Tag: جاپان

ریسٹورنٹ کے مالک نے انوکھا بدلہ لیتے ہوئے دو گاہکوں سروں پر انعام رکھ دیا ہے جنھوں نے اپنے ریویو میں اسکے ریسٹورنٹ کی برائی کی تھی۔

جاپان میں واقع ایک ریسورنٹ جو رامین (نوڈلز) فروخت کرتا ہے، اس کے مالک نے دو مرد گاہکوں کے سروں پر انعام رکھ دیا ہے اعلی درجے کے حامل رامین ریستورنٹ ’تویوجیرو‘ کے مالک نے دونوں گاہگوں کیخلاف اعلان جنگ کیا اور ان پر انعام مقرر کیا۔

انسٹاگرام پر ریسٹورنٹ کے مالک نے دونوں اشخاص کو دھمکی دی جنھوں نے کھانے کے بعد ون اسٹار ریویو چھوڑا، یہ بات ریسٹورنٹ مالک کو بلکل ہضم نہیں ہوئی،

ریسٹورنٹ مالک نے کھانے کا برا ریویو کرنے والےدوںوں گاہگوں کی شناخت اور انھیں ٹریک کرنے والوں کیلئے نقد انعام کا اعلان کیا، ملی نےساتھ ان کی تصویر بھی پوسٹ کی ہے۔

پوسٹ میں برہمی کا اظہار کرتے ہوئے مالک نے کہا کہ میں نے آپ کا ریویو دیکھا۔ ہم آپ جیسے لوگوں کو گاہک نہیں سمجھتے، اب باہر کھانا کھانے سے آپ لوگ پرہیز کریں؟

ریسٹورنٹ ملک نے مزید کہا کہ کسی دن آپ جیسا کوئی مارا جائے گا اور مجھے اس کی پرواہ نہیں ہے۔ بس براہ راست آؤ میرے سامنے، میں تم دونوں کو دیکھ لوں گا۔

جو کھانے کا برا ریویو دینے والے اشخاص کا پتہ لگائے گا، ریسٹورنٹ ان گاہگوں کو ٹریک کرنے والے شخص کو 100,000 یوان ($662) فی گاہک انعام دے گا ۔

ریسٹورنٹ نے کہا کہ تلاش جاری رہے گی جب تک کہ دونوں گاہگ ریسٹورنٹ دوبارہ نہیں آئیں گے اور مثبت ریویو دیں گے۔

مالک نے کہا کہ گاہگ بچنے کیلئے صرف یہ کر سکتے ہیں کہ وہ واپس آئیں، دوبارہ کھائیں اور تصویر کے ساتھ ایک اچھا ریویو دیں۔ اس وقت تک میں انہیں معاف نہیں کروں گا۔ وہ مارے جائیں گے۔

تاہم مالک نے سوشل میڈیا صارفین کی بہت زیادہ تنقید کے بعد آخرکار اپنے غصے پر معافی مانگ لی ہے، سوشل میڈیا صارفین نے مالک کی اس قدر سخت پوسٹس پر شدید ناراضی کا اظہار کیا۔

جاپان میں ملازمت کے خواہشمند غیر ملکیوں کے لیے بڑی خوشخبری ہے کہ ریلوے سیکٹر میں انہیں نوکریاں حاصل کرنے کا نادر موقع مل رہا ہے۔

غیر ملکی میڈیا کے مطابق جاپان میں ریلوے کی صنعت کو فروغ دینے کے لیے مزدوروں کی کمی دور کرنے اور غیر ملکی کارکنوں کیلیے تربیتی پروگرام شروع کرنے کی منصوبہ بندی کی گئی ہے۔

رپورٹ کے مطابق ایسٹ جاپان ریلوے کمپنی (جے آر ایسٹ) اس صنعت کی ترقی کے لیے ایک تربیتی پروگرام شروع کر رہی ہے جس میں دیگر غیر ملکی ریلوے کمپنیوں سے تربیت حاصل کرنے والے افراد کو بھی شامل کیا جا سکتا ہے۔

جے آر ایسٹ اپریل سے شروع ہونے والے مالی سال میں یہ پروگرام شروع کرنے کا ارادہ رکھتی ہے۔ یہ ریلوے کمپنی ٹرین کے ڈبوں اور پٹریوں کی دیکھ بھال پر توجہ مرکوز کرے گی اور کمپنی کو ہر سال بیرونی ممالک کے تقریباً 100 کارکنوں کو تربیت فراہم کرنے کی امید ہے۔

کمپنی نے رواں ماہ انڈونیشیا اور ویتنام سے 25 زیر تربیت کارکنوں کو قبول کیا ہے۔ اگر وہ کامیابی کے ساتھ تربیت مکمل کرنے اور رہائشی ویزا حاصل کرنے میں کامیاب ہوتے ہیں تو جے آر ایسٹ موسم گرما سے اُنہیں ملازمتوں کی پیشکش بھی کر دے گی۔

کمپنی کے صدر اور سی ای او ’’کی سے یواچی‘‘ کے مطابق اس تربیتی پروگرام سے تمام شعبے میں آپریشنز کو برقرار رکھنے اور ترقی دینے میں مدد ملے گی۔

حکومت کی زلزلہ تحقیقاتی کمیٹی کا کہنا ہے کہ جاپان میں آئندہ 30 سال کے دوران میگاکوئیک یعنی ’بہت شدید زلزلہ‘ آنے کے امکانات کافی زیادہ ہیں۔

تحقیق کے بعد نتیجہ اخذ کیا گیا ہے کہ مستقبل میں میگاکوئیک کے امکانات 80 فیصد سے تجاوز کر چکے ہیں، یہ وہ زلزلہ ہوتا ہے جس کی شدت آٹھ یا اس سے زیادہ ہو۔ اس طرح کا زلزلہ انتہائی تباہ کن طاقت رکھتا ہے جبکہ اس زلزلے کے باعث سونامی پیدا ہونے کے کافی امکانات ہوتے ہیں۔

جاپان کے بحرالکاہل کے ساحل کے قریب نانکائی کھائی کے علاقے میں میگا زلزلے کا سب سے زیادہ امکان ہے، یہ 800 کلومیٹر طویل کھائی ہے جو سمندر کے اندر ہے۔

ٹوکیو یونیورسٹی کے سابق پروفیسر اور ایکسپرٹ کمیٹی کے سربراہ ناؤشی ہیراٹا نے ایک پریس کانفرنس میں کہا کہ ہم لوگوں سے درخواست کرتے ہیں کہ وہ تیار رہیں یہ امکانات اس بات کا اشارہ ہے کہ کسی بھی وقت زلزلہ آنا حیرت کی بات نہیں ہوگی۔

کمیٹی نے بتایا کہ اس علاقے میں اب 80 فیصد سے زیادہ امکان ہے کہ ایسا زلزلہ آئے جبک پہلے یہ تخمینہ 70 سے 80 فیصد کے درمیان تھا۔زلزلہ تحقیقاتی مرکز ہر سال یکم جنوری کے ڈیٹا کی بنیاد پر جاپان کے ارد گرد فعال فالٹ لائنوں اور سمندری علاقوں میں زلزلوں کے امکانات کا تخمینہ اپ ڈیٹ کرتا ہے۔

یہ بھی معلوم ہوا کہ جاپان کھائی اور چیشیما کھائی میں میگا زلزلے کے امکانات بڑھ گئے ہیں، جبکہ توکاچی کے ساحل سے 8.6 شدت کے زلزلے کا 20 فیصد امکان موجود ہے۔

دو ٹیکٹونک پلیٹوں کی حرکت کے سبب ممکنہ زلزلہ آسکتا ہے، فلپائن سی پلیٹ آہستہ آہستہ اس براعظمی پلیٹ کے نیچے سرک رہی ہے جس پر جاپان واقع ہے۔

جب یہ پلیٹیں حرکت کرتی ہیں تو ایک دوسرے سے جڑ جاتی ہیں اور وقت کے ساتھ ساتھ توانائی جمع ہوتی رہتی ہے۔ جب یہ پلیٹیں اپنی جگہ سے آزاد ہوتی ہیں تو یہ توانائی اچانک خارج ہوتی ہے جو میگا زلزلے کا سبب بن سکتی ہے۔

پچھلے 14 سو سال میں ہر 100 سے 200 سال کے دوران نانکائی ٹروف میں میگا زلزلے آئے، جن میں حالیہ زلزلہ 1946 میں ریکارڈ کیا گیا تھا۔

گزشتہ سال اگست میں جاپان میٹرولوجیکل ایسوسی ایشن نے 2011 کے توہوکو زلزلے اور سونامی کے بعد پہلی بار میگا زلزلے کا انتباہ جاری کیا اور نانکائی ٹروف میں بڑے زلزلے کے بڑھتے ہوئے امکان کے بارے میں خبردار کیا۔