Tag: جائیداد کا لالچ

  • بیوی نے شوہر سابق ڈی جی پی کو موت کی نیند سلادیا، بڑی وجہ سامنے آگئی

    بیوی نے شوہر سابق ڈی جی پی کو موت کی نیند سلادیا، بڑی وجہ سامنے آگئی

    بھارت کے بنگلور میں گزشتہ روز ہولناک واقعہ پیش آیا، کرناٹک کے سابق ڈائریکٹر جنرل آف پولیس (ڈی جی پی) او ایم پرکاش کو ان کی ہی بیوی نے جائیداد کے لالچ میں موت کی نیند سلادیا۔

    بھارتی میڈیا کا اس حوالے سے کہنا ہے کہ او ایم پرکاش اور ان کی بیوی کے درمیان کافی عرصے سے جائیداد اور خاندانی تنازعات چل رہے تھے، جس کے باعث دونوں میں اکثر تکرار رہتی تھی، اسی باعث بیوی نے شوہر کو راستے سے ہٹانے کی منصوبہ بندی کی۔

    رپورٹس کے مطابق پولیس نے بتایا کہ بیوی نے پہلے اپنے شوہر کو رسیوں سے باندھ دیا، پھر اس پر مرچ پاؤڈر چھڑکا تاکہ وہ مزاحمت نہ کر سکے، اور بعد ازاں شیشے کی بوتل سے حملہ کرکے قتل کردیا۔

    پولیس کے مطابق یہ حملہ اتنا سنگین اور پُرتشدد تھا کہ سابق ڈی جی پی کے جسم پر متعدد زخم پائے گئے، اور زمین پر ہر جانب خون پھیلا ہوا تھا۔

    ریٹائرڈ پولیس افسر کی بیوی نے قتل کے بعد ایک اور پولیس عہدیدار کی بیوی سے فون پر بات کرتے ہوئے اعتراف کیا کہ اُس نے اپنے شوہر کو قتل کر دیا ہے۔

    معاملے سامنے آنے پر پولیس جائے وقوعہ پر پہنچی اور بیوی پَلّوی اور بیٹی کو گرفتار کرلیا، ماں اور بیٹی سے تقریباً 12 گھنٹے تک پوچھ گچھ کی گئی۔

    رپورٹس کے مطابق مقتول اوم پرکاش نے ایک رشتہ دار کو کچھ جائیداد منتقل کی تھی جس پر تنازعہ طول پکڑ گیا تھا، پولیس یہ بھی تفتیش کر رہی ہے کہ کیا ان کی بیٹی بھی قتل میں ملوث تھی۔ اوم پرکاش کے بیٹے کی شکایت پر مقدمہ درج کیا گیا ہے۔

    مقتول ایک اعلیٰ پولیس افسر کے طور پر اپنی خدمات انجام دے چکے تھے۔ مزید تفتیش جاری ہے اور پولیس کیس کی ہر پہلو سے تحقیقات کررہی ہے۔

    یاد رہے اس سے قبل بھی بھارت کے تلنگانہ میں دل دہلا دینے والا واقعہ رونما ہوا تھا، جہاں دولت کا نشہ دماغ پر ایسا چڑھا کہ بیوی نے بچوں کے ساتھ مل کر اپنے سہاگ کو ہی زندہ جلا دیا۔

    رپورٹ کے مطابق کملاکر نامی شخص کو شدید جھلسی ہوئی حالت میں اسپتال لایا گیا تاہم وہ زخموں کی تاب نہ لاتے ہوئے دم توڑ گیا۔

    بتایا جاتا ہے کہ کملاکر نے دو سگی بہنوں سے شادی کر رکھی تھی اور حال ہی میں اس نے تیسری شادی کی تھی اور یہ بیوی پولاس میں رہتی تھی۔

    تیسری شادی سے ناراض پہلی بیوی جمنا نے گزشتہ روز اپنے شوہر سے جائیداد کے معاملے پر جھگڑا کیا۔ اس معاملے پر خاتون کے دو بیٹوں، بیٹی اور داماد نے اپنی ماں کا ساتھ دیا۔

    شیر 14 سالہ بچی کو رہائشی کمپاؤنڈ سے اُٹھا کر لے گیا

    جھگڑا اتنا بڑھا کہ کملاکر کو پہلے انہوں نے چاقو سے حملہ کر کے زخمی کیا اور اس کے بعد اس پر پٹرول چھڑک کر آگ لگا دی۔ پولیس نے مقدمہ درج کر کے تفتیش شروع کر دی ہے۔

  • جائیداد کا لالچ، درندہ صفت بیٹے نے ماں کو مار ڈالا

    جائیداد کا لالچ، درندہ صفت بیٹے نے ماں کو مار ڈالا

    بھارت کے تلنگانہ کے سنگاریڈی ضلع میں ایک انتہائی افسوسناک واقعہ رونما ہوا، درندہ صفت بیٹے نے جائیداد کے لالچ میں اپنی ماں کو موت کی نیند سلادیا۔

    بھارتی میڈیا رپورٹس کے مطابق افسوسناک واقعہ تلاپور کے دیوی نو ولاز میں پیش آیا، جہاں 52 سالہ رادھیکا اپنے بیٹے کارتک ریڈی کے ساتھ رہتی تھی۔

    رپورٹس کے مطابق ملزم کا اپنی ماں سے جائیداد کے معاملے پر جھگڑا ہوا، اس دوران اس نے سفاکی سے اپنی ماں پر چاقو سے حملہ کردیا۔

    زخمی خاتون کو مقامی افراد نے اسپتال منتقل کیا، مگر وہ علاج کے دوران دم توڑ گئی۔ اطلاع ملتے ہی پولیس موقع پر پہنچی اور کارتک ریڈی کو گرفتار کرلیا۔

    ابتدائی اطلاعات کے مطابق، ملزم نشہ آور اشیاء استعمال کرنے کا عادی تھا اور شراب نوشی کا بھی شوقین تھا۔ پولیس مزید تحقیقات کر رہی ہے۔

    دوسری جانب گریٹر مانچسٹر پولیس نے 12 سال قبل سیلفورڈ میں قتل ہونے والی 25 سالہ خاتون رانیہ کی باقیات برآمد کرلیں۔

    انٹیلیجنس پولیس نے 12 سال بعد لرزہ خیز قتل کا معمہ حل کر لیا، شوہر کے ہاتھوں 12 سال قبل قتل ہونے والی رانیہ کی تلاش میں پولیس کو باقیات مل گئی۔

    رانیہ کو 12 سال قبل اس کے شوہر نے قتل کر کے لاش کو گم کر دیا تھا، رانیہ 25 سال کی تھی، جب اس کے شوہر احمد الخطیب نے اسے جون 2013 میں سیلفورڈ مانچسٹر کے ایک فلیٹ میں قتل کر دیا تھا۔

    گریٹر مانچسٹر پولیس نے یارکشائر کے ویرانے میں جاسوس کتوں کی مدد سے مدفون لاش تلاش کی اور اسے لیبارٹری میں بھیج دیا تھا۔

    اب پولیس نے کنفرم کیا ہے کہ یہ لاش مقتولہ رانیہ الید ہی کی ہے، اس حوالے سے پولیس نے لواحقین کو تمام معلومات فراہم کر دیں ہیں۔

    رانیہ کے بیٹے بازان نے اپنے خاندان کی طرف بات کرتے ہوئے کہا کہ ایک دھائی سے زائد عرصہ کے بعد والدہ کی باقیات کی دریافت میرے خاندان کے لیے حیرت انگیز بات ہے۔

    جرمنی میں خوفناک واقعہ، کئی افراد کچلے گئے

    مقتولہ کے شوہر کو جرم ثابت ہونے پر مانچسٹر کراؤن کورٹ نے 20 سال قید کی سزا سنائی تھی۔

    الخطیب نے جرم کا اعتراف کر لیا تھا تاہم اس کا کہنا تھا کہ وہ ذہنی طور پر بیمار تھا۔

  • جائیداد کا لالچ: بھائی نے فائرنگ کر کے ماں، بھائیوں اور بھابھی کو قتل کردیا

    جائیداد کا لالچ: بھائی نے فائرنگ کر کے ماں، بھائیوں اور بھابھی کو قتل کردیا

    لاہور: صوبہ پنجاب کے شہر پاکپتن میں جائیداد کے لالچ نے بھائی کا خون سفید کردیا، ملزم نے سحری کے وقت گھر میں گھس کر فائرنگ کی اور اپنی ہی ماں، 2 بھائیوں، بھابھی اور بھتیجوں کو قتل کر ڈالا۔

    تفصیلات کے مطابق صوبہ پنجاب کے شہر پاکپتن کے نواحی گاؤں بڑی راکھ میں جائیداد کے تنازعہ پر 7 افراد کو قتل کر دیا گیا۔

    پولیس کا کہنا ہے کہ بھائی نے اپنے ساتھیوں کے ساتھ مل کر بھائیوں اور بھابھی سمیت 7 افراد کو قتل کیا۔

    پولیس کے مطابق ملزمان نے سحری کے وقت بھائی کے گھر میں گھس کر فائرنگ کی، فائرنگ سے ملزم کی ماں، بھابھی اور 3 بچوں کو قتل کردیا جبکہ 7 سالہ بچی شدید زخمی ہوگئی۔

    بعد ازاں ملزمان نے 2 بھائیوں کو کھیت میں نماز کے لیے بنائی گئی جگہ پر فائرنگ کر کے قتل کیا۔

    قتل ہونے والوں میں قاتل و مقتولین کی ماں، 2 بھائی شیر باز اور افتخار، افتخار کی اہلیہ اور ان کے 2 بیٹے اور 1 بیٹی شامل ہیں، اندوہناک واقعے میں زخمی 7 سالہ بچی کو اسپتال منتقل کردیا گیا ہے۔

    پولیس نے علاقے کو گھیرے میں لے کر ملزمان کی تلاش شروع کردی ہے۔