Tag: جان کیری

اسلام آباد: وزیر اعظم نواز شریف کی اوپن ہارٹ سرجری کے بعد عیادت کی فونز کالز کا سلسلہ جاری ہے، جان کیری اور امریکی نمائندہ خصوصی رچرڈ اولسن اور سعودی سفیر عبداللہ الزھرانی نے وزیراعظم کی خیریت دریافت کی۔

وزیراعظم کی کامیاب سرجری کے بعد خیریت اور نیک خواہشات کا سلسلہ جاری ہے، امریکی وزیر خارجہ جان کیری اور امریکی نمائندہ خصوصی رچرڈ اولسن نے اسحاق داڑ کو فون کرکے وزیراعظم کے کامیاب آپریشن مبارکباد دی۔

دوسری جانب مریم نوازشریف سے سعودی سفیرعبداللہ مرزوق الزھرانی نے ملاقات کی اور وزیراعظم کی خیریت دریافت کی۔

سعودی سفیر کا کہنا تھا کہ پاکستانی قوم کی محمدنوازشریف کیلئے دعاؤں پربہت متاثرہوا،ان کا کہنا تھا کہ وزیراعظم سے قوم کی عقیدیت اورمحبت دیکھ کربہت خوشی ہوئی۔

یاد رہے کہ  گزشتہ روز وزیراعظم کے آپریشن کے بعد ان صحابزادی مریم نواز کا کہنا تھا کہ وزیراعظم کو تین، چارماہ سے تکلیف محسوس ہورہی تھی، وزیر اعظم کا ساڑھے 4 گھنٹے تک آپریشن جاری رہا، وزیراعظم نوازشریف اب خیریت سے ہیں، دعائیں کرنے پرقوم کا شکریہ اداکرتی ہوں، مریم نواز نے بتایا تھا کہ نوازشریف تین ہفتوں میں وطن واپس آجائیں گے۔

واشنگٹن: وزیراعظم میاں محمد نواز شریف اور امریکی وزیر خارجہ جان کیری کے درمیان ملاقات ہوئی ہے۔ملاقات میں افغانستان کی صورت حال،مسئلہ کشمیر سمیت دیگر معاملات پر تبادلہ خیال کیا گیا۔

واشنگٹن میں وزیر اعظم نواز شریف اور امریکی وزیر خارجہ جان کیری سے ملاقات ہوئی، امریکی وزیر خارجہ جان کیری کا اس موقع پر کہنا تھا امریکہ پاکستان کی دہشت گردی کے خلاف جنگ کو قدر کی نگاہ سے دیکھتا ہے، پاکستان افغانستان کے مصالحتی عمل میں اپنا مثبت کردار ادا کرے۔

جان کیری کا کہنا تھا افغانستان اور پاکستان سے دہشتگردوں کی محفوظ پناہ گاہیں ختم کرنے کی ضرورت ہے ،امریکہ پاک افغان خطے میں امن دیکھنا چاہتا ہے۔

وزیر اعظم نواز شریف اور جان کیری کے درمیان پاک بھارت تعلقات پربھی تفصیلی بات ہوئی،وزیر اعظم نواز شریف کا کہنا تھا پاکستان بھارت کے ساتھ امن چاہتا ہے مگربھارت مذاکرات سے پیچھے ہٹ رہا ہے، بھارت پاکستان میں تخریبی کاروائیوں میں بھی ملوث ہے۔

وزیر اعظم نواز شریف کا جان کیری سے گفتگومیں کہنا تھا پاک بھارت امن کیلئے مسئلہ کشمیر کا حل انتہائی ضروری ہے۔