Tag: جاری

سعودی حکام نے 70 ہزار خواتین کو ڈرائیونگ لائسنس جاری کردئیے

ریاض : سعودی حکام کی جانب سے خواتین کو ڈرائیونگ کی آزادی دینے کے بعد سے ابتک 70 ہزار سعودی خواتین کو ڈرائیونگ لائسنس جاری کیا جاچکا ہے۔

تفصیلات کے مطابق سعودی عرب میں خواتین کو مختلف ڈرائیونگ سمیت مختلف شعبوں میں محمد بن سلمان کے وژن 2030 تحت دی گئی آزادی کے بعد سے سعودی خواتین مختلف شعبوں میں اپنی صلاحتیوں کا لوہا منوا چکی ہیں۔

مقامی خبر رساں ادارے کا کہنا ہے کہ سعودی حکومت خواتین پر عائد ڈرائیونگ کی پانبدی 24 جون 2018 کو ختم کرنے کے بعد سے اب تک تقریباً ستر ہزار خواتین کو ڈرائیونگ لائسنس کا اجراء کرچکی ہے۔

عرب میڈیا کہنا ہے کہ سعودی خواتین نے ثابت کردیا کہ وہ بہترین ڈرائیور ہیں اور ان کی طرف سے کی گئی خلاف ورزیوں ابھی تک عوام کی جان کو خطرہ نہیں ہے۔

محکمہ ٹریفک کے ڈائریکٹر جنرل میجر جنرل محمد البسامی نے القاسم یونیورسٹی میں خواتین کے لیے ڈرائیونگ اسکول کی افتتاحی تقریب کے دوران کہا کہ مجھے فخر ہے کہ سعودی مرد و خواتین مملکت کی تعمیر و ترقی کےلیے صبح و شام محنت کررہے ہیں۔

مزید پڑھیں : عدوا الدخیل سعودی عرب کی پہلی خاتون پائلٹ بن گئیں

عرب خبر رساں ادارے کا کہنا ہے کہ ڈرائیونگ اسکول میں 40 خواتین انسٹرکٹر کو رکھا گیا ہے جو 55 ہزار اسکوائر میٹر پر پھیلے اسکول میں سعودی خواتین کو ڈرائیونگ سکھائیں گی۔

عرب میڈیا کا کہنا ہے کہ القاسم یونیورسٹی میں بنایا گیا اسکول خطے میں اپنی نوعیت کا پہلا اور سعودی عرب میں 17 واں اسکول ہے۔

مارچ 20, 2019
امریکا سے مذاکرات جاری ہیں تاہم ابھی تک کوئی معاہدہ نہیں ہوا، ترجمان طالبان

دوحا : افغان طالبان کا قطر میں ہونے والے امن مذاکرات سے متعلق کہنا ہے کہ امریکا کے ساتھ امن مذاکرات جاری ہیں لیکن ابھی تک کوئی معاہدہ نہیں ہوسکا ہے۔

غیر ملکی خبر رساں ادارے کا کہنا ہے کہ افغانستان میں امن کی بحالی اور نیٹو فورسز کے افغانستان سے انخلاء کےلیے پاکستان کے تعاون سے افغان طالبان اور امریکا کے درمیان قطر میں گزشتہ کئی روز سے مذاکرات کا سلسلہ جاری ہے، دو روز قبل مذاکرات کا دوبارہ آغاز ہوا ہے۔

ترجمان طالبان ذبیح اللہ مجاہد کا جاری بیان میں کہنا تھا کہ قطر میں امریکا کے ساتھ شروع ہونے والے مذاکرات میں افغانستان سے غیر ملکی فوجیوں کے انخلاء پر ہوئی جبکہ دوسرا نکتہ افغانستان کی سرزمین کو دوسروں کی جنگ میں استعمال نہ کرنا۔

ترجمان طالبان کا کہنا تھا کہ امریکا کے ساتھ مذکورہ دو نکات گفتگو ہوئی تاہم ابھی تک کوئی معاہدہ نہیں ہوسکا کیوں دو مسائل کی نوعیت انتہائی حساس ہے۔

مزید پڑھیں : امریکا اور طالبان کے درمیان آج پھر مذاکرات ہوں گے

یاد رہے کہ دو رو قبل دوحا میں افغان طالبان کے سیاسی دفتر کے ترجمان سہیل شاہین کا کہنا ہے کہ طالبان کو امید ہے کہ امریکا کے ساتھ جاری مذاکرات کے بعد غیر ملکی فوجیں افغانستان سے نکل جائیں گی، غیر ملکی فوجوں کے انخلاء کے بعد افغانستان میں سرگرم مسلح گروپس آپس میں مذاکرات سے تنازعات کو حل کریں گے۔

سہیل شاہین نے امریکی خبر رساں ادارے سے گفتگو کرتے ہوئے واضح کیا کہ امریکی حکام کے ساتھ دوحا میں ہونے والے مذاکرات میں جنگ بندی شامل نہیں ہے۔

مزید پڑھیں: افغان طالبان نے اشرف غنی کی پیش کش مسترد کردی

خیال رہے کہ افغان طالبان نے افغان صدر اشرف غنی کی شہر میں دفتر کھولنے کی پیش کش مسترد کردی تھی۔

افغان طالبان اور امریکا کے درمیان مذاکرات کا مقصد افغان میں گزشتہ 17 سال سے جاری جنگ کا خاتمہ اور افغانستان سمیت خطے کے دیگر ممالک میں امن و امان کا قیام ہے۔

امریکا نے افغانستان سے اپنی فوج کے انخلاء کا اعلان کیا ہے جبکہ طالبان کی جانب سے ایک بیان میں کہا گیا تھا کہ افغان طالبان افغانستان سے داعش کا چند دنوں میں خاتمہ کرسکتے ہیں۔

افغانستان میں قیام امن کے لیے امریکا کے نمائندہ خصوصی زلمے خلیل زاد نے پاکستان سمیت دیگر ملکوں کا دورہ کیا تھا۔

مارچ 4, 2019
پنجاب فوڈ اتھارٹی نے پلاسٹک بوتل انڈسٹری کیلئے ایس او پی جاری کردی

لاہور : پنجاب فوڈ اتھارٹی نے استعمال شدہ پلاسٹک سے تیار ہونے والی بوتلوں کےلیے ایس او پی جاری کردی، استعمال شدہ پلاسٹک سے تیار کردہ بوتلوں کو کھانے کی اشیاء میں استعمال کرنے پر پابندی ہوگی۔

تفصیلات کے مطابق پنجاب فوڈ اتھارٹی نے استعمال شدہ پلاسٹک سے تیار کردہ بوتلوں کےلیے قوانین متعارف کروا دئیے، پنجاب فوڈ اتھارٹی کے تحت اشیائے خورد و نوش میں ری سائیکل ہونے والی بوتلوں کا استعمال نہیں ہوگا۔

فوڈ گریڈ پلاسٹک دانے سے بنی بوتل کھانے کی اشیا کے لیے استعمال ہوگی، جبکہ استعمال شدہ بوتل پر ” یہ کھانے کی اشیا میں استعمال کے لیے نہیں” تحریر ہوگا، وارننگ لیبل والی بوتلیں دیگر اشیا کے لیے استعمال ہوسکیں گی۔

ڈی جی پنجاب فوڈ اتھارٹی کا کہنا ہے کہ غیر معیاری پلاسٹک بوتل مافیا کی رات میں کام کرنے کی اطلاعات ہیں، رات کے اوقات میں کارروائی کے لئے اسپیشل آپریشن ٹیمیں تشکیل دی ہیں، ڈائریکٹر ویجیلینس کو ٹیموں کا انچارج بنایا گیا ہے۔

خیال رہے کہ وزیر مملکت برائے موسمیاتی تغیر (کلائمٹ چینج) زرتاج گل کا کہا تھا کہ وزارت کلائمٹ چینج نے پلاسٹک کی تھیلیوں پر ٹیکس لگا رہی ہے اور اس حوالے سے مختلف تجاویز پر غور کیا جارہا ہے۔

مزید پڑھیں : وزارت کلائمٹ چینج کا پلاسٹک کی تھیلیوں پر ٹیکس لگانے پر غور

وزیر مملکت زرتاج گل کا کہنا ہے کہ پلاسٹک کی تھیلیوں پر جلد ٹیکس عائد کردیا جائے گا اور اس سلسلے میں ایک تھیلی پر 1 سے 2 روپے کا ٹیکس زیر غور ہے۔

انہوں نے کہا کہ اس سلسلے میں صوبوں سے رابطہ کیا جارہا ہے اور مشاورت کے بعد ٹیکس کو ملک بھر میں لاگو کردیا جائے گا۔

زرتاج گل کا کہنا تھا کہ پلاسٹک کی تھیلیاں نہ صرف انسانی صحت کے لیے مضر ہیں بلکہ زمینی و آبی حیات کے لیے بھی خطرناک ہیں، ہم اس سے چھٹکارہ پانے کی کوشش کر رہے ہیں۔

فروری 24, 2019
برطانیہ داعش کی شکست کےلیے جنگ جاری رکھے گا، گیون ولیم سن

لندن : برطانوی وزیر دفاع گیون ولیم سن نے کہا ہے کہ ’برطانوی افواج داعش کو شکست سے فاش کرنے کےلیے جنگ جاری رکھے گا‘۔

تفصیلات کے مطابق برطانیہ کے وزیر دفاع گیون ولیم سن نے برسلز میں نیٹو اجلاس میں شرکت کے دوران میڈیا سے گفتگو کرتے ہوئے کہا کہ ’شام و عراق میں داعش کا خطرہ کم ہوکر تبدیل ہوگیا ہے کیوں داعش منتشر ہوچکی ہے‘۔

وزیر دفاع کا کہنا تھا کہ برطانیہ اپنی عوام اور اتحادیوں کے تحفظ کو یقینی بنانے کےلیے تمام تر اقدامات کرے گا۔

واضح رہے کہ گیون ولیم سن کا ایسے وقت میں آیا جب امریکا داعش کے خلاف نیا اتحاد بنانے کو تیار ہے، امریکا شام سے امریکی افواج کی واپسی کے بعد مبصر کی تعیناتی کے بارے میں گفتگو کررہا ہے۔

مزید پڑھیں : برطانیہ 2019 کے اختتام تک ’ڈرون اسکاڈرن‘ تیار کرلے گا، وزیر دفاع

خیال رہے کہ گزشتہ روز برطانیہ کے وزیر دفاع گیون ولیم سن نے رائل یونائٹڈ سروسز انسٹیٹیوٹ میں خطاب کرتے ہوئے کہا تھا کہ برطانیہ مضبوط اور پہلے سے زیادہ جارحانہ صلاحتیوں کی حامل مسلح افواج کی ضرورت ہے تاکہ وہ ایک بڑی فوجی طاقت بن سکے۔

وزیر دفاع کا کہنا تھا کہ برطانیہ دشمن کے دفاعی نظام سے نمٹنے کےلیے 70 لاکھ پاؤنڈ کی لاگت سے ڈرون کا فضائی تیار کررہا ہے جو 2019 کے اختتام تک تیار ہوجائے گا۔

گیون ولیم سن نے بتایا کہ برطانوی افواج کوئین الزبتھ کے نام سے منسوب نئے بحری بیڑے کو بحر الکاحل میں تعینات کررہا ہے جہاں چین اپنا اثر رسوخ بڑھا رہا ہے۔

فروری 14, 2019
افغان انٹیلی جنس اہلکاروں کو پاکستانی شناختی کارڈ کے اجراء کا انکشاف

اسلام آباد : افغان خفیہ ایجنسی کے اہلکاروں کونادرا حکام کی جا نب سے پاکستانی شناختی کارڈ جاری ہونے کا انکشاف ہوا ہے۔

تفصیلات کے مطابق سینیٹ کی کابینہ سیکریٹریٹ کمیٹی کی میٹنگ کے اختتام پر سینیٹر طلحہٰ محمودنے میڈیا نمائندگان کو بریفنگ دیتے ہوئے انکشاف کیا کہ پاکستان میں تاجک اور افغان باشندوں کو سیکڑوں کی تعداد میں سبز شناختی کارڈ جاری کیے گئے ہیں۔

سینیٹر طلحہٰ محمود کا کہنا تھا کہ پاکستانی شناخٹی کارڈ کے حامل غیر ملکی افراد کے پاسپورٹ پر بھارت کے ویزے بھی لگے ہوئے ہیں، تاہم نادرا کی جانب سے تاحال بعض شناختی کارڈ کوبلاک نہیں کیے گئے ہیں۔

سینیٹر طلحہٰ محمود نے میڈیا سے گفتگو کرتے ہوئے کہا کہ پاکستانی شناختی کارڈ کے حامل غیر ملکیوں کی فہرست خفیہ ایجنسی’ آئی بی‘ کے حوالے کردی گئی ہے۔

سینیٹر طلحہٰ محمود نے بتایا کہ کمیٹی کی جانب سے آئی بی کو پاکستانی شناختی کے حامل غیر ملکیوں سے تفتیش کےلیے فہرست دی گئی ہے۔

ان کاکہنا تھا کہ تقریباً 150 کے قریب تاجک باشندوں پاکستانی شناختی کارڈ لاہور سے برآمد ہوئے ہیں جنہیں نادرا حکام کی جانب سے بلاک کردیا گیا ہے۔

سینیٹر طلحہٰ محمود نے میڈیا کو بتایا کہ جن غیر ملکیوں کے شناختی کارڈ لاہور سے برآمد ہوئے ہیں انہیں تاحال گرفتار نہیں کیا گیا ہے، اور نہ ہی نادرا حکام نے غیر ملکیوں کوسبز شناختی کے اجراءکی روک تھام کےلیے ابھی تک کوئی قدم نہیں اٹھایا ہے۔

سینیٹر طلحہٰ محمود کا کہنا تھا کہ کمیٹی نے غیر ملکیوں کے سبز شناختی کارڈ کے حامل ہونے سے متعلق آئی بی سے رپورٹ طلب کی ہے۔

ذرائع کا کہنا ہے کہ سینیٹ کی کابینہ سیکریٹریٹ کمیٹی کے اجلاس میں آئی بی کے دائریکٹر جنرل ڈاکٹر سلمان خان بھی شریک تھے۔

ڈائریکٹر جنرل آئی بی ڈاکٹر سلمان نے افغان شہریوں کو پاکستانی شناختی کارڈ کے اجراء سے متعلق معاملے پر بریفنگ دی۔

سینیٹ کی کابینہ کمیٹی کے اجلاس میں مہاجرین کی رجسٹریشن، سی پیک میں آئی بی کا کردارپر بھی بریفنگ دی گئی۔

دسمبر 5, 2018
ریل کے کرایوں میں اضافے کا نوٹی فیکیشن جاری

اسلام آباد : پاکستان ریلوے نے مسافر بردار ٹرینوں کے کرایوں میں 7 دسمبر سے 10 سے 19 فیصد اضافے کا نوٹیفیکشن جاری کردیا۔

تفصیلات کے مطابق پاکستان ریلوے نے کراچی سے پشاور، سکھر، لاہور و راولپنڈی سمیت کئی شہروں کی مسافر بردار ٹرینوں کے کرائے میں اضافہ کردیا ہے۔

ذرائع کا کہنا ہے کہ ریلوے حکام نے مسافر بردار ٹرینوں کے کرایوں میں اضافے کا نوٹی فیکیشن بھی جاری کردیا ہے۔

نوٹیفیکشن کے مطابق کراچی سے لاہور جانے والی گرین لائن ، قراقرم کے اے سی بزنس کاکرایے میں 500، اکنامی کلاس کے کرایوں میں 170 روپے جبکہ کراچی ایکسپریس، بزنس ایکسپریس، شالیمار اور شاہ حسین ایکسپریس کے اےسی سلیپر 670 روپے اضافہ کیا گیا ہے۔

وزارت ریلوے نے کراچی ایکسپریس، بزنس ایکسپریس، شالیمار اور شاہ حسین ایکسپریس کے اے سی بزنس میں 540 اے سی پارلر میں 390 اے سی اسٹینڈر 380 روپے جبکہ اکنامی کلاس کے کرائے میں 180 اضافے کا نوٹیفیکشن جاری کیا ہے۔

ریلوے حکام کی جانب سےکراچی سے پشاورجانے والی خیبر میل ایکپسریس کےاےسی سلیپرکرایےمیں850 روپے،اےسی بزنس600 روپے اور اے سی اسٹینڈر490 ، اکنامی کلاس کےکرایے میں 190روپےبڑھائے گئے ہیں۔

ریلوے حکام نے کراچی تا راولپنڈی سفر کرنے والی مسافر بردار ٹرین تیز گام کے اے سی سلیپرمیں890روپے، اکنامی کے لئے 210روپےجبکہ اےسی بزنس میں660، اےسی اسٹینڈرڈمیں 530اضافہ کیا گیا ہے۔

ملت ایکسپریس فیصل آبادتک اےسی بزنس540،اکنامی کے لئے160روپے، بہاؤالدین ذکریاملتان کے لئےاےسی بزنس 480، اےسی اسٹینڈرڈکےلئے360روپے اور اکنامی کلاس کےکرائے میں 140روپے اضافے کا نوٹی فیکیشن جاری ہوا ہے۔

وزارت ریلوے کی جانب سے جاری نوٹی فیکیشن کے مطابق پاکستان ایکسپریس کاراولپنڈی تک اکنامی کلاس میں250روپےجبکہ کراچی تاسکھراےسی سلیپرکیلئے350،اےسی بزنس کیلئے230روپے اضافہ کردیاگیا۔

مسافروں کو کراچی سے سکھرلے جانے والی ٹرین کے اےسی اسٹینڈرڈکےلئے180، اکنامی کلاس کاکرایہ 80روپےبڑھادیاگیا۔

وزارت ریلوے کی جانب سے 7 دسمبرسےمسافروں کی سہولت کے لیےٹکٹ بکنگ سینٹرز 24 گھنٹے کھلے رکھنے کا نوٹیفیکشن بھی جاری کردیا گیا ہے۔

دسمبر 5, 2018
خیبرپختونخوا اسمبلی کے حلقہ 23 شانگلہ ون میں ری پولنگ جاری

پشاور : خیبرپختونخوا اسمبلی کے لیے حلقہ پی کے 23 میں ضمنی الیکشن کے دوران پولنگ کا عمل جاری ہے، اس نشست پر پی ٹی آئی امیدوار شوکت یوسفزئی سمیت 13 امیدواروں کے درمیان مقابلہ ہے۔

تفصیلات کے مطابق خوبہ خیبرپختونخوا اسمبلی کے حلقہ پی کے 23 شانگلہ ون میں ضمنی انتخاب کے لیے پولینگکا آغاز جاری ہے، پولنگ صبح آٹھ بجے شروع ہو ئی اور جو کسی وقفے کے بغیر شام چھ بجے تک جاری رہے گی۔

الیکشن کمیشن نے پی کے 23 شانگلہ کے نتیجے کو کالعدم قرار دیا تھا، الیکشن کمیشن نے خواتین کی 10 فیصد سے کم ووٹنگ پر دوبارہ پولنگ کا حکم دیا تھا۔

اس نشست پر تیرہ امیدواروں کے درمیان مقابلہ ہے جن میں تحریک انصاف کے شوکت یوسفزئی، ایم ایم اے کے محمد یار، اے این پی کے عمرزادہ اور پیپلزپارٹی کے افسر الملک نمایاں ہیں۔

یاد رہے کہ صوبائی کے حلقہ پی کے 23 شانگلہ ون سے پاکستان تحریک انصاف کے شوکت یوسفزئی 17399 ووٹ لے کر کامیاب ہوئے تھے۔

ضمنی انتخاب کے دوران بھی پی ٹی آئی کے شوکت علی یوسفزئی اور ن لیگ کے محمد رشاد خان مد مقابل ہیں، تحریک انصاف کے امیدوار شوکت یوسفزئی کو اے این پی، پی پی کی حمایت حاصل ہے جبکہ ن لیگی امیدوار رشاد خان کی متحدہ مجلس عمل نے حمایت کی ہے۔

پی کے 23 میں ری پولنگ کے سلسلے میں کسی بھی ناخوش گوار واقعے سے بچنے کے لیے حکام کی جانب سے سخت سیکیورٹی کے انتظامات کیے گئے ہیں، پی کے 23 شانگلہ ون میں کل ووٹر ز کی تعداد 2 لاکھ 5 سو 55 ہے۔

واضح رہے کہ پی کے 23 شانگلہ ون میں کل پولنگ اسٹیشنز کی تعداد 135 ہے، حلقے میں مرد ووٹرز کی تعداد 113827 ہے جبکہ حلقے میں خواتین ووٹرز کی تعداد 86728 ہے۔

ستمبر 10, 2018
یوم دفاع و شہدا 2018 کے موقع پر متبادل ٹریفک پلان جاری

اسلام آباد : ٹریفک پولیس نے یوم دفاع و شہدا پاکستان 2018 کی تقریب کے موقع پر عوام کی سہولت کے لیے ٹریفک حکام نے متبادل ٹریفک پلان جاری کردیا۔

تفصیلات کے مطابق پاکستان کے 6 ستمبر جمعرات کے روز یوم دفاع و شہدا 2018 کے موقع پر جنرل ہیڈ کوارٹر میں منعقد ہونے والے تقریب کے سلسلے میں محکمہ ٹریفک پولیس کی جانب سے شہریوں کی سہولت کے لیے متبادل ٹریفک پلان جاری کردیا گیا ہے۔

محکمہ ٹریفک پولیس کی جانب سے جاری ٹریفک پلان کے مطابق آبپارہ چوک سے کشمیر ہائی وے پر کوڑیا نوالہ چوک تک روڈ ٹریفک کے لیے بند رہے گا جبکہ پشاور، لاہور سے مری جانے والے زیرو پوائنٹ سے فیض آباد مری روڈ شہریوں کے لیے کھلا رہے گا۔

محکمہ ٹریفک پولیس ذرائع کا کہنا ہے کہ سہر وردی ایمبیسی روڈ سے سرینا تک سڑک ٹریفک کے لئے بند ہوگی، تاہم شہری ہری بازار چوک، سر فراز روڈ، شہید ملت روڈ میونسپل روڈ استعمال کریں۔

یوم دفاع و شہدا 2018 کی تقریب کے موقع پر سیکریٹریٹ چوک سے کنونشن سینٹر شاہراہ جمہوریت روڈ بھی بند رہے گا، وفاقی دارالحکومت کی عوام کے لیے ایوب چوک، میریٹ ہوٹل براستہ مارگلہ روڈ کھلا رہے گا، جبکہ بری امام سے ریڈیو پاکستان تک سٹرک ہر قسم کے ٹریفک کے لیے بند رہے گی۔

محکمہ ٹریفک پولیس کے جاری ٹریفک پلان میں بتایا گیا ہے کہ شہری متبادل تھرڈ روڈ استعمال کریں، کشمیر چوک سے سرینا ہوٹل تک دو طرفہ ٹریفک بند رہے گا۔

ٹریفک پولیس کی جانب سے عوام کی آسانی کے لیے راول ڈیم سے فیض آباد، زیرو پوائنٹ، فیصل ایونیو، مارگلہ روڈ کو ٹریفک کے لیے کھلا رکھا جائے گا اور شہری کلب روڈ یوٹن سے مری ٹریفک کوڑیا نوالہ چوک تک ون وے بھی استعمال کرسکیں گے۔

ستمبر 5, 2018
جمہوریت کو مضبوط کرنے کے لئے جدوجہد جاری رہے گی، بلاول بھٹو

لاڑکانہ : پیپلز پارٹی کے سربراہ بلاول بھٹو نے کہا ہے کہ عمران خان کا اعلان سن کرخوشی ہوئی تھی مگر وہ اپنے بیانات سے ہٹ گئے، وفاقی حکومت یو ٹرن حکومت ہے۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے پولنگ ایجنٹس کے اعزاز میں منعقدہ تقریب سے خطاب کرتے ہوئے کہا ہے کہ ایم این اے بننے کے بعد لاڑکانہ کے عوام سے پہلی ملاقات کر رہا ہوں، خوشی ہےعوام نے مجھے اور پارٹی کو کامیاب بنایا۔

چیئرمین پیپلز پارٹی کا کہنا ہے کہ موجودہ وفاقی حکومت یو ٹرن حکومت ہے، عمران خان کا اعلان سن کرخوشی ہوئی مگروہ اعلانات سے ہٹ گئے۔

نو منتخب رکن قومی اسمبلی بلاول بھٹو نے کہا ہے کہ مجھے سندھ کے عوام پر فخر ہے، الیکشن کے دنوں میں لوگ پارٹیاں بدل رہے تھے لیکن عوام نے ساتھ نہ چھوڑا، 2013 سے زیادہ کامیابی حاصل کرنا خوش آئند ہے۔

چیئرمین پیپلز پارٹی نے کہا ہے کہ جمہوریت کو پیروں پر کھڑا کرنے کے لئے جدوجہد کرتے رہیں گے، جمہوریت کی مضبوطی کے لئے عوام کے ساتھ کی ضرورت تھی اور رہے گی۔

بعد ازاں بلاول بھٹو نے نوڈیرو میں پارٹی عہدیداران و کارکنان سے خطاب کرتے ہوئے کہا ہے کہ مشکلات کے باوجود سندھ کے عوام نے پیپلز پارٹی کو کامیاب کیا، عوام نے مجھے ووٹ دے کر شہید بھٹو، بی بی کے نظریے کو کامیاب کیا۔

چیئرمین بلاول بھٹو کا کہنا تھا کہ سندھ کے محدود وسائل کے باوجود عوام کی خدمت کریں گے، شہید بی بی کے خواب کی تکمیل کے لئے جدوجہد جاری رکھیں گے، میں غربت اور بے روز گاری کا خاتمہ کرنا ہے۔

مزید پڑھیں : دھاندلی سے متعلق پارلیمانی کمیٹی کے مطالبے کی حمایت کرتے ہیں، بلاول بھٹو زرداری

یاد رہے کہ چیئرمین بلاول بھٹو نے قومی اسمبلی سے پہلی مرتبہ خطاب کرتے ہوئے کہا تھا کہ عمران خان نے جنہیں گدھے، بھیڑ بکریاں قرار دیا ان کے بھی وزیراعظم ہیں، عمران خان نے پارلیمان کو مضبوط کیا تو ہمیں اپنے ساتھ پائیں گے، اگر آپ نے ایوان کا تقدس پامال کیا تو انہیں سب سے پہلے ہمارا سامنا کرنا ہوگا ۔

انہوں نے مزید کہا کہ الیکشن پر تحفظات کے باوجود جمہوری عمل میں حصہ لے رہے ہیں، الیکشن میں سب کو برابری کا موقع نہیں دیا گیا، مختلف پولنگ ایجنٹس کو پولنگ اسٹیشنز سے باہر نکالا گیا، نتائج کو روکا گیا۔

اگست 30, 2018
کینیڈا میں مقیم سعودی طالب علموں کو تعلیم جاری رکھنے کی اجازت مل گئی

اوٹاوا : کینیڈا میں مقیم 1 ہزار سے زائد سعودی طالب علموں کو ریاض حکومت نے تعلیم جاری رکھتے ہوئے میڈیکل ٹریننگ مکمل کرنے کی اجازت دے دی۔

تفصیلات کے مطابق سعودی عرب اور کینیڈا کے درمیان جاری تنازعہ کے باعث ایک ہزار سے زائد سعودی طالب علموں کا مستقبل تباہ ہونے سے بچانے کے لیے سعودی حکومت میڈیکل ٹرینگ مکمل کرنے کی اجازت دے دی ہے۔

خیال رہے کہ سعودی حکومت نے کینیڈین حکومت سے سفارتی تعلقات خراب ہونے کے بعد کینیڈا میں زیر تعلیم سعودی شہریوں کی اسکالر شپ منسوخ کرتے ہوئے انہیں دیگر ممالک میں منتقل ہونے کے نوٹس جاری کیے تھے۔

کینیڈا ہیلتھ کیئرکین کے صدر پال کولیسٹر کا کہنا تھا کہ سعودی حکومت کی طرف ست طالم علموں کو کینیڈا میں میڈیکل ٹرینگ جاری رکھنے کی اجازت دی گئی ہے۔

ہیلتھ کیئرکین کے صدر کا کہنا تھا کہ سعودی حکومت کی جانب سےتعلیم جاری رکھنے کی اجازت کے بعد طالب علم اپنا میڈیکل پروگرام دیگر ممالک میں بھی منتقل کرسکتے ہیں لیکن تعلیم کسی دوسرے ملک منتقل کرنے کے لیے تقریباً 18 ماہ وقت لگتا ہے۔

پال کولیسٹر کا کہنا تھا کہ زیادہ تر سعودی طالب علم کینیڈا میں ہی اپنی میڈیکل ٹریننگ مکمل کرنا چاہتے ہیں اور بیشتر طالب علموں کا آخری تعلیمی سال ہے۔

کینیڈا سعودیہ تنازعہ، جسٹن ٹروڈو نے معاملہ حل کرنے کے لیے کوششیں تیز کردی

یاد رہے کہ کینیڈا کی وزارت خارجہ اور ریاض میں سفارت خانے کی جانب سے سعودی عرب میں گرفتار سماجی کارکنان کی رہائی کے لیے دباؤ ڈالا گیا تھا۔

غیر ملکی خبر رساں ادارے کا کہنا تھا کہ سعودی عرب کے مطابق معاملے پرکینیڈا کا موقف ملکی معاملات میں واضح مداخلت ہے۔

داخلی معاملات میں مداخلت کے بعد سعودی عرب نے کینیڈا سے درآمد کیے جانے والے اجناس پر پابندی عائد کر دی تھی، یہ امر اہم ہے کہ سعودی عرب اور کینیڈا کے درمیان دو طرفہ تجارت کا سالانہ حجم چار ارب ڈالر کے مساوی ہے۔

خیال رہے کہ کینیڈین حکومت کی جانب سے سعودی عرب کے ساتھ جاری سفارتی تعلقات میں تنازعے کے حل کے لیے متحدہ عرب امارت اور برطانوی حکومت سے رابطہ بھی کیا ہے تاکہ وہ سعودی عرب کے ساتھ جاری سفارتی تنازعہ کو دوستی میں بدلنے کے لیے کردار ادا کرے۔

اگست 29, 2018