اسلام آباد: نوجوان ٹک ٹاکر سامعہ حجاب کو جان سے مارنے کی دھمکیاں دینے والے ملزم حسن زاہد کو پولیس نے گرفتار کرلیا۔
حال ہی میں اسلام آباد میں ٹک ٹاکر خاتون کو ہراساں کرنے اور جان سے مارنے کی دھمکیاں دینے کا واقعہ پیش آیا ہے، پولیس نے معاملے کا نوٹس لیکر ملزم حسن زاہد کو گرفتار کرلیا ہے جبکہ مقدمہ بھی درج کرلیا گیا ہے۔
خاتون نے ملزم کےخلاف تھانہ شالیمار میں درخوست دے رکھی تھی، متاثرہ خاتون سامعہ حجاب نے ملزم کےخلاف سوشل میڈیا پر بیان بھی جاری کیا تھا۔
ٹک ٹاکر ثنا یوسف کی دوست سامعہ حجاب کو شادی سے انکار کرنے پر مبینہ طور پر اغوا کرنے کی کوشش کی گئی تھی جو ناکام ہوگئی تھی۔
ٹک ٹاکر سامعہ حجاب نے اسلام آباد پولیس سے تحفظ طلب کرتے ہوئے ویڈیو میں بتایا تھا لاہور کے رہائشی کی جانب سے شادی کی تجویز مسترد کرنے پر ہراساں اور جان سے مارنے کی دھمکیاں دی جارہی ہیں۔
ویڈیو پیغام میں انھوں نے حسن زاہد نامی شہری پر الزام لگایا کہ وہ گزشتہ تین ماہ سے اس کا پیچھا کررہا ہے اور حال ہی میں اسلام آباد میں رہائشگاہ پر بھی پہنچ گیا۔
ٹک ٹاکر کے مطابق اس نے اپنے ساتھ چلنے کو کہا اور جب انکار کیا تو اغوا کرنے کی کوشش کرتے ہوئے کار میں دھکیل دیا۔
سامعہ حجاب کا کہنا تھا کہ بیمار والدہ گھر پر تھیں جبکہ بھائی گھر سے باہر تھا، اگر مجھے کوئی نقصان پہنچا یا مارا گیا تو اس کا ذمہ دار حسن زاہد ہی ہوگا۔
https://urdu.arynews.tv/samiya-hijab-alleges-kidnap-attempt/
