کراچی : جاپان کی کمپنی یاماہا کے سینئرجنرل منیجرسینٹرل ایشیا و مڈل ایسٹ نے دو دریا سے پورٹ قاسم تک فیری سروس شروع کرنے کی تجویز دے دی۔
تفصیلات کے مطابق وزیراعلیٰ سندھ مراد علی شاہ سے جاپانی کمپنی یاماہا کے سینئرجنرل منیجرسینٹرل ایشیا و مڈل ایسٹ کی ملاقات ہوئی، ملاقات میں واٹر اسپورٹس کے مختلف منصوبے شروع کرنےپرتبادلہ خیال کیا گیا۔
وزیراعلیٰ سندھ نے کہا کہ کینجھر، گڈو، سکھر اورکوٹری بیراج پر واٹر اسپورٹس کےمنصوبے شروع کرنا چاہتے ہیں۔
یاماہا کے جنرل منیجر نے دو دریا تا پورٹ قاسم فیری سروس شروع کرنے کی تجویز دی، جس پر مراد علی شاہ کا کہنا تھا کہ یاماہا، سندھ انویسٹمنٹ ڈپارٹمنٹ اور محکمہ سیاحت ایک اجلاس کریں، طے کیا جائے کن مقامات پر واٹر اسپورٹس،فیری سروس منصوبےشروع ہوسکتے ہیں۔
جنرل منیجریاماہا نے کہا کہ اپنی تجاویز لکھ کر سندھ حکومت کو پیش کرینگے تاکہ پیشرفت ہوسکے۔
وزیراعلیٰ سندھ نے مزید کہا کہ سندھ حکومت سیاحت ،تفریحی مقامات کی ترقی کیلئےاقدامات کرنا چاہتی ہے، سندھ میں سیاحت کی ترقی کے بڑے مواقع ہیں جس پرکام کرنےکی ضرورت ہے۔
