Tag: جاوید شیخ

بالی ووڈ کی کئی فلموں میں کام کرنے والے پاکستان کے معروف اور سینئر اداکار جاوید شیخ بھی بھارتی انہتا پسندی کے خلاف میدان میں آگئے۔

پاکستان اور بھارت کے درمیان موجودہ جنگی صورتحال پر تبصرہ کرتے ہوئے جاوید شیخ نے کہا ہے کہ بھارت جذبات میں آکر اگر کسی قسم کی جارحیت کا مظاہرہ کرتا ہے تو پاکستان اس کا سخت اور مؤثر جواب دے گا، سوشل میڈیا پر جاوید شیخ کی یہ ویڈیو تیزی سے وائرل ہورہی ہے۔

جاوید شیخ کی وائرل ہونے والی ویڈیو میں دیکھا جاسکتا ہے کہ وہ پہلگام واقعے پر سوال اٹھاتے ہوئے بھارتی حکومت کو آئینہ دکھا رہے ہیں۔

View this post on Instagram

A post shared by Galaxy Lollywood (@galaxylollywood)

انھوں نے کہا کہ پہلگام میں حملے کے محض آدھے گھنٹے بعد ہی پاکستان پر الزام عائد کردیا جاتا ہے، یہ عمل غیر سنجیدہ ہونے کے ساتھ ساتھ حقائق کے بھی منافی ہے، ایف آئی آر میں بغیر کسی واضح ثبوت کے پاکستان کو ملوث قرار دینا ناقابل قبول عمل ہے۔

بھارتی حکومت کو خبردار کرتے ہوئے پاکستانی اداکار نے کہا کہ کسی بھی قسم کی جارحیت کا سامنا ہوا تو پاکستان کا ردعمل بھرپور اور واضح ہوگا۔

خیال رہے کہ بھارت میں پہلے ہی پاکستانی فنکاروں پر غیررسمی طور پر پابندی عائد ہے اور اس واقعے کے بعد ہندو انتہا پسند سوچ کے حامیوں نے کرکٹ سمیت اداکاروں اور پاکستانی ٹی وی ڈراموں پر بھی پابندی کا مطالبہ کیا ہے۔

سینئر اداکار جاوید شیخ کے بیان پر بالی ووڈ اداکار عمران ہاشمی کا ردعمل آگیا۔

بھارتی میڈیا سے گفتگو کرتے ہوئے اپنی 46ویں سالگرہ پر عمران ہاشمی نے جاوید شیخ بیان پر ردعمل دیتے ہوئے کہا کہ مجھے ان کے ساتھ اپنی پہلی ملاقات یاد نہیں کیونکہ یہ بہت عرصے پہلے ہوئی تھی لیکن مجھے یاد ہے کہ میرے اور جاوید شیخ کے ہمیشہ خوشگوار تعلقات رہے ہیں۔

انہوں نے کہا کہ ان کا بیان عجیب ہے اس وقت میری عمر 20 سال تھی اور وہ میری عمر کے نہیں تھے اس لیے ہم کبھی دوست نہیں بن سکے۔

عمران ہاشمی نے کہا کہ جاوید شیخ نے جو کہا ہے اس حوالے سے مجھے یاد نہیں، مجھے نہیں معلوم کہ وہ اپنے ساتھ کیا واپس لے گئے۔

واضح رہے کہ جاوید شیخ نے نجی ٹی وی کے پروگرام میں کہا تھا کہ مہیش بھٹ فلم ’جنت‘ کے پروڈیوسر تھے اور اس فلم کا ایک نیا ڈائریکٹر تھا جب مجھے فلم کی اسٹوری بتائی گئی تو اس وقت میری ملاقات عمران ہاشمی سے نہیں ہوئی تھی اس کے بعد فلم کی شوٹنگ کے دوران ڈائریکٹر نے جب عمران ہاشمی سے میرا تعارف کروایا تو میں نے ملنے کے لیے ہاتھ آگے بڑھایا تو وہ منہ موڑ کر چلے گئے جس پر مجھے بہت غصہ آیا تھا۔

جاوید شیخ کا کہنا تھا کہ ڈائریکٹر نے مجھے کہا کہ سین کی ایک بار ریہرسل کرنی ہے عمران ہاشمی وہاں بیٹھے ہیں آئیے ریہرسل کرلیتے ہیں جس پر میں نے جانے سے منع کردیا اور کہا کہ عمران کو میرے پاس بلاؤ پھر ڈائریکٹر نے اسے بلایا اور ہم نے ریہرسل کی۔

انہوں نے کہا کہ فلم کی شوٹنگ کے دوران کبھی عمران ہاشمی سے بات نہیں کی اور نہ ہی اس کی طرف دیکھا تھا۔

پاکستان کے سینئر اداکار جاوید شیخ اور بہروز سبزواری نے شوبز انڈسڑی میں نیپوٹیزم سے متعلق اپنی رائے کا اظہار کیا ہے۔

اے آر وائی ڈیجیٹل کے پروگرام ’دی نوک نوک شو‘ سینئر اداکار جاوید شیخ اور بہروز سبزواری نے شرکت کی اور میزبان محب مرزا کی جانب سے پوچھے گئے مختلف سوالات کے جوابات دیے۔

محب مرزا نے شو کے مہمان سے پوچھا کہ’ ’اداکار کے بچے اداکار نہیں بنیں گے تو کیا بنیں گے؟‘

 

View this post on Instagram

 

A post shared by ARY Digital (@arydigital.tv)

جس پر بہروز سبزواری نے کہا کہ ’ہمارے تینوں بچوں نے اپنے والدین کی محنت کو دیکھا ہوا ہے، ہم لوگ بیٹھے بیٹھے کامیاب نہیں ہوئے، محنت کرکے آج یہاں پہنچے ہیں۔

ہمارے بچوں نے جو بھی نام بنایا ہے اس میں ان کی محنت ہے، ہم انہیں ڈرامے میں کام دلواسکتے ہیں لیکن کام انہوں نے اپنی محنت سے ہی کرنا ہے۔

دوسری جانب جاوید شیخ نے بتایا کہ میں نے اور بہروز نے کبھی بھی کسی سے یہ نہیں کہا کہ شہروز، شہزاد یا مومل کو کسی پروجیکٹ میں کاسٹ کرلیں۔

 

View this post on Instagram

 

A post shared by ARY Digital (@arydigital.tv)

جاوید شیخ نے بتایا کہ اب تک انڈسٹری میں جتنا بھی کام کیا ہے اس میں اپنے بیٹے شہزاد اور مومل کو ساتھ نہیں رکھا، ایک فلم بنائی اس میں شہروز کو بطور ہیرو کاسٹ کیا لیکن شہزاد کو نہیں کیا کیونکہ کردار کے لیے موضوع شہروز ہی تھا۔

واضح رہے کہ بہروز سبزواری اور جاوید شیخ متعدد فلموں اور ڈراموں میں اداکاری کے جوہر دکھا چکے ہیں۔

خیال رہے کہ بہروز سبزواری معروف اداکار شہروز سبزواری کے والد ہیں جب کہ ان کی اہلیہ سفینہ سینیئر اداکار جاوید شیخ کی بہن ہیں۔

جاوید شیخ اور بہروز سبزواری نے ماضی میں ایک ساتھ چند فلموں اور ڈراموں میں بھی اداکاری کی ہے اور دونوں کی جوڑی کو پسند کیا جاتا رہا ہے، جاوید شیخ اور بہروز سبزواری کے خاندان کی نئی نسل کی بھی آپس میں رشتے داریاں ہیں اور سب اس انڈسٹری کا حصہ ہیں۔

پاکستان کے سینئر اداکار جاوید شیخ نے بتایا کہ انہوں نے دو مرتبہ شادی کی اور دونوں شادی کی ناکام ہوگئی جس کے بعد انہوں نے شادی نہ کرنے کا فیصلہ کیا۔

پاکستانی ڈرامہ و فلم انڈسٹری کے معروف سینئر اداکار جاوید شیخ نے ایک پوڈ کاسٹ میں اپنی پیشہ ورانہ زندگی کے ساتھ نجی زندگی کے بارے میں بات کی۔

جاوید شیخ نے بتایا کہ میں نے پہلی شادی زینت منگی سے کی تھی جس سے میرے 2 بچے شہزاد شیخ اور مومل شیخ ہیں، زینت میری فین تھی، میری ملاقات ان سے اس وقت ہوئی جب میں اپنی ایک فلم کی شوٹنگ کے لیے شارجہ جارہا تھا۔

جاوید شیخ نے بچپن کا دلچسپ قصہ سنا دیا

اداکار نے بتایا کہ زینت اور میرے درمیان ملاقاتوں کا سلسلہ بڑھا تو ہم نے شادی کرنے کا فیصلہ کیا، ہم دونوں 3 سال تک ساتھ رہے لیکن ذہنی ہم آہنگی نہ ہونے کی وجہ سے ہمارے درمیان علیحدگی ہوگئی، جس کے بعد میری زندگی ڈسٹرب ہوگئی تھی۔

جاوید شیخ نے بتایا کہ ’ اس کے بعد میری ملاقات سلمیٰ آغا سے ہوئی، اس دروان میں فلم ’ہم اور تم‘ کررہا تھا انہوں نے مجھے بہت سپورٹ کیا اور بعد میں سلمیٰ نے خود ہی مجھے شادی کی آفر کی۔

ادکار نے بتایا کہ سلمیٰ آغا سے میری کوئی اولاد نہیں ہے، یہ شادی بھی صرف 3 سال ہی چل سکی تھی  جس کے بعد علیحدگی ہوگئی، اس کے بعد میں نے یہ سوچ لیا تھا کہ اب شادی نہیں کروں گا، میں نے سوچا لوگ میرے متعلق یہ رائے نہ قائم کرلیں کہ میں شادی ہی کرتا رہتا ہوں۔