Tag: جاتی امرا

لاہور: وزیر اعلیٰ پنجاب کے ترجمان شہباز گل نے کہا کہ نوازشریف سزا یافتہ قیدی ہیں، ان سے جیل مینول کے مطابق سلوک ہو گا.

ان خیالات کا اظہار انھوں نے ن لیگ اور مریم نواز کی جانب سے عائد الزامات کا جواب دیتے ہوئے کیا. ان کا کہنا تھا کہ نوازشریف واحد شخص ہیں، جن کے لئے 21 کارڈیالوجسٹ مامور ہیں.

شہباز گل نے کہا کہ جاتی امرا سے نواز شریف کے لئے مضر صحت کھانا آرہا تھا، دل کے مریض کو روزانہ مضرصحت گوشت، انڈے کھلائے جارہےتھے، جیل مینول میں گھر سےکھانا منگوانے کی اجازت نہیں ہے.

انھوں نے کہا کہ حکومت نے نوازشریف کو صحت افزاغذا فراہم کرنے کا فیصلہ کیا، نوازشریف کو صحت افزا کھانا دینے کے لئے ماہرین کا بورڈ تشکیل دیا گیا ہے، بیگم صفدرصحت پرپروپیگنڈےکے ذریعے اپنی سیاست چمکانا چاہتی ہیں.

مزید پڑھیں: وزیر اعظم نے آصف زرداری اور نواز شریف کے ذاتی اخراجات کی تفصیل طلب کرلی

انھوں نے مزید کہا کہ مریم صفدرشوق سے عدالت جائیں خلاف قانون کچھ نہیں ہوسکتا، حکومت بھوک ہڑتالوں، دھرنوں کی دھمکیوں سے نہیں ڈرتی.

شہباز گل نے مزید کہا کہ بیگم صفدر فریب دہی پر عدالت سے سزایافتہ ہیں، جھوٹ ان کی عادت ہے، کیلبری کوئین کاویڈیو ڈرامہ فلاپ ہوا تو نیا ڈرامہ رچانا چاہتی ہیں.

خیال رہے کہ اج مریم نواز نے ٹویٹ کیا تھا کہ حکومت نے نواز شریف صاحب کے گھر کے کھانے پر پابندی عائد کر دی ہے۔

انھوں نے مزید کہا کہ میاں صاحب نے جیل کا کھانا کھانے سے انکار کر دیا ہے۔ اگر انھوں نے اگلے 24 گھنٹے میں یہ پابندی واپس نا لی تو میں عدالت سے رجوع کروں گی۔

لاہور: جاتی امرا میں بلاول بھٹو اور مریم نواز کی ون آن ون ملاقات ہوئی جس میں بجٹ کو منظوری سے روکنے پر اتفاق کیا گیا۔

تفصیلات کے مطابق مسلم لیگ ن کی نائب صدر مریم نواز کی دعوت پر چیئرمین پیپلزپارٹی بلاول بھٹو زرداری جاتی امرا پہنچے، ان کے ہمراہ قمر زمان کائرہ، چوہدری منظور، مصطفیٰ نواز کھوکھر، چوہدری منظور ودیگر موجود تھے۔

مسلم لیگ ن کی جانب سے مریم اورنگزیب، رانا ثنا اللہ، ایاز صادق، اور محمد زبیر موجود تھے، مریم نواز نے جاتی امرا پہنچنے پر بلاول بھٹو کا استقبال کیا۔

ملاقات میں اتفاق کیا گیا کہ بجٹ عوام دشمن ہے کسی صورت منظور نہیں ہونا چاہئے، دونوں رہنماؤں کا کہنا تھا کہ حکومت کی ناکامیاں ملک کے لیے خطرہ بنتی جارہی ہیں، حکومت کو مزید برداشت نہیں کیا جاسکتا ہے۔

مزید پڑھیں: بیگم صفدر نے کرپشن بولے بھائی کے لیے منی لانڈرنگ کی ہانڈی تیار کی، فیاض الحسن چوہان

مسلم لیگ ن اور پیپلزپارٹی رہنماؤں کا کہنا تھا کہ حکومت کو جتنا وقت دیں گے ملک کو اتنا زیادہ نقصان ہوگا۔

پیپلزپارٹی اور مسلم لیگ ن کے رہنماؤں میں مشترکہ فیصلہ کیا گیا کہ حکومت بجٹ عوام دوست نہیں بناتی تو منظور نہیں ہونے دیں گے، عوام دشمن بجٹ اور حکومت کے خلاف پارلیمان اور باہر جدوجہد کا فیصلہ کیا گیا۔

اس کے علاوہ اس بات پر اتفاق کیا گیا کہ دونوں جماعتوں کی قیادت دیگر اپوزیشن جماعتوں سے بھی رابطے کریں گی۔

واضح رہے کہ بلاول بھٹو نے رمضان المبارک میں اپوزیشن جماعتوں کی قیادت دعوت افطار پر مدعو کیا تھا جس میں مریم نواز بھی شریک ہوئی تھیں، مریم نواز نے گزشتہ روز بلاول بھٹو کو ملاقات کی دعوت دی تھی جسے بلاول کی جانب سے قبول کرلیا گیا تھا۔