ARYNews.tv | Urdu – Har Lamha Bakhabar

Tag: تیل اور گیس

  • پاکستان میں تیل اور گیس کی یومیہ پیداوار میں اضافہ

    پاکستان میں تیل اور گیس کی یومیہ پیداوار میں اضافہ

    اسلام آباد: پاکستان پٹرولیم سروس کا کہنا ہے کہ ملک میں ہفتہ وار بنیادوں پر تیل اور گیس کی یومیہ پیداوار میں اضافہ ہوا ہے۔

    پاکستان پٹرولیم انفارمیشن سروس کے مطابق 31 مارچ کو ختم ہونے والے ہفتے میں ملک میں خام تیل کی اوسط یومیہ پیداوار 69 ہزار 98 بیرل رہی جو اس سے قبل کے ہفتے کے مقابلے میں 3.7 فی صد زیادہ ہے، اُس ہفتے میں ملک میں خام تیل کی اوسط یومیہ پیداوار 66 ہزار 662 بیرل رہی تھی۔

    اکتیس مارچ کو ختم ہونے والے ہفتے میں ملک میں گیس کی اوسط یومیہ پیداوار 3 ہزار 319 ایم ایم سی ایف ڈی ریکارڈ کی گئی، جو 23 مارچ کو ختم ہونے والے ہفتے کے مقابلے میں 5.8 فی صد زیادہ ہے، اُس ہفتے میں ملک میں گیس کی اوسط یومیہ پیداوار 3 ہزار 139 ایم ایم سی ایف ڈی ریکارڈ کی گئی تھی۔

    اعداد و شمار کے مطابق گزشتہ ہفتے کے دوران پی او ایل کی تیل کی اوسط یومیہ پیداوار 4887 بیرل، پی پی ایل 12154 بیرل، او جی ڈی سی ایل 32494 بیرل اور ماڑی گیس کی یومیہ اوسط پیداوار 1061 بیرل ریکارڈ کی گئی۔

    ملک کی سب سے بڑی آئل ریفائنری 5 روز کے لیے بند

    اسی طرح پی او ایل کی گیس کی اوسط یومیہ پیداوار 64 ایم ایم سی ایف ڈی، پی پی ایل 647، او جی ڈی سی ایل 701 اور ماڑی کی گیس کی اوسط یومیہ پیدوار 944 ایم ایم سی ایف ڈی ریکارڈ کی گئی۔

  • بڑی کامیابی ، پاکستان میں تیل اور گیس کے نئے ذخائر دریافت

    بڑی کامیابی ، پاکستان میں تیل اور گیس کے نئے ذخائر دریافت

    کراچی : خیبرپختونخوا کے ضلع کوہاٹ میں تیل وگیس کےنئے ذخائردریافت ہوگئے ، نئی دریافت سے 16.12ایم ایم سی ایف ڈی گیس کی پیداوار اور 3240بیرل یومیہ کنڈنسیٹ تیل حاصل ہوگا۔

    تفصیلات کے مطابق ملک میں تیل و گیس کی تلاش میں بڑی کامیابی مل گئی ، ایم او ایل کمپنی نےخیبرپختونخوا کے ضلع کوہاٹ میں تیل وگیس کےذخائر دریافت کرلئے۔

    اعلامیہ میں کہا گیا ہے کہ نئی دریافت سے 16.12ایم ایم سی ایف ڈی گیس کی پیداوار ہوگی جبکہ 3240بیرل یومیہ کنڈنسیٹ تیل بھی حاصل ہوگا، کمپنی کی جانب سے مزید ٹیسٹنگ جاری ہے۔

    یاد رہے رواں ماہ کے آغاز میں او جی ڈی سی ایل کا کہنا تھا کہ تھل ایسٹ ویل نمبر1 اور بھمبرا کنواں نمبر1 سے دریافت گیس کی کمرشل پیداوارکا آغاز کردیا گیا ہے، جس سے ملک میں گیس پیداوار میں اضافہ ہوگا۔

    مزید پڑھیں : دریافت گیس کی کمرشل پیداوار کا آغاز

    اوجی ڈی سی ایل کے مطابق دونوں دریافتوں سے ملکی زرمبادلہ میں خاطر خواہ بچت ہوگی ، صارفین ،صنعت کی بڑھتی طلب کو بھی پورا کرنے میں معاون ثابت ہوگی۔

    اس سے قبل کوہاٹ ڈھوک حسین کے مقام پر دریافت گیس کا منصوبہ مکمل کرلیا گیا تھا ، جس کے بعد 12 ایم ایم سی ایف ڈی کی14کلومیٹرطویل لائن ایس این جی پی ایل میں شامل ہوگئی تھی۔

    خیال رہے دسمبر 2019 میں پاکستان پیٹرولیم نے سندھ اوربلوچستان میں تیل اور گیس کی بڑی دریافت کا اعلان کرتے ہوئے پاکستان اسٹاک ایکس چینج کو نئی دریافت سے آگاہ کر دیا تھا ، پی پی ایل کا کہنا تھا کہ خیرپور سندھ میں 2 کروڑ 86 لاکھ کیوبک فٹ گیس دریافت ہوئی اور کنویں سے یومیہ 152 بیرل تیل بھی حاصل ہوگا۔

  • سعودی عرب: تیل اور گیس کے نئے ذخائر دریافت

    سعودی عرب: تیل اور گیس کے نئے ذخائر دریافت

    ریاض: سعودی عرب میں تیل اور گیس کے نئے ذخائر دریافت کرلیے گئے، گزشتہ برس بھی گیس کے 5 بڑے ذخائر دریافت ہوئے تھے۔

    سعودی ویب سائٹ کے مطابق سعودی عرب میں آرامکو نے شمال مغربی علاقے میں تیل اور گیس کے نئے ذخائر اور وسطی علاقے میں ایک آئل فیلڈ دریافت کیے جانے کا اعلان کیا ہے۔

    سعودی آرامکو کے مطابق سنہ 2020 کی پہلی سہ ماہی کے دوران آئل اور گیس کی 2 نئی فیلڈز دریافت ہوئی ہیں، ان میں سے ایک فیلڈ گیس اور تیل کے ذخائر سے مالا مال ہے جبکہ دوسری صرف آئل فیلڈ ہے۔

    آرامکو کی جانب سے بتایا گیا ہے کہ مملکت کے شمال مغرب میں ایک فیلڈ دریافت ہوئی ہے جہاں گیس اور تیل کے ذخائر بھرے ہوئے ہیں جبکہ وسطی ریجن میں آئل فیلڈ دریافت ہوئی ہے۔

    آرامکو کا کہنا ہے کہ سنہ 2019 کے دوران 2 آئل فیلڈز دریافت کی گئیں جبکہ تیل کے 7 کنویں کامیابی سے تیار کرلیے گئے۔

    سنہ 2019 کے دوران گیس کی تلاش کا بھی کام کیا گیا جس سے صحرا میں گیس فیلڈ دریافت ہوئی اور گیس کے 5 بڑے ذخائر ریکارڈ پر آئے، علاوہ ازیں گیس کے 6 کنویں بھی کامیابی سے تیار کرلیے گئے۔

    خیال رہے کہ سعودی عرب کی سب سے بڑی تیل کی کمپنی آرامکو نے اپنی پہلی سہ ماہی میں 16.63 ارب ڈالر کمائے ہیں اور 13.4 ارب ڈالر شئیر ہولڈرز میں تقسیم کیے ہیں۔

  • مریم اورنگزیب کا تیل کے ذخائر نہ ملنے پر دکھ اور افسوس کا اظہار

    مریم اورنگزیب کا تیل کے ذخائر نہ ملنے پر دکھ اور افسوس کا اظہار

    لاہور: ترجمان مسلم لیگ ن مریم اورنگزیب نے کہا ہے کہ سمندر میں تیل کا ذخیرہ نہ ملنے پر انھیں سخت دلی رنج اور افسوس ہوا۔

    تفصیلات کے مطابق مریم اورنگزیب نے تیل کے ذخائر نہ ملنے پر دکھ اور افسوس کا اظہار کیا، کہا دلی رنج اور افسوس ہوا کہ تیل کا ذخیرہ نہیں مل سکا۔

    ترجمان ن لیگ نے کہا کہ معیشت اور اچھے مستقبل کے خواب اس منصوبے سے جڑے تھے، نواز شریف نے جس منصوبے پر ہاتھ رکھا، اللہ کی برکت سے پورا ہوا۔

    مریم اورنگزیب کا کہنا تھا کہ نواز شریف نے اپنے دور میں یہ منصوبہ شروع کیا تھا، جھوٹ بولنے والے کو اللہ کبھی کام یابی نہیں دیتا، اس جھوٹ کا خمیازہ قوم کو بھگتنا پڑ رہا ہے۔

    یہ بھی پڑھیں:  کیکڑا ون میں تیل اور گیس، مزید 55 میٹر کھدائی کی جائے گی

    انھوں نے کہا کہ جھوٹوں کے آنے سے ملک سے برکت اٹھ گئی ہے، جب سے ان کے آنے کی خبر آئی ہے کوئی اچھی خبر نہیں آئی۔

    واضح رہے کہ وزارت پٹرولیم نے کیکڑا ون میں تیل اور گیس نہ ملنے کی تصدیق کر دی ہے تاہم ترجمان نے کہا ہے کہ ابھی 55 میٹر مزید کھدائی کی جائے گی۔

    ترجمان وزارت پٹرولیم نے کہا کہ کیکڑا ون میں موجود ذخائر میں پانی کا تناسب زیادہ ہے، ہائیڈرو کاربن کا مطلوبہ ذخیرہ نہ مل سکا۔

    پیٹرولیم ڈویژن کے ترجمان نے کہا کہ کنوئیں کی گہرائی 5634 میٹر ہے، مزید پچپن میٹر کھدائی کر کے دیکھا جائے گا اس کے بعد کنواں بند کر دیں گے۔

  • پاکستان میں تیل اورگیس کے سب سے زیادہ ذخائر سندھ سے ملے ہیں، عمرایوب

    پاکستان میں تیل اورگیس کے سب سے زیادہ ذخائر سندھ سے ملے ہیں، عمرایوب

    اسلام آباد: وفاقی وزیر توانائی کا کہنا ہے کہ 10 سالوں کے دوران تیل اور گیس کے دریافت ہونے والے ذحائر کی تعداد 160 ہے، فیصل واوڈا کا کہنا تھا کہ بھاشا اور مہمند ڈیمز کے فنڈز میں10 ارب 40 کروڑ سے زائد روپے جمع ہوچکے ہیں ۔

    تفصیلات کے مطابق آج بروز جمعہ سینٹ کا اجلاس صادق سنجرانی کی صدارت میں ہوا جس میں وزیر توانائی عمر ایوب خان نے تحریری جواب میں بتایاکہ گزشتہ 10 سالوں کے دوران تیل اور گیس کے دریافت ہونے والے ذخائر کی تعداد 160 ہے۔ انہوں نے کہاکہ سب سے زیادہ ذخائر سندھ سے دریافت کئے گئے،پنجاب میں 13،خیبرپختونخوا میں 13 جبکہ بلوچستان سے 3 ذخائر دریافت کئے گئے۔

    کیکڑا ون نامی زیر سمندر ڈرلنگ سائٹ پر بریفنگ دیتے ہوئے ان کا کہنا تھا کہ اس مقام پر ڈرلنگ ابھی جاری ہے۔ چار ہزار آٹھ سو میٹر گہرائی تک ڈرلنگ کی جاچکی ہے جبکہ تیل کا کنواں انتہائی گہرے پانیوں میں 5 ہزار چھ سو ساٹھ میٹر کی گہرائی میں موجود ہے۔

    ان کا کہنا تھا کہ ایکسون موبل کے عہدیداران سے ہونے والی حالیہ ملاقات میں انہیں یقین دہانی کرائی گئی ہے کہ جلد ہی تیل کا ذخیرہ نکل آئے گا۔

    اسی اجلاس میں چیف جسٹس، وزیراعظم فنڈ برائے تعمیر دیامر بھاشا ڈیم اور مہمند ڈیمز معاملہ پر وزیر برائے آبی وسائل فیصل واوڈا نے سینٹ میں تحریری جواب جمع کرادیا ۔ جواب میں بتایاگیاکہ سپریم کورٹ کی ویب سائٹ کے مطابق 10 ارب 40 کروڑ 57 لاکھ 773 روپے بھاشا اور مہمند ڈیمز کے فنڈز میں جمع ہوچکے ہیں ،وزیراعظم کی جانب سے مئی کے مہینے میں اس منصوبے کا انعقاد کردیا جائےگا۔

     انچارج برائے پرائم منسٹر ہاوس نے سینٹ میں تحریری جواب میں کہاکہ پاکستان سٹیزن پورٹل 28 اکتوبر 2019 کو شروع کیا گیابتایاگیا کہ 13 اپریل 6 لاکھ 20 یزار 588 شکایات موصول ہوئیں،4 لاکھ 64 ہزار 562 شکایات حل کردی گئیں ۔

    مجموعی طور پر 75 فیصد شکایات حل کردی گئیں، بتایاگیاکہ صرف 25 فیصد مطلب ایک لاکھ 56 ہزار 26 شکایات اس وقت زیر التوا ہیں۔ یہ بھی بتایاگیاکہ شکایات حل کرنے کیلئے کم از کم 20 اورزیادہ سے زیادہ 40 روزدرکار ہوتے ہیں۔

  • توانائی اور اسٹیل ملز کی بحالی، روس کی پاکستان کو دو ارب قرضے کی پیش کش

    توانائی اور اسٹیل ملز کی بحالی، روس کی پاکستان کو دو ارب قرضے کی پیش کش

    اسلام آباد: روس نے پاکستان کو توانائی کے منصوبوں اور پاکستان اسٹیل ملز کی بحالی کیلئے دو ارب روپے کا قرضہ فراہم کرنے کی پیشکش کر دی ہے۔

    روس نے توانائی کے منصوبوں کیلئے ایک ارب ڈالر قرضہ دینے کی پیشکش کی ہے۔ ان منصوبوں میں تیل اور گیس کی تلاش،  تیرنے والے ایل این جی ٹرمینل کی تعمیر، گوادر سے نواب شاہ گیس پائپ لائن کی تعمیر اور ایل پی جی پراسیسنگ سمیت دیگر منصوبے شامل ہیں۔

    روس کے اسٹیل سیکٹر نے پاکستان اسٹیل ملز کی بحالی میں دلچسپی ظاہر کی ہے اور ادارے کی بحالی کے لئے ایک ارب ڈالر کا قرضہ دینے کی پیشکش بھی کی ہے۔

    وزیر خزانہ اسحاق ڈار نے کہا کہ حکومت اسٹیل ملز کے چھبیس فیصد شیئرز فروخت کرنا چاہتی ہے۔ روسی کمپنی قرضے کے بجائے اس کی نجکاری کے عمل میں حصہ لے۔

  • ملک بھر میں تیل اور گیس کے نئے ذخائر کی تلاش شروع

    ملک بھر میں تیل اور گیس کے نئے ذخائر کی تلاش شروع

    oil