Tag: جاپان

امریکی خاتون اول میلانیا ٹرمپ کو جاپان میں شرمندگی کا سامنا

ٹوکیو : امریکی خاتون اول کوجاپان میں شرمندگی کا سامنا کرنا پڑا وہ خود کو اسٹارسمجھتی رہیں لیکن کوئی اور سپر اسٹار نکلا۔

تفصیلات کے مطابق امریکی خاتون اول میلانیا ٹرمپ ایشیا کے دورے پر ٹرمپ کے ہمراہ ہیں اور جاپان کی سیر کررہی ہیں لیکن ایک ایسا واقعہ پیش آیا جب امریکی خاتون اول کو جاپان میں شرمندگی کا سامنا کرنا پڑا۔

میلانیا کے اسکول کے دوران ایک بچی انتی پر جوش تھی کہ اسے دیکھ کر دوست نے بھی خوش ہونے کی ایکٹنگ کی، ان کی خوشی دیکھ کر میلانیا ٹرمپ خود کو اسٹار سمجھ رہی ہیں لیکن یہ جب دوست نے اشارہ کیا پیچھے دیکھو تو بچی اچھل ہی پڑی۔

وہ بچیاں کورین راک اسٹار کو سامنے دیکھ کردیوانی ہوئی تھیں اور میلانیا شرمندہ ہی کھڑی رہ گئیں اور انکے ارمانوں پرپانی پڑگیا۔

دورہ چین کے دوران میلانیا ٹرمپ بیجنگ ز و کی سیر کو نکلیں، میلانیا ٹرمپ بیجنگ زو پہنچیں تو انکا زبردست استقبا ل کیا گیا، میلانیا ٹرمپ نے زو میں پانڈا کا گھر دیکھا جبکہ خاتون اول نے بچوں کیساتھ تصویریں بنوائیں اور ان میں تحفے بھی بانٹے۔

میلانیا ٹرمپ کو زو انتظامیہ نے تحفہ بھی دیا ۔

اس سے قبل میلانیا ٹرمپ نے جاپانی خاتون اول اکی آبے کے ہمراہ ٹوکیو میں ایلمنٹری اسکول کا دورہ کیا، جہاں وہ بچوں کے ساتھ گھل مل گئیں، بچوں نے مہمانوں کی آمد پر نغمے بھی گائے۔

میلانیا ٹرمپ نے جاپانی خاتون اول کے ساتھ بیٹھ کر جاپانی زبان میں امن کا لفظ لکھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 10, 2017
جاپان کا خوبصورت ہرن بے رحم انتظامیہ کے شکنجے میں

مغربی جاپان میں سیاحوں کا پسندیدہ ہرن اس وقت مقامی انتظامیہ کی زد میں ہے جس نے ان ہرنوں کو پکڑنے کے لیے جگہ جگہ آہنی شکنجے نصب کردیے ہیں۔

مقامی انتظامیہ کا کہنا ہے کہ اگر یہ ہرن اپنے مخصوص مقامات کے علاوہ کہیں اور دکھائی دیے تو انہیں پکڑ لیا جائے گا۔

جاپان کے شہر نارا سے منسوب نارا ہرن اپنی معصومیت، نرم دلی اور انسانوں کو جھک کر تعظیم دینے کی انوکھی عادت کی وجہ سے سیاحوں اور مقامی افراد کے محبوب ترین جانور کی حیثیت رکھتے ہیں۔

سنہ 1957 میں جاپانی حکومت نے قدرتی ورثہ قرار دے کر انہیں حفاظتی درجہ دیا تھا اور ان کے شکار پر پابندی عائد کردی تھی۔

اس کے بعد اس ہرن کی نسل میں اضافے کے لیے خصوصی اقدامات اٹھائے گئے جس کے بعد نارا کے علاقے میں ان ہرنوں کی بہتات ہوگئی۔

اب یہ ہرن انسانی آبادی میں گھس آتے ہیں اور فصلوں اور درختوں کو نقصان پہنچاتے ہیں۔ حکام کے مطابق گزشتہ برس ان ہرنوں نے مقامی زراعت کو 5.4 کروڑ ڈالرز کا نقصان پہنچایا۔

علاوہ ازیں یہ ہرن جارح مزاج بھی ہوتے جارہے ہیں اور گزشتہ برس انہوں نے 121 سیاحوں کو زخمی بھی کیا۔

اس مسئلے کے حل کے لیے مقامی انتظامیہ نے اب اقدامات کرنے کا فیصلہ کیا ہے۔ حکام نے ہرنوں کے لیے مخصوص جگہ پر باڑھ لگانے کا فیصلہ کرتے ہوئے اعلان کیا ہے کہ اس باڑھ سے باہر جو ہرن پایا جائے گا اسے پکڑ لیا جائے گا۔

اتنظامیہ کے فیصلے کے بعد انہیں مقامی افراد کی جانب سے ہزاروں فون کالز موصول ہوئیں جو ان کے اس فیصلے پر سراپا احتجاج تھے۔

مقامی حکومت نے واضح نہیں کیا کہ وہ پکڑے جانے والے ہرنوں کا کیا کریں گے، تاہم کہا جارہا ہے کہ ان ہرنوں کو ہلاک کر دیا جائے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 10, 2017
پاکستانی رکشے اب جاپان میں بھی چلیں گے

جاپان یوں تو اپنی صنعتی ترقی کی وجہ سے سب سے آگے ہے تاہم اب اسے آٹو موبائلز کی صنعت میں پاکستان کی مدد کی ضرورت پڑ گئی اور جاپان نے ایک منفرد شے پاکستان سے درآمد کرنے کا فیصلہ کرلیا ہے۔

یہ شے کچھ اور نہیں بلکہ پاکستان کے 3 پہیوں والے سی این جی رکشے ہیں جو اب جاپان کی سڑکوں پر بھی دوڑتے نظر آئیں گے۔

گو کہ آٹو موبائلز کی صنعت میں جاپان نے بے شمار گاڑیاں متعارف کروائی ہیں تاہم اب وہ سفری سہولیات کے کم قیمت ذرائع کی طرف توجہ دے رہا ہے اور اس کے لیے اس کی نظر انتخاب پاکستانی رکشاؤں پر ٹہری ہے۔

پاکستان سے جاپان کو رکشے درآمد کر کے دینے والی انجینئرنگ کمپنی کا کہنا ہے کہ پاکستانی رکشوں اور ٹرکوں پر گہرے رنگوں سے بنائے گئے خوبصورت نقش و نگار ہمیشہ سے دنیا بھر کو متاثر کرتے رہے ہیں اور یہی وجہ ہے کہ ٹرک آرٹ بھی پوری دنیا میں بے حد مقبول ہے۔

مزید پڑھیں: معروف فیشن برانڈ پاکستانی ٹرک آرٹ سے متاثر

یاد رہے کہ جاپان کو پاکستانی رکشوں کی برآمد پاکستانی معیشت کے لیے ایک اہم سنگ میل ثابت ہوگی کیونکہ پاکستان میں مقامی طور پر تیار کردہ موٹر وہیکلز پہلی بار پاکستان سے باہر بھجوائی جارہی ہے۔

اس درآمد سے پاکستان اور جاپان دونوں کی معیشت کو بے انتہا فائدہ پہنچے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 3, 2017
جاپان میں فلیٹ سے9 افراد کی لاشیں اوراعضاء برآمد

ٹوکیو: جاپان کے دارالحکومت ٹوکیو میں پولیس نے ایک شخص کو گرفتار کرکے فلیٹ سے 9 افراد کی لاشیں اوراعضاء برآمد کرلیے۔

تفصیلات کے مطابق جاپانی پولیس نے 23 سالہ گمشدہ لڑکی کی تلاش کے سلسلے میں ٹوکیو میں فلیٹ پر چھاپا مارا جہاں سے 9 افراد کی لاشیں اور اعضاء ملے جن میں سے 8 خواتین اور ایک مرد کی لاش ہے۔

پولیس نے فلیٹ سے 27 سالہ شخص کو گرفتار کرکے واقعے کی تفتیش شروع کردی ہے جبکہ ملزم نے اعتراف کیا کہ اس نے 9 افراد کا قتل کرکے ان کی لاشوں کو چھپا دیا۔

خیال رہے کہ پولیس کو اس واقعے کا پتہ اس وقت چلا جب وہ 23 سالہ خاتون کی تلاش کررہے تھے جو 21 اکتوبر سے لاپتہ تھیں۔

پولیس حکام کو تفتیش کے دوران پتہ چلا کہ جب سے لاپتہ خاتون نے انٹرنیٹ پراپنی خودکشی کے ارادے کے بارے میں لکھا تھا تب سے ملزم ان کے ساتھ رابطے میں تھا۔

واضح رہے کہ ملزم کے ایک پڑوسی نے بتایا کہ رواں سال اگست میں جب سے 27 سالہ شخص فلیٹ میں آئے تھے تو انہیں عجیب سی بو آنے لگے تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 31, 2017
پولیس نے آٹھ سال بعد ’ننجا ‘ نامی چھلاوہ پکڑلیا

ٹوکیو: جاپانی پولیس کی کئی سالوں کی محنت رنگ لے آئی اور بالاآخر پولیس نے آٹھ سال کی جدوجہد کے بعد چوریاں کرنے والے شخص کو گرفتار کرلیا۔

تفصیلات کے مطابق جاپان میں ننجا کے نام سے جانے والے چور کو پولیس آٹھ سال کی کوششوں کے بعد گرفتار کرنے میں کامیاب ہوگئی تاہم انہیں یہ جان کر حیرانی ہوئی کہ اس کی عمر 74 سال ہے۔

ننجا کا بھیس بدل کر آٹھ سال سے چوریاں کرنے والےاس شخص نے پولیس کو بھی چکرا کررکھ دیا تھا۔ پولیس کا ماننا تھا کہ یہ چوریاں کوئی نوجوان شخص کررہا ہے۔

جاپانی پولیس کا کہنا ہے کہ رواں سال جولائی میں پولیس کو پہلی کامیابی اس وقت ملی جب اس شخص کو سیکورٹی کیمرے میں ڈھکے چہرے کے ساتھ دیکھا گیا جس کے بعد سے اس کی گرفتاری کے لیے کوششیں تیزکردی گئی تھیں۔

پولیس کا کہنا ہے کہ گرفتار چور اب تک 250 چوریاں کرچکا ہے جن کی مالیت 2 لاکھ 60 ہزار ڈالر ہے۔ پولیس نے مزید بتایا کہ یہ شخص رات میں وارداتیں کرتا تھا۔

گرفتاری کے بعد اس شخص نے کہا کہ اگر میں جوان ہوتا تو پکڑا نہ جاتا، چوریاں کرنا چھوڑ رہا ہوں کیونکہ میں اب بوڑھا ہوگیا ہوں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 26, 2017
جاپان میں قبل ازوقت انتخابات کےلیے پولنگ جاری

ٹوکیو: جاپان میں شمالی کوریا کی جانب سے بڑھتے ہوئے خطرات کے پیش نظر قبل ازوقت انتخابات کے لیے لیے آج ووٹ ڈالے جا رہے ہیں۔

تفصیلات کے مطابق جاپان میں قبل ازوقت انتخابات کے لیے لیے آج ووٹ ڈالے جا رہے ہیں جبکہ مقامی وقت کے مطابق پولنگ کا آج صبح سات بجے سے رات آٹھ بجے تک جاری رہے گی۔

جاپان میں قبل ازوقت انتخابات کا فیصلہ وزیراعظم شنزو آبے نے ملک کے سیکورٹی نظام کو مضبوط بنانے کے لیے کیا تھا۔

شنزوآبے کو امید ہے کہ ان کی جماعت انتخابات میں دو تہائی اکثریت حاصل کرکے آئینی اصلاحات کرنے میں کامیاب ہوجائے گی جس کے بعد وہ جاپان کی دفاعی فورسزکو تبدیل کرکے قومی فوج بنائیں گے، ایسا دوسری جنگ عظیم کے بعد پہلی مرتبہ کیا جائے گا۔

خیال رہے کہ گزشتہ ماہ 25 ستمبر کو شنزوآبے نے انتخابات کا اعلان کرتے ہوئے کہا تھا کہ جاپان کو درپیش قومی بحران کے باعث انہیں نئے مینڈیٹ کی ضرورت ہے۔

یاد رہے کہ وزیراعظم شنزو آبے نے 28 ستمبر کو پارلیمنٹ تحلیل کرنے کے بعد ارکین پارلیمنٹ سے خطاب کرتے ہوئے کہا تھا کہ سخت مقابلہ ہوگا لیکن ہم جاپان کی حفاظت کرنا چاہتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 22, 2017
میؤنگ ٹرین میں بلیوں کے ساتھ سفر کرنا چاہیں گے؟

جانوروں اور خصوصاً بلیوں سے محبت کرنے والے افراد کو دوران سفر بھی جانوروں کو ساتھ رکھنا بے حد پسند ہوتا ہے۔ ایسے ہی لوگوں کے لیے جاپان میں ایک ٹرین میں بلیوں کے لیے کیٹ کیفے بنایا گیا ہے۔

جاپانی شہر اوگاکی میں اندرون شہر سفر کرنے والی اس منفرد ٹرین کا نام میؤنگ ٹرین رکھا گیا ہے۔ پوری ٹرین میں مختلف رنگ و جسامت کی بلیاں آزادنہ گھوم پھر سکتی ہیں جن کی تعداد تقریباً 30 ہے۔

خاص بات یہ ہے کہ یہ تمام بلیاں گلیوں میں پھرنے والی آوارہ بلیاں ہیں اور جانوروں کی ایک فلاحی تنظیم نے حفاظت اور دیکھ بھال کی غرض سے ان کے لیے ٹرین میں کیٹ کیفے قائم کیا ہے۔

سفر کے دوران مسافر ان بلیوں سے کھیل سکتے ہیں، انہیں گود میں اٹھا کر پیار بھی کرسکتے ہیں کیونکہ یہ بہت صاف ستھری حالت میں ہیں، علاوہ ازیں انہیں ان کی پسندیدہ چیزیں بھی کھلا سکتے ہیں۔

اس کیٹ کیفے کو قائم کرنے کا اصل مقصد عوام میں جانوروں سے محبت کا شعور اجاگر کرنا ہے۔ کئی مسافر صرف کیٹ کیفے کو دیکھنے کے لیے ہی اس ٹرین میں سفر کرنے لگے ہیں۔

کیا آپ اس ٹرین میں بلیوں کے ساتھ ایک خوشگوار سفر کرنا چاہیں گے؟

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 3, 2017
نہ پگھلنے والی آئس کریم تیار

اگر آپ آئس کریم کھانے کے شوقین ہیں تو یقیناً آئس کریم کے پگھلنے سے نہایت الجھن میں مبتلا ہوتے ہوں گے جو کھانے کے دوران ہی ہاتھوں اور کپڑوں پر گر کر انہیں خراب کردیتی ہے۔

لیکن اب خوش ہوجائیں، کیونکہ جاپان میں نہ پگھلنے والی آئس کریم تیار کرلی گئی ہے۔

آئس کریم کو برقرار رکھنے والا جز دراصل اتفاقیہ طور پر ایک جاپانی شیف کے ہاتھوں دریافت ہوا۔

جاپانی میڈیا کے مطابق سنہ 2011 میں جب تباہ کن سونامی نے مختلف علاقوں کو اپنا نشانہ بنایا تو وہاں اگنے والی غذائی اشیا بھی اس سے متاثر ہوئیں۔ انہی میں سے ایک اسٹرابیری بھی تھی جو سونامی کے بعد نہایت ہی بدہیئت شکل میں اگنے لگی تھی جسے لوگ خریدنے سے انکار کردیتے۔

مذکورہ جاپانی شیف کو ایسی ہی بدہیئت اسٹرابیریز کے ایک ڈھیر کا استعمال ڈھونڈنے اور انہیں ٹھکانے لگانے کا کام سونپا گیا۔

مزید پڑھیں: امریکی عوام کا بدصورت پھل کھانے سے گریز

جب اس شیف نے ان اسٹرابیریز کو آئس کریم میں شامل کیا تو اس نے دیکھا کہ ان سے بننے والی کریم کافی دیر تک برقرار رہنے کے قابل تھی۔

معاملہ سوشل میڈیا پر پھیلا اور اس پر مزید تحقیق کی گئی تو علم ہوا کہ اسٹرابیریز میں شامل پولی فینول مادہ آئس کریم کو پگھلنے سے روکتا ہے۔

تحقیق میں علم ہوا کہ آئس کریم اس وقت پگھلتی ہے جب فریزر سے نکالتے ہی اس میں شامل پانی اور چکنائی کے اجزا علیحدہ ہونا شروع ہوجاتے ہیں۔ تاہم اسٹرابیریز کی پولی فینول ان دونوں اشیا کو جوڑ کر رکھتی ہے۔

اس جز کو آئس کریم میں شامل کرنے کے بعد یہ آئس کریم نہ صرف گرم موسم میں بھی بغیر پگھلے برقرار رہ سکتی ہے بلکہ ٹھنڈی بھی رہے گی جو گرمی میں فرحت کا احساس دلائے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اگست 8, 2017
رنگین جگمگاتے مچھلی گھروں میں سنہری مچھلیوں کی نمائش

ٹوکیو: آپ نے آرٹ کی بے شمار نمائشیں دیکھی ہوں گی جن میں مختلف تصاویر، مجسموں یا ایسی اشیا کی نمائش کی جاتی ہے جنہیں رنگوں کی مدد سے کسی فن پارے میں تبدیل کردیا گیا ہو۔

تاہم ایک جاپانی فنکار نے نہایت ہی منفرد خیال کے ساتھ ایسی نمائش منعقد کر ڈالی جس میں رنگین جگمگاتے مچھلی گھروں میں سنہری مچھلیوں کو پیش کیا گیا۔

آرٹ ایکوریم نامی اس نمائش میں فنکار نے 5 ہزار گولڈ فش اور سی ہارس فش سمیت 3 ہزار دیگر آبی جانداروں کو نمائش کے لیے رکھا۔

جن ایکوریمز میں انہیں رکھا گیا انہیں رنگ برنگی ایل ای ڈی لائٹس کے ذریعے نہایت خوبصورت بنا دیا گیا۔

ان جگمگاتی روشنیوں کی بدولت پانی اور بلبلے بھی اسی رنگ میں رنگے دکھائی دینے لگے اور یہ نمائش آرٹ کی ایک منفرد ترین نمائش کی حیثیت اختیار کر گئی۔

جاپانی فنکار کا کہنا تھا کہ وہ اپنی فنکارانہ صلاحیت کا اظہار کسی جیتی جاگتی شے کے ذریعے کرنا چاہتا تھا اور اس مقصد کے لیے اسے بے جان اشیا کا استعمال سخت ناپسند ہے۔

وہ اس سے قبل بھی اس قسم کی نمائشوں کا انعقاد کر چکا ہے تاہم یہ نمائش سب سے بڑی تھی جن میں ہزاروں فن پارے رکھے گئے جو رنگین مچھلی گھر تھے۔

یہ نمائش ٹوکیو میں 2 ماہ تک جاری رہے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 11, 2017
چین میں رنگوں و روشنیوں بھری ڈیجیٹل نمائش

بیجنگ: جاپانی ڈیجیٹل آرٹ کے ذریعے جنگل اور آبشاروں کی چین میں نمائش کی گئی جس نے شرکا کو اپنے سحر میں جکڑ لیا۔

جاپان میں تیار کیے جانے والے منفرد ڈیجیٹل آرٹ کے نمونوں نے چینیوں کو دنگ کردیا۔ پل بھر میں رنگ، ڈیزائن اور انداز بدلتے یہ نمونے نہایت خوبصورت دکھائی دیے۔

لیونگ ڈیجیٹل اسپیس اینڈ فیوچر پارک نامی یہ نمائش بیجنگ میں منعقد کی جارہی ہے۔

نمائش میں ڈیجیٹل گارڈن، جنگل، پھولوں اور کرسٹل یونیورس کو پیش کیا گیا۔

سائنس اور آرٹ کے امتزاج کی اس انوکھی نمائش میں شرکا اپنے ارد گرد روشنیوں کو اپنے موبائل سے کنٹرول بھی کر سکتے ہیں۔

نمائش میں آنے والے بچوں کے لیے اسکیچ ٹاؤن اور ڈیجیٹل پلے گراؤنڈ کا بھی اہتمام کیا گیا جہاں بچوں نے اپنی ڈرائنگ کو تھری ڈی میں تبدیل ہوتے دیکھا۔

رنگوں اور روشنیوں کی یہ نمائش 10 اکتوبر تک جاری رہے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 24, 2017