Tag: تین ملزمان گرفتار

جعلی اکاؤنٹس کیس، نیب راولپنڈی کی ایک اور کارروائی، 3 ملزمان گرفتار

اسلام آباد: جعلی اکاؤنٹس کیس میں نیب راولپنڈی نے ایک اور کارروائی کرتے ہوئے مزید 3 ملزمان کو گرفتار کرلیا۔

تفصیلات کے مطابق جعلی اکاؤنٹس کیس میں اہم پیش رفت ہوئی نیب راولپنڈی نے کارروائی کرتے ہوئے مزید تین ملزمان کو گرفتار کرلیا، گرفتار افراد میں فنانس منیجر شوگر ملز ٹنڈو کاظم علی شامل ہیں۔

ذرائع کے مطابق ملزم پر اومنی گروپ سے مل کر 846 ملین روپے کی خوردبرد کا الزام ہے، ملزمان فیصل اور امان اللہ بھی گرفتار ہونے والوں میں شامل ہیں۔

نیب ذرائع کا کہنا ہے کہ ملزم فیصل ندیم چیمبر شوگر مل کا فنانس منیجر ہے، ملزم نے 4 کروڑ روپے جعلی دستاویزات کے ذریعے سندھ حکومت سے وصول کیے۔

ملزم فیصل ندیم نے جعلی کاغذات پر اربوں روپے کا قرض بھی لیا، ملزم فیصل ندیم نے سندھ حکومت کو 27 ملین روپے کا نقصان پہنچایا۔

مزید پڑھیں: جعلی اکاؤنٹس کیس : سندھ حکومت کےاعلیٰ افسر سجاد عباسی گرفتار

نیب ذرائع کا کہنا ہے کہ تیسرا ملزم امان اللہ کھوسکی شوگر مل کا فنانس منیجر ہے، ملزم نے جعلی فرم بنا کر سندھ حکومت سے 2 کروڑ روپے کی سبسڈی لی۔

ملزم نے کسانوں کے 18 ملین روپے بھی ڈیفالت کیے، ملزم نے 9 ملازمین کے نام پر جعلی اکاؤنٹس بنا کر 20 ملین کا نقصان پہنچایا۔

گرفتار تینوں ملزمان کے چیئرمین نیب جسٹس (ر) جاوید اقبال نے وارنٹ جاری کیے تھے، تینوں ملزمان کو کل احتساب عدالت میں پیش کیا جائے گا۔

جون 17, 2019
کراچی، 3 شہروں میں وارداتوں کی سنچری کرنے والے 3 کارندے گرفتار

کراچی: سندھ پولیس نے تین شہروں میں وارداتوں کی سنچری کرنے والے 3 کارندوں کو گرفتار کرلیا، ملزمان کو کورنگی صنعتی ایریا سے گرفتار کیا گیا۔

تفصیلات کے مطابق سندھ پولیس نے کراچی کے علاقے کورنگی صنعتی ایریا میں کارروائی کرتے ہوئے 3 شہروں میں وارداتوں کی سنچری کرنے والے گروہ کے 3 کارندے گرفتار کرلیے، ملزمان کے قبضے سے اسلحہ و مسروقہ سامان برآمد کرلیا گیا۔

ایس ایس پی کورنگی علی رضا نے کہا کہ ملزمان اب تک 101 وارداتیں کرچکے ہیں، 15 رکنی گروہ ملتان، بہاولپور میں بھی ڈکیتیوں میں ملوث ہے، ملزمان ہر شہر میں 25 وارداتیں کرکے نئے شہر کا رخ کرلیتے تھے۔

ایس ایس پی کورنگی علی رضا کے مطابق ملزمان سے تین دستی بم، تین پستول، نقدی برآمد کرلی گئی ہے، ملزمان ڈکیتیاں، اسٹریٹ کرائم اور بیرون ملک سے آنے والوں کو لوٹتے تھے۔

مزید پڑھیں: کراچی، ٹارگٹ کلنگ میں ملوث کے الیکٹرک کا ایسوسی ایٹ انجینئر گرفتار

واضح رہے کہ گزشتہ روز گلشن اقبال پولیس نے کارروائی کرتے ہوئے فرقہ وارانہ ٹارگٹ کلنگ میں ملوث کے الیکٹرک کے ایسوسی ایٹ انجینئر جاوید عرف وصی کو گرفتار کیا تھا، ملزم کے قبضے سے پستول اور بغیر نمبر پلیٹ کی موٹرسائیکل برآمد کی گئی تھی۔

ایس ایس پی ایسٹ کا کہنا ہے کہ ملزم ایم کیو ایم لندن کے ٹارگٹ کلر علی چکنا کا قریبی ساتھی ہے، زوہیب پٹھان، علی رضا عرف رضا ٹی ٹی، شان حیدر پولیس والا، کاکا بندہ ملزم کی ٹیم میں شامل ہیں۔

پولیس کے مطابق گرفتار ملزم نے ٹارگٹ کلر علی رضا کے کہنے پر 2 کارکنان کی مکمل ریکی کی، ملزم کی ریکی مکمل ہونے کے بعد دونوں کارکنان کی ٹارگٹ کلنگ کی گئی۔

اپریل 17, 2019
جرائم میں ملوث تین ملزمان گرفتار، اسحلہ اور مسروقہ سامان برآمد

کراچی : گلشن اقبال پولیس نے چوری کی وارداتوں میں ملوث تین ملزمان کو گرفتار کرکے اسحلہ اور مسروقہ سامان برآمد کرلیا۔

تفصیلات کے مطابق کراچی کے علاقے گلشن اقبال میں پولیس نے تین ملزمان گرفتار کرکے اسحلہ اور مسروقہ سامان برآمد کرلیا۔ پولیس حکام کےمطابق ملزمان عبداللہ، یوسف اور امین کو وسیم باغ کے قریب گرفتار کرکے اسلحہ برآمد کرلیا۔

پولیس نے ملزمان کی نشاندہی پر مبینہ ٹاؤن میں چھاپہ مار کر موٹرسائیکل سمیت دیگر مسروقہ سامان برآمد کرلیا ہے، ملزمان گاڑیوں کے سائیڈ گلاسز ،بیٹری اور دیگرسامان چوری کرتے تھے۔

اس سے پہلے اورنگی کے علاقے توحید کالونی میں موٹرسائیکل سوار ملزمان اسحلہ کے زور پر شہری کو لوٹ کر فرار ہوگئے، متاثرہ شخص نے تھانہ اقبال مارکیٹ میں ملزمان کے خلاف درخواست دائرکردی ہے۔

مارچ 30, 2019
ایف آئی اے کی بڑی کارروائی : پھلوں کی آڑ میں منی لانڈرنگ کرنے والے تین ملزمان گرفتار

کوئٹہ : ایف آئی اے نے پھلوں کے کاروبار کی آڑ میں منی لانڈرنگ کرنے والے تین ملزمان کو گرفتار کرکے ملکی و غیر ملکی کرنسی بر آمد کرلی، ملزمان کے 8اکاونٹس منجمد کردیئے گئے۔

تفصیلات کے مطابق ایف آئی اے کمرشل بینکنگ سرکل کوئٹہ نے بڑی کارروائی کرتے ہوئے فروٹ کے کاروبار کی آڑ میں منی لانڈرنگ کرنے والے تین ملزمان گرفتار کرلیے۔

چوہڑ روڈ کوئٹہ پر قائم دفتر پر کارروائی کے دوران بڑے پیمانے پر ملکی و غیر ملکی کرنسی بر آمد کرلی گئی، ایف آئی اے نے ملزمان کے8اکاونٹس میں منی لانڈرنگ کے لئے7کروڑ70لاکھ کی ٹرانزیکشنز بھی منجمد کردی۔

چھاپہ کے دوران حوالہ ہنڈی کے لئے دفتر میں موجود چیک بکس، بنک رسیدیں اور دیگر دستاویزات بھی برآمد کی گئیں۔

ڈائریکٹر ایف آئی اے بلوچستان الطاف حسین نے تفصیلات سے آگاہ کرتے ہوئے بتایا کہ گرفتار ملزمان غلام محمد، حبیب الرحمان اشرف علی کے خلاف مقدمہ درج کرلیا گیا ہے،، ملزمان گزشتہ کئی سالوں سے حوالہ ہنڈی کے ذریعے منی لانڈرنگ میں ملوث ہیں۔ملزمان اب تک 7 ارب 90 کروڑ کی منی لانڈرنگ کر چکے ہیں۔

مارچ 30, 2019
کراچی : اسلحہ سپلائی کرنے والے تین ملزمان رنگے ہاتھوں گرفتار

کراچی : عزیز آباد پولیس نے کامیاب کارروائی کر کے اسلحہ سپلائی کرنے والے تین ملزمان کو رنگے ہاتھوں گرفتار کرلیا۔

تفصیلات کے مطابق عزیز آباد پولیس نے اسلحہ سپلائی کرنے والوں کے خلاف کارروائی کرکے تین ملزمان کو گرفتار کرلیا، گرفتار ملزمان گاڑی کے ذریعے اسلحہ منتقل کررہے تھے۔

اس حوالے سے پولیس کا کہنا ہے کہ ملزمان پہلے بھی قبائلی علاقوں سے اسلحہ اسمگل کرچکے ہیں، ملزمان حیدر زیدی ،محمد محسن سے دو نائن ایم ایم پستول اور رائفل برآمد کرلی۔

گرفتار تیسرا ملزم محمد عمر ولد محمد جاوید سہولت کار ہے، ملزمان نے25سے زائد اقسام کا اسلحہ کراچی میں فروخت کرنے کا انکشاف کیا ہے۔

مارچ 24, 2019
کراچی : ڈکیتی کے دوران چوکیدار کو قتل کرنے والے تین ملزمان گرفتار

کراچی : طارق روڈ پر ڈکیتی کے دوران مزاحمت پر چوکیدار کو قتل کرنے والے تین ملزمان کو رینجرز نے گرفتار کرلیا، ملزمان سے اسلحہ اور واردات میں استعمال ہونیوالا رکشہ بر آمد کرلیا۔

تفصیلات کے مطابق طارق روڈ پر ڈکیتی کے دوران مزاحمت پر رینجرز نے لیاری اور گلشن اقبال13ڈی میں کارروائی کرکے تین ملزمان کو گرفتار کرلیا۔

اس حوالے سے ترجمان رینجرز کا کہنا ہے کہ ملزمان نے طارق روڈ پر ڈکیتی میں مزاحمت پر چوکیدار کو قتل کردیا تھا، ملزمان میں اکرم عرف ٹک، باقرعرف ملک، آصف عرف جوگی شامل ہیں۔

ترجمان رینجرز نے مزید تفصیلات بیان کرتے ہوئے کہا کہ واردات کے بعد ملزمان کے کچھ ساتھی پنجاب فرار ہو گئے تھے، مذکورہ ملزمان مختلف علاقوں میں اسٹریٹ کرائم، ڈکیتی کی متعدد وارداتوں میں بھی ملوث ہیں۔

مزید پڑھیں: کراچی، جائیداد کا تنازعہ، بھائی نے بھائی کو قتل کرکے خود کشی کرلی

گروہ سے تعلق پر دیگر چار ملزمان شاہد، سلیم، عابد، طارق کو بھی گرفتار کیا گیا ہے، ترجمان کے مطابق ملزمان سے اسلحہ اور واردات میں استعمال ہونے والا رکشہ بھی برآمد کرلیا گیا ہے، تمام ملزمان کو قانونی چارہ جوئی کیلئے پولیس کے حوالے کردیا گیا ہے۔

مارچ 15, 2019
کوسٹ گارڈ کی کارروائی : بس کے خفیہ خانوں سے105کلو چرس برآمد، تین ملزمان گرفتار

کراچی : پاکستان کوسٹ گارڈ نے کوئٹہ سے کراچی آنے والی مسافر کوچ سے105کلو چرس برآمد کرلی، مسافر کے قبضے سے بھی تین کلو چرس برآمد ہوئی۔ پی سی جی اہلکاروں نے تین ملزمان کو گرفتار کرلیا۔

تفصیلات کے مطابق پاکستان کوسٹ گارڈ نے خفیہ اطلاع پر کارروائی کرتے ہوئے بلوچستان کے علاقے وندر کے قریب واقع ناکہ کھاری چیک پوسٹ پر مسافر کوچ سے 105کلو اعلیٰ کوالٹی کی چرس برآمد کرلی۔

مذکورہ چرس مسافر کوچ کے خفیہ خانوں میں چھپائی گئی تھی، کوسٹ گارڈ اہلکاروں نے دو ملزمان کو گرفتار کرلیا، علاوہ ازیں پاکستان کوسٹ گارڈ نے ایک اور کارروائی میں مسافر کوچ میں بیٹھے ایک مسافر کے قبضے سے تین کلو چرس برآمد کرکے گرفتار کرلیا۔

ملزمان کو قانونی کارروائی کے بعد پولیس کے حوالے کردیا گیا، برآمد ہونے والی چرس کی مالیت عالمی منڈی میں دو کروڑ روپے بتائی جارہی ہے۔

فروری 3, 2019
منشیات فروش سمیت اسٹریٹ کرائم میں ملوث تین ملزمان گرفتار، اسلحہ برآمد

کراچی : پولیس نے شہر مختلف علاقوں میں کارروائیاں کرتے ہوئے منشیات فروش سمیت اسٹریٹ کرائم میں ملوث تین ملزمان کو گرفتار کر کے اسلحہ برآمد کرلیا۔

تفصیلات کے مطابق پولیس نے محمودآباد چنیسرگوٹھ اور فیروز آباد میں کارروائی کرتے ہوئے متعدد ملزمان کو حراست میں لے لیا چنیسر گوٹھ سے منشیات فروش کو گرفتار کرکے اس کے قبضے سے سےاسلحہ برآمد کرلیا جبکہ اس کا ساتھی فرار ہونے میں کامیاب ہوگیا۔

فیروزآباد میں اسٹریٹ کرائم میں ملوث 3 ملزمان گرفتار کرکے ان کے قبضے سے تین پستول برآمد کئے گئے۔ گرفتارملزمان میں یاسر، وقاص اور واصف شامل ہیں، ایس پی جمشید ٹاؤن کا کہنا ہے کہ ملزمان اسٹریٹ کرائم کی متعدد وارداتوں میں ملوث ہیں۔ پولیس نے ملزمان کے خالف مقدمات درج کرکے تفتیش کا آغاز کردیا ہے۔

جنوری 24, 2019
رینجرز نے ڈکیتی میں مزاحمت پر فائرنگ کرنے والے ملزمان کو گرفتار کرلیے

کراچی: سندھ رینجرز نے کراچی کے علاقے ماڈل کالونی میں کارروائی کرتے ہوئے ڈکیتی مزاحمت پر فائرنگ کرنے والے تین ملزمان کو گرفتار کرلیا۔

تفصیلات کے مطابق سندھ رینجرز نے شہر قائد کے علاقے ماڈل کالونی میں کارروائی کرتے ہوئے تین ملزمان گرفتار کیے ہیں، ملزمان ڈکیتی و اسٹریٹ کرائم کی متعدد وارداتوں میں ملوث ہے۔

ترجمان رینجرز کے مطابق ملزم بلال نے ساتھی کے ہمراہ ڈکیتی مزاحمت پر فائرنگ کی تھی، زخمی افراد کے ساتھ نجم ثاقب، واصف کاذاتی تنازع تھا، ملزم کو فائرنگ سے زخمی کرنے کے لئے نجم اور ثاقب نے سپاری دی تھی۔

ترجمان سندھ رینجرز کا کہنا تھا کہ ملزم نے 4 لاکھ 80 ہزار نقدی چھین کر 2 افراد کو فائرنگ کر کے زخمی کیا، ملزم نے واردات کے بعد روکنے پر ایک راہ گیر کو فائرنگ کر کے زخمی کردیا تھا۔

ترجمان سندھ رینجرز نے بتایا کہ ملزم کی فائرنگ سے زخمی ہونے والا راہ گیر دوران علاج دم توڑ گیا تھا، جبکہ واردات کے بعد ملزم بلال عرف پراٹھا اسلام آباد فرار ہو گیا تھا، ملزم بلال کو سی سی ٹی وی فوٹیج میں فائرنگ کرتے ہوئے دیکھا جاسکتا ہے۔

مزید پڑھیں : کراچی، رینجرز کی مختلف علاقوں میں کارروائیاں، 11 ملزمان گرفتار

یاد رہے کہ کچھ روز قبل سندھ رینجرز نے شہر قائد کے مختلف علاقوں میں کارروائی کرتے ہوئے 11 ملزمان گرفتار کیا تھا، گلبہار سے گرفتار ملزم سردار عرف پرویز کا تعلق ایم کیو ایم لندن سے ہے، ملزم سردار کانسٹیبل سیف اللہ کی ٹارگٹ کلنگ سمیت 500 سے زائد ڈکیتیوں میں ملوث تھے۔

جنوری 6, 2019
آئس ہیروئن اور سونا اسمگل کرنے کی کوشش ناکام، دو خواتین سمیت تین ملزمان گرفتار

کراچی : اے ایس ایف نے آئس ہیروئن اور سونا اسمگل کرنے کی کوشش ناکام بناتے ہوئے دو خواتین سمیت تین ملزمان کو حراست میں لے لیا۔

تفصیلات کے مطابق ایئر پورٹ سیکیورٹی فورس نے (اے ایس ایف) نے باچا خان انٹر نیشنل ایئرپورٹ پر کامیاب کارروائی کرتے ہوئے کروڑوں روپے مالیت کی آئس ہیروئن کی اسمگلنگ کی کوشش کو ناکام بنادیا۔

دو مسافر یوسف علی اور اس کی والدہ رمضانہ نجی ایئرلائن کی پرواز پی اے 670کے ذریعے عمرے کی ادائیگی کیلئے جدہ جارہے تھے، مسافروں کے سامان کی چیکنگ کی گئی تو بیگ کے خفیہ خانوں سے دو کلو دو سوساٹھ گرام آئس ہیروئن برآمد کرلی گئی۔

برآمد ہونے والی ہیروئن کی قیمت بین الاقوامی مارکیٹ میں کروڑوں روپے بتائی جاتی ہے، اے ایس ایف نے ملزمان ماں بیٹے کو ابتدائی سے تفتیش کے بعد اینٹی نارکوٹکس فورس کے حوالے کردیا۔

علاوہ ازیں علامہ اقبال انٹرنیشنل ائیرپورٹ پر اے ایس ایف نے کارروائی کرتے ہوئے ٹورنٹو جانے والی خاتون مسافر کو سونا اسمگل کرتے ہوئے رنگے ہاتھوں پکڑ لیا۔

مزید پڑھیں: فیصل آباد، انسانی اسمگلنگ کے خلاف ایف آئی اے کی کارروائی، 19 افراد گرفتار

اس حوالے سے ترجمان اے ایس ایف کا کہنا ہے کہ صائمہ نامی اسمگلر خاتون پی آئی اے کی پرواز پی کے 789 سے ٹورنٹو جارہی تھی کہ سامان کی تلاشی کے دوران اس کے قبضے سے تیس تولہ سونے کے بسکٹ برآمد ہوئے، مذکورہ خاتون کو برآمد کیے جانے والے سامان سمیت کسٹم حکام کے حوالے کردیا گیا۔

نومبر 13, 2018