پشاور : جامعہ پشاور نے آج سے موسم بہار کی تعطیلات کا اعلان کردیا، یونیورسٹی 22 مارچ تک میں بند رہے گی۔
تفصیلات کے مطابق موسم بہار نے جامعہ پشاور کے طلبہ کا مزہ بھی دوبالا کردیا، جامعہ پشاور میں آج سے موسم بہار کی تعطیلات کا اعلان کردیا۔
اس حوالے سے انتظامیہ کی جانب سے نوٹی فیکشن جاری کردیا ہے ، جس میں کہا ہے کہ یونیورسٹی 22 مارچ تک میں بند رہے گی۔
اعلامیے میں کہا گیا کہ یونیورسٹی میں پہلے سے جاری امتحانات معمول کے مطابق جاری رہیں گے۔
پشاور: جامعہ پشاور کے طلبہ کا فیسوں میں اضافے کے خلاف احتجاج شدت اختیار کرگیا جس کے بعد پولیس حرکت میں آگئی۔ پولیس کی جانب سے لاٹھی چارج کیا گیا جبکہ متعدد طلبہ کو گرفتار بھی کرلیا گیا۔
تفصیلات کے مطابق جامعہ پشاور کے طلبہ نے فیسوں میں اضافے کے خلاف احتجاج شروع کیا جو جلد ہی ناخوشگوار صورتحال میں تبدیل ہوگیا۔
پولیس نے مظاہرین کو منتشر کرنے کے لیے لاٹھی چارج کیا جبکہ متعدد طلبہ کو گرفتار بھی کرلیا گیا۔
پولیس کا کہنا ہے کہ طلبہ کی جانب سے پتھراؤ بھی کیا گیا جس سے 2 اہلکار زخمی ہوگئے۔ زخمی اہلکاروں کو اسپتال منتقل کردیا گیا ہے۔
ادھر مظاہرین کا مؤقف ہے کہ ہم پرامن احتجاج کر رہے تھے پولیس نے تشدد کیا۔
دوسری جانب صوبہ خیبر پختونخواہ کے وزیر اطلاعات شوکت یوسفزئی کا کہنا ہے کہ کوئی قانون ہاتھ میں لے گا تو قانون حرکت میں آئے گا۔ قانون ہاتھ میں لینے کی اجازت کسی کو نہیں۔
انہوں نے کہا کہ خود اسٹوڈنٹ لیڈر رہا ہوں، ایسی صورتحال پر افسوس ہے۔
ترجمان جامعہ پشاور علی عمران کا کہنا ہے کہ جامعہ پشاور خود مختار سرکاری ادارہ ہے، جامعہ کے ہاسٹل پر با اثر طلبہ نے قبضہ کیا ہوا تھا، ہاسٹل سے با اثر طلبہ کو نکال دیا گیا تھا۔
انہوں نے کہا کہ جامعہ پشاور میں دفعہ144 نافذ ہے، طلبہ کو جامعہ میں احتجاج سے روکا گیا تھا لیکن سیاسی اثر و رسوخ رکھنے والے طلبہ احتجاج کر رہے ہیں۔
ترجمان کا کہنا تھا کہ جامعہ پشاور کی انتظامیہ اصولی مؤقف پر قائم ہے، بڑی جامعات میں سیاسی پارٹیوں کے پریشر گروپس موجود ہوتے ہیں۔ اس قسم کے پریشر گروپس کے ذریعے صورتحال بگاڑی جاتی ہے اور مطالبات منوائے جاتے ہیں۔
انہوں نے کہا کہ کامیاب آپریشن کر کے ہاسٹل کے 300 کمرے وا گزار کروائے، ہاسٹل کے کمرے وا گزار کروانے کے خلاف ردعمل دیا جا رہا ہے۔ سیاسی مقاصد کے لیے طلبہ کو استعمال کیا جا رہا ہے۔
ترجمان نے مزید کہا کہ دفعہ 144 کے باوجود جامعہ میں 5 گھنٹے سے احتجاج جاری تھا، طلبہ کو سمجھانے کی کوشش کی لیکن حالات اس نہج پر پہنچائے گئے۔ ’لاٹھی چارج کر کے باہر سے آنے والوں کو منتشر کیا جا رہا ہے‘۔
پاکستان پیپلز پارٹی کے چیئرمین بلاول بھٹو نے پشاور یونیورسٹی کے طلبہ پر تشدد کی مذمت کرتے ہوئے کہا ہے کہ پرامن احتجاج طلبہ کا جمہوری حق ہے۔
انہوں نے کہا کہ حکمران ہوش کے ناخن لیں اور ناکامیوں کا بدلہ طلبہ سے نہ لیں، جامعہ پشاور کے طلبہ اپنے حقوق کے لیے احتجاج کر رہے تھے۔
پشاور : وزیراعظم کے مشیر اور مسلم لیگ ن کے رہنما امیر مقام نے کہا ہے کہ تمام طلباء و طالبات کی پہلی ترجیح ملک کی خدمت ہونا چاہیے، رواں سال 25 سو سے زائد لیپ ٹاپ تقسیم کیے جائیں گے۔
ان خیالات کا اظہار انہوں نے جامعہ پشاور کے طلباء و طالبات میں لیپ ٹاپ تقسیم کے موقع پر منعقدہ پروگرام سے خطاب کرتے ہوئے کیا۔
امیر مقام نے کہا کہ آئین میں اٹھارویں ترمیم کے بعد جامعات کو چلانا صوبوں کا کام ہے، وفاقی حکومت جامعات کے ساتھ مکمل تعاون کررہی ہے۔
انہوں نے کہا کہ تمام لیپ ٹاپ حاصل کرنے والوں کو مبارکباد دیتا ہوں، رواں سال طلباء و طالبات میں25سو سے زائد لیپ ٹاپ تقسیم کیے جائیں گے جبکہ ملک بھر کی جامعات میں اس سال 22 ہزار سے زائد لیپ ٹاپ تقسیم کرنے کا پروگرام ہے، ہماری کوشش ہے کہ تمام طلباء کو لیپ ٹاپ دیئے جائیں۔
امیرمقام نے بتایا کہ20 کروڑ روپے طلباء کو فیسوں کی مد میں واپس کردیئے گئے ہیں، طلباء کی پہلی ترجیح ملک کی خدمت ہونا چاہیے۔
اس موقع پر یونیورسٹی کے وائس چانسلر کا کہنا تھا کہ ابھی تک 200ملین روپے کے 2862 لیپ ٹاپ تقسیم کیے جاچکے ہیں، لیپ ٹاپ تقسیم کا یہ چوتھا مرحلہ ہے اور اس مرحلہ میں283 طلباء و طالبات میں لیپ ٹاپ تقسیم کیے جائیں گے، لیپ ٹاپ حاصل کرنے والوں میں پی ایچ ڈی، ایم فل اور ماسٹر ہولڈر طلباء و طالبات شامل ہیں۔
بعد ازاں میڈیا سے گفتگو کرتے ہوئے امیر مقام نے کہا کہ بلاول بھٹو زرداری اور عمران خان خواب دیکھتے رہ جائیں گے اور اگلی حکومت بھی مسلم لیگ ن کی ہی ہوگی اور وزیر اعظم شہباز شریف ہوں گے۔
مسلم لیگ ن کے رہنما نے کہا کہ بجلی کے منصوبے نہ بنائے ہوتے توآج صرف 5گھنٹے بجلی آتی، امیر مقام نے کہا کہ نیب کی انکوائری کو خوش آمدید کہتا ہوں، جس معاملے میں انکوائری کرتے ہیں کریں، نیب کے ساتھ بھرپور تعاون کروں گا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔