ARYNews.tv | Urdu – Har Lamha Bakhabar

Tag: جام کمال

  • بلوچستان کی 30 سال پرانی ریکروٹمنٹ پالیسی جلد تبدیل کریں گے: جام کمال

    بلوچستان کی 30 سال پرانی ریکروٹمنٹ پالیسی جلد تبدیل کریں گے: جام کمال

    کوئٹہ: وزیرِ اعلیٰ بلوچستان جام کمال نے کہا ہے کہ صوبائی حکومت بلوچستان کی تیس سالہ پرانی ریکروٹمنٹ پالیسی جلد تبدیل کرے گی۔

    وزیر اعلیٰ جام کمال بلوچستان اسمبلی میں اظہار خیال کر رہے تھے، انھوں نے کہا کہ بلوچستان کی 30 سال پرانی ریکروٹمنٹ پالیسی جلد تبدیل کریں گے۔

    بلوچستان حکومت صوبے کے مستقبل کے لیے اقدامات کر رہی ہے، 100 بار باور کرانے کے با وجود اپوزیشن شور مچا رہی ہے، اپوزیشن احتجاج کرے مگر ایوان اور صوبے کی روایات کا خیال رکھے۔

    جام کمال کا کہنا تھا کہ اپوزیشن کی جانب سے پی ایس ڈی پی (پبلک سیکٹر ڈیولپمنٹ پروگرام) پر کمیٹی کا مطالبہ سامنے آیا ہے، عدالت میں پی ایس ڈی پی کیس 2016 سے دائر ہے، لیکن اپوزیشن نے عدالت کے فیصلے کا صرف پہلا پیرا پڑھا ہے۔

    انھوں نے کہا کہ حکومت اور اتحادی بلوچستان کو ترقی کی راہ پر گام زن کرنا چاہتے ہیں، سابقہ حکومت کی 450 اسکیمیں جون تک مکمل ہو جائیں گی، پی ایس ڈی پی میں 2003 سے 2013 تک کی اسکیمیں شامل ہیں۔

    یہ بھی پڑھیں:  کوئٹہ میں فائرنگ سے بلوچستان یونیورسٹی کےسپرنٹنڈنٹ جاں بحق

    وزیر اعلیٰ کا کہنا تھا کہ 30 ارب روپے کی اسکیموں کی منظوری ہماری حکومت نے دی، ان اسکیموں کا فائدہ صرف حکومت نہیں بلکہ عوام کو ہوگا۔

    خیال رہے کہ بلوچستان میں اپوزیشن جماعتوں کا مطالبہ ہے کہ انھیں ترقیاتی پروگرام کے تحت یکساں فنڈز فراہم کیے جائیں، انھوں نے فنڈز میں کٹوتی پر صوبائی اسمبلی میں احتجاج بھی کیا۔

  • وزیرِ اعلیٰ کی بلوچستان بھر میں پوست کی کاشت کے خلاف بھرپور ایکشن کی ہدایت

    وزیرِ اعلیٰ کی بلوچستان بھر میں پوست کی کاشت کے خلاف بھرپور ایکشن کی ہدایت

    کوئٹہ: وزیرِ اعلیٰ بلوچستان جام کمال نے صوبے بھر میں پوست کی کاشت کے خلاف بھرپور کارروائی کی ہدایت کر دی ہے۔

    تفصیلات کے مطابق بلوچستان کے وزیر اعلیٰ جام کمال کا کہنا ہے کہ بلوچستان کی ایک انچ زمین پر بھی پوست کی کاشت اور پیداوار قابل قبول نہیں ہے۔

    انھوں نے دکی، لورالائی، قلعہ عبداللہ اور قلات انتظامیہ کو ہدایت کی کہ اینٹی نارکوٹکس فورس کے ساتھ مل کر پوست کے خلاف کارروائی کرے۔

    جام کمال نے متعلقہ محکموں کو ہدایت کی کہ زراعت کی دیگر پیداوار کے لیے لوگوں کو معاونت فراہم کی جائے، اور پوست کی کاشت کے علاقوں میں عوام کو متبادل روزگار کی فراہمی بھی یقینی بنائی جائے۔

    وزیرِ اعلیٰ جام کمال نے عزم کیا کہ بلوچستان کو منشیات سے پاک کر کے نوجوان نسل کو محفوظ بنایا جائے گا۔

    یہ بھی پڑھیں:  15 سو ایکڑ پر کاشت سبزیوں کو تلف کیا جائے، بلوچستان اسمبلی میں قرارداد

    دریں اثنا، جام کمال نے چینی کمپنی کے صدر ژوپنگ سے ملاقات کی جس میں بلوچستان میں سرمایہ کاری کے امور پر تبادلۂ خیال کیا گیا، چینی کمپنی کے حکام نے وزیرِ اعلیٰ کو صوبے میں سرمایہ کاری سے متعلق امور پر بریفنگ دی۔

    وزیرِ اعلیٰ نے اس موقع پر کہا کہ حکومت کوئٹہ سمیت بلوچستان میں معدنی ترقی کی نئی پالیسی متعارف کرانے جا رہی ہے، معدنیات کے شعبے میں بہتری اور سرمایہ کاری کے لیے اقدامات کیے جا رہے ہیں۔

  • سی پیک کی وجہ سے بلوچستان سرمایہ کاروں کے لئے کھل گیا: جام کمال

    سی پیک کی وجہ سے بلوچستان سرمایہ کاروں کے لئے کھل گیا: جام کمال

    کوئٹہ: وزیر اعلیٰ بلوچستان جام کمال نے کہا کہ سی پیک کی وجہ سے بلوچستان سرمایہ کاروں کے لئے کھل گیا ہے.

    تفصیلات کے مطابق آج وزیر اعلیٰ بلوچستان جام کمال نے معدنیات کے شعبے کی ترقی سے متعلق سیمینار سے خطاب کیا.

    اس موقع پر ان کا کہنا تھا کہ محکمہ معدنیات کی سالانہ آمدن صرف2 سے ڈھائی ارب ہے، معدنیات سے مالا مال صوبہ ایک فیکٹری کی آمدن سے بھی کم کماتا ہے.

    ان کا کہنا تھا کہ معدنیات کی ترقی کے حوالے سے پالیسی بنا رہے ہیں، ایسی بھی جگہ ہیں، جہاں لیز لے کر کام نہیں کیا جا رہا، لیز فیس کو بڑھا رہے ہیں، تاکہ کان کنی کی جائے.

    مزید پڑھیں: سی پیک کے دوسرے مرحلے کے آغازسے ترقی کے نئے دور کا آغاز ہوگا، وزیرخارجہ

    وزیراعلیٰ بلوچستان کا کہنا تھا کہ حکومت، سرمایہ کاراورعوام کوفائدہ پہنچانا چاہتے ہیں، حکومت گڈ گورننس، قانون سازی میں بہتری کے لئے کام کررہی ہے، سی پیک کی وجہ سے بلوچستان سرمایہ کاروں کے لئے کھل گیا.

    ان کا مزید کہنا تھا کہ ہمارے پاس وسائل زیادہ ہیں، آبادی کم ہے، پھربھی فائدہ نہیں اٹھایا گیا، البتہ رواں سال بلوچستان میں انفرااسٹرکچرپربھرپورکام ہوگا.

  • افغانستان میں قیام امن کے لیے بھارت کی نیت ٹھیک نہیں، جام کمال

    افغانستان میں قیام امن کے لیے بھارت کی نیت ٹھیک نہیں، جام کمال

    کوئٹہ: وزیراعلیٰ بلوچستان جام کمال نے کہا ہے کہ ہم ایٹمی قوت ہیں اپنا دفاع جانتے ہیں، افغانستان میں قیام امن کے لیے بھارت کی نیت ٹھیک نہیں ہے۔

    تفصیلات کے مطابق وزیراعلیٰ بلوچستان جام کمال نے ایوان میں گفتگو کرتے ہوئے کہا کہ پاکستان ایک خود مختار اور ذمہ دار ملک ہے، بھارت مسلسل غیرذمہ داری کا مظاہرہ کررہا ہے۔

    [bs-quote quote=”بھارت ہماری خاموشی کو کمزوری نہ سمجھے” style=”style-8″ align=”left” author_name=”جام کمال”][/bs-quote]

    جام کمال نے کہا کہ سی پیک منصوبے سے بھارت میں بے چینی پیدا ہوئی ہے، بھارت نے عالمی سطح پر پاکستان کے خلاف سازشیں کیں، پاکستان نے اپنا موقف جامع انداز میں دنیا کے سامنے رکھا ہے۔

    وزیراعلیٰ بلوچستان نے کہا کہ بھارت ہماری خاموشی کو کمزوری نہ سمجھے، ہمیں اپنی فورسز پر فخر ہے، سی پیک کے تحت بہت سے پروجیکٹ کو صوبے کے لیے معنی خیز بنانا ہے۔

    دوسری جانب بلوچستان اسمبلی میں بھارتی دراندازی پر مذمتی قرارداد متفقہ طور پر منظور کرلی گئی ہے۔

    قرارداد کے متن میں کہا گیا ہے کہ بھارتی دراندازی پر پاکستان دفاع کا حق رکھتا ہے، عالمی دنیا بھارتی جارحیت کا نوٹس لے اور کردار ادا کرے۔

    مزید پڑھیں: پاکستانی حدود کی خلاف ورزی پر بھارتی طیارے مارگرائے، ڈی جی آئی ایس پی آر

    یاد رہے کہ آج پاک فضائیہ کے شیر دل جوانوں نے پاکستانی حدود کی خلاف ورزی کرنے والے دو بھارتی جہازوں کو تباہ کردیا تھا، کارروائی میں‌ ایک بھارتی پائلٹ ابھے نندن زندہ گرفتار ہوا۔

    ڈی جی آئی ایس پی آر میجر جنرل آصف غفور نے آج سہ پہر اہم پریس کانفرنس کی، بعد ازاں وزیر اعظم عمران خان نے قوم سے خطاب کرتے ہوئے کہا کہ بھارت کوایک بار پھر مذاکرات کی پیش کش کی اور کہا کہ جنگ کسی بھی مسئلےکاحل نہیں، بیٹھ کربات چیت سےمسائل حل کرنے چاہییں، جارحیت کی توجواب دینا ہماری مجبوری ہوگی۔

  • ملکی نظام بہتربنانے سے معاشی صورت حال بہترہوگی‘ جام کمال

    ملکی نظام بہتربنانے سے معاشی صورت حال بہترہوگی‘ جام کمال

    کوئٹہ : وزیراعلیٰ بلوچستان جام کمال خان کا کہنا ہے کہ نظام میں بہتری آئے گی تواداروں کی کارکردگی بھی بہترہوگی۔

    تفصیلات کے مطابق کوئٹہ میں آن لائن ٹیکس کلیکشن کی افتتاحی تقریب سے خطاب کرتے ہوئے وزیراعلیٰ بلوچستان جام کمال خان نے کہا کہ ملک مشکل معاشی صورت حال کا شکارہے۔

    وزیراعلیٰ بلوچستان نے کہا کہ نظام میں بہتری آئے گی توادارے بھی بہترین کام کریں گے، ملکی نظام بہتربنانے سے معاشی صورت حال بہترہوگی۔

    جام کمال خان نے کہا کہ بلوچستان گزشتہ 20 برسوں سے بدانتظامی کا شکار رہا ہے، عوام کی توقع ہوتی ہے زیادہ سے زیادہ ترقیاتی کام ہوں۔

    بلوچستان میں تعلیم اورصحت کے شعبےمیں ایمرجنسی ڈکلیئرکی ہوئی ہے‘ جام کمال

    یاد رہے کہ رواں ماہ 2 فروری کو جام کمال کا کہنا تھا کہ بلوچستان میں شعبہ تعلیم اورصحت میں ایمرجنسی ڈکلیئرکی ہوئی ہے۔

    وزیراعلیٰ‌ بلوچستان کا کہنا تھا کہ کوششیں جاری ہیں بلوچستان میں مسائل کوحل کریں گے، صوبائی حکومت جہاں توجہ نہیں دے پا رہی وہاں بھی توجہ دیں گے۔

    واضح رہے کہ گزشتہ سال 18 نومبر کو وزیراعلیٰ بلوچستان کا کہنا تھا کہ بلوچستان کےعوام کوبنیادی سہولتوں کی فراہمی کے لیے کوشاں ہیں، ماضی میں بلوچستان کےعوام کے لیے فلاحی منصوبے نہیں بنائے گئے۔

    جام کمال کا کہنا تھا کہ ایسےبہت منصوبےہیں جوشروع ہوئے لیکن مکمل نہیں ہوئے، طریقہ کارنہ بدلا تو کوئی منصوبہ مکمل ہو بھی نہیں پائے گا۔

  • بلوچستان حکومت لاپتہ افراد کے معاملے پر کام کر رہی ہے، جام کمال

    بلوچستان حکومت لاپتہ افراد کے معاملے پر کام کر رہی ہے، جام کمال

    کراچی : وزیر اعلیٰ بلوچستان جام کمال نے کہا ہے کہ صوبائی حکومت لاپتہ افراد کے معاملے پر کام کر رہی ہے، سعودی عرب بہت جلد گوادر میں آئل ریفائنری لگائے گا۔

    ان خیالات کا اظہار انہوں نے کراچی میں مزار قائد پر حاضری کے موقع پر میڈیا سے گفتگو کرتے ہوئے کیا، وزیر اعلیٰ بلوچستان نے مزار قائد پر پھولوں کی چادر چڑھائی اور ملک کی سلامتی کی دعا کی۔

    میڈیا سے گفتگو میں ان کا کہنا تھا کہ ماضی میں صحت کے شعبہ پر توجہ نہیں دی گئی، صوبے کے تمام ڈسٹرکٹ اسپتالوں کی حالت بہتر بنائیں گے ۔

    ہمیں سسٹم بہتر کرنا ہے، صحت کی بہترسہولتوں کے لیے بلو چستان میں ٹراما سینٹر قائم کرنے جارہے ہیں جس کی تعداد 16 سے بڑھا کر 18 کردی گئی ہے، بلوچستان میں ریسکیو 1122سروس بھی جلد شروع کی جائے گی۔

    ایک سوال کے جواب میں ان کا کہنا تھا کہ بلوچستان میں لاپتہ افراد کا معاملہ بہت عرصےسےچل رہا ہے، صوبائی حکومت لاپتہ افراد کے معاملے پر کام کر رہی ہے، لاپتہ افراد کے ورثا کے مسائل حل کرنے کی بھرپور کوششیں کر رہے ہیں۔

    انہوں نے مزید کہا کہ سعودی عرب بہت جلد گوادر میں آئل ریفائنری لگائے گا، سی پیک کی صورت میں ترقی کا بہت بڑا موقع ہے، ترقی کیلئے قائد کے ویژن پر عمل پیرا ہونا ہوگا۔

  • وفاقی وزرا کا مسلسل بلوچستان آنا خوش آئند ہے: وزیر اعلیٰ بلوچستان

    وفاقی وزرا کا مسلسل بلوچستان آنا خوش آئند ہے: وزیر اعلیٰ بلوچستان

    کوئٹہ: وزیر اعلیٰ بلوچستان جام کمال خان نے وفاقی وزیر پیٹرولیم غلام سرور سے ملاقات کے بعد کہا کہ 4 ماہ میں دیکھا ہے وفاقی وزرا کا مسلسل بلوچستان آنا خوش آئند ہے۔

    تفصیلات کے مطابق وزیر اعلیٰ بلوچستان جام کمال خان اور وفاقی وزیر پیٹرولیم غلام سرور نے مشترکہ طور پر میڈیا سے گفتگو کی۔

    وزیر اعلیٰ بلوچستان کا کہنا تھا کہ اجلاس میں بلوچستان کے مختلف مسائل پر بات چیت ہوئی، جوائنٹ ورکنگ گروپس بھی بنائے جا رہے ہیں۔ سردی میں زیارت، پشین، کوئٹہ سمیت دیگر علاقوں میں گیس کا مسئلہ ہے۔

    انہوں نے کہا کہ بلوچستان میں گیس ذخائر پر ماضی میں تیز طریقے سے کام نہیں ہوا، ہم نے تمام مسائل پر وفاقی وزیر سے بات چیت کی ہے۔ بلوچستان کے مسائل کے حل کے لیے ایک ٹیم کی طرح کام کرنا ہوگا۔ 4 ماہ میں دیکھا ہے وفاقی وزرا کا مسلسل بلوچستان آنا خوش آئند ہے۔

    وفاقی وزیر پیٹرولیم غلام سرور کا کہنا تھا کہ وزیر اعظم عمران خان کی ہدایت پر بلوچستان کا دورہ کیا۔ سارے صوبوں کی قیادت کو ملا رہے ہیں۔ مسائل پر صوبوں کے پاس خود جا کر حل کرنے کی کوشش کر رہے ہیں۔ صوبوں کے پاس جا کر مسائل دیکھے اور حل کرنے کی کوشش کریں گے۔

    وفاقی وزیر نے کہا کہ میرا حالیہ دورہ بلوچستان اسی سلسلے کی ایک کڑی ہے۔ بلوچستان میں قیادت ہماری اتحادی ہے۔ وزیر اعلیٰ سندھ سے مل کر ان کے صوبے کے مسائل بھی سنے۔ جمہوریت کا خاصا یہی ہے بات سنی جاتی ہے اور مسئلہ حل کیا جاتا ہے۔

    انہوں نے کہا کہ آج بھی ملاقات میں صوبوں کے مسائل پر بات ہوئی ہے، کمیٹیاں بھی بنائی ہیں اور میٹنگ کا ایک وقت بھی مقرر کیا ہے۔ عوام دیکھیں گے تبدیلی آئے گی۔ وزارت پیٹرولیم میں کمپنیاں بورڈ آف ڈائریکٹرز میں برابر نمائندہ ہیں۔

    غلام سرور نے مزید کہا کہ بلوچستان کے معاملات میں بلوچستان حکومت کی نمائندگی ہونی چاہیئے، تمام صوبے اپنی ایکسپولریشن کمپنیز بنائیں۔ ہمیں مل کر کام کرنا ہے اور پاکستان کے لیے کام کرنا ہے

  • بلوچستان محرومی اور نظر اندازی کا مزید متحمل نہیں ہو سکتا: وزیرِ اعلیٰ بلوچستان

    بلوچستان محرومی اور نظر اندازی کا مزید متحمل نہیں ہو سکتا: وزیرِ اعلیٰ بلوچستان

    کوئٹہ: وزیرِ اعلیٰ بلوچستان جام کمال نے کہا ہے کہ سی پیک میں گوادر کی وجہ سے صوبے کی اہمیت بڑھی، بلوچستان محرومی اور نظر اندازی کا مزید متحمل نہیں ہو سکتا۔

    تفصیلات کے مطابق بلوچستان اسمبلی کے اجلاس میں اظہارِ خیال کرتے ہوئے وزیرِ اعلیٰ نے کہا کہ ہم سمجھتے ہیں سی پیک سے بلوچستان میں بے روزگاری اور پس ماندگی میں کمی آئے گی۔

    [bs-quote quote=”گوادر پورٹ، حب کو منصوبے نکال دیں تو بلوچستان کا شیئر سی پیک میں ایک فی صد رہ جاتا ہے۔” style=”style-7″ align=”left” color=”#dd3333″ author_name=”جام کمال” author_job=”وزیر اعلیٰ بلوچستان”][/bs-quote]

    جام کمال نے کہا کہ ماضی میں سی پیک کے فیصلے کہیں اور ہوتے تھے، ہماری حکومت میں پہلی بار سی پیک سے متعلق اجلاس کوئٹہ میں ہوا۔

    انھوں نے مزید کہا ’سی پیک منصوبے میں بلوچستان کا مالیاتی شیئر صرف ساڑھے 4 فی صد ہے، گوادر پورٹ، حب کو منصوبے نکال دیں تو بلوچستان کا شیئر ایک فی صد رہ جاتا ہے۔‘

    وزیرِ اعلیٰ بلوچستان جام کمال کا کہنا تھا کہ انھوں نے جب حکومت سنبھالی تو معلوم ہوا کہ سی پیک میں مزید کسی منصوبے کی گنجائش نہیں، ماضی میں وفاقی حکومت کی جانب سے صوبے کو کچھ نہیں ملا۔

    یہ بھی پڑھیں:  سی پیک بلوچستان میں خوش حالی لائے گا:‌ وزیراعظم عمران خان

    جام کمال نے اسمبلی اجلاس میں تفصیلات بیان کرتے ہوئے کہا ’فیڈرل پی ایس ڈی پی (پبلک سیکٹر ڈیولپمنٹ پروگرام) میں بلوچستان کا شیئر صرف ساڑھے 3 فی صد ہے، این ایف سی ایوارڈ میں بلوچستان کا حصہ 9 فی صد ہے، 5 سال میں 5 ہزار میں سے صرف 350 ارب روپے خرچ ہوئے۔‘

    انھوں نے کہا کہ وفاقی ملازمتوں میں بھی ہمیشہ بلوچستان کو نظر انداز کیا گیا، بلوچستان محرومی اور نظر اندازی کا مزید متحمل نہیں ہو سکتا۔

  • سنجیدہ کوششیں کی جائیں، تو بلوچستان اور گوادر کے مسائل حل ہوسکتے ہیں: جام کمال

    سنجیدہ کوششیں کی جائیں، تو بلوچستان اور گوادر کے مسائل حل ہوسکتے ہیں: جام کمال

    کوئٹہ: وزیراعلیٰ بلوچستان جام کمال نے کہا ہے کہ سنجیدہ کوششیں کی جائیں، تو بلوچستان اور گوادر کے مسائل حل ہوسکتے ہیں.

    ان خیالات کا اظہار وزیراعلیٰ بلوچستان نے میڈیا سے گفتگو کرتے ہوئے کیا. ان کا کہنا تھا کہ ہر پلیٹ فورم پر بلوچستان کا مقدمہ لڑیں گے.

    جام کمال نے کہا کہ ہم چاہتے ہیں کہ این ایف سی میں بلوچستان کاحصہ بڑھے، ماضی میں بلوچستان کابہت نقصان ہوا ہے، بلوچستان اور گوادر کے مسائل بہت ہیں، جیوانی، گوادر، پسنی میں اربوں کی اسکیمیں نامکمل ہیں.

    بلو چستان کا رقبہ بڑا ہے، بہترانتظامی معاملات کی ضرورت ہے

    انھوں نے کہا کہ سربندرمیں 2 لاکھ گیلن ڈی سیلی نیشن پلانٹ کا افتتاح کیا، گوادر میں 1.7 ملین گیلن پانی تقسیم ہورہا ہے، چین کےتعاون پرپلانٹ سے1.5ملین گیلن پانی مل رہا ہے.

    قومی کوششوں سے بلوچستان اورملک میں امن واستحکام آئے گا: وزیراعظم

    جام کمال کا کہنا تھا کہ بلو چستان کا رقبہ بڑا ہے، بہترانتظامی معاملات کی ضرورت ہے، ریکوڈک، سینڈک سے متعلق اسمبلی میں کمیٹی بنارہے ہیں، کوشش کی جائے تو مسائل حل ہو سکتے ہیں.

    یاد رہے کہ گذشتہ دنوں عمران خان نے بلوچستان کا دورہ کیا تھا، اس موقع پر انھوں نے کہا تھا کہ قومی کوششوں سے بلوچستان اورملک میں امن واستحکام آئے گا.

  • وزیراعظم عمران خان کی زیر صدارت بلوچستان کابینہ کا اہم اجلاس

    وزیراعظم عمران خان کی زیر صدارت بلوچستان کابینہ کا اہم اجلاس

    کوئٹہ: آج وزیراعظم عمران خان کی زیر صدارت بلوچستان کابینہ کا اہم اجلاس معنقد ہوا.

    تفصیلات کے مطابق آج وزیر اعظم بلوچستان کے پہلے دورے پر کوئٹہ پہنچے. اس موقع پر انھوں نے وفاقی وزرا اور وزیراعلیٰ‌ بلوچستان جام کمال کے ساتھ سدرن کمانڈ ہیڈ کوارٹرزکوئٹہ کا دورہ کیا، جہاں انھیں بلوچستان کی سیکیورٹی صورتحال اور درپیش چیلنجز پر بریفنگ دی گئی.

    بعد ازاں‌ وزیراعظم کی زیر صدارت بلوچستان کابینہ کا اجلاس ہوا، اس موقع پر وزیراعظم کو بلوچستان میں سماجی ومعاشی ترقیاتی منصوبوں پرتفصیلی بریفنگ دی.

    وفاقی وزیر اطلاعات و نشریات اور وزیر منصوبہ بندی نے بھی اس اہم اجلاس میں شریک کی.

    مزید پڑھیں: قومی کوششوں سے بلوچستان اورملک میں امن واستحکام آئے گا: وزیراعظم

    اجلاس میں ڈپٹی اسپیکرقومی اسمبلی قاسم سوری اور وزیرمملکت داخلہ برائے شہریار آفریدی نے بھی شرکت کی.

    اجلاس میں وزیراعظم کےمعاون خصوصی نعیم الحق، اور افتخار درانی بھی موجود تھے.

    اس موقع پر وزیراعظم کو صوبے میں جاری منصوبہ اور آئندہ کےپراجیکٹس سے متعلق آگاہ کیا.

    یاد رہے سدرن کمانڈ ہیڈ کوارٹرزکوئٹہ کے دورے کے موقع پر وزیراعظم نے کہا تھا کہ قومی کوششوں سے بلوچستان اورملک میں امن وترقی آئے گی، امن ترقی و خوش حالی کی درست منزل کے لئے کوششیں جاری رکھیں گے.