پا رہے کہ لڑکی کو دوست (گرل فرینڈ) بنا کر رکھنے سے بہتر شادی ہے۔
شمعون کا کہنا تھا کہ بطور مسلمان میں شادیوں پہ یقین رکھتا ہوں اور خدا بھی شادیاں کرنے کا حکم دیتا ہے، اس لیے انہوں نے گرل فرینڈ رکھنے پر ہمیشہ شادیوں کو فوقیت دی۔
انہوں نے اپنی سابقہ بیویوں، حمائمہ ملک اور جویریہ عباسی سے متعلق بات کرتے ہوئے کہا کہ طلاق کے بعد ان کی سابقہ بیویاں پہلے سے بہتر زندگی گزار رہی ہیں اور دونوں ان سے بڑی اسٹارز ہیں۔
خیال رہے کہ اداکار شمعون عباسی نے گزشتہ ماہ اپریل میں خود سے کم عمر اداکارہ شیری شاہ سے تیسری شادی کی تصدیق کی تھی۔
اس سے قبل شمعون عباسی نے پہلی شادی 1997 میں جویریہ عباسی سے کی تھی، تاہم دونوں نے 2007 میں علیحدگی اختیار کرلی تھی۔
بعد ازاں 2010 میں انہوں نے اداکارہ حمائمہ ملک سے دوسری شادی کی تھی لیکن ان کی شادی محض 3 سال چلی اور 2013 میں طلاق پر ختم ہوئی۔
ریاض : تیسری بیوی کو شوہر کی عیادت کےلیے اسپتال جانا مہنگا پڑگیا، شوہر نے اسپتال میں ہی تیسری اہلیہ کو طلاق دے دی۔
جی ہاں! یہ حیران کن واقعہ خلیجی ریاست سعودی عرب میں پیش آیا جہاں ایک شخص نے نکاح کے وقت عجیب و غریب شرط لڑکی والوں پر عائد کی۔
نکاح خواں کا کہنا تھا کہ سعودی شہری نے تیسری شادی کے وقت شرط رکھی کہ شادی کو خفیہ رکھا جائے گا اور اس کی بیوی کسی شادی سے متعلق کو کچھ نہیں بتائے گی اور نہ ہی رشتے دار کسی سے اس بات کا ذکر کریں گے۔
نکاح خواں نے بتایا کہ شہری کے یہ شرط عائد کرنے کی وجہ پہلے سے شادی شدہ ہونا تھا۔
شادی کے کچھ وقت بعد شوہر بیمار ہوگیا اور اسے اسپتال میں داخل کیا گیا جہاں تیسری بیوی نے فرض زوجیت نبھانے کےلیے اسپتال کا دورہ کیا تاکہ شوہر کی عیادت کرسکے لیکن یہ اقدام اسے بہت مہنگا پڑگیا۔
تیسری بیوی کے اسپتال پہنچنے کے شوہر کے پہلی دو بیویوں کو تیسری شادی کا علم ہوگیا جس کے باعث شوہر نے تیسری بیوی بغیر کچھ سنے اور پوچھے اسپتال میں ہی طلاق دے دی۔
شہری نے موقف یہ اختیار کیا کہ نکاح کے وقت شادی کو صیغہ راز میں رکھنے کی شرط رکھی تھی جسے توڑ دیا گیا، طلاق کی ذمہ دارتیسری بیوی خود ہے۔
کراچی: شہر قائد میں تیسری شادی کرنے والے دلہے کی شامت آگئی ، پہلی بیوی اوراس کے رشتہ داروں نے ولیمےمیں پہنچ کر دلہے کی درگت بنا ڈالی ، دلہے نے بس کے نیچے چھپ کر بڑی مشکل سے جان بچائی۔
تفصیلات کے مطابق کراچی میں شہری کوتیسری شادی کرنا مہنگا پڑگیا، کراچی کےعلاقہ نارتھ ناظم آبادمیں ولیمہ کی تقریب میں پہلی بیوی نے آکر دولہا کا پول کھول دیا۔
آصف نامی شخص کی مقامی شادی حال میں ولیمہ کی تقریب جاری تھی کہ اس کی پہلی بیوی اپنے خاندان والوں کےساتھ پہنچ گئی اور لڑکی والوں کومیاں کے کرتوت بتائے کہ موصوف نے پہلے ہی دو شادیاں کررکھی ہیں، آصف کے اہل خانہ نے جھوٹ بولا ہے۔
جس کے بعد تقریب میں پہلی بیوی اوراس کے رشتہ داروں نے آصف کی درگت بنا ڈالی، زخمی آصف نے تیموریہ تھانے پہنچ کر سسرالیوں کے خلاف ایف آئی آر درج کرائی ، تھانے سے باہر نکلا تو دلہا کی پہلی بیوی کے اہلخانہ نے اسے پھردھوڈالا، تیسری شادی کرنیوالے دلہا نے بس کے نیچے چھپ کر جان بچائی۔
میڈیا نمائندگان نے بڑی مشکل سے آصف کو بس کے نیچے سے نکال کرموقف لیا، آصف نے اپنی دوسری شادی کا اعتراف کرتے ہوئے اپنی درگت بنانے والوں کے خلاف قانونی کارروائی کی دھمکی بھی دی۔
دوسری جانب آصف کی پہلی بیوی ہونے کی دعوے دارخاتون کے مطابق دولہے کے خلاف دھوکے بازی کی ایف آئی آر پہلے بھی کٹ چکی ہے۔
اسلام آباد : چیئرمین تحریک انصاف عمران خان نے پاکپتن کی معروف روحانی شخصیت بشریٰ بی بی سے تیسری شادی کرلی ہے.
تفصیلات کے مطابق عمران خان اور بشریٰ بی بی کا نکاح مفتی سعید نے آج لاہور میں پڑھایا جس میں کپتان کی جانب سے قریبی رشتہ دار اور ساتھیوں عون چوہدری اور زلفی بخاری نے جب کہ بشریٰ بی بی کی جانب سے بھی کچھ عزیز و اقارب نے شرکت کی.
ترجمان پی ٹی آئی فواد چوہدری نے عمران خان کی تیسری شادی کی تصدیق کرتے ہوئے بتایا کہ عمران خان اور بشریٰ بی بی کے درمیان نکاح آج مختصر اور سادہ سی تقریب میں ہوا جس میں دونوں جانب سے مخصوص رشتہ داروں اور دوستوں نے شرکت کی۔
تحریک انصاف کے ذرائع کی جانب سے نکاح کی تصاویر جاری کردی گئیں ہیں جس میں عمران خان کو سفید رنگ کے شلوار قمیض اور کالے کوٹ میں ملبوس دیکھا جا سکتا ہے جب کہ ان کی تیسری اہلیہ بشریٰ بی بی جو اب بشریٰ عمران خان ہو چکی ہے نے مکمل اسلامی پردہ کیا ہوا ہے اور حجاب سے چہرہ ڈھانپا ہوا ہے۔
یاد رہے کہ یہ 65 سالہ عمران خان کی تیسری شادی ہے ان کی پہلی شادی جمائما گولڈ اسمتھ سے 16مئی 1995 کو ہوئی جس سے اُن کے دو بچے سلیمان اور قاسم ہیں یہ شادی نو سال بعد 22 جون 2004 کو ختم ہوئی جس کے بعد عمران خان نے دوسری شادی صحافی ریحام خان سے جنوری 2015 میں کی تاہم یہ شادی ایک سال بھی نہ چل سکی۔
پاکپتن کی معروف روحانی شخصیت 48 سالہ بشریٰ مانیکا کی بھی یہ دوسری شادی ہے ان کی پہلی شادی کسٹم آفیسر خاور مانیکا سے ہوئی تھی جس سے ان کے دو بیٹے ابراہیم مانیکا، موسیٰ مانیکا اور تین بیٹیاں ہیں، بشریٰ مانیکا جن کا تعلق معروف وٹو گھرانے سے ہے اعلیٰ تعلیم یافتہ خاتون ہیں اور خاور فرید مانیکا سے شادی کے بعد روحانیت میں دلچسپی لینا شروع کی اور جلد پورے علاقے میں ایک روحانی شخصیت کے طور شہرت حاصل کی۔
بشریٰ مانیکا نے چند ماہ قبل اپنے شوہر خاور فرید مانیکا سے خلع لے لی تھی جس کے بعد سے ان کی شادی خبریں گردش کرتی رہی ہیں تاہم تحریک انصاف کے چیئرمین کا کہنا تھا کہ انہوں نے بشریٰ بی بی کو خلع کے بعد شادی کا پیغام بھیجا ہے اور ابھی جواب کے منتظر ہیں اس لیے شادی کی خبریں پھیلانے والے جھوٹ سے کام لے رہے ہیں۔
عمران خان اپنے سیاسی زندگی کے مشکل دور سے گزرے تو روحانیت کے ذریعے رہنمائی حاصل کرنا چاہی جس کے لیے مشترکہ دوست نے بشریٰ مانیکا اور خاور مانیکا سے ملاقات کرائی جس کے بعد کپتان اپنی زندگی اور اہم سیاسی امور سے متعلق مشکل فیصلوں پر بشریٰ مانیکا سے روحانی رہنمائی لیا کرتے تھے۔
کپتان کی تیسری شادی کی خبر نے اُن کے چاہنے والوں میں خوشی کی لہر دوڑا دی ہے جب کی سیاسی حریفوں کی جانب سے بھی مبارک بادوں کا تانتا بندھا ہوا ہے دوسری جانب تحریک انصاف کی قیادت نے نو بیاہتا جوڑے کے لیے پھول اور تحائف بھیجوائے اور نیک تمناؤں کا اظہار کیا ہے.
سیاسی تجزیہ نگاروں کا کہنا ہے کہ انتخابات قریب ہیں ان حالات میں تحریک انصاف یا عمران خان کے لیے کوئی بھی اسکینڈل مشکل کھڑا کر سکتا تھا اور ان کی تیسری شادی کی خبریں چند ماہ سے زور پکڑ گئی تھیں تاہم اب نکاح ہوجانے کے بعد تمام منفی باتیں دم توڑ دیں گی اور خان صاحب بھی یکسوئی کے ساتھ سیاست میں حصہ لیں گے جو تحریک انصاف کے لیے مثبت بات ہے.
لاہور : لالی ووڈ کی معروف اداکارہ نور بخاری کی چوتھی خفیہ شادی منظرعام پر آگئی، انہوں نے گلوکار ولی حامد سے کیا گیا خفیہ نکاح کا دوسال بعد اعتراف کرتے ہوئے اب پوری زندگی اپنے شوہر کے ساتھ گزارنے کا فیصلہ کیا ہے۔
تفصیلات کے مطابق معروف فلمی اداکارہ نوراور گلوکاراستاد حامد علی خان کے صاحبزادے ولی حامد خان نے شادی کر لی، اداکارہ نورکا کہنا ہے کہ ان کا نکاح دو سال پہلے ہوا تھا جسے دونوں نے باہمی رضامندی سے خفیہ رکھا۔
معروف اداکارہ نور نے گلوکار ولی کے ساتھ نکاح کا اعتراف کرتے ہوئے کہا کہ ہم دونوں کا نکاح 2 سال پہلے ہوا تھا جسے باہمی رضا مندی سے خفیہ رکھا گیا۔
اداکارہ نور کے مطابق وہ شادی کے اعلان کیلئے موزوں وقت کی انتظار میں تھیں۔ 2 سال میں ولی کو سمجھ لیا ہے، اسی لئے وہ نکاح منظرعام پر لائی ہیں۔
نور نے کہا کہ اب میں نے اپنی پوری زندگی ولی کے ساتھ گزارنے کا فیصلہ کیا ہے۔ واضح رہے کہ اداکارہ نوراس سے قبل بھی 2 شادیاں کر چکی ہیں جو طلاق پر ختم ہوئی تھیں۔
انہوں نے پہلی شادی 2008 میں بھارتی شہری وکرم سے کی تھی جو 2010 میں ختم ہوگئی جبکہ انہوں نے دوسری شادی فلم پروڈیوسرفاروق مینگل سے کی جو صرف چار ماہ برقرار رہی۔ اس کے بعد تیسری شادی عون چوہدری سے کی تھی اور ان کی یہ شادی بھی طلاق پر ہی منتج ہوئی تھی جس کے بعد انہوں نےچوتھی شادی ولی حامد خان سے کی ہے۔
راولپنڈی: تحریک انصاف کے چیئرمین عمران خان نے میڈیا پر گردش کرنے والی اپنی شادی کی خبروں کو بے بنیاد قرار دے دیا۔
اس سے قبل ترجمان تحریک انصاف کے ٹوئٹر اکاؤنٹ پر مرکزی سیکریٹری اطلاعات نعیم الحق کی طرف سے کہا گیا تھا کہ عمران خان نے اپنی بہنوں سے شادی کا اظہار کر رکھا ہے۔ وہ آج کل چھٹیاں منانے اپنے بیٹوں کے ساتھ لندن میں ہیں۔
۔۔۔۔۔ تردید۔۔۔۔ چئیرمین تحریک انصاف عمران خان کی شادی سے متعلق خبریں بے بنیاد ہیں- مرکزی سیکرٹری اطلاعات نعیم الحق @naeemul_haque#PTI
انہوں نے عمران خان کی شادی کی خبروں کی مکمل تردید کرتے ہوئے انہیں بے بنیاد قرار دیا۔ دوسری جانب عمران خان نے بھی اپنے ٹوئٹ میں اسے بے بنیاد خبر قرار دیتے ہوئے کہا کہ انہوں نے شادی نہیں کی۔ وہ جب بھی شادی کریں گے دھوم دھام سے کریں گے اور باقاعدہ اعلان کریں گے۔
Rumours abt my marriage absolutely baseless. I have not gotten married. When I do I will announce & celebrate publicly. — Imran Khan (@ImranKhanPTI) July 12, 2016
دن کے آغاز سے عمران خان کی تیسری شادی سے متعلق خبریں میڈیا میں گردش کر رہی تھیں جن میں کہا جا رہا تھا کہ عمران خان پاک پتن کے مانیکا خاندان کی کسی لڑکی سے تیسری شادی کرنے جا رہے ہیں۔
اس حوالے سے نعیم الحق نے کہا کہ مانیکا خاندان سے عمران خان کے روحانی تعلقات ہیں۔
اسلام آباد: پی ٹی آئی کے چیئرمین عمران خان نے تیسری شادی کا اشارہ دے دیا، کہتے ہیں ہار مانا میرے خون میں نہیں، لیکن افسوس ابھی تک کوئی ایسی نہیں ملی جس سے شادی کرسکوں۔
بھارتی اخبار کو انٹرویو میں عمران خان نے تیسری شادی کا عندیہ دیا چیئرمین پاکستان تحریک انصاف عمران خان نے کہا کہ شادی پر یقین پہلے زیادہ پختہ ہوگیا،ہمت ہارنا میرے خون میں نہیں۔ تیسری شادی کرتے وقت محتاط رہوں گا۔
عمران خان نے کہا ساٹھ سال کی عمر میں شادی کرنا تیس سال کی عمر میں شادی کرنے جیسا نہیں،کپتان نے کہا زندگی غیر متوقع ہے، کل کیا ہو کسی کو کچھ نہیں معلوم ہے۔
انہوں نے بتایا کہ دوسری شادی سے قبل بچوں سے مشورہ لیاتھا انھیں کچھ مسائل تھے،اب اگر تیسری شادی کی تو بچے اس فیصلے کو قبول کرلیں گے کیوں کہ وہ جانتے ہیں میں تنہا رہتا ہوں جو آسان نہیں۔
عمران خان نے افسوس کا اظہارکیا کہ اب تک کوئی ایسی نہیں جس سے شادی کرسکوں، کپتان نے یہ بھی بتایا کہ آئیڈیل بیوی کیسی ہونی چاہیے۔
عمران خان نے کہا بیوی ایسی ہو جو چیلنج قبول کرنا چاہتی ہو، دوسری خصوصیت، وہ بامقصد زندگی گزارنا چاہتی ہو۔
کپتان نے کہا انہیں گلیمر متاثر نہیں کرتا ہے کون کیسا دکھتا ہے وہ اس سے بھی متاثر نہیں ہوتے، انہیں متاثر کرتا ہے با مقصد زندگی گزارنے والے جو اپنی ذات سے آگے سوچتے ہوں جو کچھ بننا چاہتے ہوں۔
