Tag: جاوید ہاشمی

  • الیکشن کمیشن نےدھاندلی کے الزامات کی تائید کردی ہے، شاہ محمود قریشی

    الیکشن کمیشن نےدھاندلی کے الزامات کی تائید کردی ہے، شاہ محمود قریشی

    اسلام آباد: شاہ محمود قریشی کا کہنا ہے کہ الیکشن کمیشن کی رپورٹ دراصل انتخابی دھاندلی کے خلاف وائٹ پیپر ہے۔

    شاہ محمودقریشی کاپریس کانفرنس کے دوران کہنا تھا کہ الیکشن کمیشن نےدھاندلی کی الزامات کی تائید کردی،انہوں نے سوال کیا کہ وزیراعظم نے یورپی یونین کی رپورٹ اسمبلی میں لہرا کرکہا کہ الیکشن شفاف تھے اب تحریک انصاف الیکشن کمیشن کی جائزہ رپورٹ کہاں لہرائے؟۔

    شاہ محمود قریشی نے کہا کہ رپورٹ نے نگراں حکومت اور الیکشن کمیشن کی ناکامی کا پول کھول دیاہے،اضافی بیلٹ پیپرزچھپوا ئے گئے، سکروٹنی سیل غیرفعال تھا ،انہوں نے کہا کہ بتایاجائے مقناطیسی سیاہی استعمال نہ ہونے پرکسی کوذمہ دارکیوں نہیں ٹھہرایاگیا، آراوزپولنگ اسکیم تبدیل کرتے رہے الیکشن کمیشن کہاں تھا۔

    تحریکِ انصاف کے رہنما کاکہناتھا پندرہ مذاکراتی نشستوں میں جوڈیشل کمیشن پراتفاق ہوا لیکن جائزہ رپورٹ سے پتہ چل گیاہےکہ حکومت نے راہِ فرار کیوں اختیارکی، شاہ محمودقریشی نے سوال کیا کہ الیکشن کمیشن کی جائزہ رپورٹ نو ماہ تک کیوں چھپائی گئی۔

  • این اے149:جاویدہاشمی نےآزادحیثیت سےکاغذات جمع کرادیئے

    این اے149:جاویدہاشمی نےآزادحیثیت سےکاغذات جمع کرادیئے

    ملتان: این اے 149 میں ضمنی الیکشن کے لئے کاغذاتِ نامزدگی جمع کرانےکاآج آخری دن ہے، جاوید ہاشمی سمیت دیگرامیدواروں نے کاغذاتِ نامزدگی جمع کرادیئے۔

    جاوید ہاشمی کی خالی کردہ نشست پر سولہ اکتوبرکوانتخاب ہونا ہے، حلقہ این اے 149 کے لئے جاوید ہاشمی نےکاغذاتِ نامزدگی جمع کرادئیے، میڈیا سے بات چیت کرتے ہوئے انہوں نے کہا کہ تحریک انصاف میں ہوتے ہوئے وہ استعفیٰ نہیں دیناچاہتے تھے، پی ٹی آئی نے ایسےاقدامات کئےگئےجوووٹرزکی توہین تھی۔

    اس نشست پرپیپلزپارٹی نے ڈاکٹرجاوید صدیقی کو امیدوار نامزد کیا ہے، پی ٹی آئی جنوبی پنجاب کے رہنما ملک عون عباس اورخالد خاکوانی نے آزاد امیدوار کی حیثیت سےنامزدگی فارم جمع کرائے، اور پیپلز پارٹی کے ملک عامرڈوگر نے بھی آزاد حیثیت سے کاغذات جمع کرائے،انہوں نےدعویٰ کیاکہ انہیں جاویدہا شمی کی سپورٹ پرمجبورکیا گیا لیکن انھوں نےانکارکردیا۔

  • تحریک انصاف کے صدرجاوید ہاشمی کی رکنیت معطل

    تحریک انصاف کے صدرجاوید ہاشمی کی رکنیت معطل

    اسلام آباد : جاویدہاشمی کی پارٹی رکنیت معطل کردی گئی اورانہیں شوکازنوٹس جاری کر کے جواب طلبی کیلئےعمران خان نے انتیس ستمبرکواسلام آباد بلالیاہے۔

    پاکستان تحریک انصاف کی اعلیٰ قیادت کا اہم اجلاس ہوا جس میں پارٹی صدر جاوید ہاشمی کو معطل کرنے کا فیصلہ کیا گیا، سیکریٹری جنرل پی ٹی آئی نے باغی رہنماء کو شوکاز نوٹس بھیج جاری کردیا ہے۔

    جاوید ہاشمی کو جاری کئے گئے شوکاز نوٹس میں کہا گیا ہے کہ 29 ستمبر کو انضباطی کمیٹی کے سامنے پیش کر اپنے خلاف الزامات کا جواب دیں۔

  • ملتان: جاوید ہاشمی نے شاہ محمود قریشی کو چیلنج دے دیا

    ملتان: جاوید ہاشمی نے شاہ محمود قریشی کو چیلنج دے دیا

    ملتان: تحریک انصاف کے سابق صدر جاوید ہاشمی نے کہا ہے کہ میں شاہ محمود قریشی  کو چیلنج کرتا ہوں کہ میرے مقابلے میں این اے ایک سو پچاس پر الیکشن لڑیں، ملتان کے عوام اچھی طرح جانتے ہیں کہ کون باغی ہے اور کون داغی۔میں نذرانے وصول نہیں کرتا اور نہ نذرانے لینے والوں کو پیر سمجھتا ہوں۔

    ان خیالات کا اظہار انہوں نے ملتان میں پریس کانفرنس سے خطاب کرتے ہوئے کیا ،جاوید ہاشمی کا کہنا تھا کہ ضمنی انتخابات کے لئے کاغذات نامزدگی کل جمع کراؤں گا، میں کسی کے بارے میں جھوٹ نہیں بولتا۔

    عمران خان کو ہمیشہ کہا کہ آپ کو استعمال کیا جا رہا ہے، طاہرالقادری بھی استعمال ہو گئے نوجوان کہاں جائیں؟ انہوں نے کہا کہ میں دھرنوں کا حامی نہیں اب بات آگے جا چکی ہے۔

    ان کا کہنا تھا کہ عوام کو بتایا جائے کہ خورشید محمود قصوری کس کے کہنے پر تحریک انصاف میں آئے، پی ٹی آئی کے سابق رہنماء کا کہنا تھا کہ جب تک زندہ ہوں جمہوریت کی حفاظت کروں گا، کسی میں ہمت نہیں کہ میرے سامنے جمہوریت کا مذاق اڑائے۔

    انہوں نے مزید کہا کہ شاہ محمود قریشی کو وائس چیئر مین بنانے کیلئے شیریں مزاری کو نکالا گیا، جولوگ اس نظام کو درست نہیں سمجھتے پہلے وہ اپنے استعفوں پر وضاحت دیں۔

  • پارٹی چھوڑی تو دھرنے پر30 کروڑروپےخرچ ہوچکے تھے، جاویدہاشمی کاانکشاف

    پارٹی چھوڑی تو دھرنے پر30 کروڑروپےخرچ ہوچکے تھے، جاویدہاشمی کاانکشاف

    ملتان :جاوید ہاشمی کا کہنا تھا کہ عمران،قادری ملاقات کنفرم نہیں کرتا،اس بارےمیں بتایاگیا۔

    جاوید ہاشمی نے کہا کہ شجاع پاشا نے خود کہا تھا کہ میری شفقت محمود سے بات ہوئی ہے،کپتان اور طاہر لقادری کی خفیہ ملاقات پاکستان میں بھی ہوئی تھی، اس کو پارٹی کی کور کمیٹی سے بھی چھپایا گیا تھا، عمران خان نے مجھے بتایا تھا کہ میری طاہر القادری سے ملاقات نہیں ہوئی ہے لیکن میرے لندن میں موجود ایک ساتھی نے بتایا کہ یہ ملاقات ہوئی تھی۔

    ان کہنا تھا کہ شاہ محمود قریشی کا احترام کرتا ہوں، انہوں نے مجھے گالیاں دی ہیں لیکن میں ان کو ویسے جواب نہیں دوں گا، الزامات کے بعد بھی ان کی عزت کرتا ہوں،ایک بار جنرل حمید گل نے کہا کہ قریشی ہمارا بچہ ہے۔

    انہوں نے دعویٰ کیا کہ جب تک دھرنے میں موجود تھا اس پر 27کروڑ روپیہ خرچہ کیا جا چکا تھااور اس میں صرف ڈی جے بٹ کا خرچہ ساڑھے 4کروڑ روہے تھا، میرا خیال ہے کہ آج ایک ارب سے زیادہ خرچہ کیا جا چکا ہے، یہ سیلاب متاثرین کو دے کر ان کی کافی مدد کی جا سکتی تھی۔

  • مسلم لیگ میری اپنی پارٹی ہے، جاوید ہاشمی

    مسلم لیگ میری اپنی پارٹی ہے، جاوید ہاشمی

    اسلام آباد: جاوید ہاشمی نے اپنے سیاسی کیرئرکی سب سے بڑی غلطی کا اعتراف کرتے ہوئے کہا کہ مسلم لیگ ان کی اپنی پارٹی ہے۔

    اے آروائی نیوزکے پروگرام ’الیونتھ ہاور‘ میں ایک سوال کے جواب دیتے ہوئے مخدوم جاوید ہاشمی نے کہا کہ میرے سیاسی کیرئرکی سب سے بڑی غلطی ضیا الحق کی آمرانہ کابینہ کا حصہ بننا تھا ، اس کے علاوہ میں نے ایسا کوئی فیصلہ نہیں کیا جس پرپچھتاوا ہو۔

    ان کا کہنا تھا کہ مسلم لیگ کی بد قمسمتی ہے کبھی کوئی آمراس پر تسلط جما لیتا ہے تو کبھی وہ کسی جاگیرداریاسرمایہ دارکی گرفت میں چلی جاتی ہے۔

    انہوں نے یہ بھی کہا کہ انہوں نے اپنے بچوں کو وصیت کری ہے کہ میں تحریک انصاف کا حصہ ہوں لیکن مجھے مسلم لیگ ن کے پرچم میں لپیٹ کردفن کرنا۔

    تحریکِ انصاف میں شمولیت کی وجہ کے متعلق ان کا کہنا تھا کہ میں چاہتا تھا کہ میری زندگی کے جو چند سال بچے ہیں انہوں میں نوجوانوں کی سیاسی تربیت میں صرف کروں لیکن مسلم لیگ ن میں مجھے ایسا کرنے کے مواقع میسرنہیں تھے اسی لئے میں پی ٹی آئی میں شمولیت اختیار کی کہ یہ نوجوان قیادت ہےاورنوجوانوں کی سیاسی تربیت میں اہم کردارادا کرسکے گی۔

    انہوں نے شاہ محمود قریشی کے دورۂ ملتان کے دوران دئیے گئے بیان پرافسوس کا اظہار بھی کیا کہ انہوں اپنے معیار کے مطابق بات کرنی چاہئیے۔

  • عمران نےکہا نئے جج نوازشریف کو فارغ کر دینگے، جاوید ہاشمی

    عمران نےکہا نئے جج نوازشریف کو فارغ کر دینگے، جاوید ہاشمی

    اسلام آباد : مخدوم جاوید ہاشمی کا کہنا ہے کہ عمران خان غیر آئینی طریقے اپنا رہے ہیں، پارلیمنٹ کی حفاظت کیلئے اپنی جان دے دوں گا مگر اس پر حملہ برداشت نہیں کرونگا۔

    میڈیا سے گفتگو کرتے ہوئے مخدوم جاوید ہاشمی کا کہنا تھا کہ عمران خان نے کہا تھا کہ معاملات طے کر لئے ہیں، ستمبر میں نئے الیکشن ہونگے۔ انہوں نے الزام عائد کیا کہ عمران خان نے کہا تھا کہ ہم فوج کے بغیر نہیں چل سکتے، انہوں نے کہا "وہ” کہتے ہیں کہ طاہر القادری کیساتھ چلیں۔

    ان کا کہنا تھا کہ عمران خان نے مجھے پارٹی سے نکالنے کیلئے آئینی طریقہ کار استعمال نہیں کیا، عمران خان اپنی پارٹی کے آئین کو بھی تو پڑھ لیتے، میں کل بھی تحریک انصاف کا صدر تھا اور آج بھی ہوں۔

    مخدوم جاوید ہاشمی کا کہنا تھا کہ عمران خان مرضی کے مالک ہیں، مرضی ہو تو آئین مانتے ہیں، مرضی نہ ہو تو نہیں مانتے، میں آئین کی بالادستی، پارلیمنٹ اور دیگر اداروں کے تقدس کیلئے اپنی جان دے دونگا۔ عمران خان نے سپریم کورٹ کو بدنام کیا، میں عدالت عالیہ کی توہین نہیں کر سکتا۔

    انہوں نے کہا کہ میں کسی کے ساتھ نہیں ہوں،میں کسی صف میں نہیں ہوں اور صرف ان کے ساتھ ہوں جوآئین کی بالادستی کے لئے لڑتے ہیں،عمران خان کا امیج قوم کی نظر میں خراب ہوگیا۔

    انہوں نے الزام عائد کیا کہ عمران خان ایک منصوبے کے تحت اسلام آباد آئے تھے، عمران خان نے کہا تھا کہ سپریم کورٹ نواز شریف اور شہباز شریف کو فارغ کر دے گی۔

  • پارٹی سے ناراض نہیں ہوں، جاوید ہاشمی

    پارٹی سے ناراض نہیں ہوں، جاوید ہاشمی

    ملتان: پاکستان تحریک انصاف کے صدر مخدوم جاوید ہاشمی کا کہنا ہے کہ میں پارٹی سے ناراض نہیں ہوں تمام فیصلے میری مشاورت سے طے پائے۔

    ملتان میں اپنی رہائش گاہ پر میڈیا سے گفتگو کہا کہ مجھے علاج کے لئے چین جانا ہے اس لئے اپنے بچوں سے ملاقات کے لئے ملتان آیا ہوں۔
    ان کا کہنا تھا کہ کچھ صحافی حضرات نے میرے بارے میں غلط قسم کی افواہیں پھیلائیں جس کا مجھے بے حد افسوس ہے۔

    انہوں نے مزید کہا کہ آرمی چیف سے مذاکرات سے متعلق تمام فیصلے میری مشاورت سے طے ہوئے،اور میں رات دو بجے تک عمران خان کے ساتھ تھا، اگر کوئی بات ہوتی تو میں میڈیا کو ضرور آگاہ کرتا اور میں پارٹی سے ہرگز ناراض نہیں ہوں۔

    جاوید ہاشمی کا کہنا تھا کہ ’’اللہ کرے کہ تمام معاملات خوش اسلوبی سے حل ہوں اور کسی قسم کی بدمزگی نہ ہو۔ صحافی حضرات کسی بات کو مذاق کا عنصر نہ بنائیں یہ بہت حساس نوعیت کا معاملہ ہے،ملکی معیشت خطرے میں ہے۔

  • تحریک انصاف کے صدرجاوید ہاشمی دھرنے سے واپس چلے گئے

    تحریک انصاف کے صدرجاوید ہاشمی دھرنے سے واپس چلے گئے

    اسلام آباد: پاکستان تحریک انصاف کے صدرجاوید ہاشمی اسلام آباد کے دھرنے سے اپنے آبائی شہر ملتان پہنچ گئے۔

    مخدوم جاوید ہاشمی نے چودہ اگست سے جاری آزادی مارچ سے خود کو دوسری بار علحیدہ کیا، گزشتہ روز وزیراعظم کی جانب سے آرمی چیف سے ثالث بننے کی درخواست کو سینئر سیاستدانوں نے تنقید کی نظر سے دیکھا تھا۔

    جاوید ہاشمی کا کہنا تھا کہ معاملے آرمی کے پاس لے جانے پر افسوس ہوا، پارٹی ذرائع کا کہنا ہے کہ جاوید ہاشمی کسی ناراضی کے وجہ سے نہیں گئے۔ جاوید ہاشمی قریبی دوست کی والد کے انتقال اور ساتھی کی بیٹی کی شادی میں شرکت کیلئے ملتان گئے ہیں۔

    اس سے قبل بھی جاوید ہاشمی آزادی مارچ تحریک میں اس وقت بھی عمران خان سے ناراض ہوکر تحریک سے الگ ہو کر اپنے گھر چلے گئے تھے، جب چیئرمین تحریک انصاف نے ٹیکنو کریٹس کی حکومت کا مطالبہ کیا تھا۔

    واضح رہے کہ پی ٹی آئی کے صدر جاوید ہاشمی شدید علیل ہونے کی وجہ سے اسپتال میں زیر علاج تھے تاہم گزشتہ روز جب عمران خان تنہا آزادی کنٹینر کی چھت پر کھڑے ہو کر خطاب کر رہے تھے تو جاوید ہاشمی ان کو اکیلا دیکھ کو اسپتال سے ڈاکٹر کے منع کرنے کے باوجود دھرنے میں جا پہنچے اور عمران خان کے ساتھ اسٹیج پر کھڑے ہوگئے تھے، انہوں نے اعلان کیا تھا کہ میں عمران خان کو اکیلا نہیں دیکھ سکتا۔

  • مارشل لاء لگا تو پہلی گولی خود کھائوں گا، جاوید ہاشمی

    مارشل لاء لگا تو پہلی گولی خود کھائوں گا، جاوید ہاشمی

    اسلام آباد : تحریک انصاف کے صدر مخدوم جاوید ہاشمی کا کہنا ہے کہ مارچ کی صورت میں مارشل لا لگا تو سب سے پہلی گولی وہ خود کھائیں گے، جبکہ پیپلز پارٹی کے سینیٹر جہانگیر بدر کہتے ہیں کہ نہتے عوام پر گولیاں چلانا جمہوریت نہیں بادشاہت ہے۔

    ایوان کارکنان تحریک پاکستان کے زیر اہتمام سینئر صحافی مجید نظامی کے تعزیتی ریفرنس سے خطاب کرتے ہوئے تحریک انصاف کے صدر مخدوم جاوید ہاشمی کا کہنا ہے کہ جمہوریت کی جس کشتی سے عوام کا حق نہ ملے اسے ڈوب جانا چاہیے، ملک میں دوبارہ مارشل لاءلگا تو سب سے پہلے گولی خود کھاوں گا۔

    پیپلز پارٹی کے سیکرٹری جنرل سینیٹر جہانگیر بدر نے کہا کہ جب حکمران نہتے عوام پر گولی چلائیں تو اسے جمہوریت نہیں بادشاہت ہی کہیں گے، تعزیتی ریفرنس میں شریک دیگر سیاسی رہنماوں اور دانشور وں نے بھی ملک میں جمہوری اداروں کی مضبوطی اورعوام کو احتجاج کا حق دینے کی حمایت کی ۔