Tag: جاوید اقبال

اسلام آباد : جاوید اقبال کی بطور چیئرمین نیب تنخواہ و مراعات کی تفصیلات سامنے آگئیں ، چیئرمین نیب کو ماہانہ 13 لاکھ 13 تنخواہ ملتی تھی۔

تفصیلات کے مطابق چپئرمین صادق سنجرانی کی زیر صدارت سینیٹ کا اجلاس ہوا ، سابق چئیرمین نیب جاوید اقبال کی بطور چیئرمین نیب تنخواہ ممراعات کی تفصیلات سینیٹ میں پیش کی گئیں۔

جس میں بتایا گیا کہ جسٹس جاوید اقبال کو بطور چیئرمین نیب کو ماہانہ 12 لاکھ 39 ہزار بنیادی تنخواہ ملتی تھی، سابق چئیرمین نیب کو اپنی مدت کے دوران 7 کروڑ 30 لاکھ روپے بنیادی تنخواہ دی گئی۔

تفصیلات میں کہا گیا کہ سابق چئیرمین نیب کو 6 ہزار روپے ماہانہ فون الاؤنس، 68 ہزار ہاوس رینٹ دیا گیا۔

جاوید اقبال کو دوران ملازمت 3 لاکھ 40 ہزار ٹیلی فون الاؤنس اور 38 لاکھ 58 ہزار ہاؤس الاونس کی مد میں دیے گئے۔

جسٹس جاوید اقبال کوماہانہ 13 لاکھ 13 ہزار روپے تنخواہ دی گئی اور دوران ملازمت بطور چئیرمین نیب جاوید اقبال کو 7 کروڑ 45 لاکھ روپے تنخواہ ادا کی۔ گئی

بطورریٹائرجج جاوید اقبال کی پنشن اورمراعات کی تفصیل وزارت قانون کے پاس نہیں۔

اسلام آباد: چیئرمین نیب جسٹس(ر) جاوید اقبال نے کہا ہے کہ کرپشن کے خلاف آگاہی مہم کی ٹرانسپرنسی انٹرنیشنل سمیت دیگر عالمی اداروں نے بھی تعریف کی ہے۔

تفصیلات کے مطابق ایک بیان میں چیئرمین نیب کا کہنا تھا کہ سرکاری و غیر سرکاری اداروں کے تعاون سے آگاہی مہم کو مزید مؤثر بنا رہے ہیں، تمام بینکوں کی اے ٹی ایم مشینوں پر کرپشن سے آگاہی کے پیغامات دیئے جا رہے ہیں۔

انہوں نے بتایا کہ کے الیکٹرک اور تمام بجلی کمپنیوں نے بھی نیب پیغامات چھاپنا شروع کر دیئے ہیں، اسلام آباد ٹریفک پولیس سے مل کر 24 لاکھ ڈرائیونگ لائسنس پر آگاہی پیغامات چھاپے جائیں گے۔

دباؤ، دھمکی اور پروپیگنڈا کیے بغیر ایک منزل کا تعین کیا ہے، چیئرمین نیب

جاوید اقبال کا کہنا تھا کہ تمام سرکاری ٹینڈرز پر بھی نیب کے کرپشن مخالف پیغامات و نتائج چھاپنا یقینی بنا دیا گیا، ایچ ای سی کے تعاون سے تعلیمی اداروں میں بھی آگاہی کمیٹیاں قائم کی جا رہی ہیں۔

یاد رہے کہ گزشتہ ماہ اپنے ایک بیان میں چیئرمین نیب نے کہا تھا کہ پاکستان کو کرپشن فری ملک بنانا ہے، لوٹی گئی رقم کی واپسی کیلئے ایک منزل کا تعین کیا جو کہ دباؤ، دھمکی اور پروپیگنڈا کے بغیر ہے، نیب افسران بدعنوانی کاخاتمہ قومی خدمت سمجھتے ہیں، افسران یہ خدمت انجام دے رہے اور دیتے رہیں گے۔

اسلام آباد: چیئرمین نیب جسٹس (ر) جاوید اقبال نے مسلم لیگ ن کے رہنما شاہد خاقان عباسی کے خلاف بدعنوانی کا ریفرنس دائر کرنے کی منظوری دے دی۔

تفصیلات کے مطابق چیئرمین نیب جاوید اقبال کی زیر صدارت ایگزیکٹیو بورڈ کا اجلاس ہوا جس میں شاہد خاقان عباسی، عمران الحق، یعقوب ستار کے خلاف بد عنوانی کا ریفرنس دائر کرنے کی منظوری دے دی۔ ملزمان پر قومی خزانے کو 138.96 ملین نقصان پہنچانے کا الزام ہے۔ ملزمان پر سابق ایم ڈی پی ایس او کی غیرقانونی تقرری کا بھی الزام ہے۔

اجلاس میں سابق رکن بورڈ آف ریونیو سندھ غلام علی شاہ، عبدالسبحان میمن ودیگر کے خلاف بھی بدعنوانی کا ریفرنس داخل کرنے کی منظوری دی گئی۔ ملزمان پر سرکاری زمین کی غیرقانونی الاٹمنٹ، 120 ملین روپے نقصان کا الزام ہے۔

نیب نے سابق وزرا برجیس طاہر،سلیم گورایا، رکن قومی اسمبلی باسط سلطان ،سردار نصراللہ دریشک کے خلاف بھی انکوائری کی منظوری دے دی۔

اس موقع پر چیئرمین نیب کا کہنا تھا کہ میگاکرپشن کیسز کو منطقی انجام تک پہنچانا اولین ترجیح ہے، احتساب سب کے لیے کی پالیسی پر سختی سے عمل پیرا ہیں، عوام کو دھوکہ دہی کے مقدمات کو بھی منطقی انجام پہنچائیں گے۔

نیب تفتیشی افسران کی جدید خطوط پر تربیت کو اہمیت دیتا ہے، چیئرمین نیب

یاد رہے کہ گزشتہ ماہ چیئرمین نیب جسٹس (ر) جاوید اقبال کا کہنا تھا کہ نیب تفتیشی افسران، پراسیکیوٹرز کی جدید خطوط پر تربیت کو اہمیت دیتا ہے۔

اسلام آباد: چیئرمین نیب جسٹس (ر) جاوید اقبال نے افسران کی کارکردگی سے متعلق بڑا قدم اٹھا لیا، نیب پراسیکیوٹرز اور تفتیشی افسران کی کارکردگی کو بہتر بنانے کا فیصلہ کر لیا گیا۔

اے آر وائی نیوز کے مطابق نیب کی جانب سے جاری اعلامیے میں کہا گیا ہے کہ نیب پراسیکیوٹرز اور تفتیشی افسران کی کارکردگی میں مزید بہتری لائی جا رہی ہے، اس سلسلے میں افسران کو سخت ہدایات جاری کر دی گئیں۔

اعلامیے میں چیئرمین نیب کی جانب سے ہدایت کی گئی ہے کہ پراسیکیوٹرز اور آئی اوز جامع تیاری سے عدالتوں میں پیش ہوں، بغیر تیاری پیش ہونے والے افسران کے خلاف کارروائی کی جائے گی، نیب پراسیکیوٹرز کے دلائل کا بھی اب قانون کے مطابق جائزہ لیا جائے گا۔

نیب راولپنڈی کی ایک سالہ کارکردگی رپورٹ، 94 ارب روپے وصول

یاد رہے کہ گزشتہ برس شریف خاندان اور سہولت کاروں سمیت بڑی مچھلیوں کے گرد گھیرا تنگ کرنے کے لیے، اور نیب لاہور میں کام کا دباؤ بڑھنے کے باعث پراسیکیوٹرز کی باقاعدہ تربیت کا عمل شروع کیا گیا تھا، جس کے لیے ماسٹر ٹرینرز نے نیب ہیڈ کوارٹرز اسلام آباد میں اہل کاروں کو تربیت دی۔

گزشتہ برس دسمبر کے اختتام پر قومی احتساب بیورو راولپنڈی نے سال 2019 کی کارکردگی رپورٹ میں بتایا تھا کہ ایک سال کے دوران 94 ارب روپے سے زائد کی ریکوری کی گئی جب کہ متعدد اہم سیاسی شخصیات کو مختلف بدعنوانی کے مقدمات اور ریفرنسز دائر ہونے پر گرفتار بھی کیا گیا۔

لاہور: چیئرمین نیب جسٹس (ر) جاوید اقبال نے کہا ہے کہ نیب کا متبادل کوئی ادارہ نہیں ہے جو غریبوں کے درد کو سمجھے، ہر کسی کی عزت نفس کا خیال رکھنا نیب کا بنیادی مقصد ہے۔

تفصیلات کے مطابق چیئرمین نیب جسٹس (ر) جاوید اقبال نے ایف پی سی سی آئی ارکان سے خطاب کرتے ہوئے کہا کہ سب سے پہلے خود احتسابی نیب سے شروع کی۔

انہوں نے کہا کہ یہ تاثر ہےکہ نیب کی وجہ سے تجارتی سرگرمیاں آگے نہیں بڑھ رہیں، 1235 ریفرنسز زیرسماعت ہیں جن میں سے 35 بھی بزنس کمیونٹی کے خلاف نہیں ہیں۔

چیئرمین نیب نے کہا کہ ایسی سوسائٹیز بھی ہیں جن کے پاس 500 گز زمین نہیں، ایسی سوسائٹیز نے 50 کروڑ روپے اکٹھے کیے اور بیرون ملک چلے گئے۔

جسٹس (ر) جاوید اقبال نے کہا کہ زیادہ تر ریفرنسز ہاؤسنگ سوسائٹیز سے متعلق ہیں، کئی جعلی ہاؤسنگ سوسائٹیز نے بیوہ، پنشنرز کی جمع پونجی لوٹ لی، لوگوں کو چھت کے نام پر لوٹنا ڈکیتی کے مترادف ہے۔

انہوں نے کہا کہ نیب کا متبادل کوئی ادارہ نہیں جو غریبوں کے درد کو سمجھے، ہر کسی کی عزت نفس کا خیال رکھنا نیب کا بنیادی مقصد ہے۔

چیئرمین نیب نے کہا کہ ڈکیتی کرکے جو پیسے لیے وہ ہاؤسنگ سوسائٹیز واپس کردیں، پیسے واپس کردیں، ہاؤسنگ سوسائٹیز کا نیب سے کوئی جھگڑا نہیں ہے۔

جسٹس (ر) جاوید اقبال نے کہا کہ نیب کا مقصد کسی کو پریشان یا ہراساں کرنا نہیں ہے، ایسی ہاؤسنگ سوسائٹیزجو عوام کا پیسہ لے کر ملک سے باہر گئے وہ واپس آئیں، یقین دلاتا ہوں ایسی ہاؤسنگ سوسائٹیز کو گرفتار نہیں کریں گے۔

انہوں نے کہا کہ سختی ان سے کی جوملک سے بھاگے یا خود کو قانون سے بالا سمجھتے تھے، کسی کا خیال ہے کہ نیب میں حکومت کی مداخلت ہے تو یہ ذہن سے نکال دیں۔

چیئرمین نیب نے کہا کہ نیب کا تعلق صرف اورصرف ریاست اور پاکستان سے ہے، بطور چیئرمین نیب جو کر رہا ہوں وہ صرف عوام کے لیے ہے۔

جسٹس (ر) جاوید اقبال نے کہا کہ پہلے کرپشن دیمک تھی اب کینسر کی شکل اختیار کرچکی ہے، پاکستان آج جس نہج پر ہے اس کی وجہ کرپشن ہے۔