Tag: جاوید ہاشمی

  • بےوفا جاوید ہاشمی سے یہی سلوک ہونا چاہئے تھا، اعجازچوہدری

    بےوفا جاوید ہاشمی سے یہی سلوک ہونا چاہئے تھا، اعجازچوہدری

    گجرات : پی ٹی آئی پنجاب کے صدر اعجاز چوہدری نے کہا ہےکہ پارٹی کی پیٹھ میں چُھرا گھونپنے والے بے وفا جاوید ہاشمی کے ساتھ ایسا ہی سلوک ہونا چاہئے تھا۔

    انہوں نے کہا کہ ملتان کے ضمنی الیکشن میں میں یہی کہتا رہا کہ جاوید ہاشمی کو کسی صورت بھی جیتنا نہیں چاہئے، گجرات میں جمعہ چوبیس اکتوبر کو ہونے والے پی ٹی آئی کے جلسہ کے انتظامات کے سلسلہ میں پریس کانفرنس کرتے ہوئے اعجاز چوہدری نے کہا کہ گجرات کا جلسہ ناصرف تاریخ ساز ہو گا بلکہ سرگودھا کے جلسہ سے بھی بہتر اور مثالی ہو گا ۔

    انھوں نے کہا کہ جلسہ کی سیکیورٹی کی تمام تر ذمہ داری پنجاب حکومت کی ہے اور میں امید کرتا ہوں کہ پنجاب حکومت جلسہ میں کسی بھی قسم کی رکاوٹ پیدا نہیں کرے گی ۔

    انھوں نے کہا کہ لانگ مارچ شروع کرنے سے قبل کور کمیٹی کے تمام اجلاسوں میں جاوید ہاشمی موجود ہوتے رہے اور تمام تر پروگرام کا ان کو علم تھا مگر ہماری سمجھ میں آج تک یہ بات نہیں آئی کہ آخر ان کا مسئلہ  کیا تھا جو انھوں نے پارٹی کے ساتھ بے وفائی کرتے ہوئے پیٹھ میں چھرا گھونپ دیا ایسے بے وفاء کے ساتھ ایسا ہی سلوک ہونا چاہئے تھا۔

    انھوں نے کہا کہ پنجاب حکومت کی جانب سے سیلاب متاثرین کو دئے گئے چیک آج بھی کیش نہیں ہو سکے جبکہ حکومت کو سیلاب متاثرین پر لگے ٹیکس اور آبیانہ فوری طور پر معاف کر دینا چاہئے۔

    پنجاب میں بجلی کے زائد بلوں کے مد میں اب تک ستر ارب روپے وصول کر چکی ہے حکومت سے مطالبہ کرتے ہیں کہ عوام کے زائد بل فوری طور پر ختم کئے جائیں۔

  • ملتان:جاوید ہاشمی کا جہاز سے پمفلٹ گرانا ،الیکشن کمیشن مشکل میں

    ملتان:جاوید ہاشمی کا جہاز سے پمفلٹ گرانا ،الیکشن کمیشن مشکل میں

    ملتان: جاوید ہاشمی نے جہاز سے پمفلٹ گراکر الیکشن کمیشن کو مشکل میں ڈال دیا ہے۔

    حلقہ این اے149 میں  جاوید ہاشمی نے تشہیر کا انوکھا انداز اپنایا، سیسنا جہاز سے جاوید ہاشمی کے پمفلٹ گرائے گئے، جہاز ہیلی کاپٹر فلائنگ کلب سے بک کرایا گیا۔

    الیکشن کمیشن نے پمفلٹ گرائے جانے کا نوٹس لیتے ہوئے اس بات کا جائزہ لیا کہ فضاء سے پمفلٹ گرانا ضابطۂ اخلاق کی خلاف ورزی ہے کہ نہیں ۔

    الیکشن کمیشن کے مطابق ضابطۂ اخلاق میں پمفلٹ گرانے کے حوالے سے کوئی ذکر نہیں، پمفلٹ گرانے والے پائلٹ ڈاکٹر اظہر بلوچ کا کہنا ہے کہ یہ اشتہار ہے مہم نہیں۔

    ڈاکٹر اظہر بلوچ کا کہنا تھا کہ ذاتی حیثیت سے ہاشمی صاحب کے پمفلٹ سیسنا جہاز سے گرائے ہیں۔

  • ملتان: انتخابی مہم کاوقت ختم،جاوید ہاشمی پُرامید

    ملتان: انتخابی مہم کاوقت ختم،جاوید ہاشمی پُرامید

    ملتان :حلقہ این اے ایک سواننچاس میں انتخابی مہم کا وقت ختم ہوگیا۔اس حلقے میں جاوید ہاشمی اور آزاد امیدوار عامر ڈوگر میں مقابلہ ہے۔ دو ہزار تیرہ کے انتخا بات میں قومی اسمبلی کی تین نشستوں سے کا میابی سمیٹنے والے جا وید ہاشمی اب حلقہ ایک سو اننچاس ملتان میں اپنی سیا سی بقا کی جنگ لڑرہے ہیں۔

    جاویدہاشمی اپنے سیاسی کیریر کے کٹھن ترین دور سے گذر رہے ہیں،سولہ اکتوبر کوحلقہ ایک سواننچاس ملتان کے ضمنی انتخابات میں ان کے مدمقابل پیپلزپارٹی سے حال ہی میں منحرف ہو نے والے میاں عامر ڈوگر ہیں جنہیں پی ٹی آئی اور ڈوگر برادری کی مکمل حما یت  حصل ہے۔

    جبکہ مخدوم جا وید ہاشمی کو ن لیگ کی اعلا نیہ اور پیپلزپارٹی کی خاموش حما یت حاصل ہے۔یہ انتخا ب ایک ایسے مو قع پر ہو رہا ہے کہ جب جاوید ہاشمی کو با غی سے داغی بنے زیادہ عرصہ نہیں گذرا،پی ٹی آئی ملتان میں طا قت کا بھر پور مظاہرہ کرچکی ہے ۔

    گو نواز گو کا نعرہ زبان زد عام ہے،رہی میاں عامر ڈوگر کی بات تو وہ پہلے بھی کئی مرتبہ شکست کا ذائقہ چکھ چکے ہیں لیکن مسئلہ ہے ہا شمی صا حب کا جو دو ہزار تیرہ کے انتخا با ت میں بیک وقت تین حلقوں سے کا میاب ہو ئے تھے اور اب فقط ایک نشست نے انہیں نا کوں چنے چبوا دیئے۔

    نتیجہ کچھ بھی ہو لیکن پاکستانی سیاست کی تاریخ یہی بتا تی ہے کہ بیک جنبش قلم وفاداری بدلنے کی ادا کو عوام نے کبھی پسند نہیں کیا۔

  • شاہ محمود قریشی کی غفلت سے سانحہ ملتان رونما ہوا،جاوید ہاشمی

    شاہ محمود قریشی کی غفلت سے سانحہ ملتان رونما ہوا،جاوید ہاشمی

    ملتان:  سینئر سیاستدان مخدوم جاوید ہاشمی کا کہنا ہے کہ اگر شاہ محمود قریشی غفلت ولاپرواہی نہ برتتے تو سانحہ ملتان رونما نہ ہوتا۔ملتان میں پریس کانفرنس میں جاوید ہاشمی نے کہا کہ شاہ محمود قریشی کو بتادیا گیا تھا کہ جلسے میں بھگڈر مچ گئی ہے۔

    لہذا عمران خان کو تقریر معطل کرنے کو کہا جائے لیکن انہوں نے کہا کہ یہ معمولی بات ہے،انہوں نے کہا ہم کیسی سیاست کررہے ہیں کہ ہرموقع پر لاشوں کے گرنے کا انتظار کرتے ہیں۔

    جاوید ہاشمی کا کہنا تھاکہ پارٹی میں کچھ لوگ عمران خان کے مستقبل کو تاریک کرنا چاہتے ہیں۔ انہوں نے کہا کے وہ سانحہ ملتان میں جاں بحق ہونے والے افراد کے لواحقین کے دکھ میں برابر کے شریک ہیں۔

  • ملتان مسلم لیگ ن کا لاہور سے بھی بڑا قلعہ ہے، جاوید ہاشمی

    ملتان مسلم لیگ ن کا لاہور سے بھی بڑا قلعہ ہے، جاوید ہاشمی

    ملتان: جاوید ہاشمی کا کہنا ہے کہ ابھی بھی اس ملک کو غیر مستحکم کرنے کا عمل جاری ہے اور میں ملک کو غیر مستحکم کرنے والی قوتوں کو کنٹینر کی بجائے ووٹ سے جواب دینا چاہتا ہوں۔

    ملتان میں اپنی رہائشگاہ پر پریس کانفرنس کرتے ہوئے ان کا کہنا تھا کہ مسلم لیگ نواز کے نوجوان گو نواز گو کے نعرے برداشت کرنے کو تیار نہیں ہیں کنٹینروں پر بیٹھے ہوئے لوگوں کو عدم تشدد سے جنگ جیتنی چاہیئے، جاوید ہاشمی کاکہنا تھا کہ ن لیگ یوتھ مجھ سے کنٹرول نہیں ہورہے اگرمیاں نوازشریف میری مدد کرنا چاہتے ہیں تو خدارا اپنے شیروں کو کنٹرول کریں ہم امن کی فضا قائم رکھنا چاہتا ہوں، ان کا کہنا تھا کہ ایک جلسے میں کسی نے نعرہ لگایا تو ن والوں نے اسے مارنا شروع کردیا میری مداخلت کی وجہ سے نقصان ہونے سے بچ گیا ،انہوں نے کہا کہ ملتان مسلم لیگ ن کا لاہور سے بھی بڑا قلعہ ہے۔

    انہوں نے کہا کہ پی ٹی آئی نے انتخابات میں حصہ نہ لینے کا اعلان کیا لیکن ملتان میں انتخابی جلسہ کررہے ہیں ان کا کہنا تھا کہ میں شاہ محمود قریشی سے بھی ووٹ مانگوں گا اور میں تو ان کے گھر پر گیا بھی گیاتھا لیکن دروازہ بند تھا دروازہ اس لیئے نہ کھٹکھٹایا کہ کہیں وہ یہ نہ کہیں کہ دروازہ توڑ دیا ہے اور میڈیا مجھے بلو بٹ ہی نہ بنا دے۔

    ایک سوال کے جواب میں انہوں نے کہا کہ آپ میڈیاوالے شیخ رشید کو مناظرےکے بجائے پریس کلب کے کسی کمرے میں میرے ساتھ تو بٹھا دیں، رائے ونڈ میں 42 میٹر لگنے کے سوال پر ان کا کہنا تھا کہ ان میٹروں کا جواب رائے ونڈ والے خود ہی دیں گے انہوں نے کہا کہ میرا مسلم لیگ ن میں شامل ہونے کا کوئی ارادہ نہیں ہے اگر منتخب ہوا تو میاں نوازشریف سے اس خطے کے ترقیاتی کام ضرور کروائوں گا۔

  • قوم کو سچ بتانے کی کوشش کی ہے، جاوید ہاشمی

    قوم کو سچ بتانے کی کوشش کی ہے، جاوید ہاشمی

    ملتان: جاوید ہاشمی نے انکشاف کیا ہے کہ تحریک انصاف کے دھرنے میں چند ایک کے سوا سبھی رہنما ان کی تائید کرتے تھے۔

    ملتان میں پریس کانفرنس سے خطاب میں جاوید ہاشمی کاکہنا تھا کہ انہوں نےعمران خان سےکہاتھا کہ وہ صبرکریں، نوازشریف کی حکومت خودگرجائےگی،اب عمران خود کہہ رہے ہیں کہ معاملہ عید کے بعد چلا گیا ہے، تحریک انصاف کے دھرنے میں چندکےسواسب ان کی رائے کی تائیدکرتےتھے، جاوید ہاشمی کا کہناتھا کہ انہوں نے ہمیشہ قوم کو سچ بتانے کی کوشش کی ہےکہ اور ہمیشہ سچ سے آگاہ کرتے رہیں گے۔

    انہوں نے کہا کہ جن لوگوں نے عمران خان کو اس عذاب میں ڈالا ہے کہ ان کے دماغی ٹیسٹ ہونے چاہئیں، دھرنے والے اپنے بچوں کو گھروں میں اور غریب کے بچوں کو سڑکوں پر بٹھاتے ہیں جبکہ ہمارے لیڈر خود قربانی دینے کے بجائے قوم سے قربانی مانگتے ہیں۔

  • عمران خان دھرنوں کی بجائے انتخابات کی طرف آئیں،جاوید ہاشمی

    عمران خان دھرنوں کی بجائے انتخابات کی طرف آئیں،جاوید ہاشمی

    ملتان: پاکستان تحریک انصاف کے سابق صدرمخدوم جاوید ہاشمی نے کہاہے کہ عمران خان کو بھی دھرنوں کی بجائے انتخابات کی طرف آنا چاہیئے اگر ٹیکنوکریٹ آئے تو اگلے پندرہ بیس سال تک سال عمران خان کو موقع نہیں ملے گا۔

    ملتان کینٹ میں اپنی رہائش گاہ پرمیڈیا سے گفتگو کرتے ہوئے جاوید ہاشمی کا کہنا تھا کہ نواز شریف اورعمران خان کو ہاتھ باندھ کرکہتا ہوں کہ پاکستان خون کے دریا میں نہ نہلایا جائے۔

    ان کا کہنا تھا کہ عمران خان سمجھتے ہیں کہ ایک آزاد امیدوار کی حمایت کا اعلان کرکے جاوید ہاشمی کا راستہ روک لیں گے،توان کی بھول ہے ،انہوں نے کہا کہ حرام کو حلال کیسے بناتے ہیں اس کے لئے شاہ محمود قریشی صاحب کا فتویٰ لینا چاہیئے۔،

    جاوید ہاشمی کا کہنا تھا کہ مجھے ڈاکٹرطاہرالقادری سے ناراضگی نہیں انکی بنیادی تبدیلی پران کو سلام عقیدت پیش کرتا ہوں، ان کا کہنا تھا کہ عمران خان بھی دھرنوں کی بجائے انتخابات کی طرف آئیں۔

    انہوں نے کہا کہ اس حلقہ کی سیاست میری زندگی کا اہم موڑ ہے جس سے ملک کی سیاست بدل کررکھ دوں گا۔

  • جاویدہاشمی کاتحریک انصاف کی صدارت سےمستعفی ہونےکااعلان

    جاویدہاشمی کاتحریک انصاف کی صدارت سےمستعفی ہونےکااعلان

    ملتان: پاکستان تحریک انصاف کے منحرف صدر جاویدہاشمی نے پاکستان تحریک انصاف کی صدارت سے مستعفی ہونے کا اعلان کردیا ۔

    جاوید ہاشمی کا کہنا تھا کہ عمران خان کو بتادیاتھاتحریک انصاف پربرےدن آچکےہیں، ایسی پارٹی کا رُکن نہیں رہناچاہتاجو جمہوریت کے خلاف سازش کرے، کچھ لوگ عمران خان کی تباہی کا باعث بنیں گے جو دراصل منافق ہیں ۔

    جاوید ہاشمی کا کہنا تھا کہ ابھی میں آزاد ہوں اور کسی جماعت کا حصہ نہیں باقی باتیں اسمبلی میں جا کر کروں گا، واضع رہے کہ چند روز قبل پاکستان تحریک انصاف نے جاویدہاشمی کی پارٹی رکنیت معطل کردی تھی اورانہیں شوکازنوٹس جاری کر کے جواب طلبی کیلئےاسلام آباد بلالیا تھا۔

  • یہ کیسی تبدیلی ہے یہ کیسا انقلاب ہے جس کے دو قائد ہیں، جاوید ہاشمی

    یہ کیسی تبدیلی ہے یہ کیسا انقلاب ہے جس کے دو قائد ہیں، جاوید ہاشمی

    ملتان: جاوید ہاشمی کا کہنا ہے کہ اگر عوام عمران خان کو وزیراعظم نہیں بنانا چاہتے تو وہ کیسے بن سکتے ہیں۔

    ملتان میں اپنی رہائشگاہ پر پریس کانفرنس سے خطاب کرتےہوئے پاکستان تحریک انصاف کے منحرف صدر جاوید ہاشمیکا کہنا تھا کہ عمران خان وزیراعظم بنیں نہ بنیں لیکن سیاسی عمل سے تو گزریں، انہوں نے کہا کہ دھرنوں سے خان صاحب کی سیاست ختم ہوجائے گی، ان کا کہنا تھا کہ یہ کونسا انقلاب ہے جس کے دو لیڈر ہیں کیا یہ دونوں پاکستان کو آدھا آدھا تقسیم کریں گے، طاہرالقادری اور عمران خان ہرکام اکٹھے کرتے ہیں حتی کہ حملے بھی اکٹھے کرتے ہیں لاہور سے اسلام آباد بھی قدم سے قدم ملا کر گئے تھے وہ عوام کو اپنا ایجنڈا تو بتادیں۔

    انہوں نے کہا کہ ایک کے کنٹینرکے باہر موسیقیاں اور ترانے جبکہ دوسرے کے کنٹینر کے باہر قوالیاں ہوتی ہیں، انہوں نے کہا کہ مجھے اگر ملتان کےجلسے میں بلایاگیا تو ضرور جائوں گا ویسے بھی میں پارٹی کا صدر ہوں میرے بغیر جلسہ کیسے ہوسکتا ہے،انہوں نے کہا کہ شاہ محمود قریشی ملتان میں ہی کہ دیں کہ اسپیکر ان کا استعفی قبول کرلیں۔ شیخ رشید پر تنقید کرتے ہوئے ان کا کہنا تھا کہ وہ ہیں بٹ اور کہلواتے شیخ ہیں جبکہ اس کے سارے بھائی بٹ کھلواتے ہیں میں حیران ہوں آخر یہ ماجرا کیا ہے۔

  • شوکازنوٹس کاغذ کا ایک ٹکڑا ہے، جاوید ہاشمی

    شوکازنوٹس کاغذ کا ایک ٹکڑا ہے، جاوید ہاشمی

    ملتان : شوکاز نوٹس محض کاغذ کا ایک ٹکڑا ہے، یہ بات پاکستان تحریکِ انصاف کے سابق صدرجاوید ہاشمی نے صحافیوں سے گفتگو کرتے ہوئے کہی ،انہوں نے پی ٹی آئی کےشوکازنوٹس ملنےکی تصدیق کردی۔

    انہوں نے کہا کہ نوٹس میں آئین کے مطابق کوئی الزام نہیں لگایا گیا۔ جاوید ہاشمی نے تصدیق کی کہ پارٹی کی جانب سے شوکاز نوٹس ملا ہے، میرا جُرم کیا ہے یہ نوٹس میں نہیں لکھا گیا ۔

    جاوید ہاشمی نے اپنے آپ کو اب بھی پارٹی رہنماء ظاہر کرتے ہوئے کہا کہ تحریکِ انصاف کاآئین مضبوط ہے،اس طرح کسی ضلعی صدر کو بھی نہیں ہٹایا جاسکتا ۔

    جاوید ہاشمی کاکہنا تھا کہ ضمنی الیکشن میں نوازلیگ نے اپنا کوئی امیدوارمیرے مدِ مقابل کھڑانہیں کیاہے جاوید ہاشمی نے اپنی پریس کانفرنس میں شو کاز نوٹس کو کاغذ کا ایک ٹکڑا قراردیا۔

    اب دیکھنا یہ ہے کہ تحریک انصاف جاوید ہاشمی سے متعلق کیا حل نکالے گی یہ وقت ہی بتائے گا۔