Tag: جاپان

ٹوکیو: وفاقی وزیر برائے اقتصادی امور حماد اظہر 3 روزہ دورے پرجاپان پہنچ گئے، دورے کا مقصد دونوں ممالک میں اقتصادی، تجارتی تعلقات کو فروغ دینا ہے۔

تفصیلات کے مطابق وفاقی وزیر برائے اقتصادی امور حماد اظہر 3 روزہ دورے پرجاپان پہنچ گئے۔ وفاقی وزیر نے جاپانی وزیر اعظم کے مشیرِخاص سے ملاقات کی۔ دونوں رہنماؤں نے ملاقات میں دو طرفہ تعلقات بڑھانے پر بات چیت کی۔

وفاقی وزیر برائے اقتصادی امور حماد اظہر کے دورے کا مقصد دونوں ممالک میں اقتصادی،تجارتی تعلقات کو فروغ دینا ہے۔ دورے میں وفاقی وزیر حماد اظہر جاپان میں مقیم پاکستانی کمیونٹی سے بھی ملیں گے۔

پاکستان سرمایہ کاری اور سیاحت کے لیے ایک محفوظ ملک ہے، حماد اظہر

یاد رہے کہ گزشتہ سال اکتوبر میں وفاقی وزیر اقتصادی امور حماد اظہر نے جاپانی سرمایہ کاروں کو پاکستان میں سرمایہ کاری کے بہتر ماحول اور کاروبار کرنے میں آسانی کے مواقع سے فائدہ اٹھانے کی دعوت دی تھی۔

وفاقی وزیر حماد اظہر کا کہنا تھا کہ سلامتی کی بہتر صورت حال کے بعد پاکستان سرمایہ کاری اور سیاحت کے لیے ایک محفوظ ملک ہے۔

اسلام آباد: وزیراعظم عمران خان کا کہنا ہے کہ حکومت نے سرمایہ کاری کے لیے سازگارماحول، فلاحی پالیسی کو ترجیح دی، پاکستان کی 60 فیصد آبادی 30 سال سے کم عمر ہے۔

تفصیلات کے مطابق وزیراعظم عمران خان سے جاپان کے مشیر خارجہ امور نے ملاقات کی۔ ملاقات میں دونوں ممالک کے تعلقات اور خطے کی ترقی پر تبادلہ خیال کیا گیا۔

وزیراعظم عمران خان کی جاپان کے مشیرخارجہ امور سے ملاقات کا اعلامیہ جاری کردیا گیا ہے، جس میں کہا گیا کہ وزیراعظم نے جاپان کے مشیر خارجہ امور کو خطے میں امن کی کوششوں متعلق آگاہ کیا۔

اعلامیہ میں کہا گیا کہ وزیراعظم عمران خان نے ملاقات میں پاک جاپان مختلف شعبہ جات میں تعاون پر زور دیا۔

وزیراعظم عمران خان نے کہا کہ حکومت نے سرمایہ کاری کے لیے سازگارماحول، فلاحی پالیسی کو ترجیح دی، پاکستان کی 60 فیصد آبادی 30 سال سے کم عمر ہے، پاکستانی نوجوانوں کو روزگار کی فراہمی سے دونوں ممالک مستفید ہوں گے۔

اس سے قبل آرمی چیف جنرل قمر جاوید باجوہ سے جاپانی وزیراعظم کے خصوصی مشیر برائے امور خارجہ کی ملاقات ہوئی تھی، ملاقات میں باہمی دلچسپی کے امور اور علاقائی سیکیورٹی کی صورتحال پر بات چیت ہوئی تھی۔