Tag: جاوید لطیف

اسلام آباد : نون لیگی رہنما جاوید لطیف نے سندھ میں بھی حکومت بنانے کا دعویٰ کرتے ہوئے کہا کہ 2018 سے پہلے کا دور واپس آرہا ہے، پنجاب تو کیا اس بار سندھ میں بھی حکومت بنائیں گے۔

تفصیلات کے مطابق مسلم لیگ ن کے رہنما جاوید لطیف نے پریس کانفرنس کرتے ہوئے کہا کہ 9 مئی کو شرپسندوں نے ریاستی اداروں کو نشانہ بنایا، 9 مئی واقعات میں ملوث افراد سے رعایت نہیں برتی جاسکتی۔

جاوید لطیف کا کہنا تھا کہ چیئرمین پی ٹی آئی کی منصوبہ سازی بری طرح ناکام ہوئی، ریاستی اداروں پرحملہ براہ راست ریاست پرحملہ ہے، سابقہ دور حکومت میں سازش کےتحت سی پیک روکا گیا اور سی پیک لانے والے کیساتھ جو سلوک ہوا وہ سب نے دیکھا۔

ن لیگی رہنما نے کہا کہ تین بار وزیراعظم رہنے والے نواز شریف سے لوگوں کو امید ہے، نواز شریف انتخابی مہم کیلئے نہیں انتخابی تحریک کیلئے آرہا ہے، نواز شریف آئے گا پھر سے خوشحالی لائے گا۔

ان کا مزید کہنا تھا کہ الیکشن کا مطلب صرف ووٹ ڈالنا نہیں ہوتا بلکہ ووٹ کو عزت دینا بھی ہے، امید ہے نواز شریف کے آنے سے 2017 والا پاکستان واپس ملے گا۔

جاوید لطیف نے دعویٰ کیا کہ ہم پنجاب توکیااس بارسندھ میں بھی حکومت بنائیں گے، دو صوبوں میں ہماری حکومت ہوگی باقی دو صوبوں میں اتحادی ہوں گے۔

اسلام آباد : مسلم لیگ ن کے رہنما جاوید لطیف کا کہنا ہے کہ پاکستان کو نقصان پہنچانےوالوں کے ہاتھ نہ کاٹے گئے تو بہت نقصان ہوگا۔

تفصیلات کے مطابق وفاقی وزیر اور مسلم لیگ ن کے رہنما جاوید لطیف نے پریس کانفرنس کرتے ہوئے کہا کہ سنتےآرہےہیں کہ باہر سے قوتیں پاکستان میں مداخلت کررہی ہیں، عمران خان کی سہولت کاری بیرون ملک سے ہورہی ہے، یہ چاہتے ہیں قوم کو ریلیف نہ ملے۔

جاوید لطیف کا کہنا تھا کہ کیا ماضی میں پاکستان مخالف قوتوں کے خطوط آئےتھے؟ کیا دنیا کے مالیاتی ادارے پاکستان کیساتھ سیاست نہیں کررہے؟ گزشتہ حکومت میں اپوزیشن کے ساتھ اچھا سلوک نہیں کیاگیا۔

ن لیگی رہنما نے کہا کہ گزشتہ دور میں جب ظلم کیاگیا کیا اس پر خط آیا تھا، 2014میں سرکاری اداروں پر حملہ کرنیوالوں کو بےنقاب کرنا چاہیےتھا، اگر ان لوگوں کو ماضی میں سزا دی جاتی تو آج صورتحال مختلف ہوتی، ان کو سزائیں ملی ہوتی تو 9اور 10مئی واقعات بھی نہ ہوتے۔

ان کا کہنا تھا کہ 2018میں جب آرٹی ایس بند ہواتھا تب توکسی کو تشویش نہیں ہوئی، کوئی یہ نہ سوچیں اس کو باہر بھیج دیا جائےگا، پی ٹی آئی حکومت نےپاکستان کی معیشت کو تباہ کیا۔

جاوید لطیف نے مزید کہا کہ سیاسی جماعتوں کی لیڈرشپ کےسینوں میں بہت سے راز ہیں، ہمیں ملک کے لیے اب زبان کھولناپڑے گی، 9اور10مئی کےسہولت کار بے نقاب نہیں ہونگے تو صورتحال تبدیل نہیں ہوگی.

ن لیگی رہنما کا کہنا تھا کہ جب میری ریاست کو خطرہ ہوگا تو میں چھپ نہیں رہوں گا، پاکستان کو نقصان پہنچانےوالوں کے ہاتھ نہ کاٹے گئے تو بہت نقصان ہوگا، یہ نہیں ہوسکتا ملکی معیشت سے کھیلنے والے اور املاک کونقصان پہنچانےوالوں کو معاف کردیاجائے۔

انھوں نے سوال کیا کیا افسوس اور مذمت سے ہمارے اداروں کی جگ ہنسائی کاازالہ ہوگا؟ عالمی سازشوں کاآلہ کاربننےوالےرعایت کے مستحق نہیں ہیں۔

انکا یہ بھی کہنا تھا کہ پی ٹی آئی کے اراکین جب چاہیں استعفی دیں اور جب چاہیں واپس آجائیں یہ نہیں ہوسکتا، استعفی واپس لینے کا اختیار صرف اسپیکر کے پاس ہے کوئی ادارہ بحالی کا حکم نہیں دے سکتا

پاکستان مسلم لیگ (ن) کے رہنما اور وفاقی وزیر میاں جاوید لطیف نے دھمکی دیتے ہوئے کہا کہ آئندہ الیکشن نوازشریف کے بغیر ہوئے تو پاکستان میں ایک خونی لکیر کھینچ دی جائے گی۔

پاکستان مسلم لیگ (ن) کے رہنما اور وفاقی وزیر میاں جاوید لطیف نے قومی اسمبلی میں اظہار خیال کرتے ہوئے کہا کہ میری قیادت کو الیکشن سے باہر رکھ کے الیکشن ہوتے رہے، آر ٹی ایس بند ہوتا رہا  وہ ہم نے برداشت کرلیا لیکن 2023 کے الیکشن اگر نواز شریف کے بغیر ہوئے تو پاکستان کے اندر ایک خونی لکیر ایسی کھینچ دی جائے گی،
وہ خونی لکیر کبھی مٹانے سے بھی نہیں مٹے گی۔

انہوں نے کہا کہ سلم لیگ ن پر الزام ہے کہ ہم نے سپریم کورٹ پر حملہ کیا، اگر 3 4 گملوں کا توٹنا سپریم کورٹ پر حملہ ہے تو پھر آجبتایا جائے سیریم کورٹ، ہائی کورٹ سول کورٹ پر زمان پارک کے دہشت گرد نے کتنی دفعہ حملہ کیا اور ان پر کتنی دفعہ ایف آئی آر ہوئی۔