اے آر وائی ڈیجیٹل کے ڈرامہ سیریل ’جانِ جہاں‘ کا سین سوشل میڈیا پر وائرل ہوگیا۔
ڈرامہ سیریل ’جانِ جہاں‘ میں حمزہ علی عباسی (شہرام)، عائزہ خان (ماہ نور)، نوال سعید (گل ریز)، مریم نفیس، سویرا ندیم، حارث وحید (تبریز)، عماد عرفانی، زینب قیوم، نور الحسن ودیگر اداکاری کے جوہر دکھا رہے ہیں۔
جانِ جہاں کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے۔
ڈرامہ سیریل ’جانِ جہاں‘ کا او ایس ٹی ’تیرا عشق جو طاری ہوا‘ ریلیز کردیا گیا ہے جس میں معروف گلوکار راحت فتح علی خان نے اپنی آواز کا جادو جگایا ہے۔
View this post on Instagram
گزشتہ قسط میں دیکھا گیا کہ شہرام ماہ نور کے گھر جاکر ان کے والد سے اپنی غلطی کی معافی مانگتے ہیں اور کہتے ہیں کہ میں اپنی ساری غلطیوں کا ازالا کرنا چاہتا ہوں۔
تاہم آج نشر ہونے والے قسط میں شہرام، کشور کو دو ٹوک انداز میں کہتے ہیں کہ میں’ ماہ نور سے شادی کرنے جارہا ہوں، وہ بھی جلد، میں اسے جانے نہیں دے سکتا، اس لیے میں نے تیمور کو سب کچھ بتادیا ہے۔
شہرام نے کہا کہ ’ ماہ نور بیوی بننے جارہی ہے میری اور اس کے لیے مجھے آپ کی دعاؤں کی اور نیک تمناؤں کی سخت ضرورت ہے، وہ کشور سے مزید کہتے ہیں کہ اسپتال کی افتتاح پر ضرور آئیے گا‘۔
View this post on Instagram
جبکہ ایک اور سین سوشل میڈیا پر وائرل میں جس میں ماہ نور اور شہرام کو ایک ساتھ دیکھا جاسکتا ہے، ماہ نور شہرام سے کہتی ہیں کہ ’ ہمارا ساتھ لکھا ہو یا نہ لکھا ہو لیکن حقیقت یہ ہی ہے کہ میرا آپ کے بغیر گزارا نہیں ہے‘۔
ڈرامہ سیریل ’جانِ جہاں‘ میں مزید کیا ہونے جارہا ہے؟ یہ جاننے کے لیے آج رات 8 بجے کی قسط دیکھیں۔
