Tag: جام کمال

کوئٹہ: وزیر اعلیٰ بلوچستان جام کمال نے کہا ہے کہ گوادر پاکستان کا پہلا اسمارٹ سٹی بننے جا رہا ہے، لیکن گوادر کے پرانے شہر کے باسیوں کو نہیں ہٹا رہے ہیں۔

ان خیالات کا اظہار انھوں نے آج پی ایف یو جے کی ایگزیکٹو کونسل کے اعزاز میں دیے گئے عشائیے میں کیا، وزیر اعلیٰ بلوچستان نے کہا کہ ہم بلوچ اور پٹھان کا نعرہ لگا کر کام نہ کرنے والے نہیں ہیں، کام کرنا ہی اصل قوم پرستی ہے۔

جام کمال کا کہنا تھا کہ افسوس کی بات ہے کہ سابق حکومت نے سی پیک میں کچھ نہیں کیا، عمران خان کی حکومت بلوچستان کو توجہ دے رہی ہے، بلوچستان میں موٹر وے تو کیا دو رویہ شاہراہ تک نہیں ہے، اب کوئٹہ شہر کا ماسٹر پلان بنا رہے ہیں۔

وزیر اعلیٰ بلوچستان نے کہا صوبے میں ہم 4 مختلف شعبوں میں قرض اسکیم لا رہے ہیں، صوبے میں کینسر کا پہلا اسپتال بھی بنانے جا رہے ہیں، فوڈ سیکورٹی کا پروگرام شروع کر دیا ہے، 2 انڈسٹریل زونز بنائے جا رہے ہیں، ایک پر کام بھی شروع ہوچکا ہے۔

گوادر بندرگاہ میں رات دن کام جاری، ماضی کی غلطیوں کو سدھارا جائے گا، عاصم سلیم باجوہ

یاد رہے کہ دس دن قبل چیئرمین پاک چین اقتصادی راہداری (سی پیک) اتھارٹی کے چیئرمین لیفٹیننٹ جنرل ریٹائرڈ عاصم سلیم باجوہ نے کہا تھا کہ گوادر شہر اور بندرگاہ کی تعمیر پر رات دن کام جاری ہے جس سے خوش حالی آئے گی اور ماضی کی غلطیوں کو سدھارا جائے گا۔

اس سے قبل انھوں نے کہا تھا کہ گوادر میں ایسٹ بے ایکسپریس وے 80 فی صد مکمل ہوگیا ہے، اس سے پورٹ آپریشن میں تیزی آئے گی۔

کوئٹہ: وزیراعلیٰ بلوچستان جام کمال خان کا کہنا ہے کہ عوام کا پیسہ ضائع کرنے والوں کو جواب دینا ہوگا۔

تفصیلات کے مطابق وزیراعلیٰ بلوچستان جام کمال خان کی زیرصدارت اعلیٰ سطح کا اجلاس ہوا جس میں فاطمہ جناح چیسٹ اینڈ جنرل اسپتال کے آکسیجن پلانٹ کی اپ گریڈیشن کی منظوری دی گئی۔

وزیراعلیٰ بلوچستان نے شیخ زید،سول اور بی ایم سی اسپتالوں کے آکسیجن پلانٹس کو بھی فعال رکھنے کی ہدایت کرتے ہوئے فاطمہ جناح اسپتال میں آئی سی یو بیڈز کی تعداد میں اضافے کے لیے فنڈز اجرا کی منظوری دی۔

جام کمال خان نے اجلاس کے دوران کہا کہ ایمرجنسی فیزگزرگیا اب صورت حال کے مطابق فیصلوں کی ضرورت ہے۔انہوں نے کرونا وائرس کے مقامی سطح پر پھیلنے پر تشویش کا اظہار کیا۔

وزیراعلیٰ بلوچستان کے مطابق بحیثیت حکومت اپنے ہر عمل کے ذمہ دار اور جواب دہ ہیں،کرونا سے صحت کے نظام اور اسپتالوں کی کمزوریاں سامنےآئی ہیں،ایسا کوئی میکنزم نہیں بنایاگیا جس سے خرابی کے ذمہ دار جواب دہ ہوسکیں۔

انہوں نے مزید کہا کہ 3اسپتالوں کے آکسیجن پلانٹس کے لیے ماضی میں 500 ملین روپے جاری ہوئے،عوام کا پیسہ ضائع کرنے والوں کوجواب دینا ہوگا۔

کوئٹہ: آج پورے پاکستان میں بلوچ کلچر ڈے جوش و خروش سے منایا جا رہا ہے، پاکستان کے چاروں صوبوں میں آباد بلوچ پرجوش طریقے سے اس ثقافتی دن کو منائیں گے۔

تفصیلات کے مطابق وزیر اعلیٰ پنجاب عثمان بزدار نے بلوچ کلچر ڈے کو پنجاب میں حکومتی سطح پر منانے کے کی منظوری دی تھی، اس سلسلے میں مختلف مقامات پر رنگارنگ تقریبات کا انعقاد کیا جائے گا۔

وزیر اعلیٰ بلوچستان جام کمال نے بلوچ کلچر ڈے پر پیغام دیتے ہوئے کہا ہے کہ ہمارا صوبہ مختلف اقوام اور قبیلوں کا گل دستہ ہے، منفرد ثقافت، روایات اور تہذیب یہاں کے لوگوں کی پہچان ہے، با شعور قومیں اپنے ثقافتی ورثے کا ہمیشہ تحفظ کرتی ہیں۔

وزیر اعلیٰ پنجاب عثمان بزدار نے بلوچ کلچر ڈے پر بلوچ بھائیوں کو مبارک باد دیتے ہوئے اپنے پیغام میں کہا کہ پاکستان میں بسنے والی تمام قومیں ایک لڑی میں پروئی ہوئی ہیں، بلوچستان کی ثقافت امن کی ثقافت ہے، بلوچ کلچر ڈے منانے کا مقصد محبت، بھائی چارے اور یگانگت کا فروغ ہے۔

عثمان بزدار کا کہنا تھا کہ بین الثقافتی ہم آہنگی کو فروغ دینا وقت کا تقاضا ہے، میرا اپنا قبیلہ بلوچستان میں آباد ہے، دیگر ثقافتوں کے دن بھی بھرپور طریقے سے منائیں گے۔