ہندی فلم انڈسٹری کی مشہور زمانہ فلم ’جب وی میٹ’ کے ہدایت کار امیتاز علی نے کرینہ کپور خان اور شاہد کپور سے متعلق حیرت انگیز انکشاف کردیا۔
ایک انٹرویو کے دوران انھوں نے بتایا کہ کسی نے انھیں مشورہ دیا تھا کہ فلم ’جب وی میٹ’ کیلئے شاہد اور کرینہ کو کاسٹ نہ کریں۔ مجھے کہا گیا کہ ان سے بہتر اداکار انڈسٹری میں موجود ہیں انھیں کاسٹ کیا جائے۔
امتیاز علی نے کہا کہ کوئی بھی فلم اس وقت کام کرتی ہے جب آپ اس اداکار کے ساتھ کام کرتے ہیں جو اس کردار کیلئے بہترین ہو اور یہی میں نے محسوس کیا۔
فلم میں بڑے اسٹار کو کاسٹ کرنے کے حوالے سے پوچھے گئے سوال پر ڈائریکٹر امتیاز علی نے کہا کہ خوش قسمتی سے مجھے کامیاب اسٹارز کے ساتھ کام کرنے کے مختلف مواقع ملے ہیں۔ اس وقت شاہد کپور اور کرینہ کی کارکردگی اچھی نہیں تھی مگر انھوں نے فلم میں بہت اچھا کام کیا۔
انھوں نے کہا کہ بطور فلمساز مجھے اپنی فلم کو اسٹاک ایکسچینج کی مارکیٹ کی طرح نہیں دیکھنا چاہیے بلکہ اداکار کو ٹیلنٹ کے حساب سے اور اس خاص انداز سے دیکھنا چاہیے جو آپ اسکرین پر پیش کرنا چاہتے ہیں۔
تاہم فلم کے ہدایت کار نے یہ بھی کہا کہ اس بات سے بھی انکار نہیں کہ یہ فلم دونوں فنکاروں کیلئے خوش قسمت ثابت ہوئی اور اس جوڑی کو فلم بینوں کی جانب سے خوب پذیرائی ملی۔
