Tag: جاوید میانداد

کراچی:سابق کپتان اور لیجنڈ کرکٹر جاوید میانداد سرفراز احمد کو واٹر بوائے بنانے پر سیخ پا ہوگئے۔

تفصیلات کے مطابق سابق مایہ ناز کرکٹر جاوید میانداد نے مانچسٹر میں انگلینڈ کے خلاف ٹیسٹ میچ کے دوران سرفراز احمد کو واٹر بوائے بنانے پر سخت ردعمل کا اظہار کرتے ہوئے کہا کہ ایسا انسان جس نے آپ کو چیمپیئنز ٹرافی جتوائی اسے پانی اور جوتے لے کر میدان میں بھیج کر دنیا کو کیا پیغام دیا گیا۔

جاوید میانداد کا کہنا تھا کہ ہمارا کلچر دوسرے ملکوں سے مختلف ہے۔انہوں نے کہا کہ مجھے بڑا افسوس ہوا میں بھی کپتان رہا ہوں، ہمیں سینئر کھلاڑی کی عزت کرنی چاہیے۔

لیجنڈ کرکٹر اولڈ ٹریفورڈ ٹیسٹ میں انگلش ٹیم کی دوسری اننگز کے آغاز پر کپتان کو اسپنرز سے بولنگ کروانی چاہیے تھی،میزبان ٹیم کو رنز لینے میں دشواری ہوتی۔

جاوید میانداد کا کہنا تھا کہ ابھی سیریز ختم نہیں ہوئی، غلطیوں سے سبق سیکھ کر انگلینڈ کے خلاف کم بیک کیا جاسکتا ہے۔

سرفراز کے واٹر بوائے بننے پر مصباح الحق نے کیا کہا؟

یاد رہے کہ گزشتہ ہفتے ویڈیو کانفرنس میں صحافی کے سوال پر ہیڈ کوچ مصباح الحق کا کہنا تھا کہ میچ کے دوران گراؤنڈ میں کھلاڑیوں کو پانی پلانا معمول کی بات ہے وہ جب کھلاڑی تھے تو خود بھی ایسا کرتے رہے ہیں۔

مصباح الحق کا کہنا تھا کہ سرفراز اچھا لڑکا ہے اسے اس چیز میں کوئی شرمندگی نہیں، یہی اچھی ٹیم کی نشانی ہے۔

کراچی: قومی کرکٹ ٹیم کے سابق کپتان اور عظیم بیٹسمین جاوید میانداد نے فکسنگ میں ملوث کرکٹرز کو پھانسی دینے کا مطالبہ کردیا۔

تفصیلات کے مطابق قومی کرکٹ ٹیم کے سابق کپتان جاوید میانداد نے کہا کہ ایک قانون بنایا جائے اور فکسنگ کا جرم کرنے والے کرکٹرز کو پھانسی دی جائے، ان کا کہنا تھا کہ کھلاڑی کے ساتھ بکیز کو بھی پھانسی دی جائے۔

جاوید میانداد نے کہا کہ ماضی میں کرکٹرز نے چند پیسوں کے لیے ملک کو بیچا، کوچنگ اس لیے چھوڑی تھی کہ مجھے اندازہ ہوگیا تھا کہ فکسنگ ہورہی ہے۔

سابق کپتان نے کہا کہ جسٹس قیوم کمیشن کو فکسنگ سے متعلق سب کچھ بتایا لیکن کھلاڑی بچ نکلے، کرکٹرز کمزور قوانین کی وجہ سے بچ جاتے ہیں، پاکستان کرکٹ بورڈ دعوؤں سے نکل کر اب عملدرآمد کرے۔

جاوید میانداد نے کہا کہ جسٹس قیوم کمیشن نے جن کرکٹرز کو پی سی بی سے دور رکھنے کا کہا آج بھی وہ بورڈ سے جڑے ہوئے ہیں، جن سابق کرکٹرز پر تھوڑا سا بھی شک تھا، انہیں کرکٹ بورڈ میں نہیں ہونا چاہئے تھا، عمر اکمل بھی اعتراف جرم کرکے واپس آجائے گا۔

انہوں نے کہا کہ ایسا قانون بنائیں کہ کسی کھلاڑی میں ہمت نہ ہو کہ وہ فکسنگ کرسکے، جب تک بکیز کو سزا نہیں ہوگی، کھلاڑی ایسے ہی اسپاٹ فکسنگ اور میچ فکسنگ کرتے رہیں گے۔