Tag: جان کربی

واشنگٹن : امریکہ نے انڈیا کے زیرِ انتظام کشمیر میں مظاہرین اور بھارتی افواج کے درمیان جھڑپوں پر تشویش کا اظہار کرتے ہوئے معاملے کو پر امن طریقے سے حل کرنے پر زور دیا ہے.

تفصیلات کے مطابق واشنگٹن میں امریکی محکمہ خارجہ کے نائب ترجمان نے صحافیوں کو بریفنگ دیتے ہوئی کہاکہ انڈیا کے زیرِ انتظام کشمیر میں مظاہرین اور انڈیا کی فوج کے درمیان بڑھتے ہوئے تشدد پر تشویش ہے.

امریکی محکمہ خارجہ کے ترجمان کے مطابق اس معاملے کے پر امن حل کے لیے تمام فریقین سے مدد کی درخواست ہے.

ایک سوال کے جواب میں جان کربی کا کہنا تھا کہ یہ معاملہ انڈیا کا ہے اور اس معاملے پر انڈیا بہتر انداز میں بات کر سکتا ہے.

امریکی محکمہ خارجہ کے نائب ترجمان نے کہا کہ پاک افغان سرحدی علاقے اب بھی دہشت گرد وں کےلیے محفوظ پناہ گاہ بنے ہوئے ہیں اور اس حقیقت سے پاک افغان حکومتیں بھی اچھی طرح آگاہ ہیں.

سرحدی علاقوں سے شدت پسندوں کے نیٹ ورک کو ختم کرنے کےلیے پاکستان اور افغانستان کو مل کر کام کرنا ہوگا،یہ دہشت گردگروہ معصوم افغان اور پاکستان کی عوام کو نشانہ بنا رہے ہیں.

واشنگٹن :امریکا نے روس کے دوسفارتکاروں کو ملک سے نکال دیا،روس کے دونوں سفارتکاروں کوگذشتہ ماہ ماسکو میں امریکی سفارتکار پر حملے کے جواب میں نکالا گیا.

تفصیلات کے مطابق امریکا کی جانب سے یہ اقدام اس وقت اٹھایا گیا ہے جب روس میں موجود امریکی سفارتکاروں اور ان کے اہلخانہ کو ہراساں کرنے کے واقعات میں اضافہ ہورہا ہے.

اسٹیٹ ڈیپارٹمنٹ کے ترجمان جان کربی کا کہنا ہے کہ دونوں سفارتکاروں کو 17 جون تک امریکا چھوڑنے کا حکم دیا گیا تھا.

جان کربی نے کہا کہ 6 جون کو ماسکو میں امریکی سفارتخانے کے قریب امریکی سفارتکار کی جانب سے اپنی شناخت کرنے کے بعد روسی پولیس اہلکار نے ان پر حملہ کیا تھا.

دوسری جانب روسی وزارت خارجہ کی ترجمان ماریا زخرووا نے کہا تھا کہ امریکی اہلکار سی آئی اے ایجنٹ تھے جنھوں نے اپنی شناخت کرانے سے انکار کیا اور پولیس اہلکار کے منہ پر مارا.

یاد رہے کہ روس نے امریکی سفارتکار اور روسی پولیس اہلکار میں جھگڑے کی ویڈیو بھی جاری کی تھی.

واضح رہے کہ امریکہ نے پچھلے ماہ کہا تھا کہ روس میں امریکی سفارتکاروں کو ہراساں کرنے کے واقعات میں اضافہ ہو رہا ہے.