Tag: جاپان
-
ٹوکیو:جاپان میں خوش قسمت بننے کے لیے انوکھی روایتی دوڑ
جاپان میں خوش قسمت بننے کے لیے انوکھی روایتی دوڑ ہوئی، ہزاروں افراد نے خوش قسمت انسان کا ٹائیٹل حاصل کرنے کے لئے دوڑ لگا دی۔
جاپان میں سال کے خوش قسمت انسان کا ٹائیٹل حاصل کرنے کے لئے دوڑ کا انعقاد ایک مندر میں کیا گیا، ڈرم کی تھاپ پر دیوہیکل دروازے کو پچھاڑتے ہوئے بے ہنگم دوڑ کی ابتدا ہوئی۔
دوڑ میں شریک افراد نے کسی کی پرواہ کیے بغیر گرنے والوں کو روندتے ہوئے دوڑ جاری رکھی، دوڑ کے آخر میں انیس سالہ سیکی کیوڈا نے خوش قسمت انسان کا ٹائیٹل اپنے نام کرلیا۔
دوڑ کے فاتح کو مذہبی پیشوا کی جانب سے مبارکباد اور روایتی کھانوں کے بیرل سے نوازا گیا۔
-
ٹوکیو: مٹسوبشی پلانٹ میں دھماکہ 5افراد ہلاک
جاپان میں مٹسوبشی کے پلانٹ میں دھماکے کے نتیجے میں پانچ افراد ہلاک سترہ زخمی ہوگئے۔
جاپان کے شہر یوکیچی میں واقع مٹسوبشی میں دھماکہ فیکٹری بند ہونے کے وقت ہوا، دھماکے کے نتیجے میں آگ بھڑک اٹھی، جس نے دیکھتے ہی دیکھتے شدت اختیار کرلی۔
فائر بریگیڈ کی گاڑیوں نے فوری طور پر کاروائی کرتے ہوئے آگ پر قابو پالیا، ابتدائی تحقیقات کے مطابق خیال کیا جارہا ہے کہ کام ختم ہونے کے بعد کیمیکل پلانٹ کی صفائی کے دوران دھماکہ ہوا۔
-
وزیراعظم نواز شریف کی جاپان کے سفیرسے ملاقات
وزیراعظم نواز شریف نے کہا ہے کہ جاپان پاکستان کا قابل اعتماد شراکت دار ہے جس نے مختلف شعبوں میں پاکستان کی مدد کی۔
وزیراعظم نواز شریف سے پاکستان میں جاپان کے سفیرنے ملاقات کی، وزیرا عظم نے جاپانی سفیر کوبتایا حکومت پائیدار اقتصادی ترقی پر توجہ مر کوز کر رہی جس سے عام آدمی کے میعار زندگی پر مثبت اثرات مرتب ہوں گے۔
وزیراعظم کاکہناتھا حکومت تجارت، سرمایہ کاری سمیت مختلف شعبوں میں جاپان اور دیگر دوست ممالک کے ساتھ تعاون کی خواہش مند ہے۔
