Tag: جامعہ کراچی

کراچی : جامعہ کراچی کی بس پر فائرنگ کی تحقیقات شروع کردی گئیں پولیس نے بتایا کہ بس اور کار ڈرائیور کے درمیان تلخ کلامی ہوئی جس کے بعد کار سوار نے پستول سے بس پر فائر کیا۔

تفصیلات کے مطابق جامعہ کراچی کی پوائنٹ پر مبینہ فائرنگ کا واقعہ پیش آیا، پولیس نے بتایا کہ واقعہ دوپہرمیں پیش آیا اور مبینہ ٹاؤن تھانے کو عشا کے بعد اطلاع دی گئی، کسی نے پوائنٹ پرفائرکیا، جس سے ونڈ اسکرین کونقصان پہنچا۔

جامعہ کراچی کی جانب سے اطلاع ملتے ہی پولیس نے معاملے کی تحقیقات شروع کردی ہے اور ابتدائی معلومات کےمطابق معاملہ سڑک پر پوائٹ اورگاڑی کے درمیان ہوا۔

حکام کا کہنا تھا کہ بس اور کار ڈرائیور کے درمیان تلخ کلامی ہوئی، جس کے بعد کار سوار نے پستول سے بس پر فائرکیا ، فائر لگنے سے یونیورسٹی پوائنٹ کا سامنے والاشیشہ ایک کونے سے کریک ہوگیا۔

پولیس کے مطابق پوائٹ میں کسی فردکونقصان نہیں پہنچا تاہم معاملےکی ہرپہلو سے جانچ جاری ہے۔

کراچی : جامعہ کراچی میں ایم فل اور پی ایچ ڈی کی فیسوں میں مسلسل تیسرے اضافے سے طلبا پریشان ہے۔

تفصیلات کے مطابق جامعہ کراچی میں پوسٹ گریجویٹ پروگرامز کی فیسوں میں مسلسل تیسرے سال بھی اضافہ کر دیا گیا ہے۔

یونیورسٹی انتظامیہ نے ایم فل اور پی ایچ ڈی پروگرامز کی فیس میں مزید 10 فیصد اضافہ کرتے ہوئے تعلیمی اخراجات طلبہ کی پہنچ سے دور کر دیے ہیں۔

سال 2023 میں فی سمسٹر ایم فل کی فیس 38,500 روپے جبکہ پی ایچ ڈی کی فیس 44,000 روپے تھی۔ تاہم، گزشتہ سال یہ فیسیں دگنی سے بھی زیادہ ہو کر ایک لاکھ روپے سے تجاوز کر گئیں۔

رواں سال ایم فل کی فی سمسٹر فیس بڑھا کر 1 لاکھ 32 ہزار روپے کر دی گئی ہے، جبکہ پی ایچ ڈی کی فیس 1 لاکھ 65 ہزار روپے تک جا پہنچی ہے۔

فیسوں میں اس تسلسل سے ہونے والے اضافے پر طلبہ اور ان کے والدین نے شدید تحفظات کا اظہار کیا ہے۔ ان کا کہنا ہے کہ تعلیم پہلے ہی مہنگی ہو چکی ہے، اور اس اضافے سے اعلیٰ تعلیم غریب اور متوسط طبقے کے لیے مزید ناقابلِ رسائی بنتی جا رہی ہے۔

اس حوالے سے وائس چانسلر جامعہ کراچی ڈاکٹر خالد عراقی نے وضاحت کرتے ہوئے کہا کہ ہر سال 10 فیصد فیس بڑھانے کی منظوری پہلے ہی یونیورسٹی کی سنڈیکیٹ سے دی جا چکی ہے۔ ان کے مطابق فیسوں میں یہ اضافہ "مارکیٹ ویلیو” اور سرکاری فنڈنگ میں کمی کے باعث ناگزیر ہو گیا ہے۔

یونیورسٹی ذرائع کا کہنا ہے کہ محدود بجٹ اور بڑھتے ہوئے تعلیمی اخراجات کے پیش نظر انتظامیہ کو یہ اقدام اٹھانا پڑا، تاہم فیسوں میں نرمی یا اسکالرشپ کے لیے کوئی متبادل پالیسی فی الحال متعارف نہیں کرائی گئی۔

کراچی : جامعہ کراچی میں پانی کی پائپ لائن پھٹنےسے 400 سے زائد مکان اور رہائشی علاقے کی تمام سڑکیں زیر آب آگئیں، گھروں میں پانی داخل ہونے سے بھاری مالی نقصان کا سامنا کرنا پڑا۔

تفصیلات کے مطابق جامعہ کراچی میں واٹر کارپوریشن کی چوراسی انچ قطر کی پائپ لائن ٹوٹنے کے باعث دوسرے روز بھی پانی کی نکاسی نہ ہوسکی، جس کی وجہ سے کئی ڈپارٹمنٹ میں تدریسی عمل معطل رہا جبکہ شعبہ ٹرانسپورٹ ڈوبے ہونے کی وجہ سے طلبہ کی پوائنٹ کی بسیں بھی روانہ نہیں کی جاسکیں۔

جامعہ کراچی میں پانی کی پائپ لائن پھٹنے سے چارسو سے زائد مکان اور رہائشی علاقے کی تمام سڑکیں زیر آب آگئیں جبکہ گھروں میں پانی داخل ہونے سے بھاری مالی نقصان کا سامنا کرنا پڑا اور متعدد گھروں کا فرنیچر خراب ہوگیا، جس کے باعث اسٹاف کالونی میں رہائش پذیر افراد اپنے قریبی عزیزوں کے گھر منتقل ہوگئے۔

واٹر بورڈ کی لائن پھٹنے سےکراچی یونیورسٹی میں سیلابی صورت حال ہے، سائنس فیکلٹی ، ماس کمیونی کیشن ، کیمسٹری، فزکس ، فارمیسی ، کمپیوٹر سائنس سمیت مختلف ڈپارٹمنٹ ڈوبے ہوئے ہیں ، جس کے بعد متاثرہ ڈپارٹمنٹس میں کلاسزمعطل کردی گئیں۔

کراچی واٹر کارپوریشن کا کہنا ہے کہ مرمتی کام میں 72گھنٹے مزید لگ سکتے ہیں، نکاسی آب کے نظام کو کنٹرول کرنے کے لئے گلشن اقبال کی یونین کونسل عملہ بھی فعال ہے۔

گذشتہ روز جامعہ کراچی کے قریب واٹر کارپوریشن کی 84 انچ قطر کی لائن لیک ہوگئی تھی ۔ اس لائن سے شہر کے مختلف علاقوں کو پانی سپلائی کیا جاتا ہے۔

ترجمان کا کہنا تھا کہ مرمتی کام کے دوران شہر کو یومیہ 250 ایم جی ڈی پانی کی کمی کا سامنا ہوگا، مرمتی کام کے باوجود شہر کو 400 ایم جی ڈی پانی کی فراہمی معمول کے مطابق جاری رہے گی، شہری پانی کا ذخیرہ کریں اور اسے احتیاط سے استعمال کریں۔