ARYNews.tv | Urdu – Har Lamha Bakhabar

Tag: تیل و گیس

  • معیشت کیلئے اچھی خبر، سندھ میں تیل و گیس کے نئے ذخائر دریافت

    معیشت کیلئے اچھی خبر، سندھ میں تیل و گیس کے نئے ذخائر دریافت

    کراچی: ملکی معیشت کیلئے ایک اور اچھی خبر آئی ہے، سندھ میں گیس کے نئے ذخائر دریافت ہوئے ہیں۔

    ماڑی انرجیز کے مطابق سندھ میں سجاول کے علاقے میں گیس کے نئے ذخائر دریافت کیے گئے ہیں، لوئر گورو فارمیشن سوہو 1 سجاول بلاک میں گیس کا ذخیرہ ملا ہے اور یہاں گیس کی پیداوار کا اندازہ 30.01 ایم ایم سی ایف یومیہ لگایا گیا ہے۔

    ماڑی انرجیز ترجمان کا کہنا ہے کہ پہلی مرتبہ ریتیلی چٹانوں کے نچلے حصے سے گیس دریافت ہوئی ہے، اس دریافت نے لوئر گوروفارمیشن میں مزید دریافت کے امکانات روشن کیے ہیں۔

    ترجمان کا مزید کہنا ہے کہ مقامی وسائل سے گیس کی ضروریات پوری کرنے میں مدد ملے گی، ذخائر کے مکمل امکانات کو بروئے کار لانے کے لیے مزید فارمیشنز کو ٹارگٹ کیا جارہا ہے۔

  • تیل و گیس کے ذخائر کی تلاش ، پاکستان کو ایک اور بڑی کامیابی مل گئی

    تیل و گیس کے ذخائر کی تلاش ، پاکستان کو ایک اور بڑی کامیابی مل گئی

    کراچی : تیل و گیس کے ذخائر کی تلاش میں پاکستان کو ایک اور  بڑی کامیابی مل گئی، شمالی وزیرستان میں نئی دریافت سے مقامی ضروریات پوری کرنے میں مدد ملے گی۔

    تفصیلات کے مطابق شمالی وزیرستان میں سپن وام ون کنویں سے تیسری جگہ تیل اور گیس دریافت ہوئی، سپنوام شمالی وزیرستان میں ہنگو فارمیشن میں واقع ہے۔

    ترجمان ماڑی انرجیز کا کہنا ہے تئیس اعشاریہ آٹھ ،پانچ ایم ایم سی ایف ڈی گیس اور ایک سو بائیس بیرل یومیہ تیل دریافت ہوا تاہم سپنوام سے تیل وگیس کی مزید دریافت کے لئے کام جاری ہے۔

    ترجمان کا کہنا تھا کہ وزیرستان بلاک میں ماڑی، اوجی ڈی سی ایل اور اورینٹ پٹرولیم کام کررہی ہیں، آپریشنز میں تعاون فراہم کرنے پر وزارت پٹرولیم قانون نافذ کرنے والے اداعوں کے شکرگزار ہیں۔

    مزید پڑھیں : شمالی وزیرستان میں کنوئیں سے تیل اور گیس کا ذخیرہ دریافت

    ماڑی انرجیز نے کہا کہ تیل وگیس کی نئی دریافت سے مقامی ضروریات پوری کرنے میں مدد ملے گی۔

    ترجمان ماڑی انرجیز کا بتانا تھا کہ اس سے قبل سامنسک اور کاوگ فارمیشنز سے دو دریافتیں ہوچکی ہیں، کاوگ فارمیشن سے 20.48 ایم ایم سی ایف ڈی گیس اور 117 بیرل یومیہ تیل جبکہ سامنسک فارمیشن سے 12.96 ایم ایم سی ایف ڈی گیس اور 20 بیرل یومیہ تیل دریافت ہوا تھا۔

  • بڑی خبر، شمالی وزیرستان میں کنوئیں سے تیل اور گیس کا ذخیرہ دریافت

    بڑی خبر، شمالی وزیرستان میں کنوئیں سے تیل اور گیس کا ذخیرہ دریافت

    شمالی وزیرستان میں سپنوام وَن ویل، کورگڑھ فارمیشن سے تیل اور گیس کی دریافت ہوئی ہے۔

    ترجمان ماڑی انرجیز کے مطابق شمالی وزیرستان میں کورگڑھ فارمیشن سے سپنوام وَن کے کنوئیں سے 20.48 ایم ایم سی ایف ڈی گیس، اور 117 بیرل یومیہ تیل دریافت ہوا ہے۔

    شمالی وزیرستان میں سپنوام ون سے تیل وگیس کی یہ دوسری دریافت ہے، اس سے قبل سپنوام وَن سے 12.96 ایم ایم سی ایف ڈی گیس جب کہ 20 بیرل یومیہ تیل دریافت ہوا تھا۔

    نئے دریافت شدہ ذخائر مقامی وسائل کے حوالے سے اہم پیش رفت ہے، اور اس سے گیس کی طلب اور رسد کا فرق کم کرنے میں مدد ملے گی۔

    شمالی وزیرستان میران بلاک میں تیل و گیس کی دریافت کیلیے معاہدے

    یاد رہے کہ رواں برس 26 فروری کو شمالی وزیرستان میران بلاک میں تیل و گیس کی دریافت کے لیے خیبر پختونخوا آئل اینڈ گیس کمپنی لمیٹڈ اور آئل اینڈ گیس ڈیویلپمنٹ کمپنی لمیٹڈ، پاکستان پیٹرولیم لمیٹڈ اور گورنمنٹ ہولڈنگ پرائیویٹ لمیٹڈ میں معاہدے ہوئے تھے۔

    پی او جی سی ایل مذکورہ بلاک میں 51 فی صد منافع کا مالک ہوگا، منصوبے پر اگلے 3 سال میں 20 ارب روپے کی سرمایہ کاری کی جائے گی، ساری سرمایہ کاری او جی ڈی سی ایل اور کنسورشیم میں شامل کمپنیاں کریں گی۔

  • سندھ اور پنجاب میں تیل و گیس کے شعبے سے دو خوشخبریاں

    سندھ اور پنجاب میں تیل و گیس کے شعبے سے دو خوشخبریاں

    اسلام آباد : پاکستان میں تیل و گیس کی پیداوار میں اضافہ ہوگیا ، او جی ڈی سی ایل کے پاس پاساکھی سیو سے تیل کی پیدوار اور 212 ون رحیم یارخان سے گیس کی پیدوار میں اضافہ کردیا۔

    تفصیلات کے مطابق سندھ اور پنجاب میں تیل و گیس کے شعبے سے دو خوشخبریاں آگئیں، آئل اینڈ گیس ڈیولپمنٹ کمپنی نے پاساکھی سیون حیدرآباد سندھ سے تیل کی پیداوار میں 145 فیصد اضافہ کردیا۔

    کمپنی اعلامیے میں کہا کہ پاساکھی سیون سے 375 بیرل کے بجائے یومیہ پانچ سو بیس بیرل خام تیل ملے گا۔

    کمپنی نے چک دو سو بارہ ون رحیم یارخان سے بھی گیس کی فراہمی شروع کردی ہے، کمپنی کا کہنا ہے چک دو سو بارہ ون میں پہلی گیس دریافت ہوئی تھی، جس سے ایک کھاد کے کارخانے کو دو ایم ایم ایس سی ایف ڈی گیس سپلائی شروع کردی ہے۔

    اسٹاک ایکسچینج کا کہنا ہے کہ اوجی ڈی سی ایل کے پاس پاساکھی سیون اور دو سو بارہ ون رحیم یارخان میں صد فیصد حصص ہیں۔

  • کے پی میں آئل اینڈ گیس کمپنی کی کامیاب بڈنگ کا اہم سنگ میل عبور

    کے پی میں آئل اینڈ گیس کمپنی کی کامیاب بڈنگ کا اہم سنگ میل عبور

    پشاور: خیبرپختونخوا کی آئل اینڈ گیس کمپنی کی کامیاب بڈنگ کا اہم سنگ میل عبور کر لیا گیا۔

    تفصیلات کے مطابق خیبرپختونخوا آئل اینڈ گیس کمپنی نے کامیاب بڈنگ کے ذریعے ایک اہم سنگ میل عبور کر لیا، میران بلاک کی بڈنگ کا عمل مکمل ہو گیا اور 49 فی صد شیئرز فروخت کر دیے گئے۔

    وزیر اعلیٰ علی امین گنڈاپور کی زیر صدارت خیبرپختونخوا آئل اینڈ گیس کمپنی لمیٹڈ کا اجلاس منعقد ہوا، جس میں شرکا کو بریفنگ میں بتایا گیا کہ بلاک کے 51 فی صد شیئرز خیبرپختونخوا آئل اینڈ گیس کمپنی کے پاس رہیں گے، جب کہ باقی فروخت کر دیے گئے۔

    منصوبے کے تحت صوبے میں 22 ارب روپے کی سرمایہ کاری کی جائے گی، ایکسپلوریشن مرحلے کے 100 فی صد اخراجات متعلقہ کنسورشیم برداشت کرے گا۔

    وزیر اعظم کی ضلع کرم میں دواؤں کی قلت فوری دور کرنے کی ہدایت

    علی امین گنڈاپور نے اس موقع پر کہا کہ ملک میں تیل اور گیس کی پیداوار میں خیبرپختونخوا کا بڑا کردار ہے، یہ پیش رفت کمپنی کو مزید مستحکم بنانے اور خطے کی ترقی میں اہم کردار ادا کرے گی۔

    انھوں متعلقہ حکام کو ہدایت کی کہ صوبے میں پن بجلی کے جاری منصوبوں پر کام کی رفتار کو تیز کیا جائے، اور ضم اضلاع میں چھوٹے پن بجلی گھروں کی تعمیر کے لیے سروے کیے جائیں۔ وزیر اعلیٰ نے یہ ہدایت بھی کی کہ مساجد اور گھروں کی سولرائزیشن کے منصوبے پر بھی جلد کام شروع کیا جائے۔

  • ملکی معیشت کے لئے اچھی خبر ، تیل اور گیس کا بڑا ذخیزہ دریافت

    ملکی معیشت کے لئے اچھی خبر ، تیل اور گیس کا بڑا ذخیزہ دریافت

    اسلام آباد : تیل و گیس کے ذخائر کی تلاش میں پاکستان کو ایک اور بڑی کامیابی مل گئی، دریافت سے ملک کے گیس اور تیل کے ذخائر میں اضافہ ہوگا۔

    تفصیلات کے مطابق خیبرپختونخوا میں تیل اور گیس کے نئے ذخائر دریافت کرلئے گئے ، او جی ڈی سی ایل کی جانب سے اعلامیے میں کہا گیا ہے کہ لکی مروت کے بیٹانی 2 کنویں میں گیس اور کنڈینسیٹ کے نئے ذخائر دریافت ہوئے۔

    ولی بلاک ساماناسک فارمیشن میں یہ پہلی ہائیڈرو کاربن دریافت ہے، جس سے یومیہ دو اعشاریہ ایک چار ملین اسٹینڈرڈ کیوبک فٹ گیس اور 74 بیرل خام تیل کی پیداوار حاصل کی جارہی ہے

    اس کنویں کے سوفیصد شیئرز او جی ڈی سی ایل کے پاس ہیں تاہم علاقے میں مزید کنویں کھودنے کی منصوبہ بندی کی جارہی ہے۔

    مزید پڑھیں : سجاول سے ہائیڈرو کاربن گیس کے ذخائر دریافت

    یاد رہے گذشتہ ماہ سجاول کے علاقے شاہ بندر میں پاٹیجی کنوئیں ایکس ون سے گیس ذخائر دریافت ہوئے تھے۔

    پی پی ایل کا کہنا تھا کہ شاہ بندر میں پاٹیجی کنوئیں کی 2475 میٹر کھدائی کا عمل 11 اکتوبر کو شروع ہوا تھا ، پاٹیجی کنوئیں سے یومیہ 12.4 ملین اسینڈرڈ کیوبک فٹ گیس اور ہلکے تیل کے 196 بیرل یومیہ ذخائر ملے ہیں۔

    https://urdu.arynews.tv/dollar-currency-rate-pakistan-today/

  • گزشتہ 10 برسوں میں اضافہ یا کمی؟ پاکستان میں تیل و گیس کی پیداوار سے متعلق بڑا انکشاف

    گزشتہ 10 برسوں میں اضافہ یا کمی؟ پاکستان میں تیل و گیس کی پیداوار سے متعلق بڑا انکشاف

    کراچی: پاکستان میں گزشتہ 10 برسوں میں تیل و گیس کی پیداوار میں اضافے کی بجائے بڑی کمی آئی ہے۔

    پاکستان پیٹرولیم انفارمیشن سروس کے مطابق گزشتہ دس برسوں میں پاکستان میں تیل و گیس کے بڑے ذخائر دریافت نہیں ہوئے، 2015 میں پاکستان میں خام تیل کی یومیہ پیداوار 94 ہزار 500 بیرل تھی جب کہ 2024 میں ملک میں خام تیل کی یومیہ پیداوار گر کر 70500 بیرل پر آ گئی۔

    پی پی آئی ایس کے مطابق پٹرول کی پیداوار 10 سالوں میں 24 ہزار بیرل گر گئی، گیس کی پیداوار 10 سالوں میں 900 ایم ایم ایس سی ایف ڈی کم ہو گئی۔ 2015 میں گیس کی یومیہ پیداوار 4016 ایم ایم سی ایف ڈی تھی، جو 2024 میں کم ہو کر 3116 ایم ایم سی ایف ڈی پر آ گئی۔

    مالی سال 24 میں گیس کی پیداوار 4.4 فی صد سالانہ کمی سے 3116 ملین مکعب فٹ رہی، جب کہ تیل کی پیداوار سالانہ 1.5 فی صد معمولی اضافے سے 70536 بیرل یومیہ ہو گئی۔

    ادھر آج پیر کو پاکستان پیٹرولیم لمیٹڈ (پی پی ایل) نے پاکستان اسٹاک ایکسیچنج کو خط لکھ کر آگاہ کیا ہے کہ خیبر پختونخوا کے ضلع کوہاٹ میں ٹل بلاک رازگیر ون کے کنوئیں میں تیل و گیس کے نئے ذخائر ملے ہیں۔

    ٹل بلاک میں رازگیر کنوئیں کی کھدائی 3773 میٹر تک کی گئی ہے، ابتدائی جانچ میں کنوئیں سے 17.90 ملین معکب فٹ گیس یومیہ اور یومیہ 153 بیرل خام تیل کے ذخائر ملے ہیں۔

  • خیبرپختونخوا میں تیل و گیس کا ذخیرہ دریافت

    خیبرپختونخوا میں تیل و گیس کا ذخیرہ دریافت

    ملکی معیشت کیلئے اچھی خبر آگئی، خیبرپختونخوا میں تیل و گیس کا بڑا ذخیرہ دریافت کرلیا گیا۔

    پاکستان آئل فیلڈ (پی او ایل) کے مطابق ٹل بلاک میں رزگیر ون کنویں سے تیل و گیس کا ذخیرہ ملا ہے، کنویں سے یومیہ 250 بیرل خام تیل اور 20 ملین میٹر اسٹینڈرڈ کیوبک گیس ملے گی۔

     پاکستان آئل فیلڈ ترجمان نے بتایا کہ کنویں کی کھدائی اس سال جنوری میں شروع کی گئی تھی، تیل و گیس کا کنواں پی او ایل، او جی ڈی سی اور پی پی ایل کی مشترکہ ملکیت ہے۔

    اعلامیے میں مزید کہا گیا ہے کہ پاکستان آئل فیلڈ نے پاکستان اسٹاک ایکسچینج کو خط بھیج کر دریافت سے متعلق آگاہ کردیا۔

  • تیل و گیس کے حوالے سے بڑی کامیابی، چندا کنویں سے 2.5 ملین معکب فٹ گیس کے ذخائر مل گئے

    تیل و گیس کے حوالے سے بڑی کامیابی، چندا کنویں سے 2.5 ملین معکب فٹ گیس کے ذخائر مل گئے

    ملکی معیشت کے لیے اچھی خبر آئی ہے، تیل و گیس کے حوالے سے آئل اینڈ گیس ڈیولپمنٹ کمپنی کو بڑی کامیابی ملی ہے، چندا کنویں سے 2.5 ملین معکب فٹ گیس کے ذخائر مل گئے ہیں۔

    کے پی کے ضلع کوہاٹ میں چندا کنویں پر پیش رفت کے حوالے سے آئل اینڈ گیس ڈیولپمنٹ کمپنی نے پاکستان اسٹاک ایکسچینج کو خط لکھ کر کہا ہے کہ کنویں سے پیداوار میں کامیابی ملی ہے۔

    او جی ڈی سی ایل کے مطابق چندا کنویں کی گہرائی 5492 میٹر ہے، جس سے 305 بیرل یومیہ خام تیل، اور 2.5 ملین معکب فٹ گیس کے ذخائر ملے ہیں، جب کہ اسی کنویں سے 3 میٹرک ٹن ایل پی جی بھی ملے گی۔

    کنویں کو چندا پلانٹ سے 1.3 کلومیٹر فلو لائن سے منسلک کر دیا گیا ہے، اور سوئی ناردرن گیس کمپنی کو 2.50 ملین معکب فٹ گیس سپلائی شروع ہو گئی ہے۔

    او جی ڈی سی ایل کے مطابق حیدر آباد میں بھی دوسری اہم پیش رفت ہوئی ہے، سندھ میں کنار 8 کنویں سے بھی پیداوار کی بحالی کی گئی ہے، کنویں پر نئے جدید پمپس کی تنصیب کی گئی ہے، کنویں سے یومیہ 540 بیرل خام تیل کے ذخائر کی پیداوار ملنا شروع ہو گئی ہے۔

    او جی ڈی سی ایل کا کہنا ہے کہ تیل و گیس کے ذخائر سسٹم میں آنے سے درآمدی بل میں نمایاں کمی ہوگی۔

  • ملک میں تیل و گیس کی غیر ملکی سرمایہ کاری کے حوالے سے اہم پیش رفت

    ملک میں تیل و گیس کی غیر ملکی سرمایہ کاری کے حوالے سے اہم پیش رفت

    اسلام آباد: ملک میں تیل و گیس کی غیر ملکی سرمایہ کاری کے حوالے سے اہم پیش رفت ہوئی ہے۔

    تفصیلات کے مطابق ماری پٹرولیم اور کویت فارن پیٹرولیم ایکسپلوریشن کمپنی میں ایم او یو طے پایا ہے، جس کے تحت کویت فارن پٹرولیم ایکسپلوریشن کمپنی پاکستان میں سرمایہ کاری کرے گی۔

    اس سلسلے میں جاری اعلامیے میں کہا گیا ہے کہ مذاکرات میں اسٹریٹجک تعلقات، تکنیکی صلاحیتوں، اور انفارمیشن شیئرنگ بہتر بنانے پراتفاق کیا گیا ہے۔

    ماڑی پٹرولیم کے مطابق دونوں کمپنیاں پاکستان سمیت دنیا بھر میں منتخب بلاکس میں مل کر کام کریں گی، اور دونوں ہی منتخب کردہ ممالک میں تیل و گیس کی تلاش کے لیے مشترکہ اسٹڈیز کرائیں گی۔