Tag: جانان

کراچی: اے آر وائی فلمز کے بینر تلے بننے والی فلم جانان کی کاسٹ آج کل اپنی فلم کی پروموشن میں مصروف ہے اور اس کے لیے وہ مختلف تقریبات میں شرکت کر رہی ہے۔

ایک مارننگ شو میں شرکت کے دوران معروف ٹی وی اداکار فیصل قریشی بھی جانان کی کاسٹ سے ملے اور ان کے ساتھ ہنسی مذاق کیا۔ اس موقع پر انہوں نے ایک ویڈیو بھی سوشل میڈیا پر شیئر کی۔

جانان کی ٹیم نے کراچی میں واقع دارالسکون کا بھی دورہ کیا جہاں انہوں نے ذہنی معذور بچوں اور افراد کے ساتھ وقت گزارا۔ اس موقع پر انہوں نے مثبت پیغامات والے کارڈز بھی اٹھا رکھے تھے جس میں وہ ان افراد کو قبول کرنے کا پیغام دے رہے ہیں۔

آئی آر کے فلمز، ایم ایچ پروڈکشن اور اے آر وائی فلمز کی پیشکش جاناں کی کہانی خیبر پختونخوا کی روایتی رسم و رواج اور ثقافت میں پنپنے والی محبت کی عکاس ہے۔ فلم کے ڈائریکٹر اظفر جعفری اور پروڈیوسرز حریم فاروق، منیر حسین اور عمران رضا کاظمی ہیں۔

:دیکھیئے فلم کا ٹریلر

فلم کی مرکزی کاسٹ میں ارمینہ رانا خان، علی رحمان اور بلال اشرف شامل ہیں۔

:دیکھیئے فلم کا ٹائٹل سانگ

فلم عید الاضحیٰ کے موقع پر سنیما گھروں میں نمائش کے لیے پیش کی جائے گی۔

کراچی: پاکستانی اداکارہ مومل شیخ کی پہلی بھارتی فلم ’ہیپی بھاگ جائے گی‘ بہت جلد ریلیز ہونے والی ہے اور فلم کے لیے صرف مومل شیخ ہی نہیں بلکہ پوری فلم انڈسٹری پرجوش نظر آرہی ہے۔

اے آر وائی فلمز کے بینر تلے ریلیز ہونے والی فلم ’جانان‘ کی کاسٹ آج کل اپنی فلم کی تشہیری مہم میں مصروف ہے۔ ایک تقریب میں پوری کاسٹ نے مومل شیخ اور ان کی آئندہ آنے والی فلم کے لیے نیک تمناؤں کا اظہار کیا۔

Thank you so much team #janaan #support #collegues #friends #happybhaagjayegi #19thaugust #momalsheikh #hareemfarooq #alirehman #bilalashraf #armeenakhan

A video posted by Momal Sheikh (@momal15) on Aug 17, 2016 at 4:31am PDT

واضح رہے کہ یہ فلم جاوید شیخ کی بیٹی مومل شیخ کی بالی ووڈ میں ڈیبیو فلم ہے۔ وہ اس سے قبل پاکستان میں کئی ڈراموں میں کام کر چکی ہیں۔

فلم ’ہیپی بھاگ جائے گی‘ کی کہانی ایک ایسی لڑکی کی ہے جو شادی کے دن اپنے گھر سے بھاگ جاتی ہے اور ایک ٹرک میں چھپ جاتی ہے جو بعد میں پاکستان جاتا ہے اور اس طرح یہ بھی پاکستان پہنچ جاتی ہے۔

آگے کی کہانی اس لڑکی کے پاکستان میں پیش آنے والے واقعات پر مبنی ہے جسے مزاحیہ انداز میں پیش کیا گیا ہے۔

فلم میں مرکزی کردار ڈیانا پینٹی اور ابھے دیول ادا کر رہے ہیں جبکہ مومل شیخ اس میں ایک پاکستانی ڈاکٹر زویا کا کردار ادا کر رہی ہیں۔ فلم میں جاوید شیخ بھی کام کر رہے ہیں۔

بھارت میں اپنی پہلی فلم کے حوالے سے مومل شیخ بہت پرجوش ہیں۔ وہ کہتی ہیں، ’بھارت آ کر کام کرنے میں بہت مزہ آیا۔ یہاں لوگ بہت اچھے ہیں، میرا بہت گرمجوشی سے استقبال کیا گیا۔ بھارت میں بالکل گھر جیسا محسوس ہو رہا تھا‘۔

فلم کا زیادہ تر حصہ چندی گڑھ میں فلمایا گیا ہے۔ مومل بتاتی ہیں، ’چندی گڑھ پنجاب میں ہے اور لاہور بھی پنجاب میں ہے تو کہانی کے لحاظ سے پس منظر درست تھا۔ وہاں کے لوگ بھی بہت اچھے ہیں‘۔

انہوں نے بتایا کہ ابھے دیول کے ساتھ کام کرنا ان کا بہترین تجربہ رہا۔ وہ پہلے کافی ڈری ہوئی تھیں لیکن فلم کی پوری کاسٹ نے ان کا حوصلہ بڑھایا۔

اس سے قبل کئی پاکستانی فنکار بھارت جا کر اپنے فن کا جھنڈا گاڑ چکے ہیں جن میں علی ظفر، فواد خان اور ماہرہ خان شامل ہیں۔ اس فہرست میں اب مومل شیخ کا نام بھی شامل ہونے جارہا ہے۔ بھارت میں خصوصاً فواد خان کی اداکاری اور شخصیت کو بہت پسند کیا جارہا ہے۔ ان کی نئی آنے والی بالی ووڈ فلم ’اے دل ہے مشکل‘ ہے جو اکتوبر میں ریلیز کی جائے گی۔