Tag: جام کمال خان

اسلام آباد: وزیراعلیٰ بلوچستان جام کمال خان کا کہنا ہے کہ کرونا کے خلاف مشترکہ جدوجہد میں این سی او سی کا کلیدی کردار ہے۔

تفصیلات کے مطابق وزیر اعلیٰ بلوچستان جام کمال نے نیشنل کمانڈ اینڈ کنٹرول سینٹر کا دورہ کیا جہاں انہیں بلوچستان کے تناظر میں کرونا وبا پر تفصیلی بریفنگ دی گئی۔

اس موقع پر وزیراعلیٰ بلوچستان کا کہنا تھا کہ بلوچستان میں کرونا وبا کی روک تھام کے لیے ٹیسٹنگ میں اضافہ کیا جائے گا، مزیدٹیسٹنگ کے لیے بلوچستان کے 3 اضلاع میں نئی لیب قائم کی جا رہی ہیں۔

جام کمال خان نے این سی او سی کی کاوشوں کو سراہتے ہوئے کہا کہ کرونا کے خلاف مشترکہ جدوجہد میں این سی او سی کا کلیدی کردار ہے۔

پاکستان میں کرونا کے مزید 9 مریض انتقال کر گئے

واضح رہے کہ ملک بھر میں 24 گھنٹوں میں کرونا کے مزید 9 مریض انتقال کر گئے جس کے بعد اموات کی تعداد 6 ہزار 408 ہو گئی۔

این سی او سی کا کہنا ہے کہ ملک بھر میں کرونا کے مجموعی کیسز کی تعداد 3 لاکھ 4 ہزار 386 ہے، اب تک 2 لاکھ 91 ہزار 683 کرونا مریض صحت یاب ہو چکے ہیں۔

کوئٹہ: وزیراعلیٰ بلوچستان جام کمال خان کل کل سیلاب سے متاثرہ علاقوں کا فضائی دورہ کریں گے۔

تفصیلات کے مطابق وزیراعلیٰ بلوچستان جام کمال خان نے کل صوبے کے سیلاب سے متاثرہ علاقوں کا فضائی دورہ کرنے کا اعلان کیا ہے۔

وزیراعلیٰ بلوچستان نے کہا کہ مون سون بارشوں کی تیاری پہلے سے کی گئی تھی،نصیرآباد،جھل مگسی،سبی،لسبیلہ میں توقع سے زیادہ بارش ہوئی،توقع سے زیادہ بارشوں سے سیلابی صورت حال پیدا ہوئی۔

جام کمال خان کا کہنا تھا کہ پاک فوج،صوبائی حکومت سے مل کر ریلیف آپریشن میں حصہ لے رہی ہے۔

ریلوے کا سیلاب میں پھنسے مسافروں کی سہولت کے لیے شٹل ٹرین چلانے کا فیصلہ

اس سے قبل وفاقی وزیر ریلوے شیخ رشید احمد کا کہنا تھا کہ سیلاب میں پھنسےمسافروں کی سہولت کے لیے 10 اگست کو صبح 10 بجے کوئٹہ سے سبی کے لیے شٹل ٹرین چلےگی،10اگست کو شام 4 بجے سبی سے کوئٹہ کے لیےشٹل ٹرین چلےگی۔

واضح رہے کہ بلوچستان کے ضلع بولان میں بارشوں کے باعث آنے والے سیلابی ریلے شکارپور سے کوئٹہ آنے والی 2 گیس پائپ لائنیں بہا کر لے گئے۔

صوبے میں سیلابی صورت حال کے باعث محکمہ صحت نے صوبے کے تمام اسپتالوں میں ایمرجنسی نافذ کر دی ہے۔

کوئٹہ: وزیراعلیٰ بلوچستان جام کمال خان نے کہا ہے کہ صوبے کی آمدن 12 ارب سے 25 ارب تک پہنچا دی، جام کمال خان

تفصیلات کے مطابق وزیراعلیٰ بلوچستان جام کمال خان کا کہنا ہے کہ آج اسمبلی میں پیش کیے جانے والے بجٹ میں اپوزیشن کے حلقوں کو نظرانداز نہیں کیاگیا،اپوزیشن کے حلقوں کے لیے بھی فنڈز مختص کیےگئے ہیں۔

جام کمال خان کا کہنا تھا کہ موجودہ صورت حال میں بہترین بجٹ پیش کیا ہے،بجٹ خسارے کو سوئی گیس اور دیگر اداروں سے پورا کریں گے۔

انہوں نے کہا کہ صوبےکی آمدن پہلے 12ارب تھی رواں سال25 ارب تک پہنچا دی،امید ہے آئندہ سال صوبے کی آمدن میں مزید اضافہ کیا جائے گا۔وزیراعلیٰ بلوچستان کا مزید کہنا تھا کہ صوبے میں 2 ہزار کلومیٹر سڑکوں کی تعمیر بھی بجٹ کا حصہ ہیں۔

بلوچستان حکومت کا تقریباََ 430 ارب کا بجٹ پیش

واضح رہے کہ بلوچستان حکومت نے آئندہ مالی سال 2020-21 کے لیے تقریباََ 430 ارب کا بجٹ اسمبلی میں پیش کر دیا۔وزیر خزانہ میر ظہور بلیدی نے بجٹ پیش کیا۔

اسلام آباد: وزیراعلیٰ بلوچستان جام کمال خان نے صوبے کے منصوبوں کو پی ایس ڈی پی میں شامل کرنے پر وزیراعظم کا شکریہ ادا کیا۔

تفصیلات کے مطابق وزیراعظم عمران خان سے وزیراعلیٰ بلوچستان جام کمال خان کا فون پر رابطہ ہوا جس میں وفاقی پی ایس ڈی پی میں بلوچستان کے منصوبوں سے متعلق بات چیت کی گئی۔

وزیراعظم پاکستان نے گزشتہ سال کے منصوبے اس سال پی ایس ڈی پی میں شامل کرنے کی یقین دہانی کروائی۔

وزیراعظم عمران خان کا کہنا تھا کہ بلوچستان کے نئے تجویز منصوبے بھی وفاقی پی ایس ڈی پی کا حصہ ہوں گے،بجٹ سیشن میں بلوچستان کے منصوبوں کی منظوری دے دی جائے گی۔

وزیراعلیٰ بلوچستان جام کمال خان نے صوبے کے منصوبوں کو پی ایس ڈی پی میں شامل کرنے پر وزیراعظم کا شکریہ ادا کیا۔

یاد رہے کہ گزشتہ ہفتے وزیراعظم عمران خان نے وفاقی منصوبوں کے حوالے سے بلوچستان کے تحفظات کو دور کرنے کی یقین دہانی کرواتے ہوئے کہا تھا کہ بلوچستان کے عوام کی فلاح وبہبود اور صوبے کی سماجی و معاشی ترقی اولین ترجیحات میں شامل ہے جس کے لیے صوبائی حکومت کو ہر ممکن تعاون فراہم کیا جائے گا۔

کوئٹہ: وزیراعلیٰ بلوچستان جام کمال خان کا کہنا ہے کہ اٹلی ودیگرممالک نے کرونا کو ہلکا سمجھا آج وہاں ایمرجنسی صورت حال ہے۔

تفصیلات وزیراعلیٰ بلوچستان جام کمال خان نے کرونا کی روک تھام کے لیے عوام کے نام ویڈیو پیغام میں کہا کہ عوام کرونا کو پھیلنے سے روکنے کے لیے احتیاطی تدابیر اپنائیں۔

جام کمال خان کا کہنا تھا کہ عوام کچھ عرصہ گھروں میں رہیں، بھیڑ والی جگہوں پر نہ جائیں، ریسٹورنٹس اور غیر ضروری مقامات پر جانے سےگریز کیا جائے۔

Kuch dino kai leyay please… for your loved ones!! pic.twitter.com/0j2IEcpUgx

— Jam Kamal Khan (@jam_kamal) March 21, 2020

وزیراعلیٰ بلوچستان نے مزید کہا کہ عوام کرونا کو ہلکی بیماری سمجھ رہے ہیں جو خطرناک ہے، اٹلی ودیگر ممالک نے کرونا کو ہلکا سمجھا آج وہاں ایمرجنسی صورت حال ہے۔

بلوچستان حکومت کا 21 دن تک جزوی لاک ڈاؤن کا فیصلہ

خیال رہے کہ گزشتہ روز کرونا وائرس کے باعث بلوچستان حکومت نے21 دن تک جزوی لاک ڈاؤن کا فیصلہ کیا تھا۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

کوئٹہ: وزیراعلیٰ بلوچستان جام کمال خان کا کہنا ہے کہ حکومت کرونا وائرس پر سنجیدگی سے اقدامات کر رہی ہے۔

تفصیلات کے مطابق بلوچستان اسمبلی میں اظہار خیال کرتے ہوئے وزیراعلیٰ بلوچستان جام کمال خان نے کہا کہ کرونا وائرس نے دنیاکو ہلا کر رکھ دیا ہے، حکومت کرونا وائرس پر سنجیدگی سےاقدامات کر رہی ہے۔

جام کمال خان نے کہا کہ ایران میں کرونا وائرس کی صورت حال کے بعد ہماری ٹیم سدرن کمانڈ کے ساتھ تفتان سرحد گئی جبکہ ایران کے ساتھ سرحد احتیاطی طور پربند کر دی ہے۔

کرونا وائرس سے متعلق وزیراعلیٰ بلوچستان کا کہنا تھا کہ حکومت اکیلے روک تھام نہیں کرسکتی اس لیے ہمیں عوام کا تعاون بھی درکار ہے۔

وزیراعلیٰ بلوچستان جام کمال خان کا دو روز قبل کہنا تھا کہ کرونا وائرس خطرے کے پیش نظر ایران سے منسلک اضلاع میں ایمرجنسی نافذ کر دی گئی ہے۔

کرونا وائرس دنیا کے لیے بڑا خطرہ بن گیا، اموات 2619 ہو گئیں

واضح رہے کہ کرونا وائرس دنیا کے لیے بڑا خطرہ بن گیا ہے، وائرس سے اموات کی تعداد 2619 ہو گئی۔

کوئٹہ: وزیراعلیٰ بلوچستان جام کمال خان کا کہنا ہے کہ حکومتوں کو چلانا اتنا آسان نہیں جتنا ہم سمجھتے ہیں، پاکستان میں سب سے بڑا فقدان حکومت چلانے کا ہے۔

تفصیلات کے مطابق وزیراعلیٰ بلوچستان نے تقریب سے خطاب کرتے ہوئے کہا کہ 10 سے 20 سال پرانے منصوبے بھی اب تک مکمل نہیں ،
17 ماہ میں 20 کابینہ کے اجلاس کیے ہیں، پچھلی حکومتوں نے 5 سال میں 20 سے 21 اجلاس کیے۔

جام کمال کا کہنا تھا کہ جس اضلاع میں جائے کہیں اسکول نہیں تو کہیں منصوبہ پورا نہیں ، بلوچستان میں اب کام پسند نہ پسند پر نہیں ہوگا، صوبے کے ہر ضلع میں کام ہوگا۔

انہوں نے کہا کہ ہم نے بلوچستان کے ہر تحصیل،یوسی کو اٹھانا ہے، بہت سے اضلاع ایسے ہیں جہاں میرے ضلع سے زیادہ کام ہوا، میں اپنے علاقے کا نہیں بلوچستان کا وزیراعلیٰ ہوں۔

وزیراعلیٰ بلوچستان کا مزید کہنا تھا کہ حکومتوں کو چلانا اتنا آسان نہیں جتنا ہم سمجھتے ہیں، پاکستان میں سب سے بڑا فقدان حکومت چلانے کا ہے۔

بلوچستان کی ترقی کے منصوبوں کے لئے ہمارا مؤقف مضبوط ہے، جام کمال خان

یاد رہے کہ گزشتہ سال دسمبر میں وزیراعلیٰ بلوچستان جام کمال خان کا کہنا تھا کہ صوبے کی معدنی وسائل کی تلاش و ترقی کے منصوبوں میں شراکت داری اور حقوق کے تحفظ کے لئے صوبائی حکومت کا مضبوط موقف ہے۔