ARYNews.tv | Urdu – Har Lamha Bakhabar

Tag: جائیداد کی قیمتوں

  • اپنا گھر یا پلاٹ خریدنے والوں کے لئے بڑی خبر

    اپنا گھر یا پلاٹ خریدنے والوں کے لئے بڑی خبر

    اسلام آباد : اپنا گھر یا پلاٹ خریدنے والوں کے لئے بڑی خبرآگئی ، ایف بی آر نےقیمتوں میں اضافہ کردیا۔

    تفصیلات کے مطابق فیڈرل بورڈ آف ریونیو (ایف بی آر) نے چھپن شہروں میں غیر منقولہ جائیداد کی قیمتوں میں 75 فیصد تک اضافہ کر دیا۔

    اس حوالے سے ایف بی آر نے نوٹیفیکیشن جاری کردیا، جائیداد کی قیمتوں میں اضافے کا اطلاق یکم نومبر دوہزار چوبیس سے ہوگا۔

    نوٹیفیکیشن بلڈرز اور ڈیولپرز سے مشاورت کے بعد جاری کیا گیا، ڈیولپرز اور بلڈرز کے تحفظات کو مدنظر رکھ کرملک بھر میں ریٹس میں ترمیم کی گئی ہے۔

    ایف بی آرنے پراپرٹی ویلیوایشن میں چودہ نئے شہر شامل ہیں تاہم ان میں اسلام آباد،راولپنڈی، کراچی اور لاہور شامل نہیں۔

    اس سے قبل دوہزار اٹھارہ، ، دوہزار انیس، دوہزار اکیس اور دوہزار بائیس میں جائیداد کی سرکاری قیمتوں میں اضافہ کیا گیا تھا۔

    Currency Rates in Pakistan Today- پاکستان میں آج ڈالر کی قیمت

    FBR کیا ہے اور املاک کی مالیت کا تعین کرنے میں اس کا کیا کردار ہے؟

    FBR کا مطلب Federal Board of Revenue ہے جو پاکستان میں ٹیکس اور ڈیوٹیز وصول کرنے والی ایک سرکاری ایجنسی ہے۔ یہ ادارہ ملک بھر میں غیر منقولہ جائیدادوں کی کم از کم مالیت کی شرحیں مقرر کرتا ہے۔ ان شرحوں کا استعمال مختلف مقاصد کے لیے کیا جاتا ہے، جن میں شامل ہیں:

    • اسٹامپ ڈیوٹی: جائیداد کے ٹرانزیکشن پر ادا کی جانے والی اسٹامپ ڈیوٹی کی رقم FBR کی مالیت کی شرحوں کے مطابق طے کی جاتی ہے۔
    • کیپیٹل گین ٹیکس: جب کوئی جائیداد فروخت کی جاتی ہے تو حاصل ہونے والے کسی بھی کیپیٹل گین پر کیپیٹل گین ٹیکس عائد ہوتا ہے۔ FBR کی مالیت کی شرحوں کا استعمال قابل ٹیکس آمدنی کا تعین کرنے کے لیے کیا جاتا ہے۔
    • ویلتھ ٹیکس: افراد کے ملکیت میں موجود غیر منقولہ جائیداد کی مالیت پر دولت ٹیکس عائد کیا جاتا ہے۔ دولت ٹیکس کے مقاصد کے لیے جائیداد کی مالیت کا تعین کرنے کے لیے FBR کی مالیت کی شرحوں کا استعمال کیا جاتا ہے۔

    FBR کی مالیت کی شرحیں عام طور پر مارکیٹ کے حالات میں تبدیلیوں کو مدنظر رکھتے ہوئے وقتاً فوقتاً اپ ڈیٹ کی جاتی ہیں۔ تاہم، یہ شرحیں اکثر جائیدادوں کی اصل مارکیٹ قیمت سے کم ہوتی ہیں، جس کی وجہ سے حکومت کو کم قیمت اور آمدنی میں کمی کا سامنا کرنا پڑتا ہے۔ اس مسئلے سے نمٹنے کے لیے، FBR نے حال ہی میں کئی شہروں میں جائیداد کی مالیت کی شرحیں بڑھا دی ہیں، جس کا مقصد انہیں مارکیٹ کی قیمتوں کے قریب لانے اور ٹیکس کی آمدنی میں اضافہ کرنا ہے۔

  • کراچی کیلئے جائیداد کی قیمتوں میں 25 فیصد تک کا اضافہ

    کراچی کیلئے جائیداد کی قیمتوں میں 25 فیصد تک کا اضافہ

    اسلام آباد : فیڈرل بورڈ آف ریونیو (ایف بی آر) نے کراچی کیلئے جائیداد کی قیمتوں میں 25 فیصد تک اضافہ کر دیا جبکہ 11کیٹگریزبرقرار رکھی۔

    تفصیلات کے مطابق فیڈرل بورڈ آف ریونیو (ایف بی آر) نے کراچی کیلئے جائیداد کی ویلیو ایشن میں اضافے کا نوٹیفکیشن جاری کردیا ، جس میں بتایا گیا ہے کہ کراچی کیلئےجائیدادکی قیمتوں میں25فیصد تک اضافہ کر دیا گیا ہے۔

    ایف بی آر کا کہنا ہے کہ کراچی کیلئے 11کیٹگریزبرقراررکھی گئی ہیں، کیٹگری اےون میں رہائشی جائیداد کی قیمتوں میں12.5فیصد اور کمرشل جائیدادکی قیمتوں میں20 فیصد تک اضافہ کیا گیا ہے۔

    نوٹیفکیشن کے مطابق کیٹگری اے ون میں اوپن رہائشی پلاٹ کی فی مربع گز قیمت میں8125 روپے ، رہائشی بلڈاپ پراپرٹی کی فی مربع گز قیمت میں 9ہزار روپے کا اضافہ کیا ہے۔

    ایف بی آر کا کہنا تھا کہ کیٹگری اے ون میں کمرشل اوپن پلاٹ کی فی مربع گزقیمت 30ہزار روپے ، کمرشل بلڈ اپ پراپرٹی کی فی مربع گزقیمت 11250روپے مقرر کی گئی ہے۔

    اسی طرح کیٹگری اے ون میں رہائشی اوپن پلاٹ کی فی مربع گزقیمت73125روپے ، رہائشی بلڈاپ پراپرٹی کی فی مربع گزقیمت81 ہزار روپے مقرر کی ہے۔

    نوٹیفکیشن کے مطابق رہائشی اوپن پلاٹ کی فی مربع گز قیمت ایک لاکھ 80 ہزار روپے ، کیٹگری اے ون میں کمرشل بلڈ اپ کی فی مربع گزقیمت101250روپے اور فلیٹس،اپارٹمنٹس کی فی مربع گز قیمت 7313 روپے مقرر کی گئی ہے۔

    یاد رہے اس سے قبل فیڈرل بورڈ آف ریوینیو نے ملک بھر کے 38بڑے شہروں کیلئے جائیداد کی قیمتوں کا نوٹی فکیشن جاری کیا تھا، جس میں جائیدادوں کی قیمتوں میں اوسطاً10سے15فیصد کا اضافہ کیا گیا جبکہ کچھ شہروں میں جائیداد کی قیمت میں100فیصد تک کا اضافہ بھی کیا گیا تھا۔

  • کراچی میں جائیداد کی قیمتوں میں 46 فیصد تک اضافہ

    کراچی میں جائیداد کی قیمتوں میں 46 فیصد تک اضافہ

    کراچی : فیڈرل بورڈ آف ریونیو (ایف بی آر ) نے کراچی میں جائیداد کی قیمتوں میں چھیالیس فیصد تک اضافہ کردیا ، قیمتوں کا اطلاق 24 جولائی سے ہوگا، اضافے کے بعدجائیداد کی قیمتیں مارکیٹ قیمت کی پچاسی فیصد تک پہنچ گئیں۔

    تفصیلات کے مطابق فیڈرل بورڈ آف ریونیو (ایف بی آر ) نے کراچی سمیت بائیس بڑے شہروں کیلیے جائیداد کی نئی قیمت کاتعین کرتے ہوئے نوٹیفیکیشن بھی جاری کردیا ہے، قیمتوں کا اطلاق 24جولائی سے ہوگا۔

    نوٹیفیکیشن کے مطابق کراچی میں جائیداد کی قیمتوں میں چھیالیس فیصد تک اضافہ کیاگیاہے اور گیارہ کیٹیگریزبرقراررکھی گئی ہیں ۔

    رہائشی،کمرشل،صنعتی، تعمیرشدہ، غیرتعمیرشدہ قیمتوں کا تعین کیا گیا ، اے ون کیٹیگری رہائشی جائیداد کی قیمت میں 66فیصد تک اضافہ ، کمرشل جائیدادکی قیمت میں20فیصداضافہ اور اوپن رہائشی جائیداد میں23ہزار روپے کا اضافہ کیا گیا۔

    ایف بی آر کا کہنا ہے کہ تعمیرشدہ رہائشی پراپرٹی کی فی مربع گزقیمت میں24ہزارروپے اضافہ کیا گیا ، کیٹیگری اے ون میں کمرشل اوپن پلاٹ کی قیمت میں 30 ہزاروپے ، کیٹیگری 2 میں رہائشی جائیداد کی قیمت4600روپے فی مربع گز اور کیٹیگری3میں رہائشی جائیدادکی قیمتوں میں 2 ہزار 800 روپے فی مربع گز اضافہ کیا گیا۔

    نوٹیفیکیشن میں کہا گیا کیٹیگری 4 رہائشی جائیداد کی قیمت میں2 ہزار 500فی مربع گز ، کیٹیگری 6 میں جائیداد کی قیمت میں 420 روپے فی مربع گز ، کیٹیگری7 میں رہائشی جائیداد کی قیمت میں8 ہزار روپے فی مربع گز، کیٹیگری8 میں رہائشی جائیداد کی قیمت 800 روپےفی مربع گز اور کیٹیگری 9 اور 10 میں رہائشی جائیداد میں1 ہزار روپے فی مربع گز اضافہ کیا۔

    ایف بی آر کے مطابق قیمتوں میں اضافہ اسلام آباد، راولپنڈی، لاہور، پشاور ،کوئٹہ ، سیالکوٹ،گجرات فیصل آباد اور ملتان ، سکھر، حیدرآباد، مردان، ایبٹ آباد اورگوادر کیلئے بھی کیاگیا ہے۔