ARYNews.tv | Urdu – Har Lamha Bakhabar

Tag: ثنا میر

  • ثنا میر نے لارڈز میں بیل بجا کر ورلڈ ٹیسٹ چیمپئن شپ فائنل کا آغاز کیا

    ثنا میر نے لارڈز میں بیل بجا کر ورلڈ ٹیسٹ چیمپئن شپ فائنل کا آغاز کیا

    آئی سی سی ہال آف فیم میں شامل ہونے والی ثنا میر کو ایک اور بڑا اعزاز مل گیا، ڈبلیو ٹی سی فائنل میں دوسرے دن بیل بجا کر کھیل کا آغاز کیا۔

    پاکستان کی قابل فخر بیٹی ثنا میر کو گزشتہ دنوں کرکٹ میں ان کی بہترین خدمات پر انٹرنیشنل کرکٹ کونسل کے ہال آف فیم میں شامل کیا گیا، اب ان کی خدمات کے اعترف میں انھیں ایک اور اعزاز سے نوازتے ہوئے لارڈز میں ہونے والے ٹیسٹ چیمپئن شپ فائنل میں دوسرے دن کا آغاز ان سے کروایا گیا۔

    جنوبی افریقہ اور آسٹریلیا کے درمیان ہونے والے ورلڈ ٹیسٹ چیمپئن شپ فنالے کے دوسرے دن ثنا میر نے تاریخی لارڈز گرائونڈ میں بیل بجا کر ورلڈ ٹیسٹ چیمپئن شپ میچ کا آغاز کیا۔

    کھیل شروع ہونے سے قبل لارڈز میں ویمنز کرکٹ اسٹار ثنا میر گھنٹی بجانے کے دوران مسکراتی نظر آئیں، یہ اعزاز ملنے پر وہ کافی خوش دکھائی دے رہی تھیں۔

    ثنا میر کی جانب سے گھنٹی بجانے کے بعد ٹیسٹ چیمپئن شپ فائنل کے لیے دونوں ٹیمیں میدان میں آئیں اور دوسرے دن کے کھیل کی شروعات ہوئی۔

    https://urdu.arynews.tv/sana-mir-makes-history-icc-hall-of-fame-induction/

  • ‘صاحبزادہ فرحان پرفارمنس سے کہہ رہے ہیں بطور اوپنر موقع دو میں کرکے دکھائوں گا’

    ‘صاحبزادہ فرحان پرفارمنس سے کہہ رہے ہیں بطور اوپنر موقع دو میں کرکے دکھائوں گا’

    سابق ویمن کرکٹر ثنا میر نے کہا ہے کہ اپنی پرفارمنس سے صاحبزادہ فرحان کہہ رہے ہیں مجھے اوپنر کے طور پر موقع دو، میں کارکردگی دکھاؤں گا۔

    نجی چینل کے اسپورٹس پروگرام میں ثنا میر نے پشاور زلمی کے خلاف صاحبزادہ فرحان کی جارحانہ سنچری کا ذکر کرتے ہوئے کہا کہ یہ وہ اننگز ہوتی ہیں جو کبھی کبھی آپ کو اپنے کیریئر میں درکار ہوتے ہیں، اس کے بعد آپ کا خود پر یقین پختہ ہوجاتا ہے اور امید ہے کہ صاحبزادہ فرحان کےلیے یہ وہی اننگز ہو۔

    انھوں نے ڈومیسٹک کرکٹ میں بہت زیادہ پرفارم کیا ہے، بعض دفعہ کرکٹر بڑے پلیٹ فارم پر اس طرح کی پرفارمنس نہیں دے پاتے، پھر جب انھیں پاکستان کےلیے کھیلنے کا موقع ملا تو وہ بھی پانچ نمبر پر ملا تھا۔

    انھیں موقع ملا تو ان کا بیٹنگ آرڈر تبدیل کردیا گیا، تاہم اب جس طرح کی اننگز انھوں نے کھیلی ہے، تو اب یہ کہہ رہے کہ ہیں مجھے موقع دو گے تو بطور اوپنر دو میں یہ کرکے دکھا سکتا ہوں۔

    جب آپ اتنے بڑے پلیٹ فارم پر پرفارم کردیتے ہوئے تو آپ کا خود پر یقین بڑھ جاتا ہے، آپ کی پرفارمنس عالمی سطح کے اسٹیج پر ہو تو پھر اعتماد مختلف ہوتا ہے۔

    https://urdu.arynews.tv/sahibzada-farhan-joins-virat-kohli-in-elite-t20-century-club/

  • ’اس پاکستانی ٹیم کےساتھ ایم ایس دھونی بھی کچھ نہیں کرسکتے تھے‘

    ’اس پاکستانی ٹیم کےساتھ ایم ایس دھونی بھی کچھ نہیں کرسکتے تھے‘

    پاکستان ویمنز ٹیم کی سابق کپتان ثنا میر نے کہا ہے کہ موجودہ پاکستانی ٹیم کے ساتھ بھارتی کپتان ایم ایس دھونی بھی کچھ نہیں کرسکتے۔

    سرکاری ٹی وی چینل پر اظہار خیال کرتے ہوئے خواتین کرکٹ ٹیم کی سابق کپتان ثنا میر کا ماننا تھا کہ بھارت کے لیجنڈ کپتان ایم ایس دھونی جیسا لیڈر جن کی قائدانہ صلاحیتوں کے سب معترف ہیں وہ بھی چیمپئنز ٹرافی کے لیے منتخب ہونے والی پاکستانی اسکواڈ کے ساتھ کچھ نہیں کر سکتے تھے۔

    ثنا میر نے اسپورٹس پروگرام میں کہا کہ جن 15 پلیئرز کو چیمپیئنز ٹرافی اسکواڈ میں منتخب کیا گیا ہے، چاہے آپ ایم ایس دھونی یا پاکستان کے سابق کپتان یونس خان کو کپتان بنائیں کچھ نہیں ہوسکتا تھا۔

    ویڈیو: رضوان نے سریش رائنا کو دھونی کی یاد دلا دی

    سابق کپتان ثنا نے کہا کہ اس ٹیم کا انتخاب کنڈیشنز کی بنیاد پر نہیں کیا گیا تھا، اس لیے کوئی بھی اس ٹیم کے ساتھ کچھ نہیں کرسکتا تھا۔

    یہ بات قابل ذکر ہے کہ چیمپئنزٹرافی کے لیے پاکستانی اسکواڈ کا اعلان ہونے کے بعد سے سوشل میڈیا پر تنقید کی جارہی تھی اور کئی سابق کرکٹرز نے اسکواڈ میں فرنٹ لائن اسپنرز کی کمی کو اجاگر کیا تھا۔

    راولپنڈی میں پیر کو چیمپئنزٹرافی گروپ اے کے میچ میں نیوزی لینڈ نے بنگلہ دیش کو 5 وکٹوں سے شکست دی جس کے بعد میزبان پاکستان چیمپئنز ٹرافی سے باہر ہو گیا۔

  • پاکستانی کرکٹر فاطمہ ثنا کس آسٹریلوی کھلاڑی سے متاثر ہیں؟

    پاکستانی کرکٹر فاطمہ ثنا کس آسٹریلوی کھلاڑی سے متاثر ہیں؟

    پاکستان کی ویمن کرکٹ ٹیم کی کھلاڑی فاطمہ ثنا نے کہا ہے کہ وہ آسٹریلوی آل راؤنڈر ایلیس پیری سے متاثر ہیں۔

     قومی کرکٹ ٹیم کی بولر فاطمہ ثنا نے کرکٹ کی کوریج کرنے والی ویب سائٹ کرک انفو سے بات کرتے ہوئے کہا کہ ’اگر آپ پاکستانی ٹیم کی کھلاڑی ہیں تو آپ کے پاس سب کچھ ہے لیکن اگر ٹیم کی کھلاڑی نہیں ہیں تو آپ کے پاس کچھ بھی نہیں ہے۔ ‘

    فاطمہ ثنا بچپن سے ہی آسٹریلوی آل راؤنڈر ایلیس پیری سے متاثر ہیں اور اُنہیں اپنا رول ماڈل مانتی ہیں۔

    اسی سلسلے میں انہوں نے کہا کہ ’جب میں 11 سال کی تھی تو میں نے پہلی مرتبہ پیری کو دیکھا تھا۔ وہ نیوزی لینڈ یا انگلیںڈ کے خلاف آخری اوور کروا رہی تھیں، تب میں نے سوچا کہ میں انہیں فالو کروں گی اور ان جیسا بننے کی پوری کوشش کروں گی۔ اُس کے بعد ایلیس پیری دنیا کی بہترین آل راؤنڈر بن گئیں۔‘

    کراچی سے تعلق رکھنے والی 21 سالہ کرکٹر نے مزید کہا کہ ’میں نے پچھلے ورلڈ کپ میں انہیں دیکھا تھا لیکن ان سے بات نہیں کی تھی، اب جب میں آسٹریلیا میں تھی تو ان سے کرکٹ کی بہت سی باتیں کیں اور مزیدار بات یہ ہے کہ میں نے انہیں میچ میں بالنگ بھی کروائی، میں انہیں آؤٹ کرنے کی کوشش کر رہی تھی اور اگلی مرتبہ آؤٹ کروں گی بھی۔‘

    خواتین کی کرکٹ کے معاملے پر انہوں نے کہا کہ ’آسٹریلیا میں کرکٹ کا نظام بہت اچھا ہے، وہ انڈر 19، انڈر 16 اور انڈر 15 کی کھلاڑیوں کی معاونت کرتے ہیں۔ پاکستان میں آسٹریلیا کی طرح نظام اچھا نہیں ہے۔‘

     فاطمہ ثنا نے بتایا کہ ’کراچی اور لاہور میں بہت سی لڑکیاں کرکٹ کھیلتی ہیں لیکن ہمیں ملتان اور دوسرے شہروں میں بھی کرکٹ کھیلنے کے لیے جگہوں کی ضرورت ہے۔ ایسی بہت سی لڑکیاں ہیں جو کرکٹ کھیلنا چاہتی ہیں لیکن انہیں موقع دینے کی ضرورت ہے۔‘

  • ویمن کرکٹ ٹیم کی سابق کپتان ثنا میر کا کرکٹ سے ریٹائرمنٹ کا اعلان

    ویمن کرکٹ ٹیم کی سابق کپتان ثنا میر کا کرکٹ سے ریٹائرمنٹ کا اعلان

    اسلام آباد: متعدد ریکارڈز کی حامل پاکستان ویمن کرکٹ ٹیم کی سابق کپتان ثنا میر نے کرکٹ سے ریٹائرمنٹ کا اعلان کردیا، ثنا میر نے 15 سال خواتین کرکٹ میں پاکستان کی نمائندگی کی۔

    تفصیلات کے مطابق پاکستان خواتین کرکٹ ٹیم کی سابق کپتان ثنا میر نے کرکٹ سے ریٹائرمنٹ کا اعلان کردیا۔ سماجی رابطے کی ویب سائٹ ٹویٹر پر اپنے ٹویٹ میں انہوں نے کہا کہ گزشتہ 15 سال سے آپ سب کی محبت اور حوصلہ افزائی کا شکریہ۔

    انہوں نے کہا کہ پاکستان کی نمائندگی کرنا میرے لیے اعزاز کی بات تھی، اب آگے بڑھنے کا وقت ہے تاہم میری خدمات کسی اور شکل میں جاری رہیں گی۔

    متعدد ریکارڈز کی حامل ثنا میر نے 15 سال تک پاکستان کی نمائندگی کی، انہوں نے 137 میچز میں ویمن ٹیم کی کپتانی کی۔ وہ ون ڈے رینکنگ کی نمبر ون بولر رہیں، اور ون ڈے میں سب سے زیادہ وکٹیں لینے والی اسپنر بھی ہیں۔

    ثنا میر کی مجموعی وکٹوں کی تعداد 147 ہے اور یوں وہ ون ڈے کرکٹ کی کامیاب ترین خاتون اسپنر ہیں، وہ 100 وکٹیں لینے والی پاکستان کی پہلی اور دنیا کی پندرہویں خاتون کرکٹر ہیں۔

    ثنا میر کو گزشتہ برس انٹرنیشنل ویمنز کمیٹی میں بھی شامل کیا گیا۔

    پاکستان کرکٹ بورڈ کے چیف ایگزیکٹو وسیم خان کا کہنا ہے کہ شاندار کیریئر پر ثنا میر کا شکریہ ادا کرتے ہیں، ثنا میر کی پاکستان ویمن کرکٹ کے لیے خدمات مثالی ہیں۔

  • ورلڈکپ سے قبل خامیوں پر قابو پانےکی کوشش کریں گے: بسمہ معروف

    ورلڈکپ سے قبل خامیوں پر قابو پانےکی کوشش کریں گے: بسمہ معروف

    لاہور: قومی خواتین کرکٹ ٹیم کی کپتان بسمہ معروف کا کہنا ہے کہ انگلینڈ کے خلاف سیریز سے قبل کارکردگی اچھی تھی، آسٹریلیا میں ورلڈکپ سے قبل خامیوں پر قابو پانےکی کوشش کریں گے۔

    تفصیلات کے مطابق میڈیا سے گفتگو کرتے ہوئے بسمہ معروف نے کہا ہے کہ انگلینڈ کے خلاف توقعات کے مطابق نتائج نہیں آسکے، عالمی نمبر دو ٹیم کے خلاف کھیل کر کافی تجربہ ملا، کوشش ہوگی کہ غلطیوں پر قابو پائیں۔

    انہوں نے کہا کہ مجموعی طور پر دیکھا جائے تو ہم نے ماضی کی نسبت بہتر کرکٹ کھیلی، امید ہے ثنا میر مستقبل کے لیے دستیاب ہوں گی، ثنامیر کا وزڈن میں نام آنا اورندا ڈار کا بگ بیش کھیلنا اعزاز ہے، فیلڈنگ میں کافی بہتری لائے ہیں، بیٹنگ میں تسلسل کی ضرورت ہے۔

    پاکستانی کرکٹر ثناء میر کے لیے ایک اور اعزاز

    خیال رہے کہ حال ہی میں انگلینڈ نے پاکستان کے خلاف کلین سوئپ کیا ہے، انگلینڈ ویمنز کرکٹ ٹیم نے تیسرے ٹی ٹونٹی میچ میں پاکستان ویمنز کرکٹ ٹیم کو 26 رنز سے شکست دے کر تین میچوں کی سیریز میں 3-0سے کامیابی حاصل کی۔

    واضح رہے کہ وزڈن نے دہائی کی بہترین خواتین کرکٹ ٹیم کا اعلان کردیا ہے، ون ڈے میں 100 وکٹیں لینے والی ثناء میر کا نام بھی وزڈن کی بہترین کرکٹرز میں شامل ہے۔ دزڈن کی بہترین کھلاڑیوں کی فہرست میں ویسٹ انڈیز، بھارت، انگلینڈ، آسٹریلیا اور نیوزی لینڈ کی کرکٹر شامل ہیں۔

  • پاکستان کی ویمن کرکٹ ٹیم کی سابق کپتان کے لیے ایک اور عالمی ایوارڈ

    پاکستان کی ویمن کرکٹ ٹیم کی سابق کپتان کے لیے ایک اور عالمی ایوارڈ

    اسلام آباد :پاکستان ویمن کرکٹ ٹیم کی سابق کپتان ثنا میر کو ’نیشنل گیم چینجر ایوارڈ‘ کے لیے منتخب کر لیا گیا ہے، ثنا میر سب سے زیادہ وکٹیں لینے والی اسپنر ہیں۔

    تفصیلات کے مطابق ایشیاءسوسائٹی کی جانب سے جاری کئے گئے پیغام کے مطابق ثناء میر کا نام دیگر 5 خواتین کے ساتھ شامل ہے جنہوں نے اپنے شعبوں میں غیر معمولی صلاحیتوں کا مظاہرہ کیا ،ایوارڈ کی تقریب کا اہتمام امریکا کے شہر نیویارک میں 24 اکتوبر کو کیا جائے گا۔

    ایشیا سوسائٹی ہر سال اپنے شعبوں میں نمایاں کارکردگی پیش کرنے والوں کو ایوارڈ سے نوازتی ہے تاہم یہ پہلی بار ہے کہ ایوارڈز کے لئے نامزد ہونے والی تمام خواتین ہیں۔

    ثناءمیر نے اپنے ٹویٹ میں خوشی کا اظہار کرتے ہوئے اللہ کا شکر ادا کیا اور لکھا کہ انہیں کرکٹ کے کھیل میں ملک کی نمائندگی کرنے پر فخر ہے۔انہوں نے لکھا کہ عالمی سطح کے کھلاڑیوں کی موجودگی میں یہ ایوارڈ حاصل کرنا میرے لیے ایک اعزاز کی بات ہے۔

    ان کے ساتھ ساتھ اس ایوارڈ کے لیے شیخا حور القاسمی، ٹوکیو کائکے، کنگ فو ننس، فائزہ سعید، چھایہ شرما اور جین کی سن شامل ہیں۔

    واضح رہے کہ تجربہ کار آل راؤنڈر ثنا میر نے ون ڈے کرکٹ میں نئی تاریخ بھی رقم کر چکی ہیں۔ وہ سب سے زیادہ وکٹیں لینے والی ویمن اسپنر کا اعزاز اپنے پاس رکھتی ہیں۔

    رواں سال ثنا میر کو انٹرنیشنل ویمنز کمیٹی میں ان کے وسیع تجربے کے سبب بحیثیت رکن منتخب کیا گیا تھا۔اس وقت وہ آئی سی سی کھلاڑیوں کی درجہ بندی کے مطابق خواتین کے ایک روزہ کرکٹ کے گیند بازوں میں آٹھویں درجہ پر فائز ہیں۔

    ان کی قیادت میں پاکستان خواتین کرکٹ ٹیم نے ایشیائی کھیلوں میں 2010 اور 2014 میں دو سونے کے تمغے حاصل کیے تھے۔

  • پاکستان کی جویریہ خان آئی سی سی ویمن ڈیولپمنٹ اسکواڈ کی کپتان مقرر

    پاکستان کی جویریہ خان آئی سی سی ویمن ڈیولپمنٹ اسکواڈ کی کپتان مقرر

    دبئی: انٹرنیشنل کرکٹ کونسل (آئی سی سی) نے پاکستان کی جویریہ خان کو آئی سی سی ویمن ڈیولپمنٹ اسکواڈ کا کپتان مقرر کردیا۔

    تفصیلات کے مطابق آئی سی سی کی جانب سے پاکستانی ویمن ٹیم کی کرکٹر جویریہ خان کو آئی سی سی ویمن ڈیولپمنٹ اسکواڈ کی کپتان مقرر کیا گیا ہے، آئی سی سی ویمن گلوبل ڈیولپمںٹ اسکواڈ میں 7 ملکوں سے خواتین کھلاڑی شامل کی گئی ہیں۔

    اسکواڈ انگلینڈ میں مختلف ٹیموں کے خلاف 6 ٹی ٹوینٹی میچز کھیلے گا، اسکواڈ کی دیگر کھلاڑیوں کا تعلق ایسوسی ایٹ ممالک سے ہے۔

    جویریہ خان کا کہنا تھا کہ ویمن ڈیولپمنٹ اسکواڈ کا کپتان مقرر کیا جانا میرے لیے اعزاز کی بات ہے، دوسرے ممالک کی ٹیم کی کھلاڑیوں کے ساتھ کھیل کر انفرادی کارکردگی بہتر بنانے میں مدد ملے گی۔

    قومی ویمن کرکٹ ٹیم کی سابق کپتان ثنا میر نے سماجی رابطے کی ویب سائٹ ٹویٹر پر اپنے پیغام میں جویریہ خان کو مبارک باد دیتے ہوئے نیک خواہشات کا اظہار کیا۔

    آئی سی سی کا کہنا ہے کہ ویمن ڈیولپمنٹ اسکواڈ کا مقصد خواتین کرکٹر کے کھیل کو بہتر بنانا ہے، اس سے قبل انگلینڈ کرکٹ بورڈ ڈبلیو جی ڈی ایس پروگرام نومبر اور جولائی 2018 میں منعقد کرچکا ہے۔

    ویمن ڈیولپمنٹ اسکواڈ اپنا پہلا میچ 29 جولائی کو انگلینڈ ویمن اکیڈمی کے درمیان کھیلے گی جبکہ دوسرا میچ 31 جولائی کو ساؤڈرن وائپرز کے درمیان کھیلا جائے گا۔

    اسی طرح جمعہ 2 اگست کو ویمن ڈٰولپمنٹ اسکواڈ کی ٹیم سرے اسٹارز کا سامنا کرے گی۔

  • ثنا میر نے نیا عالمی ریکارڈ اپنے نام کرلیا

    ثنا میر نے نیا عالمی ریکارڈ اپنے نام کرلیا

    بینونی: پاکستان ویمن کرکٹ ٹیم کی سابق کپتان اور اسپنر ثنا میر نے سب سے زیادہ وکٹیں لینے کا ورلڈ ریکارڈ اپنے نام کرلیا۔

    تفصیلات کے مطابق ثنا میر نے جنوبی افریقا کے خلاف تیسرے ون ڈے میچ میں سب سے زیادہ وکٹیں لینے کا ریکارڈ قائم کیا، وہ ویمن ون ڈے کرکٹ کی کامیاب ترین اسپنر بن گئیں۔

    پاکستان کی ویمن کرکٹر ثنا میر کی مجموعی وکٹوں کی تعداد 147 ہوگئی، ثنا میر سوئن لوس کو آؤٹ کرکے ون ڈے کرکٹ کی کامیاب ترین اسپنر بن گئیں۔

    ثنا میر نے ویسٹ انڈین اسپنر انیسہ محمد کو اس عالمی ریکارڈ سے محروم کردیا، انیسہ محمد نے 146 وکٹیں حاصل کررکھی ہیں۔

    انٹرنیشنل کرکٹ کونسل اور پی سی بی کی جانب سے بھی سوشل میڈیا پر ثنا میر کو مبارک باد دی گئی ہے۔

    واضح رہے کہ ویمن ون ڈے کرکٹ میں سب سے زیادہ وکٹیں لینے کا اعزاز بھارت کی جھولن گھوسوامی کو حاصل ہے جبکہ ثنا میر تیسرے نمبر پر موجود ہیں۔

  • ویمنز چیمپئن شپ، پاکستانی ٹیم نے جنوبی افریقا کو باآسانی 8 وکٹوں سے شکست دے دی

    ویمنز چیمپئن شپ، پاکستانی ٹیم نے جنوبی افریقا کو باآسانی 8 وکٹوں سے شکست دے دی

    ڈربن: پاکستان ویمنز کرکٹ ٹیم نے آئی سی سی ویمن چیمپئن شپ کا فاتحانہ آغاز کرتے ہوئے جنوبی افریقا ویمنز کرکٹ ٹیم کو باآسانی 8 وکٹوں سے شکست دے دی۔

    تفصیلات کے مطابق پاکستانی ویمنز کرکٹ ٹیم نے ٹاس جیت کر پہلے بولنگ کا فیصلہ کیا اور جنوبی افریقا کی پوری ٹیم کو 63 رنز پر ڈھیر کردیا، ثنا میر نے چار، ندا ڈار اور نشرا سندھو نے دو، دو وکٹیں حاصل کیں۔

    جنوبی افریقی ویمنز کرکٹ ٹیم کی صرف دو کھلاڑی ڈبل فگر میں داخل ہوسکیں، ایم ڈو پریز نے 18 اور سی ایل ٹریون نے 21 رنز بناسکیں۔

    ہدف کے تعاقب میں قومی ٹیم کی اوپنر ناہیدہ خان 4 رنز بنا کر آؤٹ ہوئیں، سدرا امین 10 رنز بنا کر ایل بی ڈبلیو آؤٹ ہوئیں، جویریا خان اور بسمہ معروف نے بالترتیب ناقابل شکست 34 اور 12 رنز کی اننگز کھیلی۔

    جنوبی افریقا کی جانب سے ایس اسماعیل اور ایم کیپ نے ایک، ایک وکٹ حاصل کی۔

    ثنا میر کو میچ میں صرف 11 رنز دے کر چار وکٹیں حاصل کرنے پر میچ کی بہترین کھلاڑی قرار دیا گیا، قومی ویمنز ٹیم میں فاطمہ ثنا کو ڈٰیبیو کرایا گیا تھا انہیں ثنا میر نے کیپ پہنائی۔

    وومن آف دی میچ ملنے پر آل راؤنڈر ثنا میر کا کہنا تھا کہ آئندہ بھی اسی طرح کی پرفارمنس کا مظاہرہ کروں گی، کوشش ہوتی ہے ٹیم کی جیت میں اہم کردار ادا کروں۔